Më 7 Maj 2018, Ikona jonë, Nexhmije Pagarusha, feston 85 vitet e saj të florinjta!
T´a kam thënë:- “Dua të shkruaj emrin Tënd në plepin e vjetër…, sepse të dua me gjerësinë e detit dhe shtrirjen e qiejve”.
E kush nuk e njeh Pagarushën legjendare ???
Më shumë se vetëm një këngëtare Pagarusha është një diva pa maniera, një talent dhe kontribut muzikor, një ikonë kulturore, simbol i një populli dhe trashëgimie të vojtur, nje ambasadore paqesjellëse. Ajo pranohet në mënyrë rutinore nga të gjithë. Mbi të gjitha nga njerëzit e lëne jashtë shoqërisë, ata që këngët e saj i këndojnë në gaz e në vaj, që dritën e syve e kanë humbur por shohin jetën me dritën e shpirtit. Për mua, ndryshe nga çdo artist tjetër, zëri i saj këngëtor pikturon fytyrën e shpresës, mallit, dashurisë, pritjes, lutjes dhe bekimit!
Të puth duart ty fqinje e Hënës tek mekesh me klas:- “E dehur jam”, apo tek vibron -“E kujtoj un´at takim, me lot e dashuri…”!
Këngët e saj dëshmojnë për gjenialitetin muzikor, kolegialitetin dhe frymën e bashkëpunimit me kompozitorët e saj të zemrës, që ndër vite na falën një sfond të gjerë muzikor, duke krijuar një fenomen unik kulturor.
Pagarush, Ti fyell mëngjesor! Ti je një letër dashurie Trinish nga e kaluara, e tashmja dhe e ardhmja!
85 vjetori i ditëlindjes tënde është festimi ynë, festimi i fëmijërisë sonë dhe i rinisë sonë, i lutjeve tona, dashuris sonë, forca, krenaria, lavdia, nderi dhe madje pavarësia e gruas, ndjenjë e qenies.
Të puth duart. E jotja Eda./KultPlus.com
Etiketë: nexhmije pagarusha
Urimi emocionues i Aurela Gaçes në 85 vjetorin e Nexhmie Pagarushës
Këngëtarja Nexhmije Pagarusha ka festuar ditën e sotme 85-vjetorin e lindjes.
Me rastin e këtij përvjetori, ajo ka marrë urime dhe vlersime të shumta, nga të njohur e të panjohur.
Pjesë e urimeve për 85-vjetorin e saj është bërë edhe këngëtarja, Aurela Gaçe.
“Unë jam me fat që kam arritur të marr edhe nga mikpritja jote, humori aq i hollë nga njeriu qe je”, shkruan Aurela.
Urimi i plotë i Aurela Gaçes:
Jemi komb me fat qe morem nga zeri e shpirti yt.
Une jam me fat qe kam arritur te marr edhe nga mikpritja jote ,humori aq I holle…nga njeriu qe je. Pak vertete, por mjaftueshem qe te ndihem e perkedhelur . .
Sot 85 vite mes nesh…fjalet me te bukura jane thene, cmimet me te medha jane marre, por ajo qe prek me shume ne shpirt eshte dashuria e madhe qe ka ky popull per figuren tende.
Gezofsh edhe 100 vite mes nesh
Veliaj i jep “Çelësin e Qytetit” ikonës së muzikës shqiptare, Nexhmije Pagarushës
Ditën e sotme, Tirana nderoi me “Çelësin e Qytetit” një nga këngëtaret më të dashura për të gjithë shqiptarët, Nexhmije Pagarushën, e cila festoi edhe 85-vjetorin e lindjes.
E njohur si bilbili i Kosovës dhe mbretëresha e këngës shqipe, Nexhmije Pagarusha u prit në Bashkinë e Tiranës në një ceremoni të veçantë, ku kryebashkiaku Erion Veliaj i dha “Çelësin e Qytetit”, në shenjë mirënjohje për gjithçka ajo ka bërë për muzikën dhe artin shqiptar.
“Me këtë nderim në emër të qytetit të Tiranës, jo vetëm i japim ‘Çelësin e Qytetit’, por edhe mirënjohjen tonë të thellë për një kohë kur të ishe artiste ishe në fakt përfaqësuesja më e denjë e të gjitha aspiratave të kombit tonë. Sot i japim ‘çelësin e shtëpisë’ Nexhmije Pagarushës sepse mendojmë që kjo shtëpi, është edhe shtëpia e saj”, tha kryebashkiaku Veliaj.
Këngëtarja Nexhmije Pagarusha, e emocionuar për pritjen, falenderoi kryebashkiakun për “Çelësin e Qytetit”, duke shtuar: “Edhe juve ju falenderoj shumë se kurrë s‘më harroni, më çmoni dhe më doni kaq shumë. Gëzohem kaq shumë që e marr këtë çelës, se ndoshta nuk e meritoj. Tash kush do me ardh në Tiranë, le të vijë tek unë. Eh, ta kishim pasur këtë çelës më përpara dhe i lutem zotit që të jetoj sa më gjatë që ta shijoj.”
Kreu i Bashkisë së Tiranës shtoi se Nexhmije Pagarusha dhe këngët e saj janë trashëgimia më e mirë që i lihet brezit të sotëm, për të njohur të shkuarën e Kosovës dhe gjithë kombit shqiptar.
“Sot kemi një sfidë për gjeneratën që vjen, një gjeneratë që ndoshta se mban mend as komunizmin, as Ish-Jugosllavinë, as luftën, as sakrificat dhe besoj që për të gjithë ne që do të duhet t’ua shpjegojmë dhe të kalojmë stafetën gjeneratës tjetër nuk besoj se do të kishte testament më të mirë se sa repertori i këngëve të pashtershme të Nexhmije Pagarushës”, tha Veliaj./gazeta iliria.com
Nexhmije Pagarusha: Kurrë s’kam menduar që do të vijë ky moment kaq i rëndësishëm për mua
Donald Trump ka dekoruar këngëtaren e njohur shqiptare, Nexhmije Pagarusha, e cila jeton e punon në Prishtinë.
E ngulitur në mendjen e spektatorëve për këngën e famshme “Zambaku i Prizrenit”, Nexhmije Pagarusha mbledh sot në Tiranë në ditën e 85-vjetorit të saj, figura të rëndësishme dhe intelektualë.
Nga atje, Nexhmije Pagarusha ka falënderuar të gjithë për urimet dhe dashurinë që po i dhurojnë në këtë ditë, ndërsa ka shtuar se kurrë nuk e ka menduar një moment të tillë.
“Kurre s’kam menduar qe do të vije ky moment kaq i rëndësishëm për mua, kaq i dashur. Keto janë momente qe njeriu nuk mundet me i tregu, vetëm shpirti e din sa çka kam përjetuar unë këto dite. Jam shume e lumtur”, ka shkruar ajo në faqen zyrtare të Facebook, shkruan KultPlus.
Kurse presidenti i Shqipërisë, Ilir Meta ka pritur sot në një takim të veçantë, këngëtaren e mirënjohur Nexhmije Pagarusha.Ai i ka uruar ditëlindjen, legjendës së muzikës së Kosovës, duke shprehur admirim për zërin e saj.
/ KultPlus.com
Haradinaj: Urime për 85-vjetorin e lindjes “Bilbil i Kosovës”
Kryeministri i Kosovës, Ramush Haradinaj ka uruar këngëtaren, Nexhmije Pagarushën në 85 vjetorin e lindjes.
Haradinaj ka shkruar se diva e këngës, Nexhmije Pagarusha, hyri në mbamendjen e të gjithë brezave, duke lidhur shekujt 20-21 përmes fijeve të arta të muzikës burimore shqiptare.
Haradinaj ka shkruar në Facebook se ajo me “Bareshën” e famshme, dridhi zemrat e adhuruesve të këngës edhe jashtë gjeografisë shqiptare, kudo që u shfaq, duke u dhënë vulën e personalitetit lirik perlave të thesarit shqiptar.
“Urime për 85-vjetorin e lindjes “Bilbil i Kosovës”, urime dekorimi nga presidenti amerikan, Donald Trump, dhe faleminderit që i ke dhënë shumë shpirt e krenari këtij vendi”, ka shkruar ai./ KultPlus.com
Sot Nexhmije Pagarusha feston datëlindjen
Bilbili i Këngës Shqipe ka një ditë të veçantë.
Nexhmije Pagarusha e cila njihet si ikona e muzikës shqiptare, feston ditëlindjen e 85-të, me një karrierë të bujshme për tërë këto vite.
Kur flitet për të, përdoren në një frymë shumë epitete si, Bilbili i Kosovës, Mbretëresha e Këngës Shqipe, Primadona e Melosit Popullor, e shumë epite të tjera. Veprimtaria e saj muzikore 50-vjeçare është aq e gjerë, sa që është vështirë të thuhet se cilit zhanër i takon. Është e njohur për interpretimet e saj të shkëlqyera në muzikën popullore dhe opera.
”Baresha” është një ndër kryeveprat e interpretimit të saj, e cila ishte shkruar nga Rifat Kukaj.
Nexhmije Pagarusha ka lindur më 7 maj të vitit 1933 në fshatin Pagarushë të Malishevës./ KultPlus.com
Një dhuratë unike për ditëlindjen e Nexhmije Pagarushës (VIDEO)
Bilbili i Kosovës, këngëtarja ikonë e muzikës shqipe – Nexhmije Pagarusha, nesër feston ditëlindjen e saj të 85-të.
Zëri më absolut shqiptar i të gjitha kohërave, këngëtarja e “Bareshës”, “E dehun jam” apo“Mora testin”, në këtë ditëlindje do të pranojë një dhuratë të veçantë që tregon se kontributi i saj dhe vlerat që ajo i dha kulturës shqipe ndër vite nuk janë harruar.
Bëhet fjalë për dis fustane me ngjyrë bezhë dhe portokalli e hapur të cilat divës shqiptare për këtë ditëlindje ia dedikon dizajneri Etnik Shala.
Shala ka punuar me shumë dashuri në koleksionin ‘Muzë’ duke pasur në mendje Nexhmijen.
Me anë të një videoje promovuese, Shala e ka prezantuar koleksionin në fjalë, i cili sipas tij i përshtatet stilit kur Nexhmije Pagarusha ishte në kulmin e karrierës së saj.
Fustanet vijnë në stilin retro classic gërshetuar me modernen, gjithnjë me Bilbilin e Këngës Shqipe në mendje.
Çka tërheqë vëmendjen në këtë realizim është kënga e njohur e Nexhmije Pagarushës që na vjen më e freskët dhe në një stil më unik. Vetë Nexhmije Pagarusha ka pranuar që kënga e saj të jetë e tillë brenda kësaj videoje.
Në realizimin e videos kanë ndihmuar miqtë e afërm të Etnikut ndërsa për muzikën është përkujdesur Gent Gorani. / KultPlus.com
Trump dekoron Nexhmije Pagarushën
Donald Trump ka dekoruar këngëtaren e njohur shqiptare, Nexhmije Pagarusha, e cila jeton e punon në Prishtinë.
Ceremonia e dorëzimit të medaljes së Presidentit amerikan bëhet sot në Tiranë nga një aktivitet ku përveç Pagarushës, merr pjesë edhe Presidenti Ilir Meta dhe diplomatë të ambasadës së SHBA-së.
E ngulitur në mendjen e spektatorëve për këngën e famshme “Zambaku i Prizrenit”, Nexhmije Pagarusha mbledh sot në Tiranë në ditën e 85-vjetorit të saj, figura të rëndësishme dhe intelektualë.
Sot pasdite, Unioni i Gazetarëve Shqiptare dhe shoqata e njohur nga Elbasani RessEgnatia zhvillojnë një takim ku merr pjesë edhe Presidenti i Republikës Ilir Meta, shkruan Te Sheshi. Natyrisht e pranishme në aktivitet do të jetë edhe diva Nexhmije Pagarusha , së cilës do t’i dorëzohet medalja nga autoritete të ambasadës amerikane në Tiranë./ KultPlus.com
“Ani mori nuse” nga zëri hyjnor i Nexhmije Pagarushës (VIDEO)
Nexhmije Pagarusha me këngët e saj është bërë ikonë e papërsëritshme e muzikës shqiptare.
Këngët dhe muzika e saj ndër vite i kanë rezistuar kohës, për shkak të veçantisë së interpretimit të saj e përjetimit të rrallë artistik. Ajo është Bilbil, dhe nuk ka epitet tjetër më të denjë për të.
“Ani mori nuse” është një këngë që pothuajse çdokush e ka dëgjuar dhe e di tekstin e saj pasi që është interpretuar në organizime të ndryshme gazmore e nga interpretues të ndryshëm.
Kur flitet për këngë të njohura në kulturën tonë, kush mund t’i sjellë më mirë se ajo që identifikohet me titullin “Bilbili i Kosovës”. Sot KultPlus e sjellë këtë këngë me tekst dhe me interpretim të këngëtares së njohur nga Kosova, Nexhmije Pagarausha. / KultPlus.com
ani mori nuse
ani qaf gastare (x2)
ani a don rruzme
ani a don pare (x2)
as nuk due rruzme
as nuk due pare (x2)
por e due burrin
baco me cigare(2)
ani me cigare
ani me kutije(2)
oh me kepuca te zeza
veshun si zotnie(2)
Dy ikonat e muzikës shqiptare në një fotografi (FOTO)
Vaçe Zela dhe Nexhmije Pagarusha përbëjnë dy nga emrat më të njohur sa i përket muzikës shqiptare, shkruan KultPlus.
Ndër vite ato i kanë sjellë publikut magji me interpretimet e zërave të tyre të veçantë. Këngët e tyre dëgjohen e përjetohen edhe sot me ndjesinë e njëjte, sikur në interpretimet e para të këngëtareve.
Sot KultPlus ju sjellë një fotografi të përbashkët të këtyre dy këngëtareve të mëdha shqiptare./
KultPlus.com
“N’bjeshkë dashnia vjen me mall, sot një fyell u kallë” (VIDEO)
E madhja Nexhmije Pagarusha, numëron shumë hite në karrierën e saj muzikore. Këngë të cilat dëgjohen e këndohen edhe sot pas shumë viteve që nga publikimi i parë.
Një ndër këngët që konsiderohet si himn i kësaj këngëtareje është “Baresha”.
Sot po e sjellim videon dhe tekstin e saj të mrekullueshëm të shkruar nga Rifat Kukaj ndërsa muzika nga Rexho Mulliqi./ KultPlus.com
Heej kam rrit shtatin
nder keto male
bashk’ me qingja e me dele
dhe bylbyla nder zabele
mbas kumones loje e gezime
si shqiponja ime
refreni:
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali cka u ba
o një baresh’ prej nesh u nda.
o dridhet mali cka u ba
o lujn bareshat në shulla
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali cka u ba
o një baresh’ prej nesh u nda.
o dridhet mali cka u ba
o lujn bareshat në shulla
naninaninainaina naninanina…
2.
Heej po tingllojne
shume kumona
gurgllon prroi malore
nalt ne qiell bjeshka me bore
n’bjeshk’ dashnija vjen me malle
sot nji fyell u kalle.
refreni:
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali cka u ba?
o një baresh’ prej nesh u nda.
o dridhet mali cka u ba?
o lujn bareshat në shulla
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali cka u ba
o një baresh’ prej nesh u nda.
o dridhet mali cka u ba
o lujn bareshat në shulla
naninaninainaina naninanina…
A e dini kush e ka shkruar tekstin e këngës së famshme “Baresha” (VIDEO)
Kënga e famshme “Baresha” vulë e përhershme e Bilbilit të Kosovës, Nexhmije Pagarusha është këngë perlë shqiptare që po i reziston kohës, shkruan KultPlus.
Edhe pse kanë provuar shumë talent ta risjellin këtë këngë të fuqishme, interpretimi i vet Nexhmije Pagarushës konsiderohet të jetë më i fuqishmi.
Mirëpo, shumë pak kanë njohuri se kush qëndron prapa krijimit të kësaj kënge të fuqishme. Tekstin e kësaj kënge e ka shkruar shkrimtari i njohur për fëmijë Rifat Kukaj, kurse kompozimi i kësaj këngë është rezultat i kompozitorit të mirënjohur Rexho Mulliqi./KultPlus.com
“Baresha”, një këngë që s’përsëritet (VIDEO)
Nexhmije Pagarusha, me interpretimet e saj, ka marrë epitetin e “Bilbilit të Kosovës”. Ajo muzikës shqiptare, i ka sjellë një kryevepër që dëgjohet me emocionet e njëjta edhe pas gati një gjysmë dekade që kur është interpretuar për herë të parë, shkruan KultPlus.
Kënga ”Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexhep Mulliqi, me tekstin e poetit Rifat Kukaj. Këngë shekullore dhe vështirë e përsëritshme është konsideruar kjo kryevepër e këngëtares.
“Baresha” cilësohet si kënga më e mirë e artistes Pagarusha dhe në të njëjtën kohë kënga më e mirë e realizuar në kulturën e muzikës në Kosovë. Ndërsa edhe më pranë publikut e ka sjellë videoklipi i realizuar në vitin 2012. Fillimisht ideja për realizimin e klipit të kësaj kënge ka ardhur nga Muzeu Kombëtar si pjesë e prezantimit të trashëgimisë shpirtërore të Kosovës. Videoklipi i kësaj kënge është realizuar në bashkëpunim me Kooperativa dhe është përkrahur nga Ministria e Kulturës Rinisë dhe Sportit.
Zëri hyjnor i këngëtares së madhe, përcillet me pamjet e disa vendeve më të bukura të Kosovës. I gjithë ky bashkë dyzim ia shton edhe më tepër rëndësinë e kësaj këngë për kulturën kosovare. Ndërsa lëvizjet e mahnitshme të balerinave të Baletit Kombëtar të Kosovës, vetëm se e sjellin më afër tregimin e tekstit të kësaj kënge. Me veshje të anës së Rugovës, e me pamje nga atje kjo këngë del më autentike se çdo këngë tjetër.
Duke qenë një këngë që gëzon vlera të larta artistike, atëherë këtij kompozimi artistik mund t’i përgjigjen vetëm artist të mirëfilltë. Këtë e arrin Shkëlzen Doli me violinën e tij. KultPlus ju sjellë interpretimin e mahnitshëm të violinistit të njohur, i cili këtë këngë e ka shoqëruar edhe me videoklip.
Kjo vepër ishte interpretuar edhe nga solistja Joana Kaimi, së bashku me Orkestrën Popullore. Ky version është përpunuar për Violinë, orkestër popullore nga Gerti Druga. KultPlus ju sjellë pamje nga ky interpretim.
Krahas instrumenteve të tjera, kjo këngë është interpretuar edhe me anë të kitarës. Një interpretim të tillë e kanë sjellë dy kitaristët Arben Hoxha dhe Vendim Thaqi. KultPlus ju sjellë këtë version nga interpretimi i kitaristëve në Tirana International Guitar Festvali.
Krejt në fund po ju sjellim interpretimin e të madhes Nexhmije Pagarusha. Po ashtu KultPlus ju përcjellë edhe videoklipin dhe tekstin e kësaj kënge.
Heej kam rrit shtatin
nder këto male
bashk’ me qingja e me dele
dhe bylbyla nder zabele
mbas kumonës lojë e gëzime
si shqiponja ime
refreni:
o era lu’n me barin o nani nani
o eni shoqe t’lozim o nani nani
o fusha gaz po m ‘veshët o nani nani
o lule bardh’ po qeshet o nani nani
o dridhet mali çka u ba
o një baresh’ prej nesh u nda.
o dridhet mali çka u ba
o lujn bareshat në shulla
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali cka u ba
o një baresh’ prej nesh u nda.
o dridhet mali çka u ba
o lujn bareshat në shulla
naninaninainaina naninanina…
2.
Heej po tingëllojnë
shumë kumona
gurgllon prroi malore
nalt ne qiell bjeshka me bore
n’bjeshk’ dashnija vjen me malle
sot nji fyell u kalle.
refreni:
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali çka u ba?
o një baresh’ prej nesh u nda.
o dridhet mali çka u ba?
o lujn bareshat në shulla
o era lu’n me barin o nani nani
o eni shoqe t’lozim o nani nani
o fusha gaz po m’veshet o nani nani
o lule bardh’ po qeshet o nani nani
o dridhet mali çka u ba
o një baresh’ prej nesh u nda.
o dridhet mali çka u ba
o lujn bareshat në shulla
naninaninainaina naninanina…
Kur Nexhmije Pagarusha ishte e re, një bukuri që të magjepsë (FOTO)
Nexhmije Pagarusha është këngëtare e njohur shqiptare apo siç njihet ndryshe si bilbili i Kosovës. Veç kësaj, ajo ka qenë edhe një aktore e suksesshme, si në film ashtu dhe në teatër, shkruan KultPlus.
Në Beograd vijoi shkollën e muzikës për solo kanto, të cilën ajo e la në vitin e tretë dhe nuk e vazhdoi më. Po ashtu në Beograd kishte paraqitjen e parë muzikore në skenë. Në vitin 1948 është pranuar soliste në Radio Prishtinë.
Bashkëpunoi edhe me këngëtarët nga Shqipëria dhe u paraqit edhe në Shqipëri me ansamblin “Shota” me rastin e një turneu. “Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexhep Mulliqi, me tekstin e poetit Rifat Kukaj.
Krahas karrierës së suksesshme, Nexhmije Pagarusha shquhet edhe për bukurinë e saj. KultPlus sot ju sjellë një fotografi ku këngëtarja shihet në një moshë të re./ KultPlus.com
Nexhmije Pagarusha dhe Demir Krasniqi në Festivalin Ndërkombëtar “Danubi i kaltër” (FOTO)
Nexhmije Pagarusha dhe Demir Krasniqi mbetën dy këngëtar të mëdhenj që i kanë sjellë mjaft këngë të bukura vendit të tyre, shkruan KultPlus.
KultPlus sot ju sjellë një fotografi të këtyre dy figurave të rëndësishme të muzikës shqiptare. Në këtë fotografi ata shihen të veshur me veshje kombëtare, derisa po marrin pjesë në Festivalin Ndërkombëtar “Danubi i kaltër” që mbahej në Novi Sad.
Fotografia është shkrepur në tetor të vitit 1976, ndërsa na e sjellë pamjen e artistëve kur ishin më të ri në moshë atëherë edhe kur lanë gjurmë në muzikë përmes zërit të tyre./ KultPlus.com
Sonte në New York, Gala Koncert për nder të Nexhmije Pagarushës
Koncerti do të përmbajë këngë të artistes së mirënjohur Nexhmije Pagarusha, të interpretuara nëpër vite, ndërkaq në koncert do të vijnë të interprtetuara nga këngëtarë të njohur shqiptarë, shkruan KultPlus.
Me rastin e 17 shkurtit, 10 vjetorit të Pavarësisë së Kosovës, sonte para komunitetit shqiptar në New York do të mbahet një gala koncert, shkruan KultPlus. E organizuar dhe e ideuar nga fotografi i njohur shqiptar Fadil Berisha, koncerti do të përmbajë këngë të artistes së mirënjohur Nexhmije Pagarusha, të interpretuara nëpër vite, ndërkaq në koncert do të vijnë të interprtetuara nga këngëtarë të njohur shqiptarë. Vet Fadil Berisha, për KultPlus thekson se ka qenë ide e mëhershme e tij të sillte të rikomponuara këngët e Pagarushës, gjë që vite më parë u interpretuan në një koncert tjetër nga këngëtarja Aurela Gace. Para publikut do të paraqiten: Linda Halimi, Riad Ymeri, Ergin Oda, Dëshira Ahmeti, Angelo Miho, Agona Shporta, Donika Ukshini Ukaj, Elona Muca, Gjilberta Lucaj, Gjon Krasniqi, Igli Tuga, Leke Salihu, Lindita Mezini Lole, Lori Miho, Mialtin Zhezha dhe Pia Salvia.
Ky koncert është mbështetur edhe nga konsullata e Republikës së Kosovës në Neë Yortk, e vecanërisht nga Konsullja e këtij institucioni – ambasadorja Teuta Sahatqija. Në këtë koncert ishte paraparë që të ishte prezente edhe vetë Nexhmije Pagarusha, por në pamundësi për të marrë këtë rrugë të largët, ajo nuk do të jetë e pranishme në këtë koncert/ KultPlus.com
“Kur një ditë të kthehesh ti”, mrekullia që vjen nga Lindita Halimi dhe Ergin Oda (VIDEO)
“Kur një ditë të kthehesh ti”, është këngë e kënduar nga ikona e muzikës shqipe Nexhmije Pagarusha.
Kësisoj, kjo këngë është kënduar edhe nga këngëtarja kosovare Lindita Halimi bashkë me këngëtarin Ergin Oda, me një performancë në piano nga Lekë Salihu, shkruan KultPlus.
Zëri i mrekullueshëm i Halimit dhe Odës janë kombinuar mjaftë mirë me tingujt e pianos së nxjerrë nga Salihu.
Po sjellim këtë performancë të mrekullueshme e që s’do shumë fjalë në KultPlus:
Kur një ditë të kthehesh ti
i përbuzur nga të gjithë
dhe dëshiron ta kesh pranë, ndokënd afër veti
Mos kërko strehim te unë
se ngrohtësia në shpirtin tim
ka shumë kohë që fluturon për ty në amshim
Kur një ditë të kthehesh ti
dhe e kupton se je fajtor
se unë ende po jetoj pa fat dhe dashni
dhe çka do që tash premton
është shumë vonë për shpresën tonë
për urrejtje dhe dashni për ne të dy….
Robert Aliaj: “E dehur jam” tingëllon sikur këngë greke
Një emision i cili bën bashkë emra të njohur të artit e kulturës në Shqipëri, “Dance with me Albania”, mbrëmë ka realizuar gjysmëfinalen e këtij sezoni.
Moderuar nga Alketa Vejsiu, emisioni mbrëmë ka ofruar disa orë muzikë shqipe ku emra të njohur kanë vallëzuar në spektaklin i cili me këtë format vjen në plot shtete.
Në një moment është vallëzuar me këngën “E dehur jam” nga Nexhmije Pagarusha. Komenti i njërit prej anëtarëve të jurisë, Robert Aliaj, megjithatë ka ngjallur debat.
Pasi me këngën kanë vallëzuar Xhensila dhe Trimi, dy pjesëmarrës në këtë emision, Aliaj ka komentuar.
“Kënduam greqisht, por kërcyem shqip” ka qenë njëri prej komenteve të Aliajt, anëtar jurie në këtë emision. Aliaj, një fytyrë e njohur në Shqipëri, menjëherë e bëri këngën e njohur të Pagarushës një këngë greke, dhe njerëzit kanë komentuar në rrjete sociale rreth këtij deklarimi, shkruan KultPlus.
Në po të njëjtën natë, anëtarja tjetër e jurisë, Valbona Selimllari, ka treguar se të gjithë shqiptarët duhet të jenë krenarë me një zë si ai i Nexhmije Pagarushës, Bilbili i padiskutueshëm i muzikës shqipe. / KultPlus.com
Valbona Selimllari: Kosovarët duhet të jenë krenarë me Nexhmije Pagarushën
Sonte, në spektaklin e vallëzimit “Dance with me Albania”, në Shqipëri, të gjithë pjesëmarrësit po kërcejnë me këngë në gjuhën shqipe.
Emisioni, një format i cili transmetohet në disa shtete të botës ku njerëz të njohur kthehen në valltarë, ka ardhur në Shqipëri me emra si Rovena Stefa apo Aurela Hoxha.
Sonte, në një moment vallëzimi erdhi edhe kënga e Nexhmije Pagarushës – E dehun jam. Ajo erdhi e vallëzuar nga Trimi, një reper nga Kosova, dhe Xhensila nga Shqipëria.
“Të gjithë shqiptarët kudo në botë e pëlqejnë Nexhmije Pagarushën, por kosovarët duhet të jenë krenarë që e kanë” tha Valbona Selimllari, anëtare e jurisë në këtë spektakël, derisa po vlerësonte vallëzimin.
Në të njëjtën natë, të performuara erdhën edhe këngë nga Alban Skenderaj, Miriam Cani e Ardit Gjebrea. “Dance with me Albania” javën tjetër e përmbyllë këtë sezon me një finale ku do të këndohet e vallëzohet nga të gjithë pjesëmarrësit. / KultPlus.com
Kënga e famshme e Nexhmije Pagarushës, KultPlus sjellë edhe disa versione të kësaj (VIDEO)
“E Kujtoj Atë Takim” , është një nga këngët magjepsëse që fillimisht erdhi përmes zërit hyjnor të bilbilit kosovar, Nexhmije Pagarusha, shkruan KultPlus.
“E kujtoj atë takim , me lotët e dashurisë
Jetoj në atë përqafim , që ma dhurove ti”, është pjesë e refrenit që me plot muzikalitet e sjellë Nexhmije Pagarusha, ndërsa më pas u këndua për të satën herë nga këngëtarë e zëra të ndryshëm të muzikës shqiptare.
https://www.youtube.com/watch?v=FZFQamDPNRE
KultPlus ju sjellë edhe pesë versione të kësaj kënge të kënduar nga: Aurela Gace, Yllka Kuqi, Esat Bicurri, Edona Llaloshi, po ashtu kjo këngë vjen edhe nën interpretimin e Eliza Hoxhës dhe Sinan Vllasaliut. /KultPlus.com
https://www.youtube.com/watch?v=ZGAAiaqu-4o
Këngëtarja shqiptare këndon këngën “Baresha” në Itali (VIDEO)
Këngëtarja shqiptare Hersi Matmuja ka zgjedhur ta këndojë këngën “Baresha” nga Nexhmije Pagarusha në një prej paraqitjeve të saj.
Në një koncert në Itali, Matmuja – e cila ka përfaqësuar Shqipërinë në Eurovizion para disa vitesh, ajo zgjodhi të sjellë në versionin e saj këngën e vështirë shqipe.
Matmuja është e shkolluar në Itali dhe shihet se kur vjen puna te notat akute klasike, ajo nuk ka asnjë problem, shkruan KultPlus.
“Baresha” mbetet ndër këngët vokalisht më të vështira për tu performuar, të cilën para disa vitesh e krijoi Rexho Mulliqi për ta sjellë në jetë zëri i Nexhmije Pagarushës.
https://www.youtube.com/watch?v=kGSIqFTbdLE&feature=youtu.be
Hersi Matmuja është këngëtare shqiptare e cila morri pjesë në Eurovizion në vitin 2014-të me këngën “One Nights Anger”, por nuk arriti të kualifikohej për në finale. / KultPlus.com
“Zoti ma ka dhënë zërin”
“Çil njat zemër plot kujtime…
Aaaaa, atë këngë e dua shumë, shumë! – ma kthen.
Ju lidh me ndonjë kujtim të veçantë? – provoj të ndez bisedën ndërsa ajo ndez cigaren, zë të flasë qetë, me zë paksa të shterur:
Jo jo nuk kam ndonjë kujtim të veçantë, por e dua, se më është përshtatur, e kam kënduar me shumë emocion! Në cilat vite? Eeh, unë datat nuk i mbaj mend, se kurrë nuk kam menduar që datat do t`më vyejnë, nuk kam menduar kurrë se unë paskam bërë një punë shumë të madhe, kjo është arsyeja e vetme, pse, vërtet nuk i mbaj mend. Për punën që kam bërë, Zoti ma ka dhënë zërin. Kam dalë në skenë, kam kënduar dhe jam kthyer në shtëpi. Këto kanë qenë të vetmet momente të jetës sime kur kam menduar në këngën, jo ta interpretoj, se ndryshe është kur ti del para publikut dhe do ti tregosh – ja si këndoj unë, por unë kam kënduar nga shpirti, kurrë skam menduar as si po dukem, as ç’kam veshur. Gjithmonë kam pasur emocione të mëdha, tremë, porse kurrë nuk kam bërë ndonjë ‘kiks’. Veçse një gjë e them, kur kam dalë në skenë unë kam pasur një fuqi mbinjerëzore! Si e tek, as vetë nuk e di…. – Nexhmije Pagarusha
Marrë nga libri “Ecje nëpër kujtesë” – bashkëbisedim mes Sanije Gashit dhe Bilbilit të Këngës Shqipe – Nexhmije Pagarushës.
Nexhmije Pagarusha: Nuk i ka kënduar kurrkush këngët e mia
Për herë të parë, Nexhmije Pagarusha në Tiranë shkon në vitin 1971. Pak vonë për këngëtaren shqiptare por megjithatë kjo ishte koha kur rrethanat e mundësuan një udhëtim të tillë.
“Atëherë kur hapen pakëz rrugët, kur takohet me këngëtarë në zë të asaj kohe, sidomos me Vace Zelën, me të cilën thotë se e lidhin shumë gjëra të përbashkëta, se kanë shumë ngjashmëri shpirti” tregon Nexhmija kur flet për këtë përvojë në librin e shkruar nga Sanije Gashi – “Ecje nëpër kujtesë”, shkruan KultPlus.
“Me vetë paraqitjen e saj në skenë, Vaçja ka pasur diçka madhështore, ka qenë një mrekulli. Kur e kam parë së afërmi- kam menduar – s’ka krijesë më të bukur, me fjalët që fliste, me atë pasurinë shpirtërore. Fatkeqësisht, nuk kemi mundur të rrinim gjatë së bashku, se, siç e dimë, ishte kohë pa kohë. E kam vizituar edhe në Zvicër, kisha takuar edhe Luçie Milotin, edhe Fitnete Rexhën, tani që të dyja të ndjera. Fitnetja ka qenë një shpirt i madh, këngëtare e madhe, por ka pasur një jetë të rëndë, gjithë vuajtje… Po më vjen mirë që sot këngët e Vaçes po i këndojnë të gjithë këngëtarët. Se, ka pasur vërtet, repertor të pasur! Unë kam një repertor shumë të larmishëm, por s`i ka kënduar kurrkush këngët e mia, nuk e di c`është puna, ndoshta pse nuk kam CD, pse nuk më kanë dëgjuar shumë, veç “Bareshës” e cila ka qenë në long play, e incizuar shumë herët nga Lidhja Turistike e Kosovës (Botim i Beogradit) dhe më vonë, në një audiokasetë të botuar në Shtëpinë e kasetave në Prishtinë, para shumë vjetësh. Përzgjedhjen e atyre këngëve e kanë pas bërë ata të radios, natyrisht që nuk më ka pas pëlqyer, por edhe ka qenë ndaluar shitja e saj! Eh” tregon Nexhmija në një pjesë të bisedës së saj realizuar brenda librit.
Marrë nga “Ecje nëpër kujtesë” – Sanije Gashi.
Si e humbi zërin Nexhmije Pagarusha në Sarajevë, në vitin 1984?
Këngëtarja e madhe shqiptare, Nexhmije Pagarusha, ka një karrierë disavjeçare për tu lakmuar dhe kësisoj ka hyrë përgjithmonë në zemrat e shqiptarëve.
Këngëtarja e “Bareshës”, megjithatë, dikur u zhgënjye për faktin se humbi zërin dhe nuk dha maksimumin e saj në skenë. Kjo do të ndodhte kur kulmi arriti në Sarajevë, në një performancë të sajën kur ajo u kritikua për performancën e saj.
Historinë e tregon vetë Bilbili i Kosovës – Nexhmije Pagarusha.
“Kisha disa vështirësi me zërin kohët e fundit, për çfarë edhe e kisha konsultuar një mjek në Beograd, i cili sa herë që mbaja koncerte atje, vinte bashkë me të shoqen e më nderonte me buqetë lulesh. Më pati preferuar: zonjë, juve ju nevojitet një periudhë qetësie, s`kemi nevojë për ilaçe. Ndërprerja definitive e zërit, ndërkaq, ndodhi në Sarajevë, në Lojërat Dimërore Olimpike 1984. Radio Prishtina më çoi bashkë me orkestrën që të këndoja për mysafirët e ardhur nga e gjithë bota. Këndoja në një lokal që i thonin Hamam Bar, përnatë, dhjetë ditë. Kjo ishte e tepërt për mua, në atë tym duhani. Pastaj, isha nervoze, ngase orkestra zbavitëse nuk dinte të më shoqëronte. Kur erdhi Ansambli Shota, bashkë me Luan Hajrën, u gëzova. Këndova dhe të nesërmen mbrëma me këtë ansambël, gjë që askush në botë nuk do të dilte të këndonte me atë zë që pata atë natë! Por, më vinte keq t`i lija, se ndërmjet pikave kur unë dilja, ata të ansamblit ndërronin gardërobën për paraqitjen e radhës. Ajo natë për mua ka qenë e tmerrshme, disa tone mund ti këndoja, disa jo, ndërsa djersët më shkonin, salla ishte përplot, megjithëkëtë duartrokitnin” tregon Nexhmija në librin e Sanije Gashin – Ecje nëpër kujtesë, derisa flet se si nisi zëri i saj të marrë ngjyrim tjetër shkaku i disa viteve performanca por edhe paraqitjeve në lokacione ku zëri i saj përzihej me tymin e duhanit.
“E kisha një koleg të ri, mik, që studionte në Sarajevë, i cili m`u afrua: Nexhi, ti më kështu nuk bën të këndosh! – E di, i thashë. Dhe kurrë më në jetë nuk kam kënduar! Ishte një mbrëmje e ftohtë, e ftohtë, si dimrat e Sarajevës më. Kjo ishte përshëndetja ime e fundit me skenën, me këngën, me zërin” tregon Pagarusha rreth periudhës kur u largua nga muzika për tu rikthyer vite më pas në një tjetër rrethanë dhe ndihmuar nga miqtë e saj këngëtarë. / KultPlus.com