Arka prej plumbi zbulohet gjatë punimeve për rikonstruksionin e katedrales Notre Dame

Posted on 17 Mars, 202217 Mars, 2022 by Kult Plus

Një arkë prej plumbi, 700-vjeçare, u zbulua gjatë punimeve për rikonstruksionin e katedrales Notre Dame, e cila u përfshi nga zjarri më 15 prill 2019 .

Sipas medias vendase, në një sipërfaqe prej 100 metrash katrorë janë kryer gërmime për rindërtimin e kullës së katedrales, që u shkatërrua nga zjarri.

Gjatë gërmimeve u zbulua një rrjet nëntokësor që përdorej për ngrohje, i shekullit XIX.

Në mes të këtij rrjeti u gjet një arkë prej plumbi e shekullit XIV.

Arkeologët, të cilët vendosën një kamerë të vogël endoskopike brenda arkës, thanë se panë copa pëlhure, flokë të mundshëm dhe një mbulesë gjethesh në kokën e kufomës, një fenomen i njohur për t’u përdorur në varrosjet e klerikëve të njohur.

Kryetari i Institutit Kombëtar për Kërkime Arkeologjike (INRAP), Dominique Garcia tha se arka do të jetë një mundësi për t’i kuptuar më mirë praktikat dhe ceremonitë funerale në Mesjetë.

Ekspertët theksuan se është hera e parë që një arkë kaq i ruajtur mirë gjendet në Notre Dame. / KultPlus.com

2 vjet pas zjarrit të tmerrshëm, çfarë po ndodh sot me katedralen Notre Dame

Posted on 19 Shtator, 202119 Shtator, 2021 by Kult Plus

Puna për ngritjen e Notre Dame në Paris ka përfunduar, duke lejuar që restaurimi të fillojë, dy vjet pasi një zjarr shkatërroi papafingon dhe shpërthimin i saj i përhapi flakët më tej.

Menjëherë pas zjarrit të prillit 2019, presidenti francez, Emmanuel Macron, tha se katedralja – e cila daton në shekullin e 12’të, do të rindërtohej. Ai më vonë premtoi se do ta rihapë atë për adhuruesit në vitin 2024, kur Franca të presë Lojërat Olimpike.

Faza përfundimtare e përpjekjeve për të siguruar strukturën e saj të mëparshme, përfshinte përforcimin e qemerëve të dëmtuar nga zjarri me harqe druri, tha agjencia shtetërore që drejton punën, duke shtuar se ishte në rrugën e duhur për të përmbushur datën e synuar të rihapjes.

Katedralja do të rikthehet në modelin e saj të mëparshëm, duke përfshirë majën 96 metra, të projektuar nga arkitekti Eugène Viollet-le-Duc, në mesin e viteve 1800 dhe për të cilën është zgjedhur lëndë druri e re.

Puna e restaurimit pritet të fillojë gjatë muajve të ardhshëm pas një procesi për të zgjedhur kompani.

Zjarri në Notre Dame shkaktoi tronditje në Francë dhe në mbarë botën. Parisienët e përlotur dhe turistët panë ferrin e tërbuar mbi katedrale, e cila shënon qendrën e Parisit. / KultPlus.com

‘Ringrihet’ Notre Dame, koncert për Krishtlindje për herë të parë pas zjarrit shkatërrues

Posted on 25 Dhjetor, 202025 Dhjetor, 2020 by Kult Plus

Me kapela dhe kostume mbrojtëse, për të treguar se katedralja ende po rindërtohet, pjesëtarët e korit të Notre Dame kënduan brenda monumentit mesjetar, për herë të parë që kur një zjarr gati e shkatërroi atë.

Koncerti në vigjilje të Krishtlindjeve është një traditë vjetore në Francë. Eventi, i zhvilluar pa audiencë, u regjistrua më herët gjatë muajit dhe u transmetua në televizion pak para mesnatës. Kori performoi pjesë klasike të Moxarti dhe Shuberit.

Struktura me arkitekturë gotike dhe një prej atraksioneve kryesore të Parisit u përfshi nga flakët në 15 prill të vitit 2019. Zjarri shkatërroi çatinë dhe kullën karakteristike me majë.

Presidenti Emanuel Macron u zotua të rindërtojë katedralen brenda 5 viteve. Por, deri më tani, shumica e punimeve janë fokusuar për ta bërë ndërtesën të sigurt, përfshirë pastrimin e mbetjeve toksike. / KultPlus.com

Miliarderi francez ofron 100 milionë euro për të rindërtuar Katedralen e Notre Dame (FOTO)

Posted on 16 Prill, 201916 Prill, 2019 by KultPlus

Një nga familjet më të pasura të Francës iu është përgjigjur menjëherë thirrjeve të presidentit të vendit për të ndihmuar në rindërtimin e katedrales dhe ka premtuar 100 milionë euro për të rindërtuar ikonën e Parisit.

“Babai dhe unë vendosëm që menjëherë të nxjerrim nga fondet e Artemis një shumë prej 100 milionë euro për të marrë pjesë në përpjekjet që do të jenë të nevojshme për rindërtimin e plotë të Notre Dame”, tha François-Henri Pinault, në një deklaratë të cituar nga Le Figaro dhe media të tjera franceze, përcjell Telegrafi.

I riu z. Pinault është kryetari dhe drejtori ekzekutiv i grupit Kering, i cili kontrollon markat e tilla luksoze si Gucci dhe Saint Laurent.

Ai gjithashtu është president i Groupe Artemis, kompani franceze që zotëron shtëpinë e ankandit Christie.

William Plummer✔@PlummerWilliam

La famille Pinault débloque 100 millions d’euros pour Notre-Dame de Paris (François-Henri Pinault à l’AFP)2,746 12:46 AM – Apr 16, 2019 Twitter Ads info and privacy 1,056 people are talking about this

Ndërsa zjarri përfshiu të hënën në mbrëmje simbolin shekullor, presidenti francez Emmanuel Macron premtoi një fushatë kombëtare për mbledhjen e fondeve.

“Ne do ta rindërtojmë”, tha ai. “Ne do të rindërtojmë Notre Dame sepse kjo është ajo që presin francezët, sepse kjo është ajo që meriton historia jonë, sepse është fati ynë”.P

Ndryshe, i riu Pinault është i martuar me aktoren e njohur, Salma Hayek.

Katedralja e Parisit, Notre Dame, e cila sot është përfshirë nga zjarri ku si pasojë është shembur çatia, konsiderohet si një nga shembujt më të mirë të arkitekturës gotike të Francës.

Ndërtimi i saj kishte filluar në vitin 1160, kurse pjesa më e madhe e saj kishte përfunduar saktësisht 100 vite më vonë.

Vetë kisha nga proporcione impozante, në veçanti në kohën kur ishte ndërtuar – ajo është e lartë 128 metra, e gjerë 48 kurse kullat e kambanave janë 69 metra të larta. /Telegrafi/ KultPlus.com