Etiketë: Nicholas Abbott

Ambasadori britanik: Shumë i zhgënjyer që s’u miratua Kodi Civil, të respektohen të drejtat e njeriut

Posted on by Kult Plus

Ambasadori i Britanisë së Madhe, Nicholas Abbott është shprehur shumë i zhgënjyer me mosmiratimin e Kodit të ri Civil, i cili do ta rregullonte çështjen e bashkëjetesës mes personave të gjinisë së njëjtë.

Abbott ka shkruar në Twitter se është me rëndësi që gjuha në Kodin Civil dhe në debat, t’i respektojë të drejtat e të gjithë njerëzve.

“Shumë i zhgënjyer që Kodi Civil nuk u miratua dje. Është e rëndësishme që gjuha, në Kod dhe në debat, të respektojë të drejtat e njeriut të të gjithë kosovarëve, përfshirë LGBTI+, në përputhje me Kushtetutën”, shkroi Abbott.

Të mërkurën dështoi të miratohet në Kuvendin e Kosovës Projektkodi Civil i cili do t’i hapte rrugë martesave mes personave të së njëjtës gjini.

Nga 61 deputetët që morën pjesë në votim, 28 deputetë kanë votuar pro, 29 kundër dhe 4 deputetë kanë abstenuar.

Për këtë, një grumbull qytetarësh janë mbledhur sot para Kuvendit për të protestuar./ KultPlus.com

Ambasadori Abbot do ta përkthejë në anglisht librin “Kangë Popullore Erotike” të Vlora Nikçit

Posted on by Kult Plus

Artistja e njohur shqiptare, Vlora Nikçi, ka bërë të premten promovimin e librit të saj “Kangë Popullore Erotike” në librarinë “Dukagjini” në kryeqytet.

Mes shumë të ftuarish, Nikçin e nderuan me pjesëmarrjen e tyre edhe figura të rëndësishme të diplomacisë kosovare.

Ambasadori i Mbretërisë së Bashkuar në Kosovë, Nicholas Abbott, ishte gjithashtu pjesë e mbrëmjes, ku vazhdoi promovimi i librit të parë erotik shqiptar.

E ky libër mesa duket është gati që edhe të përkthehet në anglisht nga ambasadori Abbott dhe këtë e ka bërë të ditur vet autorja e librit.

Vlora përmes disa fotografive të publikuara në rrjetin social Facebook, ka shkruar se “Kangë Popullore Eoritke” do të vijë tashmë edhe në anglisht.

“Nder i veçantë është për mua dhe librin, që përkthimin e tij në gjuhën angleze do ta bëjë Ambasadori i Mbretërisë së Bashkuar Nicholas Abbott. Përmes këtij përkthimi, do t’i japim rast botës të na njohë më mirë”, ka shkruar ndër të tjera Nikçi në Facebook.

Vëllimi i dytë i “Kangë Popullore Erotike” u promovua të premten, gjashtë muaj pas atij të parit./KultPlus.com

Ambasadori i Mbretërisë së Bashkuar, Nicholas Abbott pjesë e projektit “Let’s meet our ambassadors through books”

Posted on by Kult Plus

Libraria “Dukagjini” dhe Shtëpia Botuese kanë kënaqësinë t’ju njoftojnë se po fillojnë projektin më të ri, “Let’s meet our ambassadors through books”.

Takimi i parë do të mbahet të hënën, më 27 shtator, në orën 14:00, ku i ftuar do të jetë Shkëlqësia e tij, Ambasadori i Mbretërisë së Bashkuar, Nicholas Abbott.

Ambasadori do të flasë për librat që kanë ndryshuar botëkuptimin e tij dhe e kanë formësuar intelektualisht.

Vendet janë të limituara, duke pasur parasysh rrethanat epidemilogjike, andaj të gjithë ata që duan të marrin pjesë, duhet të nxitojnë që të dërgojnë një e-mail në: [email protected] / KultPlus.com

Nicholas Abbott uron Albin Kurtin për fitoren: Unë pres që të punoj me qeverinë tuaj

Posted on by Kult Plus

Deputetët e Kuvendit të Kosovës me 67 vota pro, 30 kundër dhe asnjë abstenim kanë votuar për Qeverinë e re të vendit, e cila do të udhëhiqet nga kryetari i Lëvizjes Vetëvendosje, Albin Kurti, shkruan KultPlus.

E pas kësaj fitoreje ka reaguar edhe Ambasadori i Mbretërisë së Bashkuar në Kosovë, Nicholas Abbott i cili ka thënë se pret të bashkëpunoj me qeverinë e re.

“Urime Albin Kurti për zgjedhjen tuaj si Kryeministër. Unë pres që të punoj me ju dhe qeverinë tuaj për shumë nga prioritetet që do ti ndajmë bashkë”, ka shkruar ambasadori./ KultPlus.com

Nicholas Abbott për Dua Lipën: Ti po e bën Mbretërinë e Bashkuar dhe Kosovën krenare

Posted on by Kult Plus

Në skenën e madhe të Grammy Awards, këngëtarja e njohur shqiptare me famë botërore, Dua Lipa, e nominuar në gjashtë kategori, u nderua me çmimin Grammy për albumin më të mirë në zhanrin pop, duke lënë mbrapa artistët si: Justin Bieber, Lady Gaga, Harry Styles dhe Taylor Swift, shkruan KultPlus.

Performanca e saj në skenë, veshja dhe energjia e saj u përfol mjaft shumë dhe u pëlqye nga publiku, ndërsa kujtojmë kritikat e mëhershme për prezencën e saj në skenë dhe kërcimit të saj gjatë performancave.

Por, ajo këtë herë dukshëm mahniti fansat e saj dhe pjesëtarët e Grammy, ku u përcollë me urime të përzemërta nga shumë figura të njohura.

Së fundmi, është Nicholas Abbott, Ambasadori i Britanisë së Madhe në Kosovë, i cili përmes një postimi në facebook ka uruar artisten shqiptare, Dua Lipa për çmimin e fituar, duke thënë: “Urime Dua Lipa për suksesin në Grammy, ti po e bën Mbretërinë e Bashkuar dhe Kosovën krenare. Urime”.

Kujtojmë që ditën e djeshme, urime e vlerësime të tilla, Dua mori edhe nga kreu i Lëvizjes Vetëvendosje, Albin Kurti, i cili përgëzon artisten duke thënë se është inspirim për të rinjtë tanë dhe ambasadore e shtetit tonë. Si dhe nga ushtruesja e detyrës së Presidentes, Vjosa Osmani e cila e uroi Duan për çmimin duke thënë se ajo është inspirim jo vetëm për vajzat shqiptare por edhe të huaja. / KultPlus.com