Etiketë: mkrs

MKRS me thirrje publike për blerjen e veprave të artit të artistëve vendor

Posted on by Kult Plus

Ministria e Kulturës, Rinisë dhe Sportit ka bërë thirrje publike për blerjen e veprave të artit të artistëve vendor në kuadër të Pakos së Ringjalljes Ekonomike, përcjell KultPlus.

Kjo thirrje është bërë bazuar në Vendimin me Nr. 11/24, të datës 11.08.2021 të Qeverisë së Republikës së Kosovës, me qëllim të ruajtjes, mbështetjes dhe promovimit të krijimtarisë vendore bashkëkohore, Ministria e Kulturës Rinisë dhe Sportit, në kuadër të Pakos së Ringjalljes Ekonomike shpall konkurs publik për blerjen e veprave të artit vizual dhe audiovizual për pasurimin e fondit aktual shtetëror të artit.

Artistët në përputhje me këtë thirrje publike mund të aplikojnë me vepra nga disiplina të ndryshme të arteve pamore:

Pikturë

Skulpturë

Vizatim

Grafikë

Tekstil

Qeramikë

Dizajn industrial

Art digjital

Video art

Performancë

Instalacion

Të tjera

Për të kuptuar detajet tjera dhe për aplikim ju lutemi të vizitoni linkun e bashkangjitur. / KultPlus.com

https://www.mkrs-ks.org/?page=1%2C114&fbclid=IwAR1w55tdu-pgPfHdBACskJE_IYGeCXHIdsyL6UdfAKrzVO4ongh0EiUH-xY

MKRS mbështetë 29 bibloteka komunale

Posted on by Kult Plus

Bazuar në vendimin e Qeverisë së Republikës së Kosovës, nga Pakoja e Ringjalljes Ekonomike, Ministria e Kulturës, Rinisë dhe Sportit mbështet financiarisht bibliotekat komunale përmes memorandumeve të bashkëpunimit, përcjell KultPlus.

Përmes këtyre memorandumeve do të mbështeteten gjithsej 29 biblioteka me nga 3,000 euro për pasurimin e fondit librar.

Buxheti i tërësishëm i ndarë për bibliotekat komunale është 87,000 euro.

Bibliotekat që kanë nënshkruar Memorandumin e Bashkëpunimit janë:

1. Biblioteka e Mitrovicës;

2. Biblioteka e Prizrenit;

3. Biblioteka e Gjilanit;

4. Biblioteka e Pejës;

5. Biblioteka e Gjakovës;

6. Biblioteka e Vushtrrisë;

7. Biblioteka e Podujevës:

8. Biblioteka e Ferizajt;

9. Biblioteka e Drenasit

10. Biblioteka e Skënderajit

11. Biblioteka e Fushë Kosovës

12. Biblioteka e Hanit të Elezit

13. Biblioteka e Junikut

14. Biblioteka e Kaçanikut

15. Biblioteka e Obiliqit

16. Biblioteka e Klinës

17. Biblioteka e Lipjanit

18. Biblioteka e Malishevës

19. Biblioteka e Rahovecit

20. Biblioteka e Shtimes

21. Biblioteka e Suharekës

22. Biblioteka e Vitisë

23. Biblioteka e Vushtrrisë

24. Biblioteka e Komoranit

25. Biblioteka e Kamenicës

26. Biblioteka e Tërstenik

28. Biblioteka e Deçanit

29. Biblioteka e Dragashit. / KultPlus.com

Pasurohet lista e trashëgimisë kulturore në mbrojtje

Posted on by Kult Plus

Në pajtueshmëri me Nenet 3 dhe 4 të Ligjit Nr.02/L-088 për Trashëgimi Kulturore, sot në Listën e Trashëgimisë Kulturore nën Mbrojtje të përkohshme janë shtuar 17 asete të reja.

Asetet të cilët kanë plotësuar Listën e Trashëgimisë kulturore nën Mbrojtje të Përkohshme i takojnë kategorisë së Trashëgimisë Arkeologjike, Arkitekturore dhe asaj shpirtërore, si në vijim:

  1. Vendbanim në Vojdull, Istog;
  2. Tuma në Shpenadi, Prizren
  3. Nekropoli tumular në Sfërkë, Klinë;
  4. Burgu i Gurrakocit, Istog;
  5. Xhamia në Prapashticë, Prishtinë;
  6. Kino Rinia, Prishtinë;
  7. Teatri Dodona, Prishtinë;
  8. Shtëpia e vjetër – Ish stacioni Policor, Podujevë;
  9. Xhamia e Sibovcit, Podujevë; 10. Shtëpia e Familjes Luboteni, Prizren;
  10. Mulliri i familjes Isaku- Vuçitërna, Rahovec;
  11. Shkolla fillore Emin Duraku, Prizren;
  12. Çenar çeshmja, Gjilan;
  13. Shtëpia e Qemajl Selmanit, Gjylekarr, Viti;
  14. Shtëpia e Gjon Serreçit, Ferizaj;
  15. Shkolla e Gjon Serreçit, Ferizaj;
  16. Koleksioni privat i krijimtarisë së instrumenteve frymore Shaqir Hoti, Mitrovicë.

Procesi i rivlerësimit dhe inventarizimit të trashëgimisë kulturore është një proces dinamik, i cili është duke u zhvilluar, së bashku me procesin e finalizimit të dosjeve për mbrojtje të përhershme.

Gjithmonë në harmoni me Konventat ndërkombëtare, qëllimi i mbrojtjes së ndërtesës është definimi profesional i vlerave dhe rëndësisë që ka, si dhe transmetimi i tyre tek brezat e ardhshëm.

Ndërsa, duke e ri funksionalizuar atë në bazë të kërkesave dhe nevojave të komunitetit dhe në shërbim të tij sigurohet pjesëmarrja demokratike dhe qasja në trashëgimi kulturore./ KultPlus.com

MKRS mbështet 9 teatro të qyteteve

Posted on by Kult Plus

Ministria e Kulturës, Rinisë dhe Sportit, në bazë të vendimit të Qeverisë së Republikës së Kosovës, mbështet financiarisht teatrot e qyteteve përmes memorandumeve të bashkëpunimit, nga Pakoja e Ringjalljes Ekonomike.

Shuma e tërësishme e përkrahjes është 225,000 euro. Përmes këtyre memorandumeve do të mbështeten gjithsej 9 teatro me nga 25,000 euro.

Teatrot që kanë nënshkruar Memorandumin e Bashkëpunimit janë: Teatri i Qytetit të Mitrovicës; Teatri i Qytetit të Prizrenit; Teatri i Qytetit të Gjilanit; Teatri i Qytetit të Pejës; Teatri i Qytetit të Gjakovës; Teatri i Qytetit të Vushtrrisë; Teatri i Qytetit të Podujevës; Teatri i Qytetit të Ferizajt; dhe Teatri Dodona – Prishtinë. / KultPlus.com

MKRS lanson programin për punë praktike për studentët e Universitetit të Prishtinës “Hasan Prishtina”

Posted on by Kult Plus

Ministria e Kulturës, Rinisë dhe Sportit lanson programin për punë praktike për studentët e Universitetit të Prishtinës ‘Hasan Prishtina’, përcjell KultPlus.

“Kjo iniciativë ka për qëllim avancimin e studentëve në programet që lidhen me fushëveprimin e MKRS-së si përkushtim institucional për të mbështetur aftësimin e studentëve për tregun e punës dhe njëkohësisht të avancoj në përmbushjen e prioriteteve strategjike të Ministrisë.”-thuhet në njoftimin e MKRS-së.

Ndërkaq, fakultetet dhe profilet që targetohen përmes kësaj thirrje janë:

Fakulteti i Edukimit Fizik dhe Sportit (FEFS)

Fakulteti i Arkitekturës (FA)

Fakulteti Ekonomik (FE)

Fakulteti Filozofik (FF) – Drejtimet e Psikologjise, Historisë,

Sociologjisë, Shkenca politike, Etnologji, Antropologji, Arkeologji,

Fakulteti i Filologjisë (FF’) – Drejtimi i Gazetarisë,

Fakulteti i Mjekësisë (FM)

Fakulteti i Ndërtimtarisë (FN) – Drejtimet e Ndërtimtarisë dhe Gjeodezisë

Fakulteti i Arteve (FA’) – Drejtimet e Dizajnit,

Fakulteti i Edukimit (FE’)

Fakulteti i Shkencave Matematike-Natyrore (FSHMN) – Kimi

Fakulteti i Energjisë Elektrike dhe Kompjuterike (FIEK) – Drejtimi Energji Kompjuterike./KultPlus.com

Galeria e Ministrisë së Kulturës hap konkurs për programin artistik të vitit 2022

Posted on by Kult Plus

Ministria e Kulturës, Rinisë dhe Sportit ka bërë të ditur se ka hapur konkursin për programin artistik për vitin 2022, në Galerinë e Ministrisë së Kulturës, përcjell KultPlus.

Të drejtë konkurimi kanë krijuesit nga fusha e pikturës, skulpturës, dizajnit grafik, grafikës, instalacionit, fotografisë, videos, performancës dhe arkitekturës.

Konkursi është i hapur dyzet ditë, duke filluar nga nesër 05.10.2021 deri më 15.11.2021

Për detajet tjera klikoni linkun në vazhdim. / KultPlus.com

https://www.mkrs-ks.org/repository/docs/Konkursi-GMK-per-vitin-2022.doc?fbclid=IwAR38dPJ6co2O7GM3PG9mMRGtgFRk-oiLUj2_Oquq2NI4p1IuceOVCse3zwM

May be an image of text

MKRS vazhdon përgatitjet për koncertin inaugurues të institucionit të Operës së Kosovës

Posted on by Kult Plus

Ministria e Kulturës, Rinisë dhe Sportit po vazhdon përgatitjet për koncertin inaugurues të institucionit të Operës së Kosovës, përcjell KultPlus.

Përmes një njoftimi në Facebook, MKRS njofton se proces në vazhdim do të përmbyllet deri më 05.10.2021 ku përmes audicionit profesional dhe plotësisht anonim do të vlerësohen 127 kandidatë për profilet e orkestrës dhe korit.

KultPlus ua sjell njoftimin e plotë të MKRS-së:

Sot nga mëngjesi, kanë filluar audicionet për koncertin inaugurues të institucionit të Operës së Kosovës.

Ky proces në vazhdim do të përmbyllet deri më 05.10.2021 ku përmes audicionit profesional dhe plotësisht anonim do të vlerësohen 127 kandidatë për profilet e orkestrës dhe korit.

Procesi zhvillohet në Sh.F.M. “Prenk Jakova” në Prishtinë duke respektuar masat anti Covid-19.

Ekipit profesional dhe gjeneratës së re të skenës muzikore në Kosovë ju urojmë punë të mbarë dhe sukses./KultPlus.com

MKRS ndan 360,000 euro për rinovimin e dy objekteve të rëndësishme të trashëgimisë kulturore

Posted on by Kult Plus

Ministria e Kulturës, Rinisë dhe Sportit (MKRS) dhe Programi i Kombeve të Bashkuara për Zhvillim (UNDP) në Kosovë dje nënshkruan një marrëveshje për bashkë-financim për rinovimin e dy lokacioneve të rëndësishme të trashëgimisë kulturore, me ç’rast MKRS sot ka financuar këtë projekt, përcjell KultPlus.

“Së bashku me kontributin e BE prej 2 milionë eurosh për projektin “Trashëgimia Kulturore si Drejtuese e Dialogut Ndër-Komunitar dhe Kohezionit Social”, marrëveshja e sotme për ndarjen e shumës prej 360,000 Euro shtesë nga MKRS është dëshmi dhe përkushtim për bashkëpunimin e vazhdueshëm mes BE, MKRS dhe UNDP”, ka shkruar Ministri Hajrulla Çeku.

KultPlus ju sjell njoftimin e tij të plotë:

Vazhdojmë me punë të mira në fushën e trashëgimisë kulturore
Dje nënshkruam një marrëveshje për ndarjen e shumës prej 360,000 Euro shtesë për të rinovuar dy objekte të rëndësishme të trashëgimisë kulturore. MKRS do të financojë dhe UNDP do të zbatojë restaurimin e plotë të dy monumenteve të rëndësishme të trashëgimisë kulturore: shtëpinë e Xhafer Devës në Mitrovicë dhe xhaminë e Drenocit në komunën e Deçanit.
Këto ndërhyrje zbatohen në kuadër të Instrumentit të Bashkimit Europian që kontribuon në Stabilitet dhe Paqe (IcSP), i financuar nga projekti “Trashëgimia Kulturore si Drejtuese e Dialogut Ndër-Komunitar dhe Kohezionit Social”, i cili zbatohet nga UNDP, në bashkëpunim të ngushtë me MKRS.
Së bashku me kontributin e BE prej 2 milionë eurosh për projektin “Trashëgimia Kulturore si Drejtuese e Dialogut Ndër-Komunitar dhe Kohezionit Social”, marrëveshja e sotme për ndarjen e shumës prej 360,000 Euro shtesë nga MKRS është dëshmi dhe përkushtim për bashkëpunimin e vazhdueshëm mes BE, MKRS dhe UNDP. / KultPlus.com

MKRS paralajmëron për rinovimin e dy lokacioneve të rëndësishme të trashëgimisë kulturore

Posted on by Kult Plus

Ministria e Kulturës, Rinisë dhe Sportit (MKRS) dhe Programi i Kombeve të Bashkuara për Zhvillim (UNDP) në Kosovë nënshkruan sot një marrëveshje për bashkë-financim për rinovimin e dy lokacioneve të rëndësishme të trashëgimisë kulturore. MKRS do të financojë dhe UNDP do të implementojë rinovimin dhe rehabilitimin e plotë të monumenteve të rëndësishme të trashëgimisë kulturore: shtëpinë e Xhafer Devës në Mitrovicë dhe xhaminë e Drenocit në komunën e Deçanit.

Punimet do të kryhen në kuadër të projektit “Trashëgimia Kulturore si Shtytëse e Dialogut Ndërkomunitar dhe Kohezionit Social” të financuar nga Bashkimi Evropian, Instrumenti për Paqe dhe Stabilitet (IcSP) i cili implementohet nga UNDP, në bashkëpunim të ngushtë me MKRS në lokacione të përzgjedhura.

Ministri Hajrulla Çeku dhe Maria Suokko, Përfaqësuese e Përhershme e UNDP -së, në prani të përfaqësuesve nga BE/IcSP dhe Zyra e BE -së në Kosovë, nënshkruan marrëveshjen që plotëson intervenimet aktuale të projektit. Kjo marrëveshje shënon bashkëpunimin e vazhdueshëm për të mbrojtur dhe ruajtur vendndodhjet e rëndësishme të trashëgimisë kulturore në Kosovë dhe do të sigurojë që këto lokacione historike t’i kthehen komuniteteve në përdorim.

Ministri Çeku theksoi rëndësinë e bashkëpunimit dhe koordinimit për mbrojtjen e trashëgimisë kulturore, në veçanti për projektin Trashëgimia Kulturore si Shtytëse e Dialogut Ndërkomunitar dhe Kohezionit Social: “Unë do të doja të ri-konfirmoja rëndësinë e trashëgimisë kulturore si një shtytëse për kohezion social, paqe të qëndrueshme dhe revitalizim ekonomik. Projekti i inicuar nga BE dhe i implementuar nga UNDP, është hartuar me shumë mençuri për të respektuar diversitetin kulturor dhe për të sjellë së bashku komunitetet përmes ruajtjes dhe promovimit të trashëgimisë kulturore. Duke pasur parasysh faktin se trashëgimia kulturore është prioritet për qeverinë tonë, ne jemi shumë të kënaqur që po kontribuojmë edhe financiarisht për restaurimin e dy lokacioneve të rëndësishme të trashëgimisë kulturore, Shtëpisë së Xhafer Devës në Mitrovicë dhe Xhamisë në fshatin Dranoc, të cilat do të jenë pjesë e këtij projekti. “

“Kemi kënaqësinë të shohim nivelin e përkushtimit nga Ministria e Kulturës, Rinisë dhe Sportit në ruajtjen e trashëgimisë së pasur kulturore të Kosovës. Ky kontribut financiar për restaurimin e dy vendeve historike shumë të rëndësishme e demonstron qartë atë. Ky kontribut shtesë nga Ministria do të na lejojë përfshirjen e shtëpisë së Xhafer Devës në Mitrovicë dhe Xhaminë e Drenocit në Deçan në listën e lokacioneve në të cilat do të intervenojë projekti Trashëgimia Kulturore si Shtytëse e Dialogut Ndërkomunitar dhe Kohezionit Social që financohet nga BE. Ndërhyrjet do të mundësojnë që njerëzit të kenë përsëri qasje në to. Ne e vlerësojmë shumë bashkëpunimin e shkëlqyer midis Ministrisë, BE -së dhe UNDP -së, “tha Maria Suokko në ceremoninë e nënshkrimit.

Stefano Gnocchi, Këshilltar për Komunitetet e Pakicave, Trashëgimisë Fetare dhe Kulturore në zyren e BE-së në Kosovë tha me këtë rast: ‘’ Bashkimi Evropian në Kosovë është i përkushtuar fuqishëm në ruajtjen e trashëgimisë së pasur të Kosovës përmes rinovimit dhe rehabilitimit të objekteve kulturore dhe fetare. BE-ja në Kosovë do të vazhdojë të mbështesë Kosovën dhe partnerët e saj vendorë dhe ndërkombëtarë në arritjen e të njëjtit qëllim që është angazhimi afatgjatë për përmirësimin e shoqërisë së Kosovës në tërësi.”

Së bashku me kontributin e BE-së prej 2 milionë eurosh për projektin “Trashëgimia Kulturore si Shtytëse e Dialogut Ndërkomunitar dhe Kohezionit Social”, marrëveshja e sotme për bashkë-financim prej 370,000 eurosh shtesë nga MKRS-ja është dëshmi dhe përkushtim për vazhdimin e bashkëpunimit mes BE-së , MKRS dhe UNDP. / KultPlus.com\

Meriton Ferizi emërohet Ushtrues i Detyrës së Drejtorit të Operës së Kosovës

Posted on by Kult Plus

Janë marrë dy vendime shumë të rëndësishme për Institucionin e Operës së Kosovës.

Meriton Ferizi është emëruar Ushtrues i Detyrës së Drejtorit të Operës së Kosovës.

Ushtruesi i Detyrës së Drejtorit të Operës ushtron të gjitha të drejtat dhe obligimet e përcaktuara për pozitën e Drejtorit të Operës së Kosovës, veçanërisht inicion, zhvillon dhe administron të gjitha procedurat për krijimin e kushteve të nevojshme të të punësuarve në institucionin e Operës, në bashkëpunim me Ministrinë e Kulturës, Rinisë dhe Sportit, në përputhje me legjislacionin në fuqi.

Gjithashtu është emëruar Këshilli përgatitor për inicimin dhe funksionalizimin e institucionit të Operës së Kosovës.

Këshilli ka këtë përbërje:

Merita Juniku,
Inva Mula,
Dardan Selimaj,
Rreze Kryeziu Breznica,
Besa Luzha,
Edon Ramadani,
Mehdi Uka.

Këshilli përgatitor është i mandatuar të kryejë detyrat dhe përgjegjësitë për funksionalizimin e institucionit të Operës së Kosovës, duke përfshirë organizmin e brendshëm, hartimin e akteve nënligjore të nevojshme, krijimin e kushteve adekuate infrastrukturore për punë, planin vjetor të punës etj.

Bashkangjitur gjeni dy vendimet e plota:

https://www.mkrs-ks.org/repository/docs/Vendimi-ud_drejtor-opere.pdf?fbclid=IwAR204icXlJ1V7HG2Jsa8d8n3lcPiNbPlXBqecdsNnvu601D19-shUSIJhbM

https://www.mkrs-ks.org/repository/docs/Vendim-Keshilli-operes.pdf?fbclid=IwAR2G6HmNLV3vedliK1sqTiMOIWOEYPkqwWvvWptPya790fgkRze1TgWgWQs / KultPlus.com

Çeku: Jam i lumtur që gjeneratat e reja do ta kenë një vend të denjë për zhvillimin e aktiviteteve sportive

Posted on by Kult Plus

Ministri i Ministrisë së Kulturës, Rinisë dhe Sportit, Hajrulla Çeku përmes një statusi në faqen e tij zyrtare në Facebook, ka përuruar inagurimin e Qendrës Nacionale të Xhudos në Pejë, përcjell KultPlus.

“Sportistet që i kanë dhënë shpresë, krenari dhe emocion një kombi të tërë, që me sukseset e tyre kanë kaluar çdo parashikim, Majlinda Kelmendi, Distria Krasniqi, Nora Gjakova dhe xhudistët tjerë, së bashku me trajnerin e tyre, Driton Kuka, tashmë do të kenë shtëpinë e tyre të xhudos”, ka shkruar Çeku.

KultPlus ju sjell njoftimin e tij të plotë:

Sportistet që i kanë dhënë shpresë, krenari dhe emocion një kombi të tërë, që me sukseset e tyre kanë kaluar çdo parashikim, Majlinda Kelmendi, Distria Krasniqi, Nora Gjakova dhe xhudistët tjerë, së bashku me trajnerin e tyre, Driton Kuka, tashmë do të kenë shtëpinë e tyre të xhudos.

Sot në qytetin e Pejës, në një ambient shumë të veçantë, të rrethuar me malet e bukura të Rugovës, përuruam Qendrën Nacionale të Xhudos.

Jam shumë i lumtur që tash gjenerata të tëra talentësh të rinj në sportin e xhudos, do ta kenë një vend të denjë për zhvillimin e të gjitha aktiviteteve sportive, të dedikuar pikërisht për ta. / KultPlus.com

Nesër organizohet ceremonia përuruese e Qendrës Nacionale të Xhudos në Pejë

Posted on by Kult Plus

Nesër duke filluar prej orës 11:00, do të organizohet ceremonia përuruese e Qendrës Nacionale të Xhudos në Pejë.

Në përurimin e Qendrës Nacionale do të marrin pjesë Presidentja e Kosovës, Vjosa Osmani-Sadriu, kryeministri Albin Kurti, kryetari Federatës Ndërkombëtare të Xhudos, Marius Vizer, ministri i Kulturës, Rinisë dhe Sportit, Hajrulla Çeku, përfaqësuesit e Komitetit Olimpik të Kosovës dhe Federatës së Xhudos së Kosovës dhe shumë personalitete e mysafirë tjerë vendorë e ndërkombëtarë.

Lokacioni i Qendrës Nacionale të Xhudos: Lagjja Tabjet, Pejë

Agjenda e ceremonisë përururese:

Moderatore: Donika Hyseni

11:00 – 11:05 Hapja e ngjarjes nga Moderatorja
11:05 – 11:10 Fjalimi i Presidentes
11:10 – 11:15 Dekorimi i Sportisteve nga Presidentja
11:15 – 11:23 Fjalimi i Kryeministrit
11:23 – 11:30 Fjalimi i Kryetarit të FNXH-së, Marius Vizeri
11:30 – 11:35 Fjalimi i Kryetarit te Komunës së Pejës
11:35 -11:40 Fjalimi i Agron Kuka
11:40 – 11:43 Përmbyllje nga Moderatorja
11:43 – 11:50 Prerja e shiritit
11:50 – 12:00 Performancë nga Sportistet e Xhudos brenda Qendrës Nacionale / KultPlus.com

MKRS hap konkurs publik për drejtor/e në Galerinë Kombëtare të Kosovës

Posted on by Kult Plus

Ministria e Kulturës, Rinisë dhe Sportit ka hapur konkursin publik për drejtor/e në Galerinë Kombëtare të Kosovës, përcjellë KultPlus.

KultPlus ju sjell njoftimin e tij të plotë:

KONKURS PUBLIK
Titulli i pozitës – Drejtor/e
Institucioni: Galeria Kombëtare e Kosovës-GKK
Kategoria Funksionale / Koeficienti: 10
Për të kuptuar detajet tjera dhe për aplikim ju lutemi të vizitoni linkun e bashkangjitur:

https://www.mkrs-ks.org/repository/docs/Konkursi_per_poziten_Drejtor_i_Galerise_Kombetare.pdf?fbclid=IwAR0u1P0cMIJN3Vvuq2rdf-QOa3EiOL3eVKFbpw6sgGm-ldqll6pfEYVK5b4 / KultPlus.com

MKRS publikon thirrjen për instrumentistë dhe koristë për koncertin inagurues të Operës së Kosovës

Posted on by Kult Plus

Ministria e Kulturës, Rinisë dhe Sportit në bashkëpunim me institucionin e Operës së Kosovës ka hapur thirrjen publike për instrumentistë dhe koristë për koncertin inaugurues të Operës së Kosovës, përcjell KultPlus.

Për të gjithë të interesuarit, dokumentet të cilat kërkohen për të aplikuar janë:

–Për profesionistë të fushës: CV, Diplomë e përfundimit të studimeve në fushën përkatëse (Bachelor/Master)

–Për studentët e muzikës: CV, Dëshmi për ndjekjen e studimeve në fushën përkatëse, Dokumenti i identifikimi.

–Përzgjedhja e instrumentistëve dhe koristëve në Operën e Kosovës, bëhet përmes audicionit, njofton Ministria e Kulturës.

Në linkun më poshtë do të gjeni formularin dhe partiturat për tu përgaditur për audicion. / KultPlus.com

Konkurse – Ministria e Kulturës, Rinisë dhe Sportit (mkrs-ks.org)

MKRS pezullon ndërhyrjet e planifikuara në Çarshinë e Madhe të Gjakovës

Posted on by Kult Plus

Ministria e Kulturës, Rinisë dhe Sportit ka njoftuar se ndërhyrjet e planifikuara në Çarshinë e Madhe të Gjakovës, janë pezulluar në mënyrë që të bëhet një rivlerësim, përcjell KultPlus.

MKRS po ashtu ka sqaruar se ky pezullim nuk nënkupton që kjo e fundit kundërshton zhvillimet, pasi që siç theksohet tutje në njoftim, MKRS është e përkushtuar që zhvillimet në zonat historike të ngrisin kualitetin jetësor të qytetarëve.

Më poshtë gjeni njoftimin e plotë të MKRS-së.

Ministria e Kulturës, Rinisë dhe Sportit si institucion përgjegjës për mbrojtjen e trashëgimisë kulturore në Republikën e Kosovës, ka për detyrë që të sigurohet që ndërhyrjet në asetet e trashëgimisë kulturore kontribuojnë në ruajtjen e autenticitetit dhe integritetit të vlerave të trashëgimisë kulturore.

MKRS përmes institucione vartëse dhe në bashkëpunim me institucionet e nivelit lokal duhet të sigurohemi që zhvillimi i zonave historike të jetë i balancuar dhe të mos cënoj autenticitetin dhe integritetin e materialeve të përdorura, formave dhe teknikave ndërtimore të aplikuara.

Ndërhyrjet e planifikuara në Çarshinë e Madhe të Gjakovës, pas shqetësimeve të ngritura nga profesionistë e qytetarë, janë pezulluar në mënyrë që të bëhet një rivlerësim.

Ky pezullim nuk nënkupton që MKRS kundërshton zhvillimet. Përkundrazi ne jemi të përkushtuar që zhvillimet e zonave historike, të ngrisin kualitetin jetësor të qytetarëve duke rritur potencialin për zhvillim të qëndrueshëm ekonomik, përmes promovimit të identitetit kulturor.

I ftojmë të gjithë akterët dhe institucionet përgjegjëse që ndërhyrjet e planifikuara për zhvillim të zonave të mbrojtura historike, të bëhen me një kujdes dhe ndjeshmëri ndaj vlerave të trashëgimisë sonë të përbashkët kulturore. / KultPlus.com

MKRS hap thirrje publike për instrumentistë dhe koristë për koncertin inaugurues të Operës së Kosovës

Posted on by Kult Plus

Ministria e Kulturës, Rinisë dhe Sportit në bashkëpunim me institucionin e Operës së Kosovës hap thirrjen publike për instrumentistë dhe koristë për koncertin inaugurues të Operës së Kosovës.

Gjeni të bashkangjitur linkun për aplikim:https://www.mkrs-ks.org/?page=1,22 / KultPlus.com

Fillojnë hulumtimet arkeologjike në Katedralen ‘Zonja Ndihmëtare’

Posted on by Kult Plus

Në kudër të projektit “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, i financuar nga Instrumenti i Bashkimit Europian për Stabiletet dhe Paqe (IcSP), implementuar nga Programi i Kombeve të Bashkuara – UNDP, janë duke u zhvilluar hulumtimet arkeologjike në Katedralen “Zonja Ndihmëtare”.

Ato implementohen nga Instituti Arkeologjik i Kosovës, në bashkëpunim me Universitetin e Zarës (Kroaci) dhe në partneritet me CHWB Kosova.

Faza e dytë e hulumtimeve filloi me 1 shtator dhe do të zgjasë deri me 30 tetor 2021 ndërsa qëllimi është të definohen të gjitha shtresat arkeologjike që ndërlidhen me historikun e katedrales.

Gërmimi është i fokusuar në rrënojat e kishës të cilat janë zbuluar në oborrin e këtij objekti.

Pas përfundimit të hulumtimeve, të gjitha strukturat arkeologjike të zbuluara gjatë kësaj ekspedite do të konservohen, me qëllim të mbrojtjes dhe të ekspozimit të tyre për publikun. / KultPlus.com

MKRS përkujton Mikullovcin: Veprimtaria e tij do të mbetet e pavdekshme

Posted on by Kult Plus

Ministria e Kulturës, Rinisë dhe Sportit ka kujtuar artistin e njohur Adem Mikullovcin me rastin e përvjetorit të tij të parë të vdekjes.

“Sot u bënë një vit që shoqërisë sonë i mungon një prej figurave më të veçanta të artit dhe kulturës. Adem Mikullovci ishte një person me plot pozitivitet dhe këtë energji e përcolli te të gjithë deri në fund të jetës së tij”, ka shkruar MKRS-ja në Facebook.

Sipas kësaj ministrie kontributi që ka dhënë Mikullovci për artin dhe popullin e Kosovës do të mbetet gjithmonë në kujtesë, shkruan Klankosova.tv

“Në karrierën e tij luajti në shumë shfaqje dhe ishte regjisor i shumë filmave.  Ndër filmat më të fuqishëm për nga përmbajtja dhe tema që trajtonte, është filmi ‘Një pallto për babain tim në burg’, i realizuar nën regjinë e Mikullovcit. Ky film, më mirë se çdo gjë tjetër, shpalos tmerrin që shqiptarët përjetuan nga regjimi serb. Filmi është realizuar në vitet e 90′ në mënyrë të fshehur”, ka shkruar tutje MKRS-ja.

“Përmes filmave, dramave, serialeve ai ka hedhur dritë dhe ka treguar revoltën e kundërshtimin për ngjarje të shumta në shoqërinë kosovare dhe këtë e bëri edhe më vonë me angazhimin e tij politik”, ka thënë kjo ministri.

“Veprimtaria e Adem Mikullovcit do të mbetet e pavdekshme, ndërsa do ta kujtojmë gjithmonë me shumë mall”, është shprehur Ministria e Kulturës, Rinisë dhe Sportit./KultPlus.com

Organizohet trajnimi ‘Konservimi i mozaikut romak’ në Parkun Arkeologjik ‘Ulpiana’

Posted on by Kult Plus

Ministria e Kulturës, Rinisë dhe Sportit, në bashkë organizim me Këshillin për Trashëgimi Kulturore të Kosovës dhe Institutin Arkeologjik të Kosovës, në partneritet me European Heritage Volunteers, nga 12-15 shtator 2021 organizojnë trajnimin “Konservimi i mozaikut romak në Parkun Arkeologjik Ulpiana – Kosovë”.

Qëllimi i këtij projekti është trajnimi i vullnetarëve nga vende të ndryshme të botës në fushën e trashëgimisë kulturore. Përveç punës praktike do të realizohen edhe ligjërata të hapura e prezantime rreth temave, eksperiencave të ndryshme në arkeologji dhe konservim.

Trajnimi do të fokusohet në konservimin parandalues dhe restaurimin e mozaikëve nga periudha romake pasi që drejtohet nga restaurues – konservatorë të specializuar në mozaikë. Ky projekt paraqet një mundësi të mirë që studentët e përzgjedhur të marrin njohuri teorike dhe praktikë profesionale rreth metodave të konservimit, restaurimit etj.

Instruktor është Tome Filov, konservues i mozaikut në Institutin Nacional të STOBIT, në Maqedoninë Veriore.

Pjesëmarrës janë studentë dhe profesionistë nga këto shtete: Franca, Shtetet e Bashkuara të Amerikës, Britania e Madhe, Gjermania, Kosova, Maqedonia e Veriut, Shqipëria, Serbia, Kili, Kanada, Greqia, dhe Spanja.

Për më shume detaje rreth projektit mund të gjeni në linkun e mëposhtëm. / KultPlus.com
https://www.heritagevolunteers.eu/…/ConservationOfRoman…

Dita Ndërkombëtare e Rinisë, MKRS-ja prezanton platformën ‘Kosovoyouth’

Posted on by Kult Plus

Sot shënohet Dita Ndërkombëtare e Rinisë, me ç’rast Ministria e Kulturës, Rinisë dhe Sportit ka prezantuar platformën ‘Kosovoyouth.com’, përcjellë KultPlus.

Kjo platormë ofron mundësi për punë, punë praktike, trajnime, bursa dhe grante, të gjitha në një vend.

Projekti implementohet nga NGO Lens dhe mbështetet nga Misioni i OSCE-së në Kosovë në bashkëpunim me Ministrinë e Kulturës, Rinisë dhe Sportit.

Për më shumë informata vizitoni ueb faqen www.kosovoyouth.com / KultPlus.com

Pesë milionë euro shtesë për kulturën, trashëgiminë kulturore, rininë dhe sportin

Posted on by Kult Plus

Ministria e Kulturës, Rinisë dhe Sportit së fundmi ka bërë të ditur se sot në mbledhjen e Qeverisë së Republikës së Kosovës, në kuadër të Pakos së Ringjalljes Ekonomike u ndanë pesë milionë euro për kulturë, trashëgimi kulturore, rini dhe sport, në mënyrë që këto fusha të fuqizohen akoma më shumë, përcjellë KultPlus.

“Përmes thirrjes publike do të përkrahen projekte artistike të organizatave dhe individëve (artistëve), ndërsa pjesë e skemës së mbështetjes do të jenë edhe teatrot e qyteteve, muzetë e bibliotekat komunale”, ka shkruar MKRS-ja.

Tutje, ata bënë të ditur se në kuadër të mbështetjes për kulturën, me vendim të veçantë qeveritar është krijuar edhe mundësia për blerjen e veprave artistike të artistëve vendorë.

Po ashtu, është konsideruar se kjo do të jetë hera e parë që MKRS do të hapë thirrje publike për subvencionimin e aktiviteteve në fushën e sportit.

KultPlus ju sjell njoftimin e tyre të plotë:

Pesë milionë Euro shtesë për kulturën, trashëgiminë kulturore, rininë dhe sportin.
Sot në mbledhjen e Qeverisë së Republikës së Kosovës, në kuadër të Pakos së Ringjalljes Ekonomike u ndanë pesë milionë Euro për kulturë, trashëgimi kulturore, rini dhe sport. Përmes kësaj mbështetje shtesë synojmë fuqizimin e këtyre fushave pas vështirësive që shkaktoi pandemia.
2.5 milionë Euro do të ndahen për kulturë dhe trashëgimi kulturore. Përmes thirrjes publike do të përkrahen projekte artistike të organizatave dhe individëve (artistëve), ndërsa pjesë e skemës së mbështetjes do të jenë edhe teatrot e qyteteve, muzetë e bibliotekat komunale. Në kuadër të mbështetjes për kulturën, me vendim të veçantë qeveritar është krijuar edhe mundësia për blerjen e veprave artistike të artistëve vendorë.
Për mbështetjen e organizatave që janë aktive në sektorin e rinisë do të ndahen 500 mijë Euro. Përmes thirrjes publike do të përkrahen projekte që promovojnë fuqizimin ekonomik të të rinjve, përfshirjen në tregun e punës, ndërmarrësinë, rrjetëzimin dhe pjesëmarrjen aktive.
Ndërsa dy milionë Euro nga kjo masë e mbështetjes do të ndahen për zhvillimin e sportit. Kjo do të jetë hera e parë që MKRS do të hapë thirrje publike për subvencionimin e aktiviteteve në fushën e sportit. Skema e mbështetjes për sportin synon të përkrahë organizata dhe individë që promovojnë konceptin e ‘sportit për të gjithë’, sportistët, klubet sportive dhe federatat.
Thirrjet publike do të hapen së shpejti, ndërsa ne do t’ju mbajmë rregullisht të informuar për të gjitha detajet për të përfituar nga kjo skemë e mbështetjes. / KultPlus.com

MKRS: Pothuajse të gjithë filmat do të kenë premierat e tyre kosovare në DokuFest

Posted on by Kult Plus

Sapo ka filluar edicioni i 20-të i DokuFest, me c’rast Ministria e Kulturës, Rinisë dhe Sportit ka dalur me një reagim, përcjellë KultPlus.

“Të zgjedhur nga një numër rekord i mbi 3.000 aplikimeve, festivali do të prezantoj 106 filma nga 60 vende të ndryshme të botës të cilët do të konkurrojnë në 8 kategori garuese, duke shfaqur disa nga dokumentarët më të mirë si dhe një koleksion të shkëlqyeshëm të filmave të shkurtë dhe atyre eksperimentale, të prodhuar kohëve të fundit”, ka thënë MKRS-ja.

KultPlus ju sjell njoftimin e plotë të tyre:

Filloi edicioni i 20-të i “DokuFest”
Qytetit të Prizrenit këto ditë do ti shtohet edhe më tepër gjallëria dhe atmosfera e mirë.
Mbrëmë filloi Dokufest, Festivali Ndërkombëtar i Filmit Dokumentar dhe të Shkurtë.
Të pranishëm në këtë ngjarje ishin Kryeministri i Kosovës, z. Albin Kurti, ish-Presidentja e Kosovës, znj. Atifete Jahjaga, Kryetari i qytetit të Prizrenit, z. Mytaher Haskuka, Ministri i Shëndetësisë z. Arben Vitia, Ministri i Mbrojtjes z. Armend Mehaj, zëvdendësministri i MKRS z. Sejnur Veshall dhe shumë zyrtarë të tjerë.
“DokuFest” nisi me transmetimin e filmit dokumentar “Witches of the Orient” në Kinemanë Lumbardhi.
Të zgjedhur nga një numër rekord i mbi 3.000 aplikimeve, festivali do të prezantoj 106 filma nga 60 vende të ndryshme të botës të cilët do të konkurrojnë në 8 kategori garuese, duke shfaqur disa nga dokumentarët më të mirë si dhe një koleksion të shkëlqyeshëm të filmave të shkurtë dhe atyre eksperimentale, të prodhuar kohëve të fundit. Pothuajse të gjithë filmat që do të shfaqen në festival do të kenë premierat e tyre Kosovare, duke e bërë atë platformën më të madhe të shfaqjes së filmave në vend.
Këtë vit filmat do të shfaqen në tetë kinema.Gjashtë prej tyre do të jenë në ambient të hapur, ndërsa dy të tjera në ambient të mbyllur.
DokuFest do të zgjasë deri më 14 Gusht. / KultPlus.com

MKRS: Urojmë komunitetin muzikor dhe artistik për krijimin e institucionit të Operës me rëndësi të madhe për artin në vendin tonë

Posted on by Kult Plus

Pas themelimit të institucionit të Operës së Kosovës, Ministria e Kulturës, Rinisë dhe Sportit ka dalur me një reagim me ç’rast është shprehur se themelimi i Operës së Kosovës, erdhi pas shumë përpjekjeve dhe zhvillimeve të hovshme në komunitetin artistik në Kosovë dhe pas një kontributi të madh nga kompozitorët, instrumentistët, solo-këngëtarët, dirigjentët dhe shumë e shumë personalitete, përcjellë KultPlus.

“Qeveria e Kosovës ka vendosur themelimin e Operës si një nga prioritetet kryesore në programin qeverisës dhe sot urojmë të gjithë komunitetin muzikor dhe artistik për krijimi i këtij institucioni me rëndësi të madhe për artin në vendin tonë”, ka shkruar MKRS-ja.

KultPlus ju sjell njoftimin e tyre të plotë:

Themelohet Institucioni i Operës së Kosovës
Pas shumë përpjekjeve dhe zhvillimeve të hovshme në komunitetin artistik në Kosovë dhe një kontributi të madh nga kompozitorët, instrumentistët, solo-këngëtarët, dirigjentët dhe shumë e shumë personalitete, themelohet institucioni i Operës së Kosovës.
Kosova është vendi i fundit në Evropë që krijon një strukturë të tillë. Me një aktivitet të bujshëm koncertal duke përfshirë premiera koncertale dhe kompozime të Operës nga vitet ’50, profilet e Operës kanë vazhduar të zhvillohen pandërprerë.
Ky institucion, që ka munguar gjithë këto vite, ka qenë një ëndërr dhe një kërkesë e muzikantëve dhe artdashësve të cilët prej vitesh janë detyruar të ndjekin mënyra alternative për të shfaqur artin e tyre operistik në skena tjera, në mungesë të institucionit të Operës.
Ekosistemi kulturor tashmë ka burime njerëzore të mjaftueshme për të përmbushur kapacitetet e nevojshme për një institucion të tillë, me një pejadë të madhe të instrumentistëve të rinj të të gjitha profileve dhe solokëngëtarëve ku së bashku ata përbëjnë një masë të madhe artistësh të gatshëm për të kontribuar në këtë strukturë.
Qeveria e Kosovës ka vendosur themelimin e Operës si një nga prioritetet kryesore në programin qeverisës dhe sot urojmë të gjithë komunitetin muzikor dhe artistik për krijimi i këtij institucioni me rëndësi të madhe për artin në vendin tonë.
Opera është një nga strukturat më të larta të veprimtarisë artistike ndërdisiplinore, dhe si e tillë, është një nga masat më të rëndësishme për zhvillimin e kulturës së një vendi. / KultPlus.com

Ministria e Kulturës, Rinisë dhe Sportit i dedikon muajin gusht të rinjve të Kosovës

Posted on by Kult Plus

Duke pasur parasysh mirëqenien dhe fuqizimin e të rinjve, “Muaji i Rinisë”, titullohet aktiviteti më i ri që do të organizojë Ministria e Kulturës, Rinisë dhe Sportit për nderë te Ditës Ndërkombëtare të Rinisë, përcjellë KultPlus.

Në njoftimin e ministrisë thuhet se programi i këtij aktiviteti do të promovojë dhe adresojë çështjet thelbësore për të rinj si aftësimin profesional dhe punësimin e të rinjve, shëndetin mendor dhe riprodhues, aktivizimin rinor në nivel lokal dhe qendror, rekreacionin dhe aktivitetet e kohës së lirë, vullnetarizmin, integrimin dhe mbrojtjen e të rinjve të margjinalizuar.

Aktivitetet e këtij muaji do të organizohen në bashkëpunim me partnerë vendorë dhe ndërkombëtarë nga data 2 gusht deri më datë 27 gusht.

Kjo ngjarje do të organizohet në bashkëpunim vendorë dhe ndërkombëtarë nga data 2 gusht deri më 27 gusht. / KultPlus.com