Muzeu Kombëtar i Artit Mesjetar publikoi një objekt të rrallë nga fondi i tij. Bëhet fjalë për një kapak ungjilli me origjinë nga fshati Dishnicë, Korçë.
Kapaku është punuar në argjend me teknikën e rrahjes.
Në qendër është vendosur skena e ngjalljes së Krishtit e cila rrethohet nga 18 profetë dhe 16 skena të tjera që fillojnë me jetën e Hyjëlindëses dhe vazhdojnë me festat e mëdha.
Ky objekt është fotografuar në laboratorin fotografik pranë MKAM, me metodën RTI, Imazhi i transformimit të reflektimit (RTI) është një teknikë e re imazherike që krijon pamje dixhitale hiper-realiste që kontrollohen në mënyrë interaktive nga shikuesi.
Kjo metodë e re bazohet në sintezën e imazheve të shumta dixhitale të një subjekti të mbledhur nga një pozicion fiks i kamerës./atsh/KultPlus.com
Në ciklin “Origjina dhe artizanati”, Muzeu Kombëtar i Artit Mesjetar na njeh me trashëgiminë kulturore, që ka përcjellë ndër breza e trashëguar punën e dorës.
Objekti i radhës, pjesë e fondit të MKAM është lahuta. Kjo vegël muzikore zinte një vend shumë të rëndësishëm në jetën e përditshme. Me lahutë, malësorët iu këndonin heronjve dhe legjendave. Lahuta e ruajtur ne MKAM është e gjitha e gdhendur me mjeshtëri prej drurit dhe e zbukuruar me motive lineare të përsëritura.
Një nga traditat e hershme, një punë e shkëlqyer dhe po aq e vështirë, ka qenë ndër shekuj gdhendja e drurit. E përhapur në të gjithë Shqipërinë, prej kohëve të lashta, me specifikat e çdo vendi, gdhendja e drurit ka zënë gjithmonë një vend tepër të rëndësishëm në jetesën e popullit, duke nisur nga objektet e nevojshme, të përdorimit të përditshëm, deri tek objekte e zbukurimit.
Motive gjeometrike, floreale dhe zoomorfe, të gdhendura me mjeshtëri, janë në fokusin e programit mbi trashëgiminë kulturore, traditën dhe artizanatin të Muzeut të Artit Mesjetar. MKAM, në fondet e tij përmban shumë elementë popullorë, të cilat i ekspozon si një shembull i mirë, i pasurisë kombëtare./atsh/KultPlus.com
Mbi 30 mijë vizitorë panë gjatë vitit 2023, Muzeun e Artit Mesjetar. Lajmin e ndau në rrjetet sociale, kryetari i Bashkisë Korçë, Sotiraq Filo.
“Muzeu Kombëtar i Artit Mesjetar në Korçë është një nga hapësirat më të bukura muzeore dhe një nga destinacionet më të rëndësishme të trashëgimisë tonë kulturore, i cili ka pritur përgjatë vitit që lamë pas më shumë se 30.000 vizitorë vendas dhe të huaj”, është shprehur Filo.
Sipas kryebashkiakut të Korçës, të shumtë kanë qenë vizitorët edhe në ditët e para të këtij viti, të cilët janë mrekulluar nga objektet e ekspozuara në këtë muze.
Muzeu Kombëtar i Artit Mesjetar, në Korçë, u përurua më 24 prill 1980. Ai është një nga qendrat muzeore më të rëndësishme të Shqipërisë e më gjerë. Fondi i tij ka mbi 7 mijë objekte kulti e arti, kryesisht ikona e më pak punime guri, druri, metali e tekstili të krijuara nga mesjeta e hershme deri në fillim të shek. XX prej artistësh anonimë e të mirënjohur, nga treva të ndryshme të vendit. Në sallën kryesore janë vendosur një koleksion ikonash dhe objekte nga më të mirat, krijuar në shekuj e që pasqyrojnë momente të ndryshme të zhvillimit të ikonografisë shqiptare dhe përfaqësuesit kryesorë të tyre. Aty ka vepra të autorëve anonimë të shek. XIII-XIV dhe të tjerë të mirënjohur si: Onufri, Onufër Qiprioti, Mësues Kostandini, Jeromonaku, Shpataraku, Selenicasi, vëllezërit Zografi etj./ atsh / KultPlus.com
Muzeu Kombëtar i Artit Mesjetar në Korçë prezanton ikonën e Shën Nikollës, pjesë e ekspozitës së përkohshme “Piktura bizantine në Shqipëri”. Kjo ikonë ekspozohet për herë të parë për publikun e gjerë.
Origjina e ikonës së Shën Nikollës është nga Kisha e Ristozit, në Mborje, të Korçës. Ikona është pikturuar mbi një panel monolit, të gdhendur në mes në forme govate. Korniza e dalë nga gdhendja është pikturuar në ngjyre të kuqe dhe skarpati me të zezë. Nuk dihet vepër e cilit piktor të kohës është kjo vepër e rrallë.
Shën Nikolla një nga shenjtët me popullorë në Shqipëri nderohet njëlloj nga të dy kishat.
Ai shërbeu si peshkop në Mira, mori pjesë në Këshillin e Parë Ekumenik dhe bëri shumë mrekulli.
Në këtë ikonë që duhet të jetë pikturuar në shek. 14-të, shenjtori paraqitet në pamje frontale deri në mes, i veshur me një fellon të dekoruar me rrathë dhe kryqe dhe një omofor të bardhë mbi supe me kryqe të zinj. Sfondi që mund të ketë qenë argjend ka ngjyrë gri të mbyllur.
Linjat kanë elegancë dhe format evidentohen bukur. Trajtimi është dekorativ dhe pjesët e mishta janë punuar grafikisht me dritë – hije të forta, gati grafike, pa shumë tonalitete. Mbi kafen e errët janë hapur dritat me tone të okrës pa kalime të ndërmjetme tonale. Vizatimi është i thjeshtë dhe linear. / atsh / KultPlus.com
Ekspozita e çelur në Muzeun Kombëtar të Artit Mesjetar (MKAM) në Korçë ekspozon 13 ikona, të cilat i prezantohen publikut për herë të parë pas punës restauruese që është bërë mbi to.
Ekspozita “Piktura bizantine në Shqipëri” është një ekspozitë e përkohshme. Një prej veprave të ekspozuara është “Ngritja në qiell”, pikturuar nga atelieja e vëllezërve Zografi, nga Korça, për manastirin e Shën Pjetrit dhe Pavlit në Vithkuq, Korçë. Sipas MKAM, kjo skenë është e pasur me simbolizma, të cilat janë përshkruar në Ungjijtë e Lukës dhe Markut. Tipar dallues i veprave ikonografike të K. & A. Zografi, janë skenat e tyre masive dhe dinamike. Mali i ullinjve në të cilin ndodh ngjarja, paraqitet me bimësi të pasur dhe të harlisur. Paraqitja e pemëve të ullirit përbënte një element ikonografik themelor, duke e vënë në dukje këtë simbol të paqes, e cila shënon shpresë për një jetë të re.
Një tjetër ikonë me rëndësi është ajo e Shën e Dielës, ikonë që origjinën e ka nga Kisha E Ristozit në Mborje të Korçës. Ikona e Shën e Dielës daton që nga shekulli i 14-të. Në të paraqitet Shën e Diela, një martire e madhe që nderohet nga Kisha Orthodhokse dhe ajo Katolike. U martirizua në kohën e perandorit Diokletian në Kalkedona.
E mori këtë emër nga prindërit e saj pasi lindi ditën e dielë. Portreti dhe pjesët e mishta jane pikturuar me konture të theksuara e me ngjyrë të errët, me okër dhe pa shumë tonalitete.
Kontrasti është i fortë, pothuaj grafik. Stili i pikturimit është i ngjashëm me atë të muraleve në kishat heremite të Prespës dhe muralet e kishës të Ristozit në Mborje.
Tjetër ikonë të cilën MKAM e veçon përmes postimeve në rrjetet sociale, është ajo e “Kryqëzimit të Krishtit” nga Kisha e Ungjëllizimit në Berat. Kjo ikonë është realizuar përmes teknikës tempera mbi panel.
Muzeu Kombëtar i Artit Mesjetar në Korçë, u përurua më 24 Prill 1980. Ai është një nga qendrat muzeore më të rëndësishme të Shqipërisë. Fondi i tij ka objekte kulti e arti, kryesisht ikona e më pak punime guri, druri, metali e tekstili të krijuara nga mesjeta e hershme deri në fillim të shek. XX prej artistësh anonimë e të mirënjohur, nga treva të ndryshme të vendit./ atsh / KultPlus.com
Në Muzeun Kombëtar të Artit Mesjetar, Korçë po vijon puna për fotografimin me cilësi maksimale e të gjitha veprave që ndodhen në këtë muze.
Ministrja e Kulturës, Elva Margariti ndau foto të këtyre veprave teksa bëri të ditur se, “pas procesit të dezinfektimit në Laboratorin e Restaurimit dhe Konservimit në Muzeun Kombëtar të Artit Mesjetar vijon puna për fotografimin me qëllim dokumentimin dhe lehtësimin e aksesimit të tyre për studiuesit e trashëgimisë”.
Muzeu Kombëtar i Artit Mesjetar, në Korçë, u përurua më 24 Prill 1980. Ai është një nga qendrat muzeore më të rëndësishme të Shqipërisë e më gjerë. Fondi i tij ka mbi 7 mijë objekte kulti e arti, kryesisht ikona.
Aty ka vepra të autorëve anonimë të shek. XIII-XIV dhe të tjerë të mirënjohur si: Onufri, Onufër Qiprioti, Mësues Kostandini, Jeromonaku, Shpataraku, Selenicasi, vëllezërit Zografi etj./atsh/KultPlus.com
Në Muzeun Kombëtar të Artit Mesjetar, Korçë po vijon puna për fotografimin me cilësi maksimale e të gjitha veprave që ndodhen në këtë muze.
Ministrja e Kulturës, Elva Margariti ndau foto të këtyre veprave teksa bëri të ditur se, “pas procesit të dezinfektimit në Laboratorin e Restaurimit dhe Konservimit në Muzeun Kombëtar të Artit Mesjetar vijon puna për fotografimin me qëllim dokumentimin dhe lehtësimin e aksesimit të tyre për studiuesit e trashëgimisë”.
Muzeu Kombëtar i Artit Mesjetar, në Korçë, u përurua më 24 Prill 1980. Ai është një nga qendrat muzeore më të rëndësishme të Shqipërisë e më gjerë. Fondi i tij ka mbi 7 mijë objekte kulti e arti, kryesisht ikona.
Aty ka vepra të autorëve anonimë të shek. XIII-XIV dhe të tjerë të mirënjohur si: Onufri, Onufër Qiprioti, Mësues Kostandini, Jeromonaku, Shpataraku, Selenicasi, vëllezërit Zografi etj./KultPlus.com
Muzeu i Artit Mesjetar Korçë ka prezantuar sot në rrjetet sociale një nga ikonat e fondit të tij.
Bëhet fjalë për ikonën “Kryeëngjëlli Mihail”, ikonë e cila vjen nga Opari i Korçës.
Në panelin e madh paraqitet kryeëngjëlli, me krahë, si mbrojtësi i kishave bizantine. Vepra është e një cilësie të lartë artistike. Ky tip ikonografik i takon periudhës të Paleologëve.
Kryeëngjëlli paraqitet në pamje frontale me shpatën në dorën e djathtë dhe globin në të majtën. Ka veshje luftarake dhe tunikë të kuqe. Pjesët e mishta janë modeluar me kafe të lehtë dhe dritat finale pas një sërë tonesh të buta janë realizuar me të bardhe. Sfondi i argjendtë është tipik i shkollës maqedonase.
Muzeu Kombëtar i Artit Mesjetar, në Korçë, u përurua më 24 Prill 1980. Ai është një nga qendrat muzeore më të rëndësishme të Shqipërisë e më gjerë. Fondi i tij ka mbi 7 mijë objekte kulti e arti, kryesisht ikona./ KultPlus.com
Muzeu i Artit Mesjetar në Korçë solli në vëmendje një nga veprat më interesante që ruhen në fondin e tij. Është “Himni Akathist”, një përshkrim me detaje i jetës së Shën Marisë, i ndarë në skena.
Kjo është një ikonë e rrallë e pikturuar nga mjeshtri i ikonografisë Konstandin Shpataraku gjatë shek. të XVIII. Në këtë ikonë mjeshtri shfaqet si një miniaturist i madh, me një talent të jashtëzakonshëm. Në qendër lart paraqitet një skenë e kurorëzimit të Virgjëreshës e cila pasohet nga 24 skena nga jeta e Shën Marisë të pikturuara në kuadrate të rregullta, ku mbizotëron një ngjyrë blu e thellë e cila bën të kontrastojnë bukur tonet e arta dhe të ngrohtat.
Ngjarja fillon me skenën e lajmërimit, “Ungjëllizimi” dhe përfundon me ngjitjen e Shën Mërisë në qiell.
Figurat janë vizatuar me saktësi dhe elegancë. Çdo detaj është pikturuar me kujdes të jashtëzakonshëm.
Ikona ka qenë pjesë e dekorit të kishës së Shën Mërisë nga Manastiri i Ardenicës dhe sot përbën një aset shumë të çmuar në ekspozitën e MKAM. /atsh /KultPlus.com
Muzeu Kombëtar i Artit Mesjetar në Korçë, prezantoi sot, në rrjetet sociale, një nga objektet që disponon në fondin e tij. Bëhet fjalë për mitrën, pjesë e veshjes ceremoniale të ritit Ortodoks Lindor.
Origjina e saj shkon larg në histori, tek tradita hebraike. Në formën që na paraqitet sot, ajo është përdorur pas rënies së Kostandinopojës dhe është bazuar në kurorën e perandorëve të lindjes.
Mitra, e ekspozuar në MKAM është prodhuar prej materialesh të ndryshme si, mëndafsh, metal, gurë dhe porcelane të ngjyruar. Copa e gjelbër rrethohet nga dekoracione argjendi të lara në ar, me motive floreale, të zbukuruara me gurë artificialë shumëngjyrësh. Në pjesën e sipërme ajo mbyllet me një kryq. Midis dekoreve prej argjendi janë montuar disa pjesë porcelani në formë ovale ku paraqiten katër Ungjillorët.
Muzeu Kombëtar i Artit Mesjetar, në Korçë, u përurua më 24 Prill 1980. Ai është një nga qendrat muzeore më të rëndësishme të Shqipërisë e më gjerë. Fondi i tij ka mbi 7 mijë objekte kulti e arti, kryesisht ikona. Aty ka vepra të autorëve anonimë të shek. XIII-XIV dhe të tjerë të mirënjohur si: Onufri, Onufër Qiprioti, Mësues Kostandini, Jeromonaku, Shpataraku, Selenicasi, vëllezërit Zografi etj./atsh/ KultPlus.com
Muzeu i Artit Mesjetar, në Korçë solli në vëmendje veprën e një prej ikonografëve më të shquar të shek. XVIII”, “Lindja e Krishtit”, që e ka përzgjedhur edhe si kartolinë të urimeve të festave të Fundvitit.
Vepra është një ikonë e pikturuar nga Kostandin Zografi nga Korça dhe paraqet skenën e lindjes së Krishtit, me fëmijën, Marinë dhe Jozefin, barinjtë që diktuan yllin, mbretërit që sjellin dhuratat si dhe engjëjt në qiell.
Ikona ishte pjesë e ikonostasit të katedrales “Burimi Jetëdhënes” në Korçë dhe është një nga veprat e çmuara që ruhen në ambientet e Muzeu Kombëtar i Artit Mesjetar, në seksionin e dedikuar vëllezërve Zografi dhe krijimtarisë së tyre të jashtëzakonshme.
Në fund të ikonës shkruhet: “Viti 1770, nga dora e Kostandinit”. /atsh / KultPlus.com
Muzeu Kombëtar i Artit Mesjetar, në Korçë, ka publikuar në rrjetet sociale imazhin e ikonës së Shën Dhimitrit, e cila është në proces restaurimi.
Kjo vepër vjen nga kisha e Shën Gjergjit e fshatit Kamenicë të Korçës.
Ikona e Shën Dhimitrit është pikturuar nga Joan Zografi, nga Dardha, në vitin 1864.
Në foto dallohet qartë rezultati që ka dhënë restaurimi, duke nxjerrë më në pah detajet që Joan Zografi ka realizuar për këtë imazh të Shën Dhimitrit.
Muzeu Kombëtar i Artit Mesjetar përmban një nga koleksionet më të pasura të Mesjetës, të Artit Bizantin dhe PostBizantin.
Ky muze përmban 7500 objekte artistike prej guri, druri, leshi, argjendi dhe metale të tjera, kostume folklorike dhe objekte të tjera që tregojnë antikitetin, traditën dhe origjinalitetin e kulturës qytetare. Rreth 1200 objekte shumica me përkatësi kohore nga epoka bronzit dhe epokës së hekurit, dhe rreth 6000 janë ikona. / atsh / KultPlus.com
