Etiketë: Merdare

Grupet kriminale serbe kanë bllokuar pikën kufitare në Merdare

Posted on by Kult Plus

Grupet kriminale serbe kanë bllokuar pikën kufitare në Merdare.

Njoftohen të gjithë bashkatdhetarët dhe qytetarët që janë në lëvizje të shfrytëzojnë pika të tjera kufitare për qarkullim deri në një informim tjetër zyrtar nga ana e institucioneve të Republikës së Kosovës.

Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit.

Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni Kosovo Police rreth përditësimeve më të fundit zyrtare në këtë drejtim. / KultPlus.com

Mërgimtarët po presin deri në pesë orë në Merdare për të kaluar kufirin

Posted on by Kult Plus

Mërgimtarët erdhën në Kosovë, për të kremtuar festat e fundvitit në vendlindje, por në rrugën e kthimit për në vendet e Evropës Perëndimore po përballen me pritje të gjata për të kaluar kufirin Kosovë-Serbi. 

Sipas të dhënave të Qendrës Kombëtare për Menaxhim Kufitar, kolonat më të gjata janë në pikën kufitare Merdar, ku pritjet po zgjasin katër deri në pesë orë.

Kolona të gjata ka edhe në pikat tjera kufitare si Mutivodë, ku pritjet janë deri në një orë e gjysmë.

Në Jarinë ka rreth një orë pritje, kurse në Muqibabë 40 minuta.

Te pika kufitare Dheu i Bardhë sonte pritja është gjysmë ore.

Në vendkalimet e tjera kufitare të Kosovës me vendet fqinje nuk ka pritje më shumë se 5 minuta në hyrje dhe dalje. / KultPlus.com

Pamje nga kolona në Merdare, ku mërgimtarët po presin deri në 5 orë për të hyrë në Kosovë

Posted on by Kult Plus



Mërgimtarët që ia kanë mësyrë Kosovës për festat e fundvitit, po vazhdojnë të përballen me pritje të gjata nëpër pika kufitare edhe sot.

Sipas infografikës së publikuar nga MPB’ja, kolona në Merdare është deri në 2 mijë metra. Pritjet në këtë pikë kufitare po zgjasin deri në pesë orë.

Pritje ka edhe në Jarinje. Për të hyrë në Kosovë, përmes kësaj pike kufitare duhet të prisni deri në 70 minuta / KultPlus.com

Pritje disa orësh për të hyrë në Kosovë

Posted on by Kult Plus

Rradhë kilometrike për të hyrë në Kosovë, qindra automjete të Kosovës dhe të Shqipërisë po presin në rrugën e kombit për të hyrë në Kosovë.

Rradha është e gjatë deri në fshatin Morinë, kjo për shkak të masave anticovid që po zbaton pala kosovare në pikën e kalimit kufitar Vermicë por edhe të kthimit të kosovarëve nga pushimet në bregdetin shqiptar, mjetet po presin prej disa orësh për të hyrë në Kosovë.

Kjo situatë është prej 31 gushtit kur pala kosovare po kërkon test PCR ose certifikatë vaksinimi, ndërkohë që pranë pikës së kalimit kufitar është vendosur një laborator për test të shpejtë me 25 euro. / KultPlus.com

Gjest i mirë nga mërgimtarët në Merdare: Pastrojnë ambientin derisa presin në kolonë

Posted on by Kult Plus

Mërgimtarët nuk qëndrojnë kot gjatë kolonave të gjata në pikë-kalimin kufitar në Merdare.

Pas përfundimit të pushimeve, mërgimtarët po kthehen në vendet ku jetojnë dhe veprojnë.

Pritje të gjata ka ditët e fundit në pikë-kalimet kufitare në Kosovë, por kohë pas kohe ka pritje më të shkurtër.

Të shtunën, disa mërgimtarë që kishin ngecur në kolonë rrugës për në vendet evropiane, bën një gjest për t’u duartrokitur.

Ata bashkë me disa fëmijë, filluan ta pastronin ambientin në vendin ku ishin ndalur në kolonë. / KultPlus.com

Pritjet e mërgimtarëve në Merdar mbi katër orë, kolona mbi dy kilometra

Posted on by Kult Plus

Në pikat e kalimit kufitar me Serbinë po vazhdojnë pritjet shumë orëshe të bashkatdhetarëve, që po kthehen nga pushimet në Kosovë.

Sipas raportit të Qendrës Kombëtare për Menaxhimin Kufitar (përditësimi i orës 07:30), pritjet më të gjata regjistrohen në pikë-kalimin kufitar në Merdar, ku bashkatdhetarët po presin mbi 4 orë për ta kaluar kufirin me Serbinë, kurse kolona e automjeteve arrin deri në 2,3km, transmeton KultPlus.

Situatë më e qetë del të jetë në pikë-kalimin te Dheu i Bardhë ku pritjet për dalje janë deri në 90 minuta.

Ndërsa në Mutivodë dhe Muçibabë deri në 80 minuta.