Katër policë u maskuan si personazhe të filmave “Marvel” për të kryer një operacion anti-drogë në Peru, transmeton KultPlus.
I quajtur si operacion “Marvel”, policët u maskuan në rolin e Spidermanit, Captain Americas, Thorit dhe Black Widowit, pasi lokalizuan një shtëpi specifike në lagjen San Juan de Lurigancho në Lima.
Policia ndaloi katër persona gjatë bastisjes, pasi sekuestroi 3250 pako pastë kokaine, si dhe disa thasë me kokainë dhe kanabis. /KultPlus.com
La policía de Perú desarticuló esta semana un clan dedicado al narcotráfico llamado ‘Los Villanos de Mariátegui’ en San Juan de Lurigancho (Lima). El operativo lo realizaron disfrazados de superhéroes de Marvel para que pareciera una broma de Halloween. pic.twitter.com/awqHVOWpv6
Aktori i njohur hollywoodian, Jared Leto, mendon se filmat e bazuar në librat komik “Marvel” po i mbajnë gjallë kinematë.
Ylli i filmit “Morbius” i cili e përshkruan veten si person paksa “snob” kur bëhet fjalë për projektet kinematografike, e pranon se është i shqetësuar për faktin se sa shumë mbështetet industria në filmat e superheronjve me buxhet të lartë, veçanërisht në kohë të pandemisë.
“Po të mos ishin filmat e Marvelit, nuk jam i sigurt nëse kinematë do të ekzistonin. Nuk duket se ka vend për të gjithë në këtë industri, prandaj kjo është shndërruar në një situatë paksa zemërthyese”, deklaroi Leto për revistën “Variety”.
Projektet e tilla si, “Spider-Man: No Way Home” dhe “Venom: Let There Be Carnage”, kanë rezultuar të jenë lansime të suksesshme gjatë pandemisë dhe këngëtari i shndërruar në aktor, është mirënjohës që prodhimet e këtilla po i mbajnë në funksion kinematë në një kohë kur platformat digjitale e kanë pushtuar tregun.
“Po ashtu jam falënderues ndaj këtyre filmave, për faktin se po i mbajnë kinematë në funksion”, shtoi Leto.
Vokalisti i grupit “Thirty Seconds to Mars”, duke qenë një adhurues i madh i kinematografisë dhe vizitor i rregullt i kinemave, tutje shpjegoi se si shikimi i filmave ia ka ndryshuar jetën.
“E di sa e rëndësishme ishte për mua si fëmijë, që të ikja nga realiteti përmes filmave. Ajo eksperiencë kulturore ishte goxha informative dhe me ndikim. Në kinema kam parë filma të cilët me të vërtetë ma kanë ndryshuar jetën”.
Aktori i shpërblyer me çmimin “Oscar” shumë shpejt vjen në rolin e Dr. Michael Morbius, një biokimist, i cili provon ta shërojë veten nga një sëmundje e rrallë e gjakut dhe shndërrohet në diçka të errët dhe të frikshme, në filmin e ri të studios “Marvel”. Ai tregoi se është tërhequr nga ky personazh për faktin se nuk është një superhero i zakonshëm. / KultPlus.com
Aktori francez Gaspard Ulliel ka vdekur në moshën 37 vjeç në një aksident gjatë skijimit.
Ylli i cili është në rolin e një personazhi në seritë e ardhshme të Marvelit, “Moon Knight”, u hospitalizua dhe u transportua me helikopter por nuk u mbijetoi lëndimeve.
Raportohet se Ulliel u përplas me një skiator tjetër dhe ka pësuar traumë në kokë. Skiatori tjetër nuk u hospitalizua.
Sipas DailyMail ai nuk kishte helmetë kur u përplas. / KultPlus.com
Ylli i njohur i hollywoodit, Jared Leto, vendosi që me postimin e një fotografie ta festojë ditëlindjen e tij të 50-të të dielën më 26 dhjetor.
Duke shënuar ditën e tij të veçantë, aktori ndau një foto pa këmishë të tij, ku shfaqej barku i tij i gdhendur. Në foto, ai po pozon me një copë tortë ylberi dhe po jep gishtin e madh që tregon një trup të tonifikuar mirë.
Fotoja mund të jetë bërë në xhirimet e filmit të tij të ardhshëm nga Sony dhe Marvel, ‘Morbius’, pasi ai ka gjak që i rrjedh nga cepi i gojës dhe një gërvishtje në gjoks.
Aktori dhe vokalisti i grupit “Thirty Seconds to Mars”, si dhe fituesi i çmimit Oscar e ndau fotografinë me ndjekësit e tij në Instagram ku edhe mori shumë pëlqime dhe komente, disa prej së cilëve e pyesnin atë se si është e mundur që nuk po di të plaket.
“Ju falënderojë për të gjitha urimet e ditëlindjes”, me këto fjalë Leto e kishte shoqëruar postimin e tij.
Aktori u pa për herë të fundit në dramën e krimit të Ridley Scott ‘House of Gucci’, në të cilën ai luajti rolin e Paolo Gucci së bashku me Lady Gaga, Adam Driver dhe Al Pacino.
Sa i përket kinematografisë, Leto së shpejti vjen me performancë të shkëlqyer në filmin e ri “Morbius”.
Projekti bazuar në librat komikë dhe i realizuar nga studio “Sony”, fokusohet në personazhin e keq të inspiruar nga filmat “Spider-Man”. Ylli i shpërblyer me “Oscar” e portretizon një biokimist, i cili provon ta shërojë veten nga një sëmundje e rrallë e gjakut, por shndërrohet në diçka të errët dhe të frikshme.
Matt Smith, Adria Arjona, Jared Harris, Al Madrigal, dhe Tyrese Gibson, gjithashtu luajnë në këtë film regjinë e së cilit e ka bërë, Daniel Espinosa.
“Morbius” lansohet për publikun e gjerë në janar të vitit të ardhshëm.
Ndërkaq në një intervistë të fundit, aktori dhe këngëtari i dashur për publikun e bëri të ditur lajmin se, gjatë pandemisë i ka shkruar më shumë se 264 këngë të reja. Albumi i fundit i incizuar në studio i grupit të shumëshpërblyer “Thirty Seconds to Mars”, e mban titullin “America” dhe u lansua në vitin 2018. Ai u mirëprit nga fansat anembanë botës dhe shënoi suksese të mëdha në toplistat muzikore, duke u pozicionuar në vendin e dytë të toplistës së 200 albumeve më të mira “”Billboard”. / KultPlus.com
Marvel rikthehet sërish, tashmë me një film që pritet ti jap kahje tjetër të gjitha zhvillimeve në botën e Marvel deri tani. Për premierën e filmit Eternals, më 11 nëntor, kinemaja më e madhe në vend, Cineplexx, do të organizojë një event Premiere Night, ku do të ketë shpërblime të ndryshme nga Fivestar Fitness.
Për premierën e filmit Eternals, më 11 nëntor, Cineplexx organizon eventin “Premiere Night” në të dy kinematë, ku do të ketë shumë shpërblime të ndryshme nga Fivestar Fitness! Biletat për këtë event tashmë kanë dalë në shitje, dhe ato mund ti bleni çdo ditë në kinema ose përmes Aplikacionit CINEPLEXX KS.
Përveç premierës botërore të këtij filmi, Cineplexx gjatë eventit Premiere Night prej orës 19:00 do të dhurojë shpërblime të ndryshme në të dy kinematë, nga Fivestar Fitness, të cilët festojnë 8 vjetorin e hapjes së tyre.
Filmi Eternals, që pritet të nisë të sjellë ndryshime në gjithë atë që kemi parë deri tani në botën e filmave të Marvel, sjell sagën e të Përjetshmëve, një racë e qenieve të pavdekshme që jetuan në Tokë dhe formësuan historinë dhe qytetërimet e saj.
Filmi vjen nën regjinë e Chloe Zao, regjisorja e cila vitin e kaluar u shpërblye me çmimin Oskar për regjinë më të mirë, ndërsa në rolet kryesore luajnë aktorët Richard Madden, Kumail Nanjiani, Lauren Ridloff, Salma Hayek, e të tjerë.
Eventi do të fillojë prej orës 19:00, dhe nga kjo orë do të shfaqet në orare të ndryshme.
Biletat mund t’i blini çdo ditë prej orës 14:30 në Cineplexx, ose përmes aplikacionit Cineplexx Ks.
Për më shumë rreth eventit, klikoni këtu. Po ashtu, mund t’i gjeni në webfaqën e Cineplexx. / KultPlus.com
Janë publikuar pamjet e para të filmit të shumëpritur nga publiku, “Justice League: The Snyder Cut”.
Ky projekt është ideja fillestare e regjisorit Zack Snyder, i cili e kishte realizuar edhe filmin “Justice League” të vitit 2017, para se të hiqte dorë gjatë montazhit të tij si pasojë e vdekjes së të bijës.
Pasi adhuruesit e filmit, kasta e aktorëve dhe pjesëtarët tjerë të ekipit realizues kishin kërkuar të lansohej version origjinal i regjisorit Snyder, studioja filmike “Warner Bros” e kishte konfirmuar lajmin se “Justice League: Snyder Cut” tashmë është në realizim e sipër, dhe pritet të lansohet së shpejti.
Në trilerin e ri vërehen disa personazhe të reja si: DeSaad, Granny Goodness dhe Joker, i portretizuar nga Jared Leto. Ndërsa rolet e tyre në këtë projekt i përsërisin yjet, Ben Affleck i cili vjen si Batmani, Jason Momoa që e portretizon superheroin Aquaman, Gal Gadot si Wonder Woman dhe Henry Cavill i cili vjen në rolin e Supermanit.
Filmi i bazuar në librat komik “DC Comics” dhe i cili vjen i mbushur me skena aksion, “Justice League: The Snyder Cut”, do të fillojë së shfaquri në platformën digjitale HBO Max, më 18 mars të vitit 2021.
Pas raportimeve se ky projekt do të shndërrohej në një mini-serial katër pjesësh, regjisori Zack Snyder në fillim të vitit e konfirmoi lajmin se në fakt do të jetë një film katër-orësh. / KultPlus.com
