Etiketë: Mitrovicë

Presidentja Osmani kujton 25-vjetorin e masakrës në Tregun e Mitrovicës: Kjo masakër dëshmi që Serbia synonte shfarosjen e shqiptarëve

Posted on by Kult Plus

Presidentja e Republikës së Kosovës, Vjosa Osmani ka kujtuar përvjetorin e Masakrës në Tregun e Gjelbër në Mitrovicë.

“25 vjet më parë, më 13 mars 1999, nga granatat e forcave të regjimit gjenocidal të Millosheviqit, në Tregun e Gjelbër në Mitrovicë u vranë mizorisht 7 civilë të pafajshëm, nga mosha  5-65 vjeçe. Në këtë akt makabër, u plagosën 128 persona në mesin e të cilëve fëmijë, gra, pleq e të rinj”, ka thënë Pressidentja.

Presidentja Osmani tha se kjo  masakër është një nga dëshmitë më autentike të brutalitetit të një regjimi kriminal, i cili synonte shfarosjen e shqiptarëve.

“25 vjet më parë, më 13 mars 1999, nga granatat e forcave të regjimit gjenocidal të Millosheviqit, në Tregun e Gjelbër në Mitrovicë u vranë mizorisht 7 civilë të pafajshëm, nga mosha 5-65 vjeçe.

Në këtë akt makabër, u plagosën 128 persona në mesin e të cilëve fëmijë, gra, pleq e të rinj. Kjo masakër është një nga dëshmitë më autentike të brutalitetit të një regjimi kriminal, i cili synonte shfarosjen e shqiptarëve.

Sot, nderojmë kujtimin për të vrarët e asaj dite, ndërkohë që angazhimi ynë për vendosjen e drejtësisë mbetet i vazhdueshëm. Qoftë i përhershëm kujtimi për të vrarët në masakrën në Tregun e Gjelbër në Mitrovicë!”/KultPlus.com

Për herë të parë, në KK të Mitrovicës së Veriut shënohet Dita e Pavarësisë

Posted on by Kult Plus

Kuvendi Komunal i Mitrovicës së Veriut, për herë të parë që nga shpallja e pavarësisë, po mban seancë solemne në shënim e përvjetorit të Pavarësisë së Kosovës.

Kryetari i komunës, Erden Atiq dhe kryetari i Kuvendit Komunal, Nexhat Uglanin, në adresimin e tyre para asamblistëve, theksuan se kjo ditë për Kosovën dhe popullin e saj janë shumë të rëndësishme, “derisa dita e sotme është e veçantë edhe për qytetarët e kësaj komune, ngase për herë të parë shënohet edhe me mbledhje solemne të Kuvendit Komunal”, ka njoftuar RTK.

“Në këtë ditë të nderuar, më 17 shkurt, duhet ta përjetojmë si një moment të madh të nderimit për miqtë tanë ndërkombëtarë, miqtë e lirisë sonë. Ata ishin pranë nesh gjatë rrugës sonë drejt lirisë dhe pavarësisë. Në vitet e vështira të rezistencës paqësore, kur bota po përjetonte trazirat e post-komunizmit, ata na hapën dyert dhe dëgjuar zërin e një popullit të shtypur. Ata na ndihmuan që ky zë të bëhej edhe më i fuqishëm. Më 5 mars, 1998, në Prekazin e Adem Jasharit, nisi kryengritja e UÇK-së. Ata pranuan se kjo kryengritje kishte vetëm një ideal: lirinë, vlerën më të madhe të civilizimit perëndimor”, tha Atiqi mes tjerash në fjalën e tij para asamblistëve.

MKRS: Mbi 1 milion euro investime në trashëgiminë kulturore në Mitrovicë

Posted on by Kult Plus

Ministri i Kulturës Hajrulla Çeku, i shoqëruar nga këshilltarja Nora Arapi Krasniqi kanë vizituar qytetin e Mitrovicës, për të parë nga afër punimet që po zhvillohen në disa nga asetet e trashëgimisë kulturore të këtij rajoni.

Vizitën e filluan në Kullën e Tupellëve dhe në Postën e Vjetër ku po vazhdojnë punimet restauruese ndërsa panë edhe Kishën në Vinarc ku ndërhyrjet tashmë janë drejt përfundimit.

MKRS përmes një njoftimi ka bërë të ditur se gjatë vitit 2023, në Mitrovicë janë realizuar disa ndërhyrje në monumente, përfshi Hamamin e Qytetit, Shtëpinë e Idriz Hajdarit, ndërsa me gjithë përpjekjet për shkatërrim, ndërhyrjet në shtëpinë e familjes Koroglu po vazhdojnë./KultPlus.com

Fillon edicioni i 13-të i Festivalit Tradicional të Komedisë “Mittrixfest” në qytetin e Mitrovicës

Posted on by Kult Plus

Mbrëmë, ka filluar edicioni i 13-të i Festivalit Tradicional të Komedisë “Mittrixfest”, në qytetin  e Mitrovicës, shkruan KultPlus.

Ministria e Kulturës, Rinisë dhe Sportit ka bërë të ditur se aktivitetet e këtij edicioni do të vazhdojnë edhe për 6 ditë të tjera, aktivitete këto që e shëndrrojnë Mitrovicën në një qytet që frymon art dhe kulturë.

“Duke filluar nga mbrëmë, Festivali Tradicional i Komedisë “Mittrixfest” filloi aktivitetet e këtij edicioni të cilat do të vazhdojnë edhe për 6 ditë të tjera, duke bërë që Mitrovica të frymojë me art dhe kulturë”, thuhet në postimin e MKRS-së në facebook.

Programi i sivjetëm:

6 shfaqje / komedi teatrale të cilat janë në garë për çmimet që do t’i ndajë juria profesionale;

Ekspozitë e pikturave nga fëmijët me autizëm;

5 vizita turistike – promovim i qytetit dhe i trashëgimisë kulturore;

5 punëtori nga njohës të fushës së teatrit;

7 mbrëmje muzikore.

Aktivitetet do të mbahen çdo natë deri me 8 tetor, ora 19:30 në Muzeun e Qytetit të Mitrovicës./ KultPlus.com

Pas një dekade, Kori i Filharmonisë së Kosovës rikthehet me koncert në Mitrovicë

Posted on by Kult Plus

Pas më shumë se një dekade jemi të lumtur që Kori i Filharmonisë së Kosovës është rikthyer me koncert në Mitrovicë, të premten mbrëma.

Në drejtimin e dirigjentëve Mary Konstantinidou dhe Hajrullah Syla, Kori interpretoi vepra nga kompozitor shqiptar dhe të huaj.

Koncerti u organizua në Muzeun e Qytetit në Mitrovicë me mbështetjen e Ministrisë së Kulturës, Rinisë dhe Sportit të Republikës së Kosovës dhe Komunës së Mitrovicës.

Filharmonia e Kosovës do ta përmbyll aktivitetin e saj me Koncertin e Vitit të Ri 2023, i cili do të mbahet më 22 dhjetor 2022 në sallën “amc” prej orës 20:00. /KultPlus.com

Libri ‘Kosova në 14 tregime kulturore – 2’ nga Arbër Selmani, shpalosi veten në Mitrovicë

Posted on by Kult Plus

Libri ‘Kosova në 14 tregime kulturore – 2’, me autor gazetarin e poetin Arbër Selmanin, u promovua edhe në Mitrovicë.

Pas Prishtinës, libri ku përfshihen intervista që fokusohen rreth 14 figurave që i kanë dhënë art e kulturë Kosovës, të hënën shkoi në Mitrovicë, në hapësirën 7ARTE.

‘Jam shumë i lumtur që jam në Mitrovicë, në një qytet i cili madje përmendet disa herë në librin tim, sikur në vëllimin e parë ashtu edhe të dytin. Shembull, në librin e dytë e kam këngëtarin Luan Hajra i cili vjen nga Mitrovica dhe i cili e ka begatuar librin me një intervistë të mahnitshme dhe rrëfim jete’, tregoi Selmani në promovimin e librit në Mitrovicë, shkruan KultPlus.

Bashkëbisedimi ndodhi mes Nora Prekazit dhe Arbër Selmanit, ku u fol për librin dhe për kauzën pas këtij libri. Të gjitha fitimet e librit po shkojnë dhe do të shkojnë për fëmijët me autizëm, ndërsa Selmani ka treguar se promovimi në Mitrovicë vjen në një momentum të qëlluar meqë muaji prill shënohet edhe si muaji i ndërgjegjësimit për autizmin, dhe prandaj ai ka vendosur që ky libër, financuar nga Komuna e Prishtinës, të jetë një mënyrë tjetër për të ndihmuar fëmijët me autizëm dhe mirëqenien e tyre.

Intervistat në librin ‘Kosova në 14 tregime kulturore – 2’, flasin për jetën dhe punën e këtyre njerëzve: Xhevat Syla, Mixha Ramë, Adelina Thaçi Meta, Agim Qena, Luan Hajra, Hana Cakuli, Lala Meredith-Vula, Naser Berisha, Rifat Kukaj, Bajram Bylykbashi, Malda Susuri, Zake Prelvukaj, Kenneth Andresen dhe Abdullah Konushevci.

‘Libri në të ardhmen mund të përkthehet në gjuhën angleze, por për momentin jam duke e shijuar suksesin e librit në gjuhën shqipe. Më vjen mirë që rreth 200 kopje të librit janë shitur dhe së shpejti do të takohem me organizatën ‘Autizmi’, së cilës edhe do t`ia jap pjesën e parë të fitimit nga shitja e librave’, tregoi Selmani mes tjerash në këtë promovim simpatik në qytetin e Mitrovicës.

‘Libri gjatë ditëve e javëve në vazhdim do ta ketë një promovim edhe në Prizren, sipas të gjitha gjasave, por me shumë dëshirë dua të udhëtoj edhe për në Shqipëri ku mendoj se audienca mund të jetë e interesuar ta lexojë këtë copëz nga Kosova’, përfundoi Selmani.

Libri po shitet tanimë në Librarinë Dukagjini në Prishtinë, Librarinë Artini, Librarinë Buzuku, në SOMA Book Station, në Dit e Nat, në Fondacionin 17 dhe në KultPlus Caffe Gallery, në Mitrovicë në 7ARTE dhe në diasporë me anë të Librariashqiptare.ch. / KultPlus.com