Etiketë: Olaf Scholz

Scholz kritikon ashpër përdhosjen e veprave të artit nga militantët e klimës

Posted on by Kult Plus

Pas një vale protestash nga aktivistët e ndryshimeve klimatike, të cilët madje kanë shkaktuar dëme në veprat e famshme të artit me lëng domate, pure patatesh apo edhe më shumë, kancelari gjerman Olaf Scholz thotë se mendon se kjo formë demonstrimi është krejtësisht e gabuar, transmeton KultPlus.

“Nuk më pëlqen që veprat e artit ndoten me lëng domatesh apo pure” tha Scholz në një konferencë partie të socialdemokratëve të tij.

Muzetë në Berlin, Londër, Romë, Amsterdam dhe gjetkë në Evropë, kanë përjetuar që vepra të çmuara arti të ndoten me lëng domatesh, pure patatesh, supë me bizele dhe gjak të rremë, në veprime që synojnë të tërheqin vëmendjen ndaj mosveprimit të qeverive për një katastrofë klimatike në pritje.

Grupi aktivist gjerman ”Letzte Generation” (“Brezi i fundit”) gjithashtu ka bllokuar rrugët si pjesë e protestave të tij.

Scholz tha se ai besonte se protestuesit po arrinin të kundërtën e kauzës së tyre.

“Unë mendoj se njerëzit që bllokojnë trafikun nuk e kuptojnë seriozitetin e shqetësimit, por thjesht janë të mërzitur”, tha Scholz. /KultPlus.com

Presidentja Osmani: Kosova është e bekuar me mbështetjen nga Kancelari Scholz

Posted on by KultPlus

Presidentja e Republikës së Kosovës Vjosa Osmani ka qenë e pranishme në darkën e punës në Samitin e Procesit të Bashkëpunimit të Evropës Juglindore (SEECP), që po mbahet në Selanik të Greqisë, e ku po merr pjesë edhe kancelarit Olaf Scholz, shkruan KultPlus.

“Kosova është e bekuar me mbështetjen nga Kancelari Scholz dhe miqësinë me Republikën Federale të Gjermanisë. 🇽🇰🤝🇩🇪”, ka shkruar presidentja Osmani duke publikuar edhe fotografitë e kësaj darke, ku shihet pranë kancelarit Olaf Scholz, i cili vizitoi Prishtinën dhe Beogradin.

Në Samitin e  SEECP në Selanik presidentja Osmani do të flasë edhe për rolin që Republika e Kosovës po luan në ruajtjen e paqes dhe të stabilitetit në rajon; rëndësinë e bashkëpunimit rajonal duke u bazuar në parimet e barabarësisë dhe gjithëpërfshirjes, si dhe për nevojën për ta përshpejtuar perspektivën euro-atlantike për Kosovën dhe vendet e tjera demokratike në rajon./ KultPlus.com

Gazeta gjermane thotë se për Kosovën është shumë i rëndësishëm fakti që Scholz e nisi udhëtimin fillimisht në Prishtinë

Posted on by Kult Plus

Olaf Scholz ka udhëtuar drejt Kosovës dhe Serbisë, ku më pas do të vizitojë edhe Greqinë, Maqedoninë e Veriut dhe Bullgarinë. Konfliktet janë të shumëfishta, pritshmëritë e kancelarit federal gjerman janë të larta, ndoshta shumë të mëdha.

Gazeta gjermane, Frankfurter Allgemeine, shkruan se fakti që Scholz e nis udhëtimin në Prishtinë dhe vetëm më pas udhëton për në Beograd, është shumë i rëndësishëm për Kosovën. Ministrja e Jashtme, Annalena Baerbock bëri të njëjtën gjë: fillimisht Prishtina, pastaj Beogradi.

Sa i përket liberalizimit të vizave, në Kosovë ka shpresë se pas zgjedhjeve parlamentare në Francë më në fund do të ketë një përparim dhe kosovarët do të lejohen të udhëtojnë lirshëm në vendet e BE-së nga viti 2023. Vendi ka vite që plotëson kërkesat teknike, por është i bllokuar për arsye politike. Për Kosovën dhe qeverinë e kryeministrit Albin Kurti, heqja e vizave do të ishte një sukses i madh, thuhet tutje nga gazeta në fjalë.

“Megjithatë, planet e tjera kosovare kanë pak shanse për sukses. Kjo vlen për aspiratat e Kosovës për t’u përfshirë në programin parahyrës në NATO “Partneriteti për Paqe” dhe aq më tepër për spekulimet për paraqitjen e një aplikacioni për anëtarësim në BE të Republikës së Moldavisë dhe Gjeorgjisë, sipas shembullit të Ukrainës”, përfundon shkrimi i Frankfurter Allgemeine. /KultPlus.com

Kancelari Gjermanisë, Olaf Scholz, pritet me ceremoni shtetërore nga Albin Kurti

Posted on by Kult Plus

Kancelari i Gjermanisë, Olaf Scholz ka arritur në Kosovë, derisa është pritur me ceremoni shtetërore nga kryeministri i Kosovës, Albin Kurti, shkruan KultPlus.

Së bashku me Kurtin, edhe Ministrat e Qeverisë dolën për të marë pjesë në pritjen e kancelarit të Gjermanisë.

Kjo është vizita e parë e Olaf Scholz në Kosovë, si kancelar i Gjermanisë, mirëpo një takim mes Kurtit dhe Scholz kishte ndodhur edhe para një muajve.

Tema e dialogut pritet të jetë njëra ndër pikat kryesore që do të diskutohet mes tyre. /KultPlus.com