Etiketë: Malda Susuri

Malda Susuri dhe Rudina Voca me ekspozitë në Prizren

Posted on by KultPlus


Këngëtarja Malda Susuri dhe kuratorja Rudina Voca do të mbajnë një ekspozitë në Prizren që për qëllim ka nxitjen e debatit për objektifikimin e grave pavrësisht identiteteve të tyre.

Për këtë inciativë ka shkruar edhe ish-presidentja e Kosovës, Atifete Jahjaga, e cila e ka vlerësuar lartë këtë ekspozitë.

“Një iniciativë shumë e mirë e artistes Malda Susuri dhe kuratores Rudina Voca që synon të hapë debatin mbi objektifikimin e grave që jetojnë në Kosovë pa dallim moshe, etniciteti, statusi, besimi apo orientimi seksual. Shpresoj të shihemi në ekspozitën “Molla”, ka shkruar Jahjaga në Facebook. / KultPlus.com

Magjia e Malda Susurit (VIDEO)

Posted on by KultPlus

E kemi zakon të kujtojmë këngëtarë të cilët me këngët e tyre e kanë pasuruar bagazhin muzikor modern në Kosovë.

Plot këngë dëgjohen edhe sot e janë krijuar para plot vitesh, duke të dhënë ndjenjën se janë të reja dhe të freskëta.

Njëjtë është edhe me këngët e Malda Susurit. Edhepse Malda ka kohë që nuk ka sjellë ndonjë projekt të ri muzikor, ato këngë të cilat ajo i ka krijuar ndër vite kanë hijeshinë dhe veçantinë e tyre.

Para ndoshta dhjetë vitesh Malda realizoi këngën “Vetëm shko”. Kjo mbetet ndër këngët më të mira të Maldës, me një videoklip nostalgjik që është krejt relevant edhe për ditët e sotme. Nuk ka dyshim që zëri i Maldës mbahet mend gjatë.

Një këngë tjetër që kujtohet prej Maldës është ‘Larg Vetes’, me tekst dhe muzikë të Vullnet Ibraimit. Malda e solli në mënyrën më të mirë, sidomos tekstin i cili është thellë dhe tregon se gjithmonë njeriu kthehet tek vetja, për reflektim në kokën e tij.

Dhe kënga legjendare e Maldës, me të cilën ajo edhe fitoi çmime muzikore, mbetet “Dashuri e hidhur” e realizuar para shumë vitesh dhe pjesëmarrëse në TOP FEST në Shqipëri. Me këto tri këngë vendosëm sot si KultPlus ta kujtojmë Maldën, një zë dhe paraqitje që i mungon muzikës. / KultPlus.com