Rona Nishliu & the New Big Band, me programin e aranzhuar nga profesionistët më të shquar nga Kosova, Shqipëria e Maqedonia, ngrohën zemrat e audiencës mitrovicase me koncertin e fundit të këtij viti, duke kujtuar me mallëngjim traditën e pasur muzikore të këtij qyteti, e duke festuar mu në të njejtën sallë, në frymën e disa dekadave më parë.
Disa nga këngët e aranzhuara enkas për këtë koncert e të performuara nga Rona Nishliu ishin: “Loçkë” nga TNT, “Më lehtë pa dhimbje” nga Muharrem Qena, “Moj e mira te pojata” nga MAK, dedikim Haki Misinit dhe Mehmet Tupella, si dhe “A ka arsy” me Bim Bimma, ndërsa kënga ikonë “Suus” duke qenë se u përformua për herë të parë në Kosovë pas festivalit të Eurosong, u pritë me shumë ovacione nga audienca në sallë.
Ky aktivitet është organizuar nga 7Arte në kuadër të programit të sivjetëm të Green Fest-XII, dhe se i njejti është përkrahur financiarisht nga Ministria për Kulturë, Rini e Sport, si dhe DKRS-Komuna e Mitrovicës. Fotografitë: Majlinda Hoxha. /KultPlus.com
