Etiketë: maske

Genc Prelvukaj dhe Granit Ismajli publikojnë këngën ‘Maskë’ (VIDEO)

Posted on by Kult Plus

Genc Prelvukaj dhe Granit Ismajli për herë të dytë sjellin edhe një bashkëpunim. ‘Maskë’ është kënga e radhës e dy artistëve, e cila njëherit është edhe kënga e tetë e albumit Gentvis II të Prelvukajt, shkruan KultPlus.

‘Nder dhe kënaqësi me kanë musafir në albumin e Genc Prelvukaj’, ka theksuar Ismajli në publikimin e këngës në rrjetin social facebook.

Kënga është pëlqyer nga adhuruesit e të dy artistëve dhe u komentua shumë në rrjete sociale.

Bashkangjitur gjeni videon e këngës. / KultPlus.com

Nuk i vendosi qenit maskë, policia përdor sprej lotsjellës për të arrestuar një vajzë në rrugën B (VIDEO)

Posted on by Kult Plus

Pjesëtarë të Policisë së Kosovës kanë përdorur sprej lotsjellës ndaj një femre për ta arrestuar sot në rrugën B në Prishtinë.

Mësohet se ajo në fillim nuk iu kishte bindur urdhrave të policisë që e kishin ndaluar pasi kishte nxjerrë në shëtitje qenin e saj pa maskë sigurie.

Në pamje shihet se e arrestuara ankohet se pa asnjë nevojë kanë përdorur sprej lotsjellës ndaj saj dhe se qeni saj nuk është agresiv ndaj njerëzve, prandaj nuk i kishte vendosur maskë.

Ajo po ashtu ka kërcënuar policët me padi për veprimin e tyre.

Ndër të tjera, ajo i është sulur njërit nga policët për ta sulmuar, duke bërtitur me zë të lartë dhe duke i ofenduar me terme të ndryshme policët, raporton Zëri.info.

Për rreth 30 minuta ajo ka qëndruar në rrugën B derisa ka ardhur ekipi mjekësor për t’i dhënë ndihmën e parë dhe është transferuar për në QKUK.

Qytetarja tha se punon në QKUK, ndërsa mjekëve u tha se është edhe e sëmurë nga astma./ KultPlus.com

Historia pas fotos së foshnjes që i hoqi maskën mjekut

Posted on by Kult Plus

Një foshnje që tenton t’i heqë maskën mjekut që ka asistuar në lindjen e tij po cilësohet në media si imazhi i vitit 2020.

Fotoja është postuar nga vetë mjeku gjinekolog nga Dubai Samer Cheaib me shënimin: “Të gjithë duam një shenjë se shpejt do t’i heqim maskat”.

Doktori që shpesh në profilet e tij në rrjetet sociale flet për punën e tij, duke dhënë mesazhe pozitiviteti e shprese në periudhën e pandemisë, ka ndarë këtë imazh që mori përhapje të shpejtë në rrjetet sociale. Duke folur për ‘GulfNews’ ai është shprehur:”Ky fëmijë ishte i dyti nga një çift binjakësh që lindën pak javë më parë. Babai, I lumtur, po më fotografonte ndërsa e mbaja në krahë fëmijët. I dyti, tentoi të më heqë maskën dhe babai menjëherë e kapi në foto këtë moment.

Kishte pozitivitet në foto dhe mendoj se i bën njerëzit që e shohin që të buzëqeshin. Pozitiviteti dhe buzëqeshja ndihmojnë në forcimin e imunitetit dhe në luftën kundër kësaj pandemie”./ KultPlus.com