Etiketë: Nijazi Bytyqi

Nijazi Bytyqi ishte ndër këngëtarët e parë të muzikës zbavitëse në vendin tonë, ndërsa gjithashtu shquhej për interpretim të shkëlqyeshëm të këngëve qytetare.

Ai konsiderohej si një ndër këngëtarët më të mirë shqiptar të gjeneratës së vetë, ku gjatë karrierës së vetë ka pasur një numër të madh të këngëve.

Këngëtari i mirënjohur prizrenas, Nijazi Bytyqi që për shumë dekada i ka kënduar dashurisë, ndërroi jetë në moshën 72-vjeçare. Mirëpo, ajo që ka mbetur pas nga ai është krijimtaria e tij artistike.

Një ndër këngët e tij është edhe ‘’Eja e dashur’’, e cila shquhet për melodinë e qetë dhe tekstin e saj tejet të ndjeshëm, e që KultPlus ua sjell sonte.

Ti eja, eja e dashur
Unë të dua
Ti eja në ëndrrat e mia më të bukura
Ti eja, eja e dashur
Unë të dua
Ty të adhuroj
Ti eja, eja e dashur
Unë të dua ty gjithmonë të adhuroj
Ti eja, eja e dashur
Unë të dua
Ti eja në ëndrrat e mia më të bukura
Ti eja, eja e dashur
Unë të dua, ty të adhuroj
Ti eja, eja e dashur
Se ti më je gjithmonë në kujtime
Ti eja, eja e dashur
Unë të dua, ty të adhuroj
Ti eja, eja e dashur
Se ti më je gjithmonë në mendime
Ti eja, eja e dashur
Unë të dua, ty të adhuroj
Ti eja, eja e dashur
Se ti më je gjithmonë në kujtime. / KultPlus.com

Dje ka ndërruar jetë Nijazi Bytyqi, këngëtari i parë shqiptarë i muzikës pop dhe rok në trojet shqiptare, shkruan KultPlus.

Miq të shumtë kanë ndarë kujtimet e tyre lidhur me krijimtarinë e tij artistike, që përhapi një frymë të re të muzikës në Kosovë dhe me gjerë. Ai cilësohet si këngëtari i parë që ka bërë videoklip në gjuhën shqipe, atë videoklip e kishte bërë ekipi i Televizionit kroat, në vitet e 70’a.

Lidhur me këtë Agim Arifi ka dhënë detaje të publikimit të atij videoklipi në kohën kur nuk ka ekzistuar asnjë stacion televiziv në gjuhën shqipe.

“Nijazi Bytyqi këngëtari i parë shqiptarë i pop muzikës. Gjithashtu i pari këngëtar i cili ka bërë videoklip në gjuhën shqipe. Videoklipin e ka bërë ekipi i Televizioni në vitet e ’70 në Prizreni. Në atë kohë nuk ka ekzistuar stacion televiziv në gjuhën shqipe. Shqiptarët e Kosovës kanë përcjellë programet e Televizionit të ish Jugosllavisë. Videoklipi është emituar nga stacioni televiziv kroat në një emision zbavitës të quajtur “Të dielën pasdite” (Nedjeljom popodne) të cilin e ka udhëhequr Sasha Zalepugin nga Zagrebi. Ai emision është përcjellë në tërë shtetin e atëhershëm”, ka shkruar Agim Arifi në një koment në Facebook.

Rokeri flokëgjatë, Nijazi Bytyqi u bë edhe krijues i disa grupeve si “Luniazet” dhe “Marmianga”./ KultPlus.com