Këngëtarët e njohur Ghetto Geasy dhe MC Kresha kanë bashkuar forcat së bashku për të kurorëzuar bashkëpunimin e tyre të parë së bashku me ikonën e muzikës, Inva Mula, shkruan KultPlus.
Kënga me titull “Jem njo” është publikuar sot në orën 18:00.
Teksti është shkruar nga reperët Geasy dhe Kresha.
Këngën mund ta dëgjoni duke klikuar në linkun më poshtë:
Kënga ka arritur më shumë se 30 mijë klikime tri orë pas lansimit. /KultPlus.com
“Sunny Hill Festival” ka bërë të ditur se edhe MC Kresha do të jetë pjesë e tyre për gjatë edicionit të parë në Tiranë, shkruan KultPlus.
Dyshja Lyrical dhe Kresha ndezën atmosferën në Prishtinë dhe tani pritet të kenë një performancë magjike edhe në Tiranë.
Më herët listës i është shtuar një prej emrave më të pëlqyer të muzikës “underground” në Britaninë e Madhe, Stormzy.
Ndër artistët shqiptarë, është konfirmuar deri tani pjesëmarrja e disa prej të preferuarve të skenës, duke nisur nga Dafina Zeqiri, Dren Abazi, Elgit Doda, Lyrical Son dhe Ledri Vula.
Festivali ‘Sunny Hill’ në Tiranë do të mbahet në datat 26, 27 dhe 28 gusht./ KultPlus.com
Për tre net radhazi, festivali BeerFest Kosova ka bërë bashkë një numër të madh artistësh, për të performuar nga afër në Parkingun prapa Pallatit të Rinisë, shkruan KultPlus.
Ditën e premte, më 19 gusht, kur edhe fillon nata e parë e festivalit do të përformojnë: Melinda Ademi, Lorè, David Dreshaj, Andi, Dj Angler, Dj Kronz dhe Nonejm.
Nata e dytë do të vazhdoj me përformancë të: Mc Kresha & Lyrical Son, Genc Prevlukaj, Blasta, Granit, Yon Idy, Jon Bela & The Moonage, Dj Biggby dhe Master of Mind.
Beerfest 22’ natën e tretë do ta ketë: Minatorin, Xuxin, Dj Caboo, Telikput, Solar Flare, Auron Deva dhe Redknot. /KultPlus.com
Era Berisha
Mbrëmë festivali “Sunny Hill” ka mirëpritur natën e tretë me radhë me një numër të madh të artistëve të cilët kanë ndezur audiencën si asnjëherë më parë. Kjo u dëshmua edhe atëherë kur publiku kishte zënë vendin afër skenës në një numër të madh, për të qenë sa më afër atyre që i kanë në zemër. Artistët e njohur kombëtarë e ndërkombëtarë pushtuan mbrëmë skenën kryesore me këngë që publiku i këndonte njëzëri me ta, shkruan KultPlus.
Edhe kësaj here, fundi i publikut nuk shihej aspak dhe kjo veçse e bënte këtë natë aq më të magjishme. Por, ishte zëri i gjithsecilit që jehonte dukshëm kur artistët në skenë ndalonin për t’i lënë hapësirë të pranishmëve që të këndonin këngët e tyre, dhe kjo vazhdoi për gjatë gjithë natës.
Duke nisur qysh nga artistët si: Lluni & Semi, Kamal, Ledri & Lumi B, Mc Kresha & Lyrical Son, AJ Tracey si dhe kryesuesin për këtë mbrëmje, Skepta, këngët e tyre më të njohura erdhën në një mënyrë krejtësisht të veçantë. Energjia e tyre dukej sikur nuk kishte fund, ndërsa dashuria e tyre për Kosovën shprehej nëpërmjet fjalëve që gjenin vend nëpër mesin e këngëve.
Të emocionuar për të qenë mbi skenën e “Sunny Hill” dhe për të mbështetur kauzën e Dua Lipës, secili artist pati diçka për të thënë. Duke nisur qysh nga Ledri Vula që ka përmendur problemin me çështjen e vizave e deri tek Skepta i cili ka thënë se asnjëherë më parë nuk ka dëgjuar për Kosovën por që ka premtuar se do të kthehet përsëri dhe atë do ta bëjë më shumë kënaqësi.
Me këngët si: “Papi Chulo”, “No Security”, “Lunatic”, “Madness”, “It ain’t safe”, “Kiss and tell”, “Stay far away”, “Praise the world”, “Pure water”, “No security”, Skepta ka ngritur në këmbë publikun që të njëjtit kanë kënduar e kërcyer në vazhdimësi deri në orët e para të mëngjesit. Ndërsa, ishte skena e ndriçuar me reflektorë të ndryshëm ajo që i ka dhënë një tjetër hijeshi secilës këngë të interpretuar. Me drita të llojllojshme që shponin ajrin në vijëza të holla dhe audion në një nivel perfekt, nata e tretë e “Sunny Hill” kulmoi deri në fund me zërin e publikut që për asnjë sekondë nuk u ndal.
Përveç Skeptës, në skenën e “Sunny Hill Festival” u ngjitën edhe artistët shqiptarë të cilët njashtu kanë qenë një me publikun. Nga kënga në këngë, audienca filloi të shpeshtohej akoma më shumë teksa atmosfera bëhej akoma edhe më aktive.
“Du me pi”, “Tërmet”, “Narcos Albania”, “Menime”, “JBMTQR”, “Private”, “Amsterdam”, “Hotel Mahalla”, “Semafori”, “Lej Flleshat”, “Pasite”, “Era”, “Luv luv”, “Filmi i fundit”, “Hip Hop”, “Çele Çadren”, ishin vetëm disa nga këngët shqipe që u interpretuan mahnitshëm. Duartrokitjet dhe brohoritjet e vazhdueshme në publik dëshmuan për talentin e çdo artisti që mbrëmë ka qenë mbi skenë.
Ndërkaq, sonte duke filluar nga ora 18:00 në skenë do të ngjitën artistët si: Adrian, Rrrron, Bookie, Caboo, Vertigeux, Art Haliti, Jimpong, Labi Ramaj, Romeo Blanco, Burak Yeter dhe Regard. Kurse, Diplo është artisti që do kryesojë natën e katërt dhe njëkohësisht të fundit të “Sunny Hill Festival”. / KultPlus.com
Lyrical Son dhe McKresha kanë publikuar të mërkurën në mbrëmjen, albumin e tyre, të titulluar “Muzikë e alltisë”.
Bashkë me albumin e ri, dy reperët e famshëm kosovarë kanë publikuar edhe këngën e parë me videoklip nga albumi, të titulluar “Hotel Mahalla”.
Pjesë e albumit janë edhe shumë këngë të tjera tashmë të publikuara si audio, siç janë: “Stuhi mbi oqean”, në bashkëpunim me Elvana Gjatën, “J.C.V.D” në bashkëpunim me Ledrin, “Gunners”, “Këngë e Shahirav”, “Rrugë e gjatë”, “Nji Lot”, “Inati”, “Recepti”, “Paret Lejla” dhe “Rammstein”.
Këngët janë të gjitha të zhanrit hip-hop/rap dhe priten të shndërrohen në hite.
Lyrical Son dhe McKresha janë dy artistë që vazhdimisht ndër vite kanë sjell projekte të përbashkëta. / KultPlus.com
Kanë kaluar thuajse 3 vjet prej kur një album i ri nuk është lansuar nga ta. Por, tani dyshja fantastike, Mc Kresha dhe Lyrical Son do të publikojnë albumin “Muzikë e alltisë”.
Data 12 janar duket të jetë datë e rëndësishme për adhuruesit e repit kosovar meqenëse tashmë është paralajmëruar publikimi i albumit të radhës i titulluar “Muzikë e Alltisë”, që është i katërti me radhë i realizuar nga dyshja e famshme.
Derisa janë vetëm disa orë larg lansimit, dyshja ka publikuar në llogaritë e tyre në Instagram pjesë nga këngët që e përbëjnë albumin.
Gjithsej, 11 këngë do të jenë pjesë e projektit më të fundit nga themeluesit e labelit “P.I.N.T”, e disa prej tyre pritet të jenë bashkëpunime me artistë të ndryshëm duke përfshirë këngëtaren Elvana Gjata dhe reperin Ledri Vula.
“Kangë e Shahirav”, “Hotel Mahalla”, “Inati”, “Recepti”, “Nji Lot”, “Paret Lejla”, “Stuhi mbi oqean”, “J.C.V.D”, “Rrugë e gjatë”, “Rammstein” dhe “Gunners”, janë titujt e këngëve pjesë e albumit “Muzikë e Alltisë”. / KultPlus.com
Dafina Zeqiri dhe MC Kresha kanë publikuar me videoklip këngën e lansuar ditë më parë “Vet e lype”.
Kënga është pjesa e albumit të këngëtares Zeqiri, i titulluar “Dafinë Moj”.
Producente është vetë Dafina Zeqiri, ndërsa teksti është shkruar nga dy këngëtarët dhe Elineli. / KultPlus.com
Emisioni “Dua të të bëj të lumtur”, ka sjell një tjetër histori prekëse, kësaj here me protagonistë një familje nga Kosova që kishte përjetuar ngjarje të hidhur në Luftën e fundit në kosovë, përkatësisht Masakrën e Suharekës.
Gramozi ishte personazhi i kësaj historie, i cili u prezantua si i mbijetuari mes 50 të vrarëve nga familja Berisha në Masakrën Suhareka.
I ftuar special në këtë mbrëmje për t’i bërë një befasi të veçantë atij, ishte reperi i njohur mitrovicas, MC Kresha.
Ky i fundit me të dëgjuar historinë e ramozit, ngeli i shtangur por nuk mundi të mos përlotej edhe dukej kujtuar vuajtjet e tij në Luftën e vitit 1999, kur aso kohe ishte vetëm 13 vjeç.
MC Kresha ka kujtuar se si në atë kohë kishte udhëtuar nga Mitrovica në Pejë në këmbë, së bashku me shumë shqiptarë tjerë në atë kohë që u detyruan ta lëshonin vendin e tyre.
Pa pasur fatin të hipë në një kamion, Kresha tregoi se ai dhe familja e tij pas Pejës vazhduan për në kukës rrugëtimin, ku përbrenda një jave kishin bërë qindra kilometra në këmbë brenda territorit të Kosovës.
“Kjo historia ime nuk është asgjë përballë historisë së Gramozit, ose atyre që ka kaluar vajza e xhaxhait të nënës sime, të cilët kanë pasur të njëjtin fat. 20 vite nuk është një gjeneratë e plotë, e këto janë plagë të cilat luajnë një rol pas luftës. Pasojat e luftës shfaqen dhe ndikojnë te një popull edhe pas dy dekadash”, u shpreh këngëtari”, ka thënë reperi MC Kresha ndër të tjerash gjatë emisionit. /Telegrafi/ KultPlus.com
Tre reperët e njohur shqiptarë, Lyrical Son, Ledri Vula dhe MC Kresha kanë publikuar bashkëpunimin e tyre të ri me titull “Menemadhe”.
Vetë reperët janë kujdesur për tekstin. Kënga është produkt i “Strike Beatz dhe K-Master”.
Kënga është pjesë e albumit të ri të Lyrical Sonit e MC Kreshës, “United States of Albania”.
Rep artisti Mc Kresha njihet si njëri ndër personazhet publike i cili ndër vite ka bërë për vete një numër të madh të publikut.
Përballë Besim Dinës ai ka folur për karrierën e tij muzikore, mirëpo njëra prej përgjigjeve nuk do t’u pëlqejë fare fansave.
I pyetur nëse mendon ndonjëherë ta lë muzikën, Kresha dha përgjigjen e papritur.
Zhanri që e shoqëron qe sa vite Mc Kreshën duket se do ta ‘detyrojë’ atë ta lë dikur muzikën. Kështu tha ai pasi në të ardhmen e sheh veten si prind dhe më i përkushtuar në familje.
“Realisht karriera ime si artist më ka sjellë shumë të mira. Besoj që kapaciteti trunor i jem ma jep mundësinë me mbet gjallë edhe pa muzikë. Qaq shumë qe e du muzikën edhe po mendoj me lanë”, tha Kresha gjatë intervistës.
Ndër të tjera ai ka sqaruar se nuk do t’i dukej e rrugës që të merret me hip-hop kur të bëhet prind.
“Unë kur dua ta lë. Pse dua ta lë muzikën. Muzika hip-hop diqysh qysh du me dalë unë me këndu hajde zemër dridhe, e djali jem qaty. Nëse me bëhet familja ime unë nuk mundem me qenë prind i duhur për fëmijët e mi. Çdo sen e ka ciklin e vet, publiku m’ka rrit se unë kam qenë i mirë” ka përfunduar hip-hop artisti.
Duke qenë se ai gjithmonë e ka dashur futbollin mirëpo nuk ka arritur që ta bëjë endrrën e tij realitet sa i përket kësaj, Mc Kresha synon që në një të ardhme të afërt do të merret me diçka që lidhet me futbollin.
Festivalin ‘Kënga Magjike 2018’ po vazhdon prezantimin e këngëtarëve të këtij edicioni.
Çdo të diele, në këtë festival po prezantohen këngëtarët pjesëmarrës, njëjtë edhe artistët e rinj, me anë të emisionit E diela Shqiptare nën moderimin e Ardit Gjebresë.
Dje, u veçua prezantimi i MC Kreshës dhe Fifit, në një bashkëpunim si asnjëherë më parë.
Tekstin e këngës “Psikopatja jote” e kanë shkruar dyshja ndërsa në vetëm pak orë kënga ka shpërthyer në rrjetet sociale. Duke se bashkëpunimi mes dyshes është gjetja e radhës në estradën shqiptare.
Festivali në muajin dhjetor do të mbajë netët gjysmëfinale dhe natën finale.
Fifi është ndër këngëtaret më aktive momentalisht, ndërsa MC Kresha gjithmonë vjen i freskët në zhanrin e tij. / KultPlus.com
Reperi Mc Kresha prin në listën e reperëve më të dëgjuar shqiptar, duke numëruar hite-këngësh të stërdëgjuara nga publiku, shkruan KultPlus.
Krahas talentit të tij në zhanrin rep, në një interpretim të tij në emisionin “Oxygen”, ai ka dëshmuar se talenti e muzikaliteti i tij shkon përtej kësaj. “Mi dhe flake mallit tim”, është dëgjuar mjaft shumë nga këngëtari Bujar Qamili, ndërsa Mc Kresha ka sjellë po ashtu një version të shkurtër, por të mahnitshëm të kësaj kënge, duke e popullarizuar edhe më shumë./ KultPlus.com
MC Kresha dhe Lyrical Son kanë publikuar projektin e tyre më të ri, shkruan KultPlus.
“Duqa mi Duqa” është projekti i tyre i punuar nga Pinkmoon ndërsa kjo këngë është pjesë e albumit të tyre të ardhshëm “United States of Albania”.
Muzikën e kanë bërë Strike Beatz dhe K-Masteri, kurse miksimi është bërë nga Pressplay, me incizim të Rob Rial në studion Pint./ KultPlus.com