Etiketë: Ministria e Arsimit

MAShT njofton se të hënën dhe të martën nuk do të mbahet mësim

Posted on by Kult Plus

Ministria e Arsimit, Shkencës, Teknologjisë dhe Inovacionit ka njoftuar se të hënë me 3 maj dhe të martën me 4 maj nuk do të mbahet mësim.

Sipas njoftimit të MAShT-it këto ditë do të jenë pushim për nder të Ditës Ndërkombëtare të Punëtorëve dhe për nderë të Pashkëve Ortodokse.

Njoftimi i plotë:

Ministria e Arsimit, Shkencës, Teknologjisë dhe Inovacionit (MASHTI) njofton drejtoritë komunale të arsimit dhe të gjitha institucionet arsimore se, në pajtim me nenin 2 të Ligjit Nr.03/L-064 për Festat Zyrtare të Republikës së Kosovës, të hënën më 3 maj, për nderë të Ditës ndërkombëtare të punës dhe të martën më 4 maj, për nderë të Pashkëve Ortodokse do të jetë festë zyrtare.

Gjatë këtyre dy ditëve institucionet arsimore nuk do të punojnë dhe procesi mësimor do të vazhdojë të mërkurën nga data 5 maj. / KultPlus.com

Ministria e Arsimit ka një kërkesë lidhur me mësimdhënëset shtatzëna

Posted on by Kult Plus

Ministria e Arsimit, Shkencës, Teknologjisë dhe Inovacionit, ka kërkuar nga Drejtoritë Komunale të Arsimit numrin e saktë të punësuarave shtatzëna në institucionet edukativo-arsimore, shkruan KultPlus.

Kjo është bërë e ditur përmes një njoftimi në Facebook nga Ministria e Arsimit, ku ndër të tjera thuhet se kjo po bëhet me qëllim të mbrojtjes së shëndetit të grave dhe fëmijëve.

“Me qëllim të mbrojtjes së shëndetit të grave dhe fëmijëve, konform vendimit të Qeverisë së Kosovës për lirimin e grave shtatzëna nga puna, Ministria e Arsimit, Shkencës, Teknologjisë dhe Inovacionit (MAShTI), ka kërkuar nga Drejtoritë Komunale të Arsimit numrin e saktë të të punësuarave shtatzëna në institucionet edukativo-arsimore”, thuhet në njoftim.

 Tutje është bërë e ditur se në bashkëpunim edhe me Fakultetin e Edukimit, komunat dhe shkollat, MAShTI do të sigurohet që nxënësit të mos të humbin orët mësimore, njëkohësisht grave shtatzëna t’u realizohet e drejta e tyre. / KultPlus.com

Në ditën e mësuesit protestë në Prishtinë, si shenjë pakënaqësie për gjendjen e arsimit në vend

Posted on by Kult Plus

Dita e Shkollës së parë Shqipe, apo siç dhe njihet ndryshe si Dita e Mësuesit këtë vit në Prishtinë do të shënohet më një protestë përballë Ministrisë së Arsimit dhe Shkencës, shkruan KultPlus.

Në njoftimin e bërë nga organizatorët e kësaj proteste theksohet se Kosova ka më së paku arsye për festimin e ditës së mësuesit, për shkak të gjendjes në të cilën ndodhet arsimi në vend.

“Kjo ditë tradicionalisht është festuar në Kosovë, madje edhe me dreka, darka e mirënjohje. Ne konsiderojmë, se Kosova ka më së paku arsye për të festuar, duke marrë parasysh gjendjen e rëndë në të cilen ndodhet Arsimi”, thuhet ndër të tjera në njoftim.

Tutje ata kanë shtuar se kjo protestë gjithashtu po organizohet për të ngritur vetëdijen në opinoni publik, por dhe për të kërkuar përgjegjësi nga politika që arsimi të bëhet prioritet.

“Në kuadër të aksionit para objektit të MASH ne do të vendosim një ditar shkollor ku kemi notuar me notën 1 si më e dobëta të gjithë ministrat/et që kanë drejtuar këtë ministri nga paslufta e deri më sot”, thuhet tutje në njoftim.

Kjo protestë e cila është thirrur nga Global Shapers Prishtina do mbahet sot në orën 11:00 duke respektuar të gjitha masat anti covid./ KultPlus.com

Libri shkollor i klasës së tetë: Robërit zezakë

Posted on by Kult Plus

Nuk janë të rralla rastet kur librat shkollor, prej të cilave mësojnë nxënësit përmbajnë gjuhë të urrejtjes racore, etnike, fetare e gjinore, shkruan KultPlus.

Një rast i tillë së fundmi është vërejtur në librin e klasës së tetë të lëndës së Gjeografisë.

Në fotografitë e shpërndara nga Kaltrina Jashari shohim se njerëzve me ngjyrë iu referohet si “zezakë” dhe “robër”.

Ministria e Arsimit si institucion i cili aprovon dhe boton këto libra, duhet të rishqyrtoj tekstet shkollore. / KultPlus.com

Ministria e Arsimit të Shqipërisë lanson iniciativën “E premtja e leximit”

Posted on by Kult Plus

Ministria e Arsimit, Rinisë dhe Sportit të Shqipërisë ka iniciuar nismën më të re në ditën ndërkombëtare të arsimit, shkruan KultPlus.

Nëpërmjet lansimit të nismës “E premtja e leximit” nëpër shkolla, do të mundësohet krijimi i shprehisë së leximit, promovimi i autorëve vendas dhe shkrimeve të vet nxënësve dhe promovimi i letërsisë.

“Çdo të premte, leximi i poezive, prozave apo eseve nga nxënësit dhe për nxënësit, krijuar nga ata vetë apo autorë të njohur shqiptarë, do të jetë mbi të gjitha sensibilizim për zhvillimin e mëtejshëm të leximit”, tha ministrjaKushi.

Përgjatë aktivitetit, ministrja e arsimit, Evis Kushi sjelli edhe interpretimin e poezisë “Tetor” nga Ismail Kadare.

“Me leximin modest të poezisë “Tetor” të shkrimtarit tonë të madh Ismail Kadare, gjatë aktivitetit kushtuar Ditës Kombëtare të Rinisë në Qendrën Kombëtare të Librit dhe Leximit, kam dëshirë të lançoj nismën më të fundit të Ministrisë së Arsimit, Rinisë dhe Sportit për nxënësit në shkollat tona “E Premtja e Leximit”, theksoi Evis Kushi.

Ministrja shtoi se kjo nismë do të shërbejë edhe si një formë e thjeshtë për t’i kushtuar rëndësi më të madhe identitetit tonë dhe për të vlerësuar, ruajtur, përparuar dhe kultivuar gjuhën tonë të bukur dhe të ëmbël shqipe. / KultPlus.com

Ministria e Arsimit në ora 12.00 apelon që sot të mbahet mësimi

Posted on by Kult Plus

Ministria e Arsimit dhe Shkencës – MASH, tek tash, në ora 12.00 të ditës kujtohet që të apelojë për mbajtjen e mësimit.

Sipas tyre vendimi që dita e hënë, 30 nëntor 2020, të jetë ditë pune edhe në institucionet arsimore, është vendim i Qeverisë së Kosovës në shenjë solidarizimi me të gjithë ata që po punojnë pa pushim në përballje me pandeminë.

Ky është njoftimi i tyre i plotë i sapo publikuar:

Vendimi që dita e hënë (30 nëntor 2020) të jetë ditë pune edhe në institucionet arsimore, është vendim i Qeverisë së Kosovës në shenjë solidarizimi me të gjithë ata që po punojnë pa pushim në përballje me pandeminë.

Bazuar në Ligjin për Arsimin Parauniversitar në Republikën e Kosovës, MASh ka nxjerrë Udhëzimin Administrativ për Kalendarin Shkollor 2020/2021, i cili nuk është ndryshuar.

Prandaj, MASh fton të gjitha institucionet arsimore që të shfrytëzojnë të gjitha mundësitë për të realizuar planprogramin mësimor.

MASh, po ashtu, iu bënë thirrje të gjitha institucioneve arsimore që të kujdesen për zbatimin e rekomandimeve të IKShPK-së dhe MASh-së nga të gjithë akterët pjesëmarrës në shkollë./ KultPlus.com

Ramë Likaj: Prej nesër mësimi zhvillohet në mënyrë të kombinuar

Posted on by Kult Plus

Ministri i Arsimit, Ramë Likaj, ka njoftuar përmes një statusi në rrjetin social Facebook, se prej nesër më datë 21 shtator, nxënësit do të kthehen në shkollë me mësim të kombinuar, edhe nxënësit e klasave të shtata, teta, nënta dhe njëmbëdhjeta e dymbëdhjeta, përcjellë KultPlus.

Përveçse nëse menaxhmenti i shkollës dhe task forca e secilit institucion, pasi të ketë vlerësuar situatën, mund të vendosin për ndonjë skenar tjetër, në mënyrë që të respektohen strikt rregullat e Udhëzuesit për organizimin e mësimit në kushte pandemie’, njofton tutje Likaj.

Likaj poashtu apelon që nxënësit të jenë më të vëmendshëm dhe të respektojnë rregullat dhe rekomandimet për mbrojtje nga Covid.

‘’Ministria e Arsimit dhe të gjitha institucionet tjera relevante do të jenë në çdo kohë afër juve.
Të gjithë bashkë, mund t’ia dalim që të mbajmë shkollat hapur për Ju, për Kosovën!’’ thuhet ndër të tjera në njoftimin e ministrit. / KultPlus.com

Sqaron Ministria e Arsimit dhe Shkencës: Nuk kemi vendosur që maskat të sigurohen nga nxënësit

Posted on by Kult Plus

Ministria e Arsimit dhe Shkencës përmes një lajmërimit në faqen e tyre zyrtare në Facebook, kanë sqaruar se nuk kanë vendosur që maskat të sigurohen nga nxënësit, përcjellë KultPlus.

Sipas udhëzuesit të përgjithshëm nga MASh-i, çdo nxënës duhet të ketë maskën personale, e cila përdoret gjatë gjithë kohës së qëndrimit në ambientet e shkollës.

”Përpos maskave të siguruara nga DKA-të, partnerët, donatorët dhe vetë shkollat, MASh dhe Qeveria e Kosovës ka ndarë dhe ka planifikuar një pjesë të buxhetit për maska, mjete tjera mbrojtëse dhe dezinfektuese. Kështu që, shkollat do të kenë fond rezervë të maskave”, thuhet tutje në njoftimin e MASh. / KultPlus.com

Sot protestohet para Ministrisë së Arsimit nga këshilli i prindërve të kësaj komune

Posted on by Kult Plus

Për sot është paralajmëruar të mbahet një protestë para Ministrisë së Arsimit dhe Shkencës.

Këshilli i prindërve nga fshatrat e Kamenicës do të zhvillojë këtë protestë në orën 10:00.

Ende nuk dihen arsyet e protestës, përveç diskutimeve që janë bërë më herët në lidhje me reformën e arsimit në këtë komunë. / KultPlus.com

Ministria e Arsimit merr vendim: Mësimi plotësues të mbahet online

Posted on by Kult Plus

Ministri i Arsimit, Shkencës dhe Tekologjisë, Ramë Likaj ka marrë vendim që mësimi plotësues i ambientimit dhe përgatitjes së nxënësve për Testin e Maturës për klasët e 12-ta të mbahet në formën online (mësim në distancë).

Këtë vendim, ministri Likaj e ka marrë pas konsultimeve gjatë ditës së sotme me Ministrinë e Shëndetësisë, ekspertët e IKShP-së, kryetarët e komunave dhe Kolegjiumin e Drejtorëve Komunal të Arsimit.

Mësimi plotësues për klasat e 12-ta, sipas këtij vendimi, do të fillojë të Hënën, me datë 15.06.2020, në formën online (mësim në distancë).

Me Kalendarin e përshtatur të përfundimit të vitit shkollor 2019/2020 në rrethana të pandemisë COVID-19 ishte paraparë që të mbahet mësim përgatitor në shkolla, por vendimi për formën online të mësimit është marrë me qëllim të ruajtjes së shëndetit publik.

Drejtoritë Komunale të Arsimit (DKA-të) janë obliguar që ta zbatojnë këtë vendim deri në një vendim tjetër. /KultPlus.com

Universiteti i Prishtinës po shqyrton dy opsionet, provime fizike dhe ato online

Posted on by KultPlus

Brenda pak javësh studentët e Universitetit më të madh publik, “Hasan Prishtina” mund të kthehen sërish në banka. Kësaj radhe për t’iu nënshtruar provimeve të afatit të qershorit. Këtë afat të rregullt të provimeve, Universiteti pritet ta hapë brenda pak ditësh.

Prorektori për kërkime shkencore, Faton Berisha ka bërë të ditur se i kanë dy opsione, mbajtjen e provimeve në fakultete duke e respektuar distancën, apo nëse përkeqësohet situata me pandeminë provimet të mbahen online, raporton KOHA.

Sfidë sipas tij, do të jenë njësitë akademike me numër të madh të studentëve, por, siç ka thënë, nëse provimet mbahen në fakultete, studentët duhet të ndahen në disa grupe.

Edhe kryetari i Parlamentit studentor, Bledian Geci, mendon se për të pasur rezultate reale, provimet është më mirë të mbahen fizikisht nëpër fakultete. Ai ka bërë thirrje që Universiteti të krijojë kushte të duhura për mbajtjen e tyre në mënyrë që studentët të mos rrezikohen nga Covid-19.

Mbajtja e provimeve në qershor është paraparë edhe nga Ministria e Shëndetësisë sipas rekomandimeve të Institutit Kombëtar të Shëndetësisë publike.

Si pasojë e pandemisë, studentët e Universitetit të Prishtinës që nga mesi i muajit mars janë duke e zhvilluar mësimin online përmes platformave “Google Meet” dhe “Google Clasroom”.

Komuna e Gjilanit premton internet falas, Bajrami: Të ndiqet shembulli i Gjilanit

Posted on by KultPlus

Së fundi Komuna e Gjilanit ka premtuar internet falas për qytetarët, duke bërë kështu që për këtë dukuri të reagoj edhe ministrja e arsimit, shkruan KultPlus.

Hykmete Bajrami ka reaguar përmes një statusi në Facebook, ku ka potencuar se të gjithë duhet të ndjekin shembullin e qytetit të Gjilanit.

Më poshtë mund të lexoni statusin e plotë të Bajramit.

”Të ndiqet shembulli i Gjilanit

Komuna e Gjilanit ka vendosur të ofrojë internet falas për gjithë qytetarët e saj. Ky projekt përveç tjerash siguron qasje në mësimin në distancë pothuaj për të gjithë, një hap i jashtëzakonshëm, për të rritur edhe më shumë pjesëmarrjen në mësimin online, sidomos për pjesën e shoqërisë në kushte të rënda financiare.
Presim që edhe komunat tjera të ndjekin shembullin e Gjilanit dhe të ofrojnë internet pa pagesë në këtë kohë pandemie.
Ministria e Arsimit, Shkencës, Teknologjisë dhe Inovavcinit do të qëndrojë afër secilit nxënës, studentë, prind, mësues, arsimtar e profesor. Do të ndihmojë edhe komunat me aq sa ka mundësi buxhetore. S’do të kursejmë asgjë për të kaluar sa më lehtë COVID-19.” / KultPlus.com

Ministria e Arsimit së shpejti me platformën “Edukimi në Distancë” për moshën 0-6 vjeç

Posted on by KultPlus

Në vazhdën e aktiviteteve për organizimin e procesit edukativ-mësimor për fëmijët e Kosovës, Ministria e Arsimit, Shkencës, Teknologjisë dhe Inovacionit (MAShTI) njofton se në bashkëpunim me Zyrën e UNICEF-it në Kosovë dhe “Save the Children”, së shpejti do të bëjnë lansimin e platformës “Edukimi në Distancë – Kujdesi, Zhvillimi dhe Edukimi në fëmijërinë e hershme për moshën 0-6 vjeç”.

Kjo platformë inovative ka për qëllim t’i mbështesë prindërit, kujdestarët ligjor dhe edukatorët në realizimin e aktiviteteve ditore dhe javore me fëmijët në kushte shtëpie, duke ndihmuar kështu, që në kontekstin e pandemisë COVID – 19, këto grupmosha të kenë kujdesin e duhur sa i përket zhvillimit emocional dhe edukimit.

MAShTI ju bën me dije se nga sot do të lëshohet në transmetim një video informuese, e cila do t’i informojë dhe udhëzojë prindërit dhe kujdestarët për përmbajtjen dhe mënyrën e përdorimit të platformës. / KultPlus.com

Nxënësit e këtyre dy klasave, pa libra të rinj në këtë vit shkollor

Posted on by KultPlus


Tekstet shkollore për klasat e teta dhe nënta sivjet nuk do të shpërndahen falas nga Ministria e Arsimit. Sipas zyrtarëve të MASHT-it, në bazë të udhëzimit administrativ, këto klasë e kanë për obligim të ruajnë librat dhe t’i kthejnë ato në shkollë, ku më pas shkolla i shpërndanë për gjeneratën që vjen.

Por, drejtues të disa shkollave thonë që nuk kanë qenë të njoftuar se duhet t’i sigurojnë librat e vjetër për t’i shpërndarë këtë vit. Ndërkohë, nxënësit tani duhet t’i sigurojnë vetë këto libra. Nxënësit e klasave të teta dhe nënta, nuk mund të kenë libra të rinj në këtë vit shkollor, pasi Ministria e Arsimit nuk i ka shpërndarë ato.

Ata duhet t’i sigurojnë nga shokët e gjeneratës paraprake ose t’i blejnë në librari. Kështu thonë nxënëset Stina dhe Ola nga Shkolla “Ismail Qemali”, në Prishtinë, të cilave u është thënë se shkolla nuk i ka siguruar librat nga viti i kaluar.

Shumë mësimdhënës dhe drejtues shkollash, thanë jashtë mikrofonit të Radios, se nuk janë njoftuar me kohë që duhet t’i sigurojnë librat e përdorur nga viti i kaluar. Tashmë disa shkolla nuk kanë libra të klasës së tetë dhe nëntë, kështu që nxënësit duhet të interesohen për t’i siguruar vetë ato. Drejtorja e Shkollës “Faik Konica”, Gjylie Balaj, ka thënë për RTK-në se po bashkëpunojnë me shkollat e tjera për të plotësuar me libra njëra-tjetrën.

Ndërkohë, drejtori i departamentit për arsimin para universitar në Ministrinë e Arsimit, Alush Istogu, tha për Radio Kosovën se në bazë të udhëzimit administrativ, klasat tetë dhe të nëntë e kanë për obligim t’i ruajnë librat dhe t’i kthejnë ato në shkollë, ku më pas shkolla i shpërndanë për gjeneratën që vjen . Istogu, tha se qëllimi i ruajtjes së teksteve të klasave tetë dhe nëntë, ishte edhe për shkak të kursimit të buxhetit. Ndërkohë, sivjet janë shpërndarë tekstet e reja të cilat janë hartuar për klasat 1, 2, 6, 7, 10 dhe 11./KultPlus.com


Gripi në Kosovë, Ministria e Arsimit del me këtë vendim

Posted on by KultPlus

Përmasat e mëdha me të cilat është përhapur gripi sezonal në Kosovë kanë detyruar ministrinë e Arsimit, që të kërkojë nga të gjitha drejtorië komunale të arsimit që të mbikëqyrin situatën nëpër të gjitha institucionet shkollore.

Në këtë kërkesë, ndër të tjera është thënë që nxënesit të cilët kanë siptoma të këtij gripi, të qëndrojnë në shtëpi duke shmangur kështu kontaktin me nxënesit tjerë.

Kjo kërkesë e tyre thuhet se është bazuar në rekomandimet e Institutit Kombëtar të Shëdndetësisë.

Njoftimi i plotë:

Ministria e Arsimit, Shkencës dhe Teknologjisë (MAShT), ka kërkuar nga drejtorët e Drejtorive Komunale të Arsimit (DKA), që të mbikëqyrin situatën në komunat e tyre rreth epidemisë së gripit sezonal përmes përgjegjësve të institucioneve parashkollore, fillore dhe të mesme (publike dhe private).

Këtë kërkesë, MAShT e ka bërë duke u bazuar në rekomandimet e Institutit Kombëtar të Shëndetësisë Publike dhe Shërbimit Spitalor dhe Klinik Universitar të Kosovës për situatën aktuale epidemiologjike të gripit sezonal.

Në kërkesën që iu është drejtuar DKA-ve, MAShT ka kërkuar nga përgjegjësit e të gjitha institucioneve arsimore që fëmijët dhe nxënësit që kanë shenja dhe simptoma të gripit (temperaturë të lartë, lodhje, rrjedhje hundëve, dhimbje fyti, kollë, barkqitje dhe vjellje, dhimbje koke, barku dhe muskujsh), t’i shmangen kontaktit me nxënës të shëndoshë dhe të qëndrojnë në shtëpi, duke iu përmbajtur rekomandimeve të mjekut./Express/KultPlus.com

Gabime drejtshkrimore në Ministrinë e Arsimit (FOTO)

Posted on by Kult Plus

Edhe nëpër shkrimet njoftuese të vendosura në dyert e sallave të Ministrisë së Arsimit mund të hasësh në gabime drejtshkrimore.

Një e tillë është vërejtur nga lexuesit e KosovaPress-it në fund të janarit, në sallën e takimeve. Aty përveç tjerash është shkruajtur edhe për takim i përfaqësuesve të ‘europjan…’./ KultPlus.com

Kategorizimi i diplomave do të jetë siklet për studentët

Posted on by Kult Plus

Ministri i Arsimit, Shkencës dhe i Teknologjisë, Shyqyri Bytyqi, ka thënë se autoriteti i Ministrisë shtrihet edhe te universitetet private.

Ai ka thënë se nuk është i interesuar të vazhdohet me praktikat e vjetra, por që bashkërisht të gjejnë zgjidhje, duke thënë se edhe studentët e tyre do t’i nënshtrohen provimit shtetëror.

“Autoriteti i jonë ligjor shtihet deri në maksimum, për të vendosur rend dhe ligj. Ne do të vendosim nëse këto nuk do të jenë të gatshëm, e kemi ba të qartë këtu në takim, sepse ne gjerat i kemi të hapura. A dojmë diçka të ndryshojmë e të bëjmë mirë, apo do të vazhdojmë me avazin e vjetër?” Unë nuk jam i interesum me avazin e vjetër. Jam i interesum që bashkërisht të gjejmë zgjidhje, në të kundërtën ligji do të vendos minimumin provim shteteror. Studentët do t’u nënshtrohen provimit shteteror ne momentin kur e përfundojnë një program të caktuar në një fakultet të caktuar”, ka thënë ministri për Gazetën Fjala.

Megjithatë, kjo formë, sipas tij, nuk garanton cilësi 100 përqind, por e vendosë një rregull.

“Nuk garanton 100% cilësi sepse cilësia direkt është e lidhur me personat përgjegjës në këto kolegje edhe në çdo universitet. Por ajo çfarë vendos, vendos një rregull. I mbron të gjithë studentët të cilët vërtet bëjnë një punë të jashtëzakonshme gjatë studimeve të tyre që fitojnë një dije që është e barasvlershme me diplomën të cilën e marrin”, ka thënë tutje ai.

Ministri i Arsimit ka thënë se do të fillojnë edhe me kategorizimin e diplomave, e cila do të bëjë që studentët para regjistrimit të mendojnë mirë se në cilat drejtime do të regjistrohen.

“Pra, nëse ne do të fillojmë me i kategorizu diplomat, kjo do t’i detyrojë edhe studentët të mendojnë momentin kur regjistrohen. Do të kërkojnë kolegje të cilat vërtet ofrojnë cilësi gjatë studimeve, sepse për punësim do ta kenë shumë vështirë”, ka shtuar ai.

“Konsideroj që është prioritet i qeverisë që ne punësimin ta orientojmë te sektori privat, të mos jetë sektori publik faktor kyç në punësimin e të rinjve tanë, dhe ne kur do ta kthejmë punësimin në sektorin privat, paramendoni a do të ketë mundësi një i ri që do ta ketë diplomën e kategorisë së dytë të punësohet. Sepse secili do t’ia kërkojë diplomën e kategorisë së parë”, ka thënë tutje ai./ KultPlus.com

Fjolla Rraci shkruan letër publike për Ministrinë e Arsimit, në librat shkollorë personat me Sindromën Down quhen ‘idiota’

Posted on by Kult Plus

Aktivistja e të drejtave të personave me sindromën Down, Fjolla Rraci, i ka drejtuar sot një letër publike ministrisë së Arsimit, shtëpive botuese dhe redaktorëve, të cilët lejuan që në librat shkollorë personat me sindromën Down të quhen ‘idiotë’.

Kjo është letra e saj e plotë:

“Leter ministris se arsimit, shtepive botuese, redaktorve dhe te gjithe atyre qe shkruajne, botojne e lejojne botimin e librave ku mi etiketojne ne m’nyre ç’njerzore ma t’dashtunit e mi.
Po ju shkruaj se po m’plas zemra e po m’dhemb shpirti.
Me e pa n’dit t’sotit me nji liber shkollor t’shkrume se sindroma Down osht smundje trasheguse tek njeriu osht tmerr!
T’kish qen’ e tille s’kish me pas gati asnji familje pa nji antare me sindromen Down, e une kisha bo çmos e kisha konsumu edhe veten veç me i sheru.
E edhe ma e tmerrshme kur pershkruhen si ‘idiota mongoloid’ a persona me nivelin e idiotve.
Sa idiot mundet me qen’ nji njeri kur e shkrun nji liber t’tille??
E me t’neverit pjesa ku ju caktohet jetgjatsia, 10-16 vjet.
A e keni mendu kur e keni ba ate plan t’arsimit t’pakten nji fjali prej ati teksti kur e keni shkru ?
A e keni mendu qe ai msim mundet me ju kriju mendimin nxansve per personat me sindromen Down?
AMAN permisoni ate shkrim per hater t’Meritonit qe e kemi shembull gjithe familja per urtsi e edukat.
Aman kontrolloni shkrimet perparase t’i botoni per hater t’Donikut qe çdo dite mbas msimit shkon n’pune e asht ba zot i vetes.
Aman mos lejoni te lexohen shkrime tilla prej nxansve, per hater t’Aldit qe çdo dite zgjohet i gzushem me dal n’pune se ka me i sherby komunitetit.
Aman per hater t’Leonit qe asht aq ambicioz e osht tuj msu me lexu e nji dite mundet me e lexu ate liber.
Aman se duhet me ju ardh marre prej Dines qe sot osht n’Franc n’gara t’notit.
Aman heqni ato shkrime se po m’vjen gjynah prej Benit t’vogel qe asht gjithe jete e ka me u bo krenaria jone ma e madhe..
Aman se duken qe jane veç disa fjal’ ama kto jane fjale qe t’vrasin e t’dhamin!”/ KultPlus.com