Etiketë: Muzeu Hebraik

Muzeu Hebraik Shqiptar në Vlorë, hapësirë dialogu mes brezash

Posted on by Kult Plus

Ministrja e Kulturës, Elva Margariti, mori pjesë në konferencën shkencore “Un luogo sicuro in Europa”, organizuar nga Ministria e Kulturës, Fondacioni Shqiptaro-Amerikan për Zhvillim, Ambasada shqiptare në Romë, Universita degli Studi Roma 3 e të tjerë partnerë të linjës.

Duke marrë fjalën në këtë takim, Margariti foli për historinë e shpëtimit të hebrenjve gjatë Luftës II Botërore.

“Historia e shpëtimit të hebrenjve nga shqiptarët njihet shumë pak dhe është detyra jonë që t’ua përcjellim brezave të rinj, jo si një histori krekosjeje dhe heroizmi, por humanizmi”, tha ministrja.

Margariti tha se në Vlorë, aty ku ka ekzistuar komuniteti më i madh hebraik, bashkë me Fondacionin Shqiptaro-Amerikan për Zhvillim do ngremë Muzeun Hebraik Shqiptar.

“Ndaj dhe sot, në Vlorë, në një nga qytetet, ku ka ekzistuar komuniteti më i madh hebraik, ku shqiptarë e hebrenj kanë fqinjëruar për shekuj, bashkë me Fondacionin Shqiptaro-Amerikan për Zhvillim po ngremë Muzeun Hebraik Shqiptar, që nuk nis me Luftën II Botërore, por shumë më herët, që në fillimet e erës sonë, kur hebrenjtë gjetën strehë në trojet tona”, tha ajo.

Margariti theksoi se, ajo do të jetë një qendër, më shumë se një muze, do të shërbejë si një hapësirë dialogu mes brezash, për të përcjellë atë çka kemi më të mirë.

“Ky muze është e shkuara, por edhe e tashmja dhe e ardhmja. Ky muze janë prindërit tanë, jemi ne, janë fëmijët tanë”, u shpreh ministrja. /atsh /KultPlus.com

Muzeu Hebraik, qendër njohjeje e historisë dhe vetvetes

Posted on by Kult Plus

Ministrja e Kulturës Elva Margariti, në kuadër të “Ditëve të Trashëgimisë”, ka sjellë në vëmendje Muzeun Hebraik Shqiptar që po ngrihet në Vlorë si një qendër dialogu dhe njohjeje jo vetëm e historisë, por dhe e vetvetes.

“Projekti po shkon përpara me partnerin tonë AADF”, shkruan ministrja në një postim në rrjetet sociale.

Muzeu Hebraik Shqiptar është një projekt i Ministrisë së Kulturës, në partneritet me Fondacionin Shqiptaro Amerikan për Zhvillim. Kushtuar një prej faqeve më të arta të historisë shqiptare, mbrojtjes së hebrenjve, muzeu do të jetë i pari në llojin e vet, që hapet në Shqipëri. Ai do të jetë pjesë integrale e Qendrës Historike, duke dëshmuar për një histori unike bashkëjetese, e cila duhet të përcillet edhe tek të rinjtë.

Më herët, ministrja e Kulturës ka njoftuar se arkitektët e studios “Kimmel – Eshkolot” po përpunojnë detajet estetike të muzeut, për t’i dhënë atij një vend, në hartën e ndërtesave bashkëkohore të shekullit të ri në Shqipëri. /atsh /KultPlus.com

Muzeu Hebraik në Vlorë, institucioni më i ri i kujtesës

Posted on by Kult Plus

Muzeu Hebraik në Vlorë, është institucioni më i ri i kujtesës, që bashkon histori kombesh, mbijetesën dhe besën.

Kryeministri Edi Rama publikoi sot pamje nga projekti i këtij muzeu.

“Mirëmëngjes dhe me projektin e Muzeut Hebraik në Vlorë, institucioni më i ri i kujtesës, që bashkon histori kombesh, mbijetesën dhe besën, ju uroj një ditë të mbarë”, u shpreh Rama.

Kreu i qeverisë gjithashtu theksoi se, sot, në kuadër të Ditës Ndërkombëtare të Muzeve, hyrja në të gjithë muzetë dhe parqet arkeologjike është falas.

Historitë e shqiptarëve që shpëtuan hebrenjtë në vitet e errëta të Holokaustit do të kenë një vend të dedikuar kujtese, që është Muzeu Hebraik Shqiptar, ngritja e të cilit mbështetet nga Fondacioni Shqiptaro-Amerikan për Zhvillim me synimin për të ndërtuar një institucion bashkëkohor që do të dëshmojë një histori unike bashkëjetese, besimi dhe shprese mes shqiptarëve dhe hebrenjve, veçanërisht në vitet e Luftës së Dytë Botërore.

Projekti fitues për muzeun, vendndodhja e të cilit do të jetë në Vlorë, u prezantua dje në prag të ditës ndërkombëtare të muzeve, nga studio e njohur izraelite “Kimmel Eshkolot Architects”. /atsh / KultPlus.com

Margariti: Krijimi i fondacionit “Muzeu Hebraik Shqiptar”, hap historik

Posted on by Kult Plus

Ministria e Kulturës dhe Fondacioni Shqiptaro-Amerikan për Zhvillim nënshkruan sot marrëveshjen për krijimin e fondacionit të menaxhimit të “Muzeut Hebraik Shqiptar” në Vlorë.

Të pranishëm në nënshkrimin e marrëveshjes ishin ministrja e Kulturës, Elva Margariti dhe kreu i bordit të AADF, Michael Granoff.

Ministrja e Kulturës, Elva Margariti e cilësoi krijimin e këtij fondacioni një hap historik në mendësinë e re të menaxhimit të muzeve.

“Është një hap i rëndësishëm për të arritur diçka që nuk është bërë më parë në Shqipëri. Nëse ka diçka që Fondacioni është i angazhuar, që edhe ministria duhet të jetë e angazhuar, është që të arrijnë gjëra që nuk janë bërë më parë dhe të ruajmë trashëgiminë kulturore të Shqipërisë”, tha Margariti.

Fondacioni i menaxhimit të “Muzeut Hebraik Shqiptar” në Vlorë është një institucion që synon tërheqjen e financimeve për ruajtjen e historisë shqiptare gjatë viteve të errëta të Holokaustit.

Fondacioni Shqiptaro-Amerikan për Zhvillim ka mbështetur edhe ngritjen Muzeut Kombëtar të Hebrenjve në Vlorë, me synimin për të ndërtuar një institucion bashkëkohor të shekullit të 21, që do të tregojë një histori unike bashkëjetese, besimi dhe shpresë. / KultPlus.com

Muzeu hebraik në Vlorë, 5 kompani ndërkombëtare në garë për projektin arkitektonik

Posted on by Kult Plus

Ngritja e muzeut hebraik në Vlorë, që do të rrëfejë historinë shqiptaro-hebreje, e që nuk nis gjatë Luftës së Dytë Botërore, kalon në një tjetër fazë tashmë, atë të konkursit ndërkombëtar për projektin arkitektonik.

Ftesës për të marrë pjesë në konkursin e organizuar nga Fondi Shqiptaro-Amerikan i Zhvillimit (AADF) dhe Ministria e Kulturës i janë përgjigjur 5 studio, Kimmel Eshkolot Architects, Tel Aviv/Izrael, Merz & Renz GmbH + Co. KG, Berlin/Gjermani, studio Terragni Architetti, Como/Itali, Wandel Lorch Götze Wach GmbH, Frankfurt/Gjermani dhe Winkler + Ruck Architekten, Klagenfurt/Austri.

“Ky muze do të jetë një magnet tërheqës jo vetëm për turistët, si pjesë integrale e qendrës historike të qytetit, por mbi të gjitha për të rinjtë. Shpresojmë që studiot pjesëmarrëse në konkurs, të mund të kapin shpirtin dhe domethënien që ky muze ka për shqiptarët dhe hebrenjtë, në një bashkëjetesë shekullore”, deklaroi ministrja e Kulturës, Elva Margariti gjatë një forumi online me përfaqësuesit e 5 kompanive. / KultPlus.com

Memorandum mirëkuptimi për ngritjen e Muzeut Hebraik të Shqiptarëve në Vlorë

Posted on by Kult Plus

Në Ditën e Kujtesës së viktimave të Holokaustit, Ministria e Kulturës, Fondacioni Shqiptaro-Amerikan i Zhvillimit (AADF) dhe Bashkia e Vlorës nënshkroi një Memorandum Mirëkuptimi, duke u angazhuar së bashku në ngritjen e Muzeut Hebraik të Shqiptareve në Vlorë.

Muzeu do tregojë një histori unike, dedikuar bashkëjetesës së hebrejve dhe shqiptarëve në kohë; një histori bese, dëshmia e dimensionit europian të shqiptarëve, që e treguan më shumë se çdo europian tjetër, në kohërat më të errëta të historisë njerëzore.

Ministria ka ndërmarrë iniciativën për ngritjen e Muzeut Hebraik të Shqiptareve në Vlorë, në kuadër të rehabilitimit të Qendrës Historike të Qytetit të Vlorës, iniciativë e miratuar në parim nga Komisioni Shtetëror i Muzeve në vitin 2018.

Në kuadër të bashkëpunimit me Ministrinë dhe Bashkinë në projektin për rehabilitimin e Qendrës Historike Vlorë, AADF ka kryer një fazë kërkimore për zhvillimin e projektit të ngritjes së Muzeut Hebraik te Shqiptareve në Vlorë, nëpërmjet angazhimit të një konsulenti ndërkombëtar e cila u përmbyll me propozimin nga Ministria dhe AADF të projekt idesë paraprake për zhvillimin e projektit të Muzeut.

Projekt-ideja parapake për Muzeun Hebraik të Shqiptarëve e zhvilluar nga AADF në bashkëpunim me Ministrinë u miratua nga Këshilli Kombëtar i Muzeve dhe Këshilli Kombëtar për Trashëgiminë Kulturore Materiale.

AADF, Ministria dhe Bashkia janë angazhuar të bashkëpunojnë për realizimit të projektit të ngritjes së Muzeut Hebraik të Shqiptarëve në Vlorë, që do të tregojë një histori unike, dedikuar bashkëjetesës së hebrejve dhe shqiptarëve në kohë, i cili synohet të kthehet në një magnet kulturor për zonën historike në Vlorë si dhe të vendosin një standard të ri për muzetë në Shqipëri duke mbështetur krijimin e një muzeu bashkëkohor, të vetmin në llojin e tij në Shqipëri dhe rajon, përsa i përket misionit, konceptit, arkitekturës, menaxhimit, qeverisjes, modelit të ekspozimit dhe tregimit të historisë, partneriteteve dhe angazhimit të komunitetit.

Projekti do të zhvillohet përgjatë tri fazave. Faza e parë do të jetë ajo kërkimore për konceptimin e përmbajtes për muzeut. Faza e dytë do të jetë për përgatitjen e projektit arkitektonik dhe të muzealizimit dhe në fazën e tretë parashikohet zbatimi i punimeve dhe përgatitja e programacionit të muzeut. /atsh/ KultPlus.com