Etiketë: Mollekuqja

‘Mollëkuqja’ mbështet protestën e sotme në Ferizaj pas vrasjes së vajzës 18 vjeçare

Posted on by Kult Plus

Pas vrasjes së 18 vjeçares, në Ferizaj ka nisur protesta e thirrur nga Qendra Kosovare për Studime Gjinore.

M.O u dërgua e pa jetë në spitalin e Ferizajit nga dy persona të dyshuar për vrasjen e saj.

Dardan Krivaqa, i dyshuari kryesor për vrasjen e saj është arrestuar sot nga policia.

Për vrasjen e 18-vjeçares nga Ferizaj ka reaguar edhe Qendra për Mundësi të Barabarta “Mollëkuqja”.

Në një postim në Facebook, thuhet se e mbështesin protestën që do të zhvillohet sot në Ferizaj.

“Mollëkuqja mbështet protestën e cila zhvillohet sot në Ferizaj pas vrasjes së vajzës 18 vjeçare. Femicidi është në përmasa pandemike – dhe autoritetet flejnë gjumë!Policia, prokuroria dhe shteti i cili nuk parandalon vrasjet e grave i kanë duart me gjak. Asnjë ma shumë!”-thuhet në njoftim./KultPlus.com

Reagon “Mollëkuqja” për takimin e liderëve në Maqedoni: Gratë i trajtoni si shërbëtore

Posted on by KultPlus

Organizata “Mollëkuqja” ka dalë me një reagim pas takimit të Zaev, Rama dhe Vucic, ku sipas kësaj organizate, edhe në këtë takim gratë janë në prapavijë. KultPlus ju sjell të plotë reagimin e tyre.

Qendra për Mundësi të Barabarta “Mollëkuqja” është tejet e shqetësuar me fotografinë e takimit të fundit mes liderëve të Maqedonisë së Veriut, Shqipërisë dhe Serbisë. Gratë në rajon dhe jo vetëm, e kanë dëshmuar në disa raste se janë shumë më shumë se sa shërbyese të burrave për shkak se ata janë të ulur në pozitat që ua ka dhuruar mendësia patriarkale.

Fotografia më poshtë pasqyron gjendjen aktuale të grave në rajon dhe se si këto gra, shihen në sytë e politikanëve tanë. I rikujtojmë kryeministrit Zoran Zaev , Edi Rama dhe Aleksandar Vučić se nuk mund qëllimi juaj të jetë “zhvillimi i rajonit” përderisa gjysmën e rajonit e trajtoni si shërbëtore tuajën.

“Mollëkuqja” vazhdimisht ka alarmuar për nevojën e përfshirjes të grave në politikë dhe ndarjes së pozitave menaxhuse (ekzekutive), grave. Për më shumë, shtetet me nivelin më të ulët të korrupsionit, njëherit dhe ndër më të zhvilluarat, udhëhiqen nga gra.

Mollëkuqja, 30.07.2021./ KultPlus.com