Blerta Veseli, bukuroshja nga Gjilani, po vazhdon të shënojë suksese në industrinë e modës nëpër vende të ndryshme në botë.
Ish-Miss Universe Kosova 2020, që tashmë jeton në SHBA, ku ka vazhduar karrierën suksesshëm, së fundi është shfaqur në ballinën revistës së njohur kudo në botë “Harper’s Bazaar”. Këtë herë për edicionin e revistës prestigjioze të modës, në Vietnam. Aty Blerta Veseli prezanton koleksionin e fundit të Dolce&Gabbana ndërsa tema kryesore e këtij numri të “Harper’s Bazaar Vietnan” ishte “Traditional Spanish vibes”.
Blerta në intervistën e saj për këtë revistë ka folur për rrugëtimin e saj drejt suksesit si dhe vështirësitë që ka kaluar për të qenë në pikën e famës ku ajo tashmë gjendet.
Ajo rrëfen edhe historinë e saj se si vendosi që të merret me ‘modeling’ dhe se me çfarë ishte përballur kur u zhvendos nga Kosova në Shtetet e Bashkuara të Amerikës.
Ndërsa kur bukuroshja kosovare u pyet për angazhimet mes punës dhe jetës së saj personale, Blerta u përgjigj se ajo akoma është duke u munduar që të gjej balancin mes punës e projekteve të reja dhe jetës sentimentale.
Për paraqitjen në ballinën “Harper’s Bazaar Vietnam”, Blerta Veseli në ekip të saj kishte fotografin e njohur botëror Alberto Gonzales dhe stilisten e saj Adriana Popovic, ndërsa për make-up dhe flokët janë përkujdesur Joanne Marchevsky dhe Latto.
Kjo nuk është hera e parë që ylli kosovar paraqitet në ballinën e “Harper’s Bazaar”. Kujtojmë që në muajin gusht të këtij viti, Blerta Veseli kishte pushtuar edhe ballinën e “Harper’s Bazaar Bulgaria”. Aty ajo pozoi për një kompani të njohur amerikane të diamantëve.
Blerta Veseli para pak ditësh ka nënshkruar dhe një kontrat të majme për “Brand Ambassador” me kompaninë e famshme te pijeve në Amerikë “Glow” , ku “brand ambasador” i saj është edhe Kylie Jenner.
Arkela Zeqiri është vetëm pesë vjeçe dhe tashmë konsiderohet nga shtëpitë e njohura të modës si një modele me përvojë. Ajo hyn në mesin e atyre pak vajzave të vogla të moshës parashkollore, fotografitë e të cilave figurojnë në kompani të njohura të modës.
Arkela, për herë parë ka pozuar si 3 vjeçe në një shtëpi mode në Cyrih.
Nga ajo kohë, shqiptarja e vogël dhe e talentuar nuk është ndalur më. Ajo sot është fytyra e shumë modeleve të rrobave për fëmijë në dyqanet më të njohura të Europës.
Arkela ka aktualisht disa fotografi profesionale në tregun e gjerë europian të rrobave e të firmave që ka reklamuar. Përderisa nga shtëpia e modës “Kids Model” Zürich, ajo ka me dhjetëra fotografi profesionale që figurojnë gjithandej ku kjo shtëpi mode ofron produktet e saj.
Të gjitha kompanitë me të cilat ajo ka kontratë dhe prezanton përmes fotografive modelet më të reja të rrobave për fëmijë, janë kompani të njohura botërore, mirëpo për arsye të kontratës dhe rregullave që ato specifikojnë, nuk lejohet të përmenden emrat dhe publikimi i fotografive për shkak të sigurisë së Arkelës.
Shumë e pjekur për moshën
Prindërit e Arkelës thonë se vajza e tyre ka qenë dhe është shumë e pavarur për moshën që ka. „Ajo, si fare e vogël ka kombinuar rrobat vet, mandej lëvizjet me plot pozitivitet para kamerës e komunikimi simpatik, kanë zgjuar interesimin e shtëpive të modës, të cilat e kanë kërkuar gjithnjë e më shpesh“, tregon Albani, i cili me profesion është mjek stomatolog prej të cilit Arkela ka mësuar shumë gjëra të nevojshme për jetë; „Por jo modelimin“ -thotë Albani dhe vazhdon – „atë e ka mësuar prej së ëmës sepse edhe ajo dikur ishte pjesë e modelimit“.
Duke qenë se nëna e Arkelës, Egzona Hoda Zeqiri, ka qenë edhe vetë e angazhuar si modele, ajo është kujdesur që vajza e saj të jetë fytyrë e shtëpive më të mira e më serioze të modës.
Kështu, në shtëpinë e modës KIDS MODEL Zürich, „ajo gëzon një simpati të veçantë, të cilën e ka fituar që nga dita e parë e takimit me menaxheren e saj“, tregon e ëma e saj, Egzona, e cila punon si zyrtare kantonale në entin për punësim.
Prindërit tregojnë që vajza e tyre Arkela është shumë modeste dhe reagon me qetësi karshi reklamave të mëdha në qytete ku ajo duket me modelet e rrobave më të reja.
„Ajo e ka marrë shumë qetë, thjeshtë si një punë e përditshme e saj“, veçon e ëma.
Prindër të lumtur
„Ne si prindër, jemi shumë të lumtur me Arkelën, është ndjenjë shumë e veçantë kur sheh dyqane me emër dhe madje jo vetëm në Zvicër, kur të shfaqet para syve reklama dhe në të, personazhi kryesor është fëmija yt. Mandej është ndjenjë edhe më e veçantë, kur miq nga vende të ndryshme evropiane, na dërgojnë foto me Arkelën që i kanë hasur në dyqane e reklama të ndryshme të kompanive të modelimit me renome botërore“, shprehen prindërit, Albani dhe Egzona.
Arkela ka shumë dëshira, dhunti e talent për shumë gjëra, por prindërit e saj mendojnë që asaj më së shumti i fle në shpirt, arti.
Pasion i madh i saj përveç modelimit, është edhe piktura e kënga. Ajo këndon shqip, gjermanisht dhe anglisht. Vallëzon shumë bukur dhe është anëtare e rregullt e SHKA “Dardania” në Winterthur.
“Nëse arrini të fitoni simpatinë e Arkelës, dhurata e saj për ju do të jetë një punim në artin figurativ, pikturuar nga ajo vet”, tregon babai i saj.
Megjithëse, siç tregojnë prindërit, dhuntia më e madhe që ka ajo është, talenti për mësimin e shpejt të gjuhëve të huaja, ndonëse ata në shtëpi flasin me të shqip.
“Fare rastësisht kam zbuluar se ajo flet shumë mirë anglisht. Ajo komunikon anglisht pa problem, krahas gjuhës shqipe dhe gjermane”, tregon me entuziazëm për bijën e tij, stomatolgu Albani i cili tek ajo sheh një minierë talenti e dhuntie që do të rritet e imponohet si një gur diamenti që askush nuk mund t`ia marrë shkëlqimin.
Pozitivitet dhe spontanitet para kamerës
„Ajo, si fare e vogël ka kombinuar rrobat vet, mandej lëvizjet me plot pozitivitet para kamerës e komunikimi simpatik, kanë zgjuar interesimin e shtëpive të modës, të cilat e kanë kërkuar gjithnjë e më shpesh“, tregon babai i saj, Albani.
Pasion për pikturën dhe vallëzimin
Pasion i madh i saj përveç modelimit, është edhe piktura e kënga. Ajo këndon shqip, gjermanisht dhe anglisht. Vallëzon shumë bukur dhe është anëtare e rregullt e SHKA “Dardania” në Winterthur./albinfo/ KultPlus.com
Vajzat shqiptare duket sikur kanë një element të veçantë në vete. Këtë po e dëshmojnë sukseset e tyre të vazhdueshme, shkruan KultPlus.
Përveç muzikës,
sportit e aktrimit, ato po tregohen të suksesshme edhe në botën e modelimit.
25-vjeçarja Mimoza Rudaj, e lindur dhe rritur në Zvicër, po tregohet goxha e suksesshme në këtë fushë, duke pozuar për brendet e njohura si ‘Zebra Fashion’ dhe ‘Vogele Shoes’.
Dashuria e
saj për fotografinë duket sikur ka lindur bashkë me të. Qysh në moshën 13 vjeçare
ajo ka rënë në sytë e brendeve të njohura të cilët edhe i kanë bërë ftesë për
reklamë. ‘Yendi Chicoree & Schild’, brendi i njohur zviceran zgjodhi për
imazh pikërisht këtë vajzë shqiptare.
Por, nuk
shkoi larg dhe Mimoza nisi studimet, çka e bëri të shkëputet nga bota e
modelizmit.
Por, gjatë kësaj kohe, ëndrra e saj duket sikur kishte marr përmasa më të mëdha. Pas një pauze disa vjeçare, ajo i rikthehet pasionit të saj më e fuqishme dhe e përmbledhur si asnjëherë më parë.
https://www.instagram.com/p/B6N0KN4lbCE/
Për
KultPlus, sot kur ajo edhe feston ditëlindjen, ka ndarë disa gjëra për lexuesit.
“Jam një femër
me shumë energji, më pëlqejnë udhëtimet, dua ta vizitoj botën dhe të mbledh
eksperienca dhe kujtime të bukura. Gjatë vitit i realizoj rreth 3 udhëtime
jashtë Evropës, ndërsa nëpër Evropë janë të panumërta. Por përveç udhëtimeve, pjesën
tjetër të kohës e shfrytëzojë shumë edhe për gardëroben, jam e fiksuar pas
shopingut”, ka treguar Mimoza.
Karriera në Zvicër
është e vështirë, por Mimoza po ia del mjaft mirë.
“Të bësh
karrierë në Zvicër është shumë e vështirë. Por, falë rrjeteve sociale kam
arritur të krijoj kontakte me brende të njohura botërore. Bashkëpunimi me brendin
‘Zebra’ ka lindur pikërisht prej Instagramit, ku edhe i kanë parë fotografitë e
mia e më kanë dërguar ftesë.”
Gjatë bisedës
tonë, ajo ka folur edhe për Kosovën, vendin që zë një vend të veçantë në zemrën
e saj.
“Kam shumë
kujtime të mira nga Kosova dhe e vizitoj vendin tim dy deri tri herë në vit. Shëtis
gjithë botën, por nëse nuk kthehem edhe në Prishtinë nuk ndihem e përmbushur. Shpesh
e sjell edhe shoqërinë time në Kosovë të cilët janë mahnitur nga mikpritja dhe
shoqëria që kanë gjetur këtu.”
Mimoza, në të
ardhmen ëndërron të bashkëpunojë me ‘Calvin Klein’ dhe ‘Dior’.
Por, nuk e përjashton mundësinë për ndonjë bashkëpunim të mundësh në Kosovë i cili deri më tani nuk ka ndodhur. / KultPlus.com
Emri i Zana Krasniqit ende bën jehonë në shtypin shqiptar. Një nga modelet më të bukura në vendin tonë dhe jo vetëm, është larguar prej disa kohësh nga pasarelat. Ajo ka marrë përsipër një mision edhe më të rëndësishëm, atë të mëmësisë.
Edhe pse është shkëputur nga karriera, vazhdon të gëzojë format e një modeleje. Më herët Zana ka premtuar që do t’i rikthehet modelingut. Jemi shumë kuriozë për të parë rikthimin e bujshëm të një prej ikonave tona. Se, Zana e meriton këtë epitet, flasin edhe këto foto të saj.
Kjo dhe e bëri Zanën që të jetë edhe imazh publicitar i jo pak magazinave e po ashtu edhe i disa kompanive ndërkombëtare. / KultPlus.com
