Shumë këngë të grupit Jericho tashmë janë reflektim i ngjarjeve të përditshme që përplasen me të kaluarën. E tillë është edhe kënga “Nëntori i ftohtë”, që çdo nëntor vjen si rikujtim i historisë, si reflektim i përditshmërisë në kërkim të forcës për të kënduar apo për të ngjallur shpirtin me këtë melodi që depërton thellë.
Muzika e Jericho-s është një shkrirje midis rock, alternative, elektronikë dhe muzikës tradicionale etnike shqiptare, karakteristikë për rajonin e Kosovës dhe Shqipërinë e veriut.
KultPlus sot ju sjellë këngën “Nëntori i ftohtë”, me videoklip e tekst.
A ka një kujtim të më ngrohë në këto ditë për mua?
A ka ndonjë udhë e si burrë ta kthej kokën t’shikoj?
A ka një kujtim, të na jep një kuptim, a s’më thua?
A më tregoni, ku ta gjej forcën sot të këndoj?
Akoma të freskët e kam at shikim të përbuzjes
Akoma të freskët të ftohtin e dhimbjes në asht
Akoma të freskëta edhe gjurmët që këmbët i lanë rrugës
Syri më mbeti i ngrirë në shtëpinë që më kurrë nuk e pash
REF:
Nëntori i ftohtë
Më ndjek dhe sot
Nëntori i ftohtë
Jehon në mot
Kaluam një shekull në ecje por prap u rrëzuam
Kaluam një shekull por prap s’mund të qëndrojmë në këmbë
Kaluam një shekull mësim, e si asgjë s’mësuam?
O i paditur, syri i pangopur një popull e shembë
Sa gjatë do të shkojë derisa ne ta duam vetveten
Sa gjatë do të shkojë derisa fatin vet ta ndryshojmë
Sa gjatë do të shkojë derisa tjetrit t’ia cmojmë jetën
A më tregoni, ku ta gjejmë forcen sot të kendojmë
REF:
Nëntori i ftohtë
Më ndjek dhe sot
Nëntori i ftohtë
Nëntor…
Më shanë e më ranë, i pabesë do të bëhesh më thanë
Më zhveshën e veshën, as vehten s’e njoh më kush jam
Vellon që ma kanë qepur, sa krenar sot e mbaj
Vallës që ia kanë hedhur, sikur një nuse sa bukur hapin që e mbaj