Etiketë: mkrs

Pasurohet lista e trashëgimisë kulturore në mbrojtje të përkohshme nga shteti

Posted on by Kult Plus

Është pasuruar lista e trashëgimisë kulturore në mbrojtje të përkohshme nga shteti, shkruan KultPlus.

Lajmi është bërë i ditur nga Ministria e Kulturës, Rinisë dhe Sportit, përmes një postimi në Facebook.

Në vijim gjeni postimin e plotë:

Në bazë të Ligjit Nr.02/L-088 për Trashëgimi Kulturore, në pajtueshmëri me Nenet 3 dhe 4, listës së trashëgimisë nën mbrojtje të përkohshme iu shtuan edhe 19 asete të reja.

Asetet të cilat janë marrë nën mbrojtje të përkohshme i takojnë trashëgimisë arkitekturore dhe asaj shpirtërore dhe janë këto:

• Kroi i fshatit në Istog

• Ndërtesa e ish Pallatit te Shtypit “Rilindja”- Salla e shtypshkronjës, Prishtinë

• Materniteti “Nënë Tereza”, Prishtinë

• Shtëpi Banimi – (Shtëpia e zjarrit) Hysë Popova, Podujevë

• Kulla e Hamit Berishes, Harilaq, Fushë Kosovë

• Shtëpia-Kullë e lsmet Xhemailit, Keçekollë, Prishtinë

• Xhamia e Vjetër, Orllan, Podujevë

• Shtëpia e Kulturës “Xhemajli Berisha”,  Prizren

• Hani i familjes Zaimi, Prizren

•  Bodrumi i Vjetër, Suharekë

• Kompleksi i Familjes Kodra, Çadrak, Suharekë

•  Ndërtesa e Selisë sëPartive Politike, Mitrovicë

• Ndërtesa e Turist Kosovës, Mitrovicë

• Kulla e Shaban Lushtakut, Mitrovicë

• Xhamia në fshatin Abri, Skenderaj

• Xhamia ne fshatin Burojë, Skenderaj

• Mbathtorja e Agës Xhelë, Pogragjë, Gjilan

•  Shkolla e vjetër në Kokaj, Gjilan

• Shtëpia e ldriz Feratit, Çelik, Gjilan

Gjithmonë në harmoni me Konventat ndërkombëtare, qëllimi i mbrojtjes së ndërtesës është definimi profesional i vlerave dhe rëndësisë që ka, si dhe transmetimi i tyre tek brezat e ardhshëm./KultPlus.com

MKRS organizon ngjarje përkujtimore në 1 vjetorin e ndarjes nga jeta të regjisores, Burbuqe Berisha

Posted on by Kult Plus

Ministria e Kulturës organizon ngjarje përkujtimore në 1 vjetorin e ndarjes nga jeta të regjisores Burbuqe Berisha.

Aktiviteti do të realizohet sot duke filluar nga ora 21:00, në MONO bar, në lagjen Pejton, në Prishtinë.

Berisha njihet si regjisore e disa prodhimeve kinematografike vendore si dhe shfaqjeve teatrale.

Krahas një karriere të suksesshme në regji dhe film, Burbuqe Berisha ka ushtruar edhe profesionin e ligjërueses në Kolegjin AAB./ KultPlus.com

Ministri Çeku pret në takim përfaqësues nga fusha e  kulturës dhe artit nga Ukraina

Posted on by Kult Plus

Ministri i Kulturës, Hajrulla Çeku priti në takim Yuliia Hnat, Alex Fisher, Kateryna Iakovlenko dhe Kateryna Botanova, përfaqësues nga fusha e  kulturës dhe artit nga Ukraina.

Bashkë diskutuan për zhvillimet aktuale në vendin tonë sa i përket kulturës, ngritjen artistike pas luftës dhe si mund të ndihmojë përvoja e Kosovës Ukrainën. Gjithashtu ndër të tjera u fol për ndikimin dhe organizimin e bienales Manifesta në Prishtinë, bienale kjo që pritet të mbahet në Ukrainë në vitin 2028 dhe për ruajtjen e trashëgimisë kulturore.

Ministri Çeku shprehu keqardhje për situatën e rëndë në Ukrainë, po ashtu mbështetjen dhe solidaritetin e vendit tonë me këtë shtet.

Delegacioni nga Ukraina po qëndronin në Kosovë në kuadër të Konferencës së Asociacionit Ndërkombëtar të Bienaleve që u mbajt në Prishtinë si pjesë e Manifesta 14./KultPlus.com

Projektligji për kinematografinë edhe në platformë për konsultime me publikun

Posted on by Kult Plus

Është publikuar në platformë për konsultime me publikun – Projektligji për kinematografinë

Komentet mund ti bëni në sistemin online që është i hapur për të gjithë. Për ta bërë këtë, së pari duhet të regjistroheni në faqe.

Bashkangjitur gjeni linkun ku mund të bëni komentet:
https://bit.ly/3Tsnw8l

Me këtë ligj rregullohet veprimtaria, organizimi, financimi, prodhimtaria, distribuimi dhe shfaqja e veprave filmike në vend dhe jashtë vendit, inkurajimi i krijimtarisë, promovimi, mbrojtja, ruajtja dhe studimi i trashëgimisë kinematografike, zhvillimi, mbështetja, edukimi përmes filmit, promovimi dhe ruajtja e krijimtarisë kinematografike, përmes krijimit të kushteve për prodhimin e veprave filmike vendore dhe bashkëprodhimeve ndërkombëtare. / KultPlus.com

MKRS hap thirrjen për mbështetje financiare studimore në fushën e kulturës, trashëgimisë kulturore dhe sportit

Posted on by Kult Plus

Ministria e Kulturës, Rinisë dhe Sportit rendit për vitin 2022 ndër prioritetet programore ngritjen e kapaciteteve profesionale dhe zhvillimin e kuadrove në fushat të kulturës, trashëgimisë kulturore dhe sportit.

Theks të veçantë ka edukimi artistik i të rinjve, mbështetja e hulumtimeve, kërkimeve dhe prezentimeve në fushën e trashëgimisë kulturore dhe edukimi profesional në fushën e menaxhimit dhe mjekësisë sportive.

Të drejtë aplikimi në thirrjen publike për mbështetje financiare studimore kanë individët që dëshmojnë se programi studimor është i profilizuar në fushat specifike të kulturës, trashëgimisë kulturore dhe sportit.

Për aplikim dhe detajet tjera rreth thirrjes gjeni bashkëngjitur linkun:

https://bit.ly/3EyeC4s / KultPlus.com

“Mitrovica Guitar Days” po sjell artistë të jashtëzakonshëm vendorë e botërorë

Posted on by Kult Plus

Ministria e Kulturës ka bërë të ditur se “Mitrovica Guitar Days” po sjell në qytetin e Mitrovicës artistë, kitaristë të jashtëzakonshëm ndërkombëtar dhe vendorë, koncerte dhe master klasa nga kitaristë të jashtëzakonshëm, shkruan KultPlus.

MKRS thotë se festivali u hap me performancën e mrekullueshme të kitaristit me renome botërore, Aniello Desiderio i cili për publikun nga Kosova ofroi një program të pasur artistik.

Të pranishëm në mbrëmjen e parë ishin, Ministri i Kulturës, Hajrulla Çeku, drejtoresha për kulturë në Komunën e Mitrovicës, Valdete Idrizi, zëvendësambasadori i Shteteve të Bashkuara në Kosovë, Alison Grunder, drejtori i festivalit, Erhan Mujka, studentë, artistë dhe shumë artdashës.

“Festivali që mbështetet nga Ministria e Kulturës do të qëndrojë i hapur deri me 12 tetor dhe në kuadër të tij do të organizohen masterclasses nga kitaristë me renome botërore, si dhe do të ketë punëtori, prezantime dhe koncerte të tjera”, thuhet në njoftimin e tyre. /KultPlus.com

Një hap para drejt shpalljes së konkursit për hartimin e Planit për Kompleksin Memorial ‘Adem Jashari’

Posted on by Kult Plus

Ministria e Kulturës, Rinisë dhe Sportit ka njoftuar se është hedhur një hap para drejt shpalljes së konkursit ndërkombëtar për Hartimin e Master Planit për Kompleksin Memorial “Adem Jashari”, përcjell KultPlus.

Në mbledhjen e gjashtë të komitetit ndër-ministror për Kompleksin Memorial “Adem Jashari” në Prekaz u miratua hulumtimi shumë-sektorial për konceptin, vizionin dhe bazat e Master Planit për këtë kompleks.

Në këtë studim përcaktohen vizioni, objektivat e përgjithshme dhe qëllimet e veçanta, duke përfshirë rezultatet e pritura, kriteret e vlerësimit, vlerat e trashëgimisë kulturore, dhe udhëzimet për hartim të Master Planit sipas atributeve të zonave të caktuara./ KultPlus.com

Përmbyllet puntoria dy-ditore ku u u prezantuan Draftet e Koncept dokumentit për sportin dhe Strategjisë shtetërore për sportin

Posted on by Kult Plus

Sot në Prishtinë u mbyll punëtoria dy ditore ku u prezantuan Draftet e Koncept dokumentit për sportin dhe Strategjisë shtetërore për sportin.

Në këtë diskutim pjesëmarrës ishin përfaqësues të komunitetit të sportit, përfaqësues të institucioneve të nivelit qendror e lokal dhe akterë tjerë njohës të kësaj fushe.

Koncept-dokumenti për sportin parasheh bazën analitike për ndryshimet e domosdoshme në legjislacionin dhe politikat përcjellëse të sportit dhe sektorëve ndërlidhës, ndërsa Strategjia shtetërore për sportin parasheh një vizion afatgjatë për zhvillimin e sportit.

Në hartimin e këtyre dokumenteve janë angazhuar zyrtarë të administratës shtetërore në dy nivelet e qeverisjes, ekspertë vendorë e të jashtëm, federatat e organizatat e sportit dhe palët e tjera relevante.

Ministri Çeku falenderoi të gjitha palët për angazhimin dhe punën e deri tanishme ndërsa u bëri thirrje që të vazhdojnë të japin kontributin e tyre deri në finalizim të këtyre dy dokumenteve me rëndësi të madhe për fushën e sportit.

Synimi është që të dyja dokumentet të finalizohen brenda këtij viti dhe të dërgohen për miratim në qeveri dhe kuvend./ KultPlus.com

Sonte mbahet ngjarje përkujtimore për 16 vjetorin e ndarjes nga jeta të artistit Muharrem Qena

Posted on by Kult Plus

Ministria e Kulturës organizon ngjarje përkujtimore për 16 vjetorin e ndarjes nga jeta të artistit Muharrem Qena, transmeton KultPlus.

Aktiviteti do të mbahet sonte më 25 shtator nga ora 19:00 në Qendrën e Kulturës Alternative, Defy Them.

Muharrem Qena është njëri prej themeluesve të skenës teatrore dhe të këngës argëtuese shqiptare. Ai punoi si regjisor, producent, këngëtar, dhe skenarist.

Muharremi lindi në Mitrovicë më 1930 në një familje që kontribuoj shumë për artin kosovar. Gjimnazin e kreu në Prishtinë, kurse shkollën e filmit në Beograd. Ai shkriu talentin e tij prej regjisori, aktori, shkrimtari dhe këngëtari. Ishte regjisor i më se 200 shfaqjeve teatrale. / KultPlus.com

Sot bëhet lansimi i Platformës Rinore të Kosovës

Posted on by Kult Plus

Ministra e Kulturës, Rinisë dhe Sportit dhe Misioni i OSBE-së në Kosovë përmes një ceremonie do të bëjnë dorëzim/pranimin e Platformës Rinore të Kosovës.

Platforma “One-Stop-Shop” e quajtur “Rinia e Kosovës” është platformë miqësore për të rinjtë, e cila u mundëson të rinjve qasje në informacion rreth mundësive për arsimim, punësim apo angazhime të ngjashme qytetare. Platforma në fjalë, e cila është e para e këtij lloji në mbarë Kosovën, është rezultat i një bashkëpunimi pozitiv dhe të frytshëm ndërmjet Misionit të OSBE-së në Kosovë, Ministrisë së Kulturës, Rinisë dhe Sportit (MKRS) dhe OJQ-së “LENS”.

Mjeti u vlerësua shumë nga përdoruesit dhe u përditësua rregullisht me një larmi të gjerë mundësish të lidhura me të rinjtë. Për të rritur më tej pronësinë e institucioneve publike mbi mjetet digjitale që avancojnë pjesëmarrjen gjithëpërfshirëse të publikut, duke promovuar njëkohësisht qëndrueshmërinë e tyre afatgjatë, Misioni i OSBE-së në Kosovë ia dorëzon platformën MKRS-së.

Për të festuar mjetet digjitale si mundësuese të ndryshimeve pozitive sociale dhe avancimeve demokratike, duke ripërtërirë së bashku përkushtimin e Misionit të OSBE-së në Kosovë dhe MKRS-së për avancim kuptimplotë të vlerave demokratike, ngjarja organizohet simbolikisht në Ditën Ndërkombëtare të Demokracisë.

Ceremonia do të mbahet sot, në Muzeun Kombëtar të Kosovës, me fillim në ora 10:30. / KultPlus.com 

Në kuadër të ‘Ditëve të Nënë Terezës’, sot mbahet aktivitet edukues për fëmijë në Gjakovë

Posted on by Kult Plus

Në kuadër të “Ditëve të Nënë Terezës” që po organizohen nga Qeveria e Republikës së Kosovës, në 25 vjetorin e kalimit në amshim të Shën Nënë Terezës, sot nga ora 12:00 mbahet aktivitet edukues për fëmijë, në shtëpinë e Drane Bojaxhiut dhe shkollën e fshatit.

Aktiviteti mbahet në Novosellën e epërme, Gjakovë. / KultPlus.com

Një hap përpara drejt përcaktimit të metodologjisë për ruajtjen e Qendrës Historike të Prishtinës

Posted on by Kult Plus

Një hap përpara drejt përcaktimit të metodologjisë për ruajtjen, zhvillimin dhe promovimin e Qendrës Historike të Prishtinës.

Grupi kryesor i punës diskutoi sot metodologjinë për studimin e fizibilitetit për Qendrën Historike të Prishtinës të propozuar nga eksperti Italian i Trashëgimisë Kulturore, përfshirë aktivitetet e planifikuara në zbatim të saj dhe koordinimin për punën e përbashkët përpara.

Duke përfshirë të gjithë hisedarët dhe akterët relevantë, fizibiliteti dhe plani i menaxhimit do të përcaktojnë ruajtjen, mbrojtjen, zhvillimin dhe promovimin e Qendrës Historike të Prishtinës, një zonë me vlerë të trashëgimisë për gjeneratat e tashme dhe të ardhshme.

Ky studim do të analizojë fuqitë e ndryshimit nga aspektet kulturore, mjedisore dhe socio-ekonomike dhe do të mundësojë mbrojtjen, përmirësimin dhe zhvillimin e koordinuar. Plani do të identifikojë qëllimet afatshkurtra, afatmesme dhe afatgjata për mbrojtjen dhe zhvillimin e qendrës dhe do të zhvillojë strategji dhe veprime inovative, gjithnjë duke u bazuar në legjislaturën lokale e ndërkombëtare si dhe konventat dhe praktikat më të mira botërore.

Ky projekt financohet nga Ministria e Kulturës, Rinisë dhe Sportit dhe zbatohet nga UN-Habitat-i në Kosovë, përmes Programit për Zhvillim Gjithëpërfshirës të financuar nga Qeveria e Suedisë, dhe synon të integrojë trashëgiminë kulturore në planifikimi hapësinor për zhvillim të qëndrueshëm, të gjelbër dhe gjithëpërfshirës. / KultPlus.com

Në shënim të Ditës Ndërkombëtare të Personave të Zhdukur me dhunë, shfaqet filmi ‘Ferdonija’

Posted on by Kult Plus

Në shënim të Ditës Ndërkombëtare të Personave të Zhdukur me dhunë, në parkun e Ministrisë së Kulturës, shfaqet filmi “Ferdonija”.

Ky film rrëfen përjetimet e zonjës Ferdonije, gruas që ka mbetur pa burrin dhe djemtë e saj, të zhdukur me dhunë gjatë luftës në Kosovë në vitin 1999. I xhiruar në një periudhë prej dy vitesh filmi tregon emocionet, mendimet, vështirësitë dhe vuajtjet e Ferdonijes, të reflektuara nga realiteti i zhdukjes me dhunë të gjithë familjes së saj nga forcat serbe.

Filmin e ndoqën ministri Çeku, deputetja Arjeta Fejza, po ashtu shumë qytetarë e filmdashës.

“Ferdonija” do të vazhdoj të transmetohet deri në orën 22:00. / KultPlus.com

“Burgu i Idealit”, ekspozita që sjell krijimtari artistike të burgut

Posted on by Kult Plus

MKRS ka bërë thirrje që në këtë vikend të vizitohet Muzeu i Burgut të Prishtinës, më saktësisht ekspozitën “Burgun e Idealit”.

Shihni ekspozitën që rrëfen historinë, shtypjen e idesë për liri, rrëfimet dhe rezistencën e të burgosurve politik të vendit, që tani po tregohen dhe ndjehen në një mënyrë të veçantë, brenda njërit prej objekteve ku ndodhën keqtrajtimet.

Ekspozita “Burgu i Idealit” sjell tekste historike, fotografi, ilustrime, video materiale e intervista me rrëfime, krijimtari artistike të burgut si piktura e vjersha nga ish të burgosurit, emrat e mbi 9000 të ish të burgosurve politik shqiptar në këtë dhe burgje të tjera të Kosovës.

Ekspozitën mund ta vizitoni pa pagesë nga e marta deri të dielën, nga ora 10:00-19:00. / KultPlus.com

Ministria e Kulturës me aktivitete në përkujtim të Nënë Terezës

Posted on by Kult Plus

Në 25 vjetorin e vdekjes së Shën Nënë Terezës, Qeveria e Republikës së Kosovës organizon “Ditët e Nënë Terezës” me aktivitete të shumta kulturore dhe përkujtimore.

“Ditët e Nënë Terezës” fillojnë me datë 26 gusht me një akademi solemne të organizuar nga Ipeshkvia e Kosovës, ndërsa mbarojnë me koncertin e Filharmonisë së Kosovës me datën 5 shtator.

Shën Nënë Tereza vdiq më 5 shtator të vitit 1997 në Kalkuta të Indisë, ndërsa me veprën e saj la gjurmë në gjithë botën. Ajo u nderua me çmimin Nobel për Paqe.

Prezantohet Programi Familjar në kuadër të “Manifesta 14”

Posted on by Kult Plus

MKRS ka prezantuar Programin Familjar në kuadër të bienales Manifesta që nis këtë fundjavë!

Përgjatë çdo fundjave deri në fund të Manifesta 14 Prishtina, prindërit dhe fëmijët mund të shijojnë artin, krijimin, letërsinë e shumë më shumë!

Ngjarjet e para nga Programi Familjar do të mbahen më 27 dhe 28 gusht në Oaza, një hapësirë për komunitetin në Qendrën për Praktikë Rrëfyese.

Vizitoni KËTU për të parë programin dhe ejani me familjarët dhe miqtë tuaj këtë fundjavë! / KultPlus.com

“Hartimi i Koncept Dokumentit për Rininë”, synohet fuqizimi i rolit të rinisë në Kosovë

Posted on by Kult Plus

Muaji i Rinisë është duke u zhvilluar me aktivitete të ndryshme dhe dinamikë të lartë.

Sot në Bibliotekën Kombëtare të Kosovës ministri Çeku takoi të rinj dhe përfaqësues të organizatave rinore, në kuadër të ciklit të takimeve të organizuara nga zyra e RYCO në Kosovë.

Bashkë diskutuan tema që ndërlidhen me rininë tonë, përfshirë këtu rëndësinë e hartimit të Koncept Dokumentit për Rininë, që do të trasojë rrugën e reformës ligjore e institucionale për politikën shtetërore që synon fuqizimin e rolit të rinisë në Kosovë.

Një ngjarje plot interaktivitet dhe diskutim konstruktiv për shoqërinë tonë dhe punën që po bëhet dhe duhet të bëhet në fushën e rinisë. / KultPlus.com

MKRS shpall thirrjen publike për mbështetje të OJQ-ve dhe Individëve në fushën e Artit dhe Trashëgimisë Kulturore

Posted on by Kult Plus

Ministria e Kulturës, Rinisë dhe Sportit në fushën e artit dhe trashëgimisë kulturore për vitin 2022 renditë ndër prioritetet programore fuqizimin e rolit të skenës së pavarur kulturore në zhvillimin dhe zbatimin e politikave publike, rritjen e cilësisë së krijimtarisë artistike, identifikimin dhe mbështetjen e talentëve të rinj, aktivizimin e të rinjve në vendimmarrje dhe aktivitete të fushës së artit dhe trashëgimisë kulturore, rrjetëzimin dhe promovimin e produktit vendor kulturor si produkt konkurrues në tregun ndërkombëtar të industrisë kreative.

Tashmë është hapur thirrja e radhës për mbështetje për OJQ dhe Individë e cila është e ndarë në dy kategori:

Projektet dhe ngjarjet në fushat e artit dhe trashëgimisë kulturore dhe

Projektet e krijuesve (artistëve) të rinj.

Bashkangjitur gjeni linkun e thirrjes që përmban të gjitha detajet e aplikimit: https://bit.ly/3Adr1ah / KultPlus.com

MKRS publikon listën e përfituesve nga thirrja për blerjen e veprave të artit

Posted on by Kult Plus

Fondi publik i artit në Kosovë po pasurohet me 80 vepra të reja nga artistët vendas. Ministria e Kulturës, Rinisë dhe Sportit ka blerë 80 vepra në vlerë prej 300,000 euro, të cilat po e pasurojnë fondin publik të artit duke ruajtuar trashëgiminë artistike dhe narrativën kulturore të vendit.

Përveç blerjes së sivjetme, nga thirrja e parë me shumë prej 300,000 euro, Qeveria e Republikës së Kosovës ka ndarë mjete edhe për vitin 2023 dhe 2024 për blerje të veprave, respektivisht 350,000 euro dhe 400,000 euro të tjera. Këto janë rezultatet e thirrjes së parë dhe në vazhdimësi do të ketë thirrje të tjera. Krahas thirrjeve publike, vitin e ardhshëm do të bëhen edhe blerje direkte nga koleksionet familjare dhe individuale të veprave të artistëve që nuk jetojnë më, por që janë pjesë e historisë kombëtare të arteve pamore.

Klikoni KËTU për të parë listën e përfituesve dhe afatin ligjor për ankesë./ KultPlus.com

Filloi zbatimi i projektit të revitalizimit të qytetit të vjetër të Janjevës

Posted on by Kult Plus

Me 1.4 milion euro nga Qeveria e Republikës së Kosovës dhe 2 milion nga Bashkimi Evropian, projekti “Trashëgimia Kulturore si Nxitëse për Ringjallje Ekonomike të Janjevës” filloi zbatimin, me fokus në mbrojtjen e trashëgimisë kulturore dhe sigurimin e ringjalljes socio-ekonomike ku parashihen ndërhyrje restauruese dhe revitalizuese në 13 shtëpi të vjetra, hartimi i Strategjisë për Zhvillim të Turizmit Kulturor dhe Natyror, fuqizimi ekonomik dhe ngritja e kapaciteteve lokale për zhvillim të qëndrueshëm lokal, e mbështetja e komunitetit përmes granteve, përcjellë KultPlus.

Në vizitë në Janjevë ishin prezent kryetari i Kuvendit të Republikës së Kosovës, Glauk Konjufca, ministri i Kulturës, Rinisë dhe Sportit, Hajrulla Çeku, kryetari i komunës së Lipjanit, Imri Ahmeti, të shoqëruar nga stafi i projektit të UNDP të cilët bënë një përditësim mbi gjendjen aktuale të projektit dhe punën që do të bëhet në vazhdim.

Si fshat multietnik, Janjeva ka rëndësi të madhe kulturore e historike, e puna në asetet e trashëgimisë kulturore në këtë vend ka rëndësi të veçantë për zhvillimin e mirëfilltë kulturor e promovimin sa më të mirë të potencialit të Kosovës.

“Çdo ditë punë të mira në mbrojtje të trashëgimisë tonë”, thuhet në njoftimin e MKRS-së. / KultPlus.com

Hapet ekspozita ‘Të rinjtë po imagjinojnë’

Posted on by Kult Plus

Në kuadër të aktiviteteve të organizuara për Muajin e Rinisë, i cili ka për qëllim mbështetjen e të rinjve në aftësimin dhe aktivizimin e tyre profesional në nivel qendror dhe lokal, sot para objektit të MKRS-së është mbajtur ekspozita “Të rinjtë po imagjinojnë”.

Kjo ekspozitë është aktivitet i vullnetarëve të qendrës rinore “SHL-Kosova” nga Rahoveci në bashkëpunim me Ministrinë e Kulturës, Rinisë dhe Sportit, ndërsa paraqet kufizimet dhe mundësitë e të rinjve në Kosovë. Pjesëmarrës ishin shtatë vullnetarë, nxënës të shkollave të mesme me prirje në fushën e artit pamor. Puna e këtyre të rinjve u monitorua nga koordinatorja e projektit Mehreme Gërguri Krasniqi.

Gjatë ditës ekspozitën e vitiztuan edhe ministri i Kulturës, Rinisë dhe Sportit, Hajrulla Çeku, kryetari i Komisionit për Rini, Ardian Gola, kryetari i Grupit të Deputetëve të Rinj, Agon Bashota dhe zyrtarë të departamentit të Rinisë nga MKRS.

Ministri Çeku i përgëzoi të rinjtë për punën e tyre  përmes së cilës po promovohen vlerat e artit në Kosovë./ KultPlus.com

Muaji i Rinisë në Kosovë me aktivitete të shumta

Posted on by Kult Plus

Nesër, 12 gusht, shënohet Dita Ndërkombëtare e Rinisë. Duke filluar nga sot, gjatë tërë muajit Ministria e Kulturës, Rinisë dhe Sportit ka planifikuar aktivitete me qëllim të fuqizimit, integrimit, e përmirësimit të mirëqenies së rinisë.

Të rinjtë tanë do ta kenë mundësinë të marrin pjesë në bashkëbisedime mes të rinjve, shfaqje të ndryshme, ekspozita e punëtori, mbrëmje poetike, tryeza diskutimesh, aktivitete sportive e rekreative që do t’u japin mundësi t’i shprehin idetë e tyre e të diskutojnë mbi çështjet dhe sfidat me të cilat përballen në përditshmëri.

Ministria e Kulturës, Rinisë dhe Sportit i inkurajon të rinjtë të marrin pjesë në këto aktivitete, duke theksuar se ata janë shtyllë kryesore e shoqërisë./ KultPlus.com

Ministri Çeku priti në takim disa nga alpinistet që u ngjitën në njërën ndër majat më të larta të Alpeve

Posted on by Kult Plus

Ministri Hajrulla Çeku priti në takim disa nga alpinistet që u ngjitën në njërën ndër majat më të larta të Alpeve, majën Mont Blanc në Francë.

Arbenita Pajaziti, Elvira Ibrahimi-Hoti dhe Shpresa Ismaili, tri vajza që kanë pasion hiking ishin pjesë e ekspeditës pesë ditore që u organizua nga klubi Alpin “Prishtina”.

Në takim diskutuan për eksperiencën e tyre në këtë ekspeditë, për rëndësinë e promovimit dhe vetëdijësimit të njerëzve për benefitet e aktivitetit fizik dhe sportiv.

Ministri Çeku i përgëzoi për suksesin e tyre ndërsa i njoftoi edhe me programet e ministrisë për masivizimin e sportit në vend.

Në ekspeditën për ngjitjen në majen e dytë më të lartë në Evropë ishin pjesëmarrës 28 persona, ndërsa Ministria e Kulturës, Rinisë dhe Sportit ishte një prej mbështetësve të këtij aktiviteti. / KultPlus.com