Etiketë: mbjellja e pemeve

Cikli ‘Kinemaja në Rajone’ çon filmin ‘Mbjellja e pemëve’ në bibliotekën ‘Thimi Mitko’ në Korçë

Posted on by Kult Plus

“Mbjellja e pemëve” ishte filmi me metrazh të shkurtër i cili u transmetua në aktivitetin e rradhës të Qendrës për Hapje dhe Dialog (COD) nga cikli “Kinemaja në Rajone”.

“Mbjellja e pemëve” nga regjisori Fabio Seferi, produksion i vitit 2021, i mundësuar nga Qendra Kombëtare e Kinematografisë së Shqipërisë, u shfaq në bibliotekën “Thimi Mitko” Korçë.

Të pranishmit diskutuan rreth tematikës së filmit dhe pjesëmarrjes së aktorëve të njohur si: Luiza Xhuvani, Kastriot Caushi, Alert Çeloaliaj si dhe i ndjeri Gulielm Radoja, për të cilin ndodhi të ishte filmi i fundit ku do merrte pjesë.

Filmi flet për një djalë të ri, i cili burgoset në kohën e komunizmit për shkak se kapet në befasi duke lexuar një libër të letërsisë së ndaluar të asaj kohe. Gjatë gjithë filmit na shfaqen vuajtjet e tij në birucë, bashkë me shokët e qelisë si dhe peripecitë që nënës së tij i duhet të kalojë për të kontaktuar me djalin e saj në burg./atsh/KultPlus.com

Filmi shqiptar ‘Mbjellja e pemeve’, pjesë e Festivalit të Filmit të Kanës

Posted on by Kult Plus

Filmi shqiptar me metrazh të shkurtër “Mbjellja e pemeve” është pjesë e katalogut në edicionit të 75-të të Festivalit të Filmit të “Kanës”, përcjell KultPlus.

Lajmin e ka bërë të ditur ministrja e Kulturës, Elva Margariti, e cila theksoi se filmi që është financuar nga Qendra Kombëtare e Kinematografisë, do të ketë shfaqet në datën 25 maj, ora 15:30 në Palais G, Cannes.

“Filmi artistik me metrazh të shkurtër “Mbjellja e pemëve”, skenari Ylljet Alicka, regjia Fabio Seferi, me producent Mateo Cingu, është pjesë e katalogut të edicionit të 75-të të Cannes Film Festival, në seksionin Cannes Court Métrage”, tha Margariti.

Për më shumë informacion në lidhje me filmat e këtij seksioni Margariti fton të interesuarit të klikojnë këtu.

Filmi rrëfen dramën e një nëne që kërkon varrin e të birit në vitet e errëta të komunizmit, derisa u xhirua gjatë muajve të parë të pandemisë. /KultPlus.com

Shqiptarë dhe serbë mbjellin pemë së bashku në Ditën e Tokës

Posted on by Kult Plus

Në shënimin e Ditës së Tokës, nesër në qytetin e Mitrovicës do të mbillen pemë nga shqiptarë dhe serbë, përcjellë KultPlus.

Fillimisht, nga ora 09:00 do të mbillen pemë në Mitrovicën Jugore dhe atë Veriore për të vazhduar më pas me një ceremoni që do të organizohet nga ora 10:00 nga OJQ Community Building Mitrovica (CBM), Youth Initiative for Human Rights – Kosovo (YIHR KS) dhe OJQ New Social Initiative (NSI), në kuadër të projektit “Pajtimi dhe Transformimi i Konfliktit”, i mbështetur nga USAID në Kosovë. Kjo ceremoni do të mbahet në Qendrën e Kulturës “Rexhep Mitrovica”. 

Qëllimi kryesor i kësaj ceremonie është rritja e ndërgjegjësimit të qytetarëve ndaj mbrojtjes së mjedisit, dhe promovimit të një ambienti më të pastër për shtatë (7) komunat e regjionit të Mitrovicës.

Në mesin e të ftuarve në këtë ceremoni e cila do të mbahet nga ora 09:00 deri në 14:00, do të jenë njohës të fushës së ambientit, zyrtarë lokal të komunave, si zv. Ministri nga Ministria e Ambientit dhe Planifikimit Hapsinor, Hysen Durmishi. / KultPlus.com