Me siguri të gjithë biem dakord në një mendje kur themi se ky ka qenë viti i Meghan Markle. Dukesha e Sussex-it i ka befasuar audiencat me dasmën, foshnjën që po pret dhe me evolucionin e stilit, ndërsa bëri hapat e saj të parë në një familje mbretërore.

Ajo është aq e famshme sa, sipas Google, është personi më i kërkuar këtë vit në mbarë botën. Dhe për të mos u çuditur aspak, kërkimet më të fundit për dukeshën në Google, janë të tipit, manikyri i Meghan Markle, fustani i saj, filmat e saj, sa peshon, apo sa e gjatë është.

Demi Lovato është personi i dytë më i kërkuar në botë dhe më i kërkuari në SHBA, Khloé Kardashian është personi i pestë më i kërkuar në botë, Hailey Baldwin (tani Hailey Bieber) renditet e teta, dhe Cardi B e 10-ta.

Në krye të filmave më të kërkuar është “Black Panther”. /a.a/KultPlus.com

Diskutimi feminist i Meghan Markle në Wellington, etapa e fundit e Royal Tour, jo vetëm ka bërë xhiron e botës, por gjithashtu është raportuar edhe si unik dhe është cilësuar si një fjalim feminist i ‘fuqishëm’.

Dukesha e Sussex filloi me një përshëndetje Maori, “tēnā koutou katoa” ose “përshëndetje për të gjithë ju”, e cila mori një lumë duartrokitjesh nga të pranishmit. Ajo vazhdoi të flasë për admirimin e saj për vendin, i cili u bë vendi i parë vetëqeverisës në botë që më 1893, iu dha grave të drejtën për të votuar.

“Urime Zelandës së Re, që i ka dhënë të drejtën e votës femrave 125 vite më parë”, ka nënvizuar dukesha e Sussex.

“Shembulli juaj historik më ka bërë të reflektoj për impaktin dhe kuptimin e tij, sepse votimi i grave lidhet me feminizmin dhe feminizmi tregon të drejta të barabarta”, ka thënë dukesha gjatë diskutimit të saj përpara Kryeministrit Jacinda Ardern dhe Guvernatorit lokal, Dame Patsy Reddy në Government House.

E qartë dhe e drejtpërdrejtë Meghan ka shtuar: “E drejta e votës nuk ka të bëje thjesht me të drejtën e votës, por edhe me themelet e të drejtës së njeriut për të qenë në gjendje të marrë pjesë në zgjedhje për të ardhmen e tij dhe për atë të komunitetit dhe kjo u duhet njohur të gjithëve. Edhe ata pjesëtarë të shoqërisë që janë të margjinalizuar për shkak të racës, etnisë apo çfarë do lloj orientimi tjetër.

Prandaj e përgëzoj Zelandën e Re që i ka mbështetur këto të drejta 125 vite më parë, dhe që ka kuptuar se femrat meritonin të ishin një zë aktiv në shoqëri. Bravo për të gjithë këtë sforcim që ka aktivizuar nivelin global. Ju falënderoj të gjithëve thellësisht me fjalët e Kate Sheppard, një nga figurat më të shquara të lëvizjes së votimit të grave në Zelandën e Re: “Gjithçka që ndan, qoftë për shkak të racës, besimit, apo seksit është çnjerëzore dhe duhet të kapërcehet”.

Kanë qenë të shumtë ata të cilët e kanë lavdëruar fjalimin e dukeshës, madje një person e ka përshkruar atë si “të fuqishëm”.

“E kam dashur këtë fjalim. Ajo çfarë dukesha Meghan ka bërë në pesë muajt e saj të parë si pjesëtare e familjes mbretërore britanike ka qenë e mahnitshme”, shkroi një person.

Një tjetër shtoi: “Unë mendoj se Meghan është një model i shkëlqyer për vajzat e reja. Do të ishte e vështirë të gjeja një model më të mirë për vajzën time 17-vjeçare”./ KultPlus.com

Meghan Markle nga familja mbretërore, është vlerësuar nga stilistët për veshjen më të mirë të kësaj jave.

Revista e modës Ellen, ashtu siç bënë çdo fundjavë, edhe këtë herë ka publikuar vlerësimin se cila ka qenë veshja më e mirë.

Markle kishte veshur fustan nga marka “Oscar de la Renta, e që po e përcillte burri i saj, princi Harry.

Ishte veshur kështu gjatë një ngjarje që ishte zhvilluar në Australi, e Markle e Harry ishin të ftuar.

Dizajni i fustanit të saj është i përpunuar me zogj të vegjël./ KultPlus.com

Është bërë dukesha e Sussex prej vetëm dy muajsh, por të bërit pjesë e familjes mbretërore angleze, nuk është kaq e lehtë për Meghan Markle.

Gruaja e princit Harry, duket se e ka të vështirë që të kuptojë disa nga rregullat mbretërore.

Gjatë këtyre muajve ish-aktorja amerikane, është shoqëruar kudo nga asistentja historike e mbretëreshës Elizabeth, Samantha Cohen e njohur ndryshe si “The Panther”.

Edhe i shoqi Harry e ka ndihmuar me sa mundet, por ka disa rregulla që ajo nuk i kupton mirë.

“Bëhet fjalë për disa rregulla të etikës mbretërore, të vështira për tu kuptuar dhe pranua. Një prej tyre është fakti që mbretëresha preferon që pjesëtaret e familjes mbretërore të veshin fustane poshtë gjurit dhe jo pantallona”, tha një burim për revistën “People”.

Një tjetër rregull me të cilin nuk po përshtatet dot, është fakti se Meghan e ka të ndaluar të kryqëzojë këmbët dhe këtë gjë e ka bërë në disa evente zyrtare, shkruan noa.al.

Dukesha këmbëngul që të ruaj disi nga spontaniteti i saj, por kjo gjë ka ndeshur në kritika. Mbetet për t’u parë se si do të jetë përshtatja e saj me familjen mbretërore./ KultPlus.com