Etiketë: Michelle Obama

Michelle Obama, avokatja dhe ish-zonja e parë amerikane nxjerr ne tregun e librave autobiografinë e shumëpritur me titull “Becoming”. Në këtë autobiografi rrëfehet shumë rreth marrëdhënies private mes Michelle dhe ish presidentit të Shteteve të Bashkuara, Barack Obama.

Në autobiografinë e saj Michelle rrëfen se si ky çift ka arritur t’i përballojë dhe t’i transformojë vështirësitë me anë të terapisë në çift. Zgjidhja për problemet e pashmangshme në jetën në çift sipas Michelle, është puna reciproke konstante me njëri-tjetrin, në funksion të mbarëvajtjes së marrëdhënies.

Një marrëdhënie është e përbërë nga alkimia e tre zonave: zona e bashkëndarjes, zona e kompromisit dhe zona që nuk ndahet bashkarisht. E para sipas Michelle përfshin idealet, objektivat dhe domethëniet ku bëjnë pjesë konceptimet në lidhje me çiftin, stilin e të jetuarit, dhe angazhimin social.

Ndërsa në zonën e kompromisit hyjnë të gjithë faktorët që në grada të caktuara mund të ndezin fitilin e debateve. Dhe në fund, zonat që nuk mund të ndahen bashkarisht, janë ato që e kanë origjinën tek interesat personale të zhvilluar përpara takimit dhe krijimit të lidhjes.

Për Michelle është shumë e rëndësishme që shprehja e diferencave në çift të shërbejë si pasurim i ndërsjelltë për secilin. Pra, mesazhi kryesor i “Becoming” është që puna në çift nuk duhet të reshtë kurrë.

Edhe pse tashmë është larguar nga Shtëpia e Bardhë, ajo kujdeset që herë pas here të japë mesazhe mjaft frymëzuese dhe të ndihmojë njerëzit në nevojë.

Ajo bashkë me ish-presidentin Barack Obama dhe vajzat e saj nisën një jetë të re pas përfundimit të mandatit, jashtë vëmendjes së mediave dhe përgjegjësive politike. Por sigurisht ato nuk ndaluan me projektet e tyre dhe patën edhe një lloj reflektimi, gjë të cilën Michelle e ka pasqyruar në një projekt mjaft të madh, siç është publikimi i një libri i cili do t’i japë mundësi njerëzve ta takojnë atë.

Ka qenë vetë ajo që ka postuar në Instagram lajmin se tashmë ka përfunduar puna me librin e saj i cili do të publikohet më 13 nëntor. Ajo e ka konsideruar si një ditë mjaft të rëndësishme për të dhe është e lumtur që do të ndajë me botën periudhën jashtë Shtëpisë së Bardhë, ku ka pasur mundësi të mendojë për njerëzit, historitë dhe të gjitha eksperiencat që e bënë të jetë kjo që është sot./KultPlus.com

Ish Zonja e Parë e Shteteve të Bashkuara të Amerikës, Michelle Obama, do të publikojë së shpejti librin e saj të parë autobiografik.

Ish zonja e parë ka vendosur të zbulojë disa detaje për librin e saj duke theksuar se titutulli do të jetë “Becoming” dhe se libri është vendosur të jetë një kujtim që do ti çojë lexuesit në fëmijërinë e saj në pjesën jugore të Çikagos dhe rrugën e përshkuar deri në Shtëpinë e Bardhë.

“Libri “Becoming” ka qenë një përvojë thellësisht personale. Libri më ka lejuar, për herë të parë, hapësirën për të reflektuar ndershmërisht në trajektoren e papritur të jetës sime”, tha ajo në një deklaratë.

“Në këtë libër, flas për rrënjët e mia dhe se si një vajzë e vogël nga ana e Jugut të Çikagos gjeti zërin e saj dhe zhvilloi forcën për ta përdorur atë për të fuqizuar të tjerët. Shpresoj që udhëtimi im të frymëzojë lexuesit për të gjetur guximin për t’u bërë kushdo që dëshirojnë të jenë. Me padurim pres që të ndaj historinë time me lexuesit. ”

Libri do të botohet në 24 gjuhë të dhe pritet të botohet në 13 nëntor./ KultPlus.com