Një thirrje fetare myslimane që është futur në një vepër të muzikës klasike për të nderuar viktimat e luftës së fundit në Kosovë, ka shtyrë të djathtët ekstremist në Rumani që të pengojnë koncertin e kompozitorit që ka shkruar veprën.
E titulluar “The Armed Man: A Mass for Peace” (Njeriu u Armatosur: Një meshë për paqe), e kompozuar nga muzikanti i njohur, kompozitori i Uellsit, Karl Jenkins në vitin 2000 duke ia kushtuar viktimave të luftës në Kosovë, sipas agjencisë rumune të lajmeve “Mediafax” ka qenë arsye pse radikalët e djathtë rumun kanë penguar koncertin.
Koncerti i muzikës klasike ku do të luhej edhe kjo vepër, i mbajtur në qytetin rumun Cluj (Kolozsvar / Klausenburg) është penguar nga radikalët të cilët kanë hyrë në sallë duke filluar të sulmojnë ekipin e instrumentistëve dhe mysafirët e ftuar.
Pesë persona janë arrestuar sipas mediave në Rumani, teksa mes tyre ka qenë edhe një përfaqësues i partisë së djathë në Rumani “Noua Dreapta” (Krahu i Djathtë).
“Përveç shumë citimeve kulturore, vepra përmbanë edhe një lutje islame, andaj kjo ka nervozuar radikalët të cilët kanë hyrë në koncert duke tentuar ta pengojnë koncertin, por nuk ia kanë arritur”, shkruan “Mediafax”.
Të pestë personat e arrestuar ishin ulur në audiencë dhe filluan të këndojnë himnin kombëtar rumun. Më pas filluan më pas të sulmojnë por u kapen nga Policia dhe u dërguan në stacion, raporton Insajderi.
Ngjarja ka ndodhur të dielën mbrëma në Rumani./ KultPlus.com