“City on a Hill” është një prej serialeve më të shikuar në Shtetet e Bashkuara të Amerikës.

Në rolin kryesor shfaqet aktori, Kevin Bacon, gjersa producent ekzekutiv janë Ben Affleck dhe Matt Damon.

Në një prej episodeve të serialit do të shfaqet edhe aktorit shqiptare, Marko Caka, i cili është parë në shumë filma artistik amerikan.

Ai me këtë rast ka pohuar se ishte një kënaqësi të punosh në krah të aktorit të lartcekur dhe ka dhënë disa detaje.

“Një nga eksperiencat më të veçanta në sheshxhirim duke luajtur pranë yllit Kevin Bacon në serialin e ri të “City on a hill “. Mos e humbisni nga episodi 9 në Showtime në skenat e investigimit si asistent pranë shefit të FBI-se Jacky Rohr(Kevin Bacon) në vitin e largët 1992”, ka shkruar shkodrani në llogarinë personale në Facebook.

Ndryshe, seriali bënë fjalë për një asistent avokat formon një aleancë të pamundur me një veteran të korruptuar ende të nderuar të FBI-së gjersa e gjithë ngjarja zhvillohet në Boston. /Telegrafi/ KultPlus.com

Aktori shqiptar Marko Caka, është i njohur për sukseset e tij në kinematografinë ndërkombëtare, shkruan KultPlus.

Ai është mjaft i njohur edhe nga personazhe të ndryshme në New York, teksa gëzon një respekt të madh prej tyre. Caka është bërë pjesë e filmave të shumtë në Hollivud dhe vazhdon të xhirojë me aktorë të mëdhenj botërorë, por ajo çka e karakterizon atë është thjeshtësia.

Këtë e vërteton edhe me postimin e bërë para pak minutash teksa ai shfaqet në një fotografi me një të moshuar i cili si duket është një i pastrehë e të cilit Caka i është afruar për të dërguar edhe një mesazh të fortë për festat e fundvitit.

“Unë dua ta festoj kështu… Kam vendosur ta bojkotoj Instagramin duke zvogëluar postimet e shpeshta sepse më është shpifur ai luksi i tepruar Instagramistave shqiptarë (gjoja VIP) ku përreth tyre jeton vetëm skamja. Mbrëmë ishte darka ime e parë pas kaq kohe ku isha i ftuar tek një mik i imi në New Jersey sepse sado që pagën e kam sa katërfishin e kryeministrit shqiptar, ju betohem se nuk gjej kohë të shplodhem, jo më të bredh pas darkave festive duke bërë dhurata të pafund si instagramistët shqiptarë.
Ma keni shpifur që nuk i hidhni sytë sadopak tek njerëzit përreth jush të mbledhur pranë sofrës të pangrënë. 🙏 
Merry Christmas!”, ka shkruar Marko Caka në Facebook. /KultPlus.com

• 

Aktori shqiptar Marko Caka, vazhdon të jetë protagonist në filmat e mëdhenj hollivudian, shkruan KultPlus.

Kësisoj, së fundmi kanë nisë xhirimet e filmit të madh të Warner Brothers Creed versioni 2 me protagonist Silvester Stalone e Michael B Jordan. Në këtë film luan edhe shqiptari Caka, ku roli i tij është një nga katër policët e sigurisë në ringun e famshëm të Las Vegas. Në këtë ring, luhen duelet e mëdha të sportit të boksit ku trajner është Silvester Stalone në rolin e Rocky Balboas.

“Ishte hera e parë që luaja në sheshxhirim me Stalonen. Hyrja e tij solli duartrokitje të pa ndërprera dhe duke marr fjalën, falënderojë kastin dhe ekpin e kineastëve dhe gjithë stafin e produksionit. Për mua ishte ëndërr ta kisha pranë gjatë gjitha skenave më shumë se 15 orë. Isha vazhdimisht pranë stafit të boksierëve në rolin e Dupray, e rojës se sigurisë së legjendës së filmave aksion, i cili ka shkruar historinë të Rocky Balboa’s. Absolutisht, që ndjehem i privilegjuar nga kastingu i Warner Bros, i cili me krijojë përsëri mundësinë për të përjetuar skenat e mëdha të saj me yjet e kinemasë botërore”, pohoi për KultPlus, Marko caka, duke vazhduar të tregoj se tashmë ai është edhe në një film tjetër të Warner Bros në vazhdimësinë e xhirimeve të filmit epik “Godzilla 2” në Atlanta ku xhirimet i kanë në fund të javës.

Xhirimet e Creed II po zhvillohen në Pennsylvania ku aktorët protagonist do të jenë pothuajse të njëjtit e Creed 1, Silvester Stalone, Michael B Jordan në rolin e boksierit dhe këtë radhë i afrohet kastit edhe Dolph Lungren në rolin e Ivan Drago, por tani në atë të trajnerit të skuadrës kundërshtare ruse.

Ky film do të shfaqet në kinematë e botës në nëntor të këtij viti dhe pritet të ketë jehonë të madhe sepse do të ketë përsëritje të përballjes së shekullit si në filmin e Rocky IV në mes dy boksierëve që përfaqësonin dy siperfuqitë e mëdha të kohës, por që sot ata janë trajnerë të ekipeve respektive ShBA -Rusi./ KultPlus.com

Marko Caka, aktori me prejardhje shqiptare i cili është duke ngjitur majat e karrierës së tij në Hollivud, në këtë fundvit të 2017-së, përmes VideoSelfie për KultPlus ka folur rreth sukseseve më të mëdha që ka arritur në vitin që po lëmë pas.

Marko Caka nuk ka lënë pa përmendur edhe sheshxhirimet me emrat e mëdhenj të filmit në botë, ndër ta edhe Steven Spielberg, Rihanna e Roberto De Niro.

Krejt në fund, Marko Caka ka përshëndetur edhe lexuesit e gazetës online për art dhe kulturë KultPlus. Për më shumë ju ftojmë ta shihni videon të realizuar ekskluzivisht për KultPlus. / KultPlus.com

“Është ëndrra ime të luaj në një sheshxhirim me tre yjet dhe do të jetë një eksperiencë tre mujore që vetëm një herë të vjen në jetë. Aq më tepër si shqiptari i parë që luaj në rolin e mafiozit sicilian, në një film hollivudian me të gjithë yjet e Godfather-it”, ka thënë Marko Caka për KultPlus.

Më 18 shtator të këtij viti do të fillojnë xhirimet për aktorin shqiptar Marko Caka, i cili është pjesë kastës së filmit “The Irishman”, që po konsiderohet si filmi më i madh gangster- biografik i këtij mijëvjeçari, shkruan KultPlus.

Dhe pikërisht është po ky film i cili po ribashkon legjendat e filmit të famshëm “Godfather”, De Niro, Al Pacino e Joe Pesci.

Marko Caka ka thënë për KultPlus se ndihet të jetë i privilegjuar që ka marë rol në këtë film, duke specifikuar pikërisht rolin e tij me shumë skena që parashihet të përmbyllet brenda tre muajve xhirim.
“Është një rol me shume skena, pothuajse me tre muaj xhirime. Pra flasim për një film që deri tani ka një buxhet 100 milionë $ dhe një sfidë e madhe e produksionit Netflix me partnerët , Paramount e STX Entertainment dhe që kanë besimin e plotë në drejtimin e regjisë së Martin Scorseze, që do shfaqet në kinematë botërore nga mesi i vitit 2018”, ka shpjeguar Caka për KultPlus.

Ai ka thënë se deri në janar do të jetë me xhirime në këtë film, ku paraqitet në rolin e një mafiozi sicilian në grupin e Joe Pesci, që bëhen shumë të rrezikshëm për kohën, në Shtetet e Nju Jorkut dhe të Pensilvanisë, dhe që janë në opozitë me Rob De Niron, që luan Irishman Frank Sheeran.

“Është ëndrra ime të luaj në një sheshxhirim me tre yjet dhe do të jetë një eksperiencë tre mujore që vetëm një herë të vjen në jetë. Aq më tepër si shqiptari i parë që luaj në rolin e mafiozit sicilian, në një film hollivudian me të gjithë yjet e Godfather-it. Shpresoj që kjo eksperiencë të më ofrojë role protagonistike të këtij karakteri, në filmat e ardhshëm duke ditur që jam anëtar i Unionit të aktoreve SAG-AFTRA, dhe që janë më të favorizuarit e filmave hollivudiane për rolet e vogla”, ka thënë për fund Caka./ KultPlus.com