Etiketë: Mbretëresha Elizabetë

Përvjetori jubilar i mbretëreshës Elizabetë në fron, zbulohet festa e magjishme në Buckingham Palace

Posted on by Kult Plus

Buckingham Palace ka zbuluar gamën e plotë të festimeve për të shënuar 70 vjetorin në fron të Mbretëreshës Elizabetë këtë vit, përcjell KultPlus.

Festat në rrugë, një koncert me disa nga “yjet më të mëdhenj të argëtimit” në botë dhe një mundësi për të parë nga afër shtëpitë e Mbretëreshës janë të gjitha pjesë e planit për të shënuar 70 vjetorin e saj në fron.

Festa do të jetë nga 2 deri në 5 qershor, kur edhe ditën e parë do të bëhet me një konkurs për të shpikur një puding të ri për të festuar ditën e Mbretëreshës.

Finalistët do të gjykohen nga një panel ekspertësh duke përfshirë Dame Mary Berry dhe Monica Galetti të Masterchef.

Receta fituese do të vihet në dispozicion të publikut dhe pudingu do të shijohet në Drekat e Mëdha Jubilare gjatë fundjavës së festës bankare.

Më 6 shkurt, Mbretëresha do të bëhet monarku i parë britanik që feston një “Jubile Platinum”, duke shënuar një mbretërim 70-vjeçar. Një sërë festimesh do të zhvillohen gjatë gjithë vitit. /KultPlus.com

The Queen with her husband the Duke of Edinburgh at her Golden Jubilee
Queen Elizabeth II and Prince Philip aboard the Royal Barge Spirit of Chartwell during her Diamond Jubilee in 2012Queen Elizabeth ll greets the public during a Silver Jubilee walkabout in January 1977 in London

Mbretëresha Elizabetë thyen heshtjen, u përgjigjet akuzave për racizëm

Posted on by Kult Plus

Mbretëresha Elizabetë e Britaninë së Madhe e ka thyer heshtjen pas akuzave të dukës Harry dhe dukeshës Meghan për racizëm dhe mungesë të përkrahjes në familjen mbretërore. Ajo tha se këto çështje do të trajtohen, por në mënyrë private.

Monarkja e shprehu shqetësimin e saj rreth pretendimeve për racizëm dhe pikëllimin e saj pasi mori vesh se sa sfiduese i ishte dukur jeta mbretërore çiftit të ri, shkruan The Guardian, transmeton Gazeta Express.

Dukesha Meghan tha se kishte mendime për vetëvrasje, ndërsa çifti akuzoi një anëtar të familjes mbretërore se ka pyetur se sa e errët do të jetë lëkura e djalit të tyre që ende nuk ishte lindur.

Pas shtimit të trysnisë për të reaguar, familja mbretërore doli me një deklaratë në emër të mbretëreshës, në të cilën thuhet:

“Tërë familja është e pikëlluar ta mësojë gjerësinë e plotë të asaj se sa sfiduese kanë qenë vitet e fundit për Harryn dhe Meghanin. Çështjet e ngritura, veçanërisht ajo e racës, janë shqetësuese. Përderisa disa kujtime mund të variojnë, ato merren shumë seriozisht dhe do të adresohen nga familja privatisht.”

Pallati Buckingham nuk ishte i paralajmëruar paraprakisht se çfarë kanë thënë në intervistën për televizionin CBS duka dhe dukesha, e cila u shikua nga 11 milionë britanikë dhe rreth 30 milionë njerëz përtej oqeanit.

Në deklaratën e familjes mbretërore, e cila kishte vetëm 61 fjalë, nuk dënohet ndonjë ngjarje e pretenduar të ketë qenë raciste, ndonëse mbretëresha e njohu racën si një ndër çështjet kryesore që janë ngritur. / KultPlus.com