Analisti politik, Nexhmedin Spahiu, ka thënë se Universiteti i Mitrovicës nuk e meriton që ta bartë emrin e patriotit, Isa Boletini.
“Nuk e di se kush e ka dhënë atë ide që t’i ngjitet emri i një analfabeti universitetit”, ka thënë Spahiu, njofton Klan Kosova.
“Ka mundur që t’i ngjitet emri i ministrit të parë të Arsimit në Shqipëri, por është zgjedhur emri i një analfabeti patriot. Unë nuk e mohoj patriotizmin e Isa Boletinit” ka thënë Spahiu .
Debati për ditëlindjen e Adem Jasharit u nis nga analisti politik Nexhmedin Spahiu, i cili shprehi bindjen e tij se heroi i kombit, Adem Jashari nuk ka lindur më 28 nëntor, por më datën 10 tetor të vitit 1955.
Spahiut i reagoi nipi i Adem Jasharit, Bekim Jashari duke e postuar certifikatën e vdekjes të Adem Jasharit, ku data e lindjes figuronte 28.11.1955.
Jashari në një prononcim për Indeksonline ka thënë se do ta ndjekë penalisht Spahiun, për tu përgjigjur për të gjitha këto trillime.
Jashari thotë se për këtë debat ai po paguhet nga ndokush.
“Çka me i thonë atij njeri të krisur, psikopat. Është duke më bërë përshtypje se kush e ka pagu për të bërë gjithë këtë debat . Unë e kam në plan të bëjë padi, do të dalë para Gjykatës për këto trillime. Do ta ndjekë penalisht”, ka thënë Jashari për Indeksonline.
Nga ana e tij, nipi i Ademit në njëfarë mënyre u detyrua të publikojë certifikatën e lindjes.
Por, kjo duket se nuk i mjaftoi Spahiut për ta bindur. Sipas tij, punonjësit e komunës thjeshtë e kanë vënë kot si datë.
Ndërkohë, Në librin amëz të ish-Jugosllavisë bëhet e ditur data e lindjes së komandantit Adem Jashari. Aty figuron se Adem Jashari ka lindur më 28 nëntor 1955, edhe pse kjo së fundmi po kontestohej, e ky kontestim hapi debat rreth datës së lindjes së komandantit./ KultPlus.com
