Etiketë: musk

Musk lirohet nga padia 258 miliardë dollarëshe për monedhën digjitale Dogecoin

Posted on by Kult Plus

Miliarderi Elon Musk dhe kompania e tij e automjeteve elektrike Tesla janë liruar nga një padi kolektive e monedhës digjitale Dogecoin prej 258 miliardë dollarësh.

Padia, e ngritur në vitin 2022, pretendonte se komentet nga Musk në Twitter, tani e njohur si X dhe në pronësi të tij, manipuluan çmimin e Dogecoin dhe dëmtuan investitorët e kriptomonedhave.

Investitorët pretenduan se deklaratat e Musk-it, përfshirë se Dogecoin mund të jetë monedha e tij e preferuar, kriptomonedha e njerëzve dhe monedha e ardhshme e Tokës, ishin mashtruese.

Sipas dokumenteve të gjykatës, ata gjithashtu cituan pretendimet se Dogecoin mund të bëhet standardi për sistemin financiar global pasi Musk vendosi një Dogecoin në SpaceX dhe e fluturoi atë në Hënë duke thënë se Dogecoin do të paguante për misionin dhe atë se automjetet Testa mund të blihen me Dogecoin.

“Këto deklarata janë aspiruese dhe të fryra, jo faktike dhe të prirura për t’u falsifikuar”, shkroi në vendimin e tij gjyqtari amerikan i Qarkut Jugor të New York-ut, Alvin K. Hellerstein.

“Sa i përket skemës së supozuar ‘mbush dhe zbraz’ nga Musk dhe Tesla, nuk është e mundur të kuptohen pretendimet që përbëjnë bazën e përfundimit të paditësit për manipulimin e tregut”, shtoi ai.

Një numër i paditësve që iu bashkuan padisë në grup kërkuan 86 miliardë dollarë dëmshpërblim, përveç dëmeve të trefishta prej 172 miliardë dollarësh.

Dikur një kriptomonedhë e panjohur e krijuar si shaka, në fillim të vitit 2021 Dogecoin u rendit shpejt në top dhjetëshen e kriptomonedhave pasi Musk vazhdimisht postonte në Twitter në favor të saj.

Dje, Dogecoin u rendit e 8-ta në mesin e aseteve të kriptove me një kapital tregu prej 14.7 miliardë dollarësh.

Ndryshe nga kriptomendha më e madhe në botë Bitcoin, Dogecoin nuk ka ndonjë kufi në minimin e tij ose në sasinë që krijohet. /atsh/ KultPlus.com

‘Ai është shumë i zgjuar’, Trump fton Elon Musk të shërbejë në kabinetin e tij nëse fiton, miliarderi pranon

Posted on by Kult Plus

Ish-presidenti Donald Trump ka deklaruar se dëshiron që miliarderi Elon Musk të shërbejë në administratën e tij nëse ai fiton në nëntor.

“Ai është një djalë shumë i zgjuar. Unë sigurisht që do ta bëja, nëse ai do ta bënte atë, sigurisht që do ta bëja. Ai është një djalë brilant,” tha Trump kur u pyet nëse do t’i ofronte Musk një kabinet apo pozicion këshillues, raportoi Reuters të hënën.

Musk nuk iu përgjigj drejtpërdrejt deklaratave të Trump, megjithëse ai postoi një foto të krijuar nga AI duke folur në një foltore të etiketuar “DOGE Department of Government Efficiency” të hënën në X.

Akronimi duket se është një referencë për Dogecoin , një kriptomonedhë që Musk ka promovuar më parë.

“Jam i gatshëm të shërbej”, ka shkruar Musk në postimin e tij.

Bisedimet për bashkimin e Musk në një administratë të dytë Trump kanë qenë të përhapura muajt e fundit. Në maj, The Wall Street Journal tha se Musk kishte folur me Trump për t’u bashkuar me qeverinë e tij .

Musk hodhi poshtë raportin e The Journal në një postim X , duke thënë se “nuk ka pasur asnjë diskutim për një rol për mua në një Presidencë të mundshme Trump”.

Megjithatë Musk duket se e ka zbutur qëndrimin e tij për të punuar për një administratë të mundshme Trump.

Musk zhvendos selinë e Neuralink nga Delaware në Nevada

Posted on by Kult Plus

Kompania amerikane e neuroteknologjisë së miliarderit Elon Musk, Neuralink, e zhvendosi selinë e saj të korporatës nga Delaware në Nevada pasi një gjykatës i Delaware hodhi poshtë një marrëveshje për të paguar Musk 55.8 miliardë dollarë nga marrëveshja e tij me Tesla-n e vitit 2018.

“Asnjëherë mos e keni selinë e korporatës tuaj në shtetin e Delaware. Unë rekomandoj Nevadën ose Teksasin, nëse doni që aksionarët të vendosin”, shkroi Musk në platformën X (Twitter).

Ekspertët ligjorë thonë se shumica e korporatave kanë selinë në Delaware sepse ligjet e atij shteti favorizojnë korporatat, raporton AP.

“Delaware është miqësor me menaxhimin e korporatave, jo me aksionarët,” thotë profesori i biznesit dhe drejtësisë në Universitetin e Miçiganit.

Në fund të janarit, kancelarja e Delaware Kathleen St.

Në vendimin e saj, ajo e quajti paketën “mundësinë më të madhe të mundshme të kompensimit të parë ndonjëherë në tregjet publike me disa shkallë të përmasave”.

McCormick zbuloi se bordit të Teslës i mungon pavarësia nga Musk.

Avokatët e tij thanë se paketa duhej të qëndronte në formën e saj origjinale për t’i dhënë Musk një nxitje për të mos u larguar, një argument që nuk u pranua në gjykatë./alsatm/KultPlus.com

Musk lançoi startupin e zhvillimit të inteligjencës artificiale xAI

Posted on by Kult Plus

Elon Musk lançoi sot startupin e lajmëruar prej kohësh të inteligjencës artificiale xAI, duke zbuluar një ekip inxhinierësh me të cilët ai dëshiron të krijojë një alternativë ndaj Chat-GPT.

Startup-i do të drejtohet nga Musk, i cili është CEO i Tesla-s dhe pronar i Twitter-it, dhe i cili ka thënë disa herë se zhvillimi i inteligjencës artificiale duhet të ndalet dhe të rregullohet.

“Po shpall themelimin e @xAI për të kuptuar realitetin”, shkroi Musk në Twitter.

Ekipi fillestar përfshin Igor Babushkin, një ish inxhinier i DeepMind, Tony Wu, i cili ka punuar për Google, Christian Segedi, një studiues i Google dhe Greg Young, i cili ka punuar për Microsoft.

Musk është drejtori i vetëm dhe Jared Birchall, drejtori menaxhues i zyrës së tij familjare, është sekretari.

Miliarderi tha në prill se do të krijonte TruthGPT, një inteligjencë artificiale që do të mbronte të vërtetën sa më shumë që të ishte e mundur, në mënyrë që të mos konkurronte me Bard të Google dhe Bing të Microsoft.

Inteligjenca artificiale gjeneruese erdhi në qendër të vëmendjes pasi OpenAI lançoi chatbot popullor ChatGPT nëntorin e kaluar, përpara Bard dhe Bing.

Kompania e re e Musk është e ndarë nga X Corp, por do të punojë ngushtë me Twitter, Tesla dhe kompani të tjera./alsatm/KultPlus.com

Musk njofton largimin si CEO i Twitter-it

Posted on by Kult Plus

Miliarderi Elon Musk deklaroi se kompania në pronësi të tij, Twitter, do të drejtohet nga një CEO të ri, shkruan faqja e internetit cnbc.com.

Musk theksoi përmes Twitter se ”CEO i ri, një grua, pa bërë të ditur emrit, do të nisë punën pas 6 javësh”.

Musk theksoi se do të mbetej kryetar ekzekutiv, duke mbikëqyrur produktet, softuerët dhe sistemet e Tesla-s, aksionet e së cilës u rritën me më shumë se 2%, një shenjë që investitorët ishin të kënaqur me lëvizjen.

Disa investitorë të Tesla-s ishin të shqetësuar se Musk ishte shumë i lodhur nga drejtimi i Twitter dhe se ai duhet të ridrejtonte kohën e tij për të udhëhequr kompaninë e automjeteve elektrike, në të cilën ai është gjithashtu CEO.

Në muajin prill, një numër aksionerësh progresivë të Tesla-s i kërkuan publikisht bordit të Tesla-s që të sigurojë që Musk t’i japë më shumë kohë prodhuesit të automjeteve.

Musk, i cili është gjithashtu CEO i prodhuesit të raketave të ripërdorshme ”SpaceX”, përfundoi blerjen prej 44 miliardë dollarësh të Twitter më 28 tetor dhe menjëherë la gjurmën e tij duke shkarkuar drejtuesit kryesorë të kompanisë dhe pushoi nga puna qindra punonjës.

Nën udhëheqjen e tij, biznesi kryesor i reklamave të Twitter-it vuajti pasi disa kompani ndaluan fushatat e tyre promovuese me pagesë pasi shërbimi i mesazheve sociale pa një rritje të fjalimeve abuzive dhe retorikës.

Ai gjithashtu lejoi përdoruesit e ndaluar më parë të ktheheshin në platformë dhe krijoi polemika politike me deklarata të tilla si pretendimi se media ishte raciste kundër të bardhëve dhe aziatikëve./atsh / KultPlus.com

Musk: Brenda 6 muajve do vendosim çipin e parë në trurin e një njeriu

Posted on by Kult Plus

Kompania po zhvillon çipe për trurin Neuralink brenda 6 muajsh do të fillojë testet në njerëz.

Kështu ka deklaruar Elon Musk. Ai tha se një pajisje wireless e krijuar nga kompania e tij e çipeve të trurit do vendoet në tru.

“Kemi punuar shumë që të jemi gati për njeriun tonë të parë dhe duam që të jemi shumë të kujdesshëm dhe të sigurt se do të funksionojë përpara se ta implementojmë, por kemi dorëzuar besoj pjesën më të madhe të punës sonë në FDA dhe mendoj se brenda 6 muajsh do të mund të kemi Neuralink-un tonë të parë te një njeri”, tha Musk.

Pajisja mund të ndihmojë pacientët me aftësi të veçanta të lëvizin dhe komunikojnë sërish. / KultPlus.com

Musk bëhet njeriu i shtatë më i pasur në botë

Posted on by Kult Plus

Shefi i kompanisë së njohur për veturat elektrike “Tesla”, Elon Musk ka tejkaluar Warren Buffetin në listën e indeksit të “Bloomberg Billionaires” për t’u bërë njeriu i shtatë më i pasur në botë.

Pasuria e Muskut u rrit në më shumë se 6 miliardë dollarë, sipas Bloombergut, pasi që vlera e kompanisë “Tesla” në aksione u rrit për 10.8 për qind. Vlera e kompanisë së “Teslas” tash qëndron në 286.5 miliardë dollarë, shkruan CNN.

Musk është pronari i 20.8 për qind të aksioneve kompanisë “Tesla”, si dhe aksionari kryesor i “SpaceX”.

Pasuria e Buffet që ishte para Muskut ra javën që shkoi pasi që biznesmeni bëri donacion të aksioneve me vlerë prej 3 miliardë dollarë për organizatat bamirëse, si pjesë e planit të tij që t’ua japë shumicën e pasurisë ndërmarrjeve filantrope, transmeton KOHA.

Vlera e kompanisë “Tesla” u ngrit për më shumë se 500 për qind gjatë 12 muajve të fundit, duke e tejkaluar kështu po thuajse çdo kompani tjetër. Kjo kompani e veturave elektrike është kompania më e vlefshme në botë për momentin.

Musku 49-vjeç mund të bëhet personi më i pasur në botë, vend të cilin për momentin e mban drejtori ekzekutiv i Amazonit Jeff Bezos, bazuar në një pako të cilën e kanë miratuar aksionarët e “Teslas” në vitin 2018. Në fund të muajit maj, kompania “Tesla” i dha Muskut aksione me vlerë prej 1.8 miliardë dollarësh si pjesë e planit të rritjes së kompanisë.

Musk tani ka pasuri në vlerën e 70.5 miliardë dollarësh.

Listës i prin Jeff Bezos me 189 miliardë dollarë, i ndjekur nga Bill Gates që ka 116 miliardë dollarë. /KultPlus.com