Disa nga yjet që përmenden në tekst kanë shumë çmime, por ata nuk duan t’i mbajnë ato në vende të dukshme për arsye të ndryshme.

Ueb-faqja amerikane “People” ka mbledhur informacion rreth asaj se ku njerëzit e famshëm i mbajnë Oscarët e tyre.

Penelope Cruz dhe burri i saj, Javier Barden, pohojnë se trofetë e tyre i mbajnë në vende ku gjithkush ka qasje për t’i shikuar.

Penelope Cruz dhe Javier Bardem

“Ata nuk janë të fshehur, përkundrazi, mund t’i shohim ato në qoshe. Nëse nuk shfaqen, ata thjesht mund të shkojnë ta marrin dhe më pas ta kthejnë në vendin ku e kanë marrur”, thotë Javier.

Tom Hanks, aktori me shumë fansa, gjatë karrierës hollivudiane ka fituar dy Oscar. Të parin e fitoi në saje të paraqitjes në filmin e vitit 1994 “Philadelphia” dhe një tjetër për “Forrest Gump”, vetëm një vit më vonë. Aktori ka thënë me modesti se trofetë i mban në një raft në shtëpi ku të gjithë mund t’i shohin dhe të fotografohen me ato.

Tom Hanks

Këtë vit, fituesja e çmimit Oscar për aktoren më të mirë, Olivia Colman, bëri shaka duke e treguar vendin se ku do ta vendos Oscarin – do të thotë në shtrat.

“Bashkëshorti ende nuk di për këtë vendim dhe nuk do të ketë mendje”, tha Olivia përmes të qeshurave.

Olivia Colman

Aktorja Viola Davis thekson se çmimet e fituara i mban në zyre, por me më shumë dëshira do t’i vendoste në garazh po mos ta kundërshtonte bashkëshorti.

Anna Paquin fitoi Oscarët e parë në vitin 1994 kur ishte vetëm 11-vjeçare dhe dëshmi se nuk mendonte për çmimin ishte fakti që aktorja e mban atë pranë çizmeve në fund të dollapit. Ajo nuk dëshiron ta tregojë atë, sepse mendon se miqtë do të ishin të pakëndshëm nëse do ta shikonin.

“Oscarët i mbaj në raft mbrapa librave, sepse është vend shumë i çuditshëm. Madje edhe pasi e kam marrë, nuk e kam vënë atë drejtpërdrejt në raft, por e kam mbajtur të fshehur, mendoj se arsyeja është fakti që e kam marrë në një periudhë të vështirë të jetës sime dhe tani shoqërohet me atë”, tha Gwyneth Paltrow.

Gwyneth Paltrow

Një nga ata që i çmonin veçanërisht çmimet është Goldie Hawn, e cila mban statujën në dhomën e meditimit. Ai i konsideron ato si një pjesë të rëndësishme të historisë dhe dëshiron që të shih gjatë gjithë ditës.

“Menaxheri im i ruan Oscarët e mi në shtëpinë e vetë sepse unë jam shumë i zënë”, tha Jamie Foxx.

Emma Stone dhe Alicia Vikander bënë të njëjtën gjë, ku Emma statujën e artë e ka dërguar te nëna e saj gjersa Alicia ia dha një miku në Los Angelos. Jennifer Lawrence la shpërblimin mbi pianon e prindërve të saj.

Natalie Portman

Kate Winslet ka deklaruar se Oscarin e mban në banjo. Deklarata shoqërohej nga fakti se gjithkush gjithmonë dëshiron të marrë një shpërblim, ta shpallë atë dhe ta ndjejë atë.

“Ata gjithmonë më pyesin se ku e mbaj atë dhe sa e vështirë është. Kështu që vendosa ta lë mbi guacën e banjës”, tha Kate.

Historia u mbyll me Natalie Portmanin, i cili me buzëqeshje tha se nuk e dinte se ku e ka Oscarin. /Telegrafi/ KultPlus.com

Organizatorët e ceremonisë së çmimeve Oscar fillimisht kishin për synim që t’i ndajnë katër çmime gjatë transmetimit të reklamave, por gjithçka ka ndryshuar pas kundërshtimit të regjisorëve dhe aktorëve.

Akademia e Arteve dhe Shkencave të Filmit ka njoftuar se ka “marrë reagime” nga anëtarët e saj dhe se të gjitha 24 çmimet do të jepen në transmetim të drejtpërdrejtë.

Më parë këtë javë, Akademia njoftoi se çmimet për fotografinë më të mirë, instalimin, veshjeve si dhe “make-up” do të ndahen gjatë kohës sa transmetohen reklamat.

Statuja e Oscarit (Foto: Andrew H. Walker/Getty Images/Guliver)

Objektivi ishte që e gjithë ceremonia e ndarjes së çmimeve të përfundoj brenda tri orëve pasi që ka pasur reagime të mëdha të shikuesve se festivali po shndërrohet në komercializëm.

Por, në një letër të hapur, të nënshkruar nga regjisorët, Martin Scorsese dhe Spike Lee, aktorët Robert De Niro dhe George Clooney, si dhe më shumë se 50 emra të tjerë të njohur në Hollywood, Akademia ka bërë që ndryshoj vendimin e marrë muaj më parë.

Ndryshe, 24 trofe presin që t’iu dorëzohen artistëve të ndryshëm në ceremoninë që do të mbahet më 24 shkurt në Dolby Theatre të Los Anelesit. /Telegrafi/ KultPlus.com

 

Pas 25 vjetëve do të ketë ndryshime në ngjarjen kryesore të filmit në botë.

Akademia Amerikane e Arteve dhe Shkencave të Filmit ka zbuluar një listë prej 13 aktorëve dhe të famshmëve që do të jenë udhëheqësit e Ceremonisë së 91-të të ndarjes së Oscarëve

Ngjarja e këtij viti do të mbahet për herë të parë pa një mikpritës që nga viti i largët 1989.

Kësaj radhe do të jenë shumë udhëheqë të ceremonisë, ku midis veçohen emra të tillë, si Tina Fey, Whoopi Goldberg, Brie Larson, Daniel Craig, Jennifer Lopez, Chris Evans, Amy Poehler, Maya Rudolph, Charlize Theron, Awkwafina, Amandla Stenberg, Tessa Thompson dhe Constance .

Theksojmë se humoristi amerikan, Kevin Hart hoqi dorë nga roli i tij si përgjigje ndaj mesazheve të vjetra homofobike në Twitter. Dy vitet e fundit u drejtua nga moderaroti dhe shoumeni, Jimmy Kimel.

Ndërkohë, si favoritë për të fituar çmimet kryesore në këtë ngjarje madhore filmike është filmi i regjisorit, Alfons Quarone, Roma dhe “Favorite” i Jorgos Lantimos, i cili fitoi dhjetë nominime për Oscar.

Ndryshe, ceremonia zyrtare e çmimeve amerikane të filmit do të mbahet më 24 shkurt në Teatrin Dolby në Los Angelos. / KultPlus.com

Sivjet është vit i veçantë për industrinë e filmit kosovar, pasi që tri regjisore të saj, Lendita Zeqiraj, Blerta Zeqiri dhe More Raça, mund të jenë pjesë e edicionit të 91 të Çmimeve të Akademisë – Oscar.

Filmi debutues i metrazhit të gjatë i Blerta Zeqirit MARTESA fitoi çmimin FIPRESCI dhe çmimin special të jurisë në festivalin Tallin Black Nights në vitin 2017. Në vitin 2012, po e njëjta e fitoi çmimin e jurisë për filmin e shkurtër KTHIMI në festivalin e filmit Sundance. Alban Ukaj, Adriana Matoshi dhe Genc Salihu luajnë protagonistët në rrëfimin e një burri që e mban një fshehtësi nga gruaja e tij – është i dashuruar në shokun e tij të ngushtë. Në një intervistë për Hollywood Reporter, duke folur për motivimin e saj për ta shkruar këtë histori, Zeqiri tha: “nuk ka kuptim të ndalohet dashuria”. MARTESA është propozimi zyrtar i Kosovës për Oscar – kategorinë e filmit më të mirë në gjuhë të huaj.

Filmi i shkurtër i Lendita Zeqirajt GARDHI u kualifikua duke ngadhënjyer si filmi më i mirë i shkurtër në festivalin ndërkombëtar të filmit në Hamptons dhe si filmi më i mirë nën 15 minuta në festivalin e filmit të shkurtër në Palm Springs. Ky film e përcjell një fëmijë të vogël, të cilin e luan Art Lokaj, duke u ballafaquar me veset e familjes së tij të përçudnuar, derisa miku i tij rom e prejt jashtë. Filmi prek mbi temën e përjashtimit, shovinizmit dhe racizmit në shoqërinë kosovare.

AJO nga More Raça është përzgjedhur si njëri ndër finalistët e Manhattan Short Film Festival. Filmi është shfaqur në mbi 350 qytete nëpër 6 kontinente dhe ka fituar të drejtën të garojë për Oscar. AJO flet për temën e dhunës në familje dhe e përcjell trimërinë e një vajze të vogël, të luajtur nga Diella Valla, e cila e bën të pamundurën për ta shpëtuar vetveten dhe nënën e saj, të cilën e luan Aurita Agushi.

“Këto tri kualifikime vetëm sa vazhdojnë ta pasqyrojnë trendin e zhvillimit të industrisë kosovare të filmit, derisa po prodhojmë gjithnjë më shumë filma dhe i ndajmë ata me botën. Kemi shpresa të mëdha për atë se çfarë do të sjellë e ardhmja për talentët tanë” tha Arben Zharku, drejtori i Qendrës Kinematografike të Kosovës./KultPlus.com

Para pak kohësh bëri bujë vendimi i Akademisë së çmimeve OSCAR për krijimin e një kategorie të re të quajtur filmi më popullor.

Por tani organizata ka bërë një hap pas, duke lajmëruar se kjo kategori nuk do të përfshihet në edicionin e ardhshëm të çmimeve OSCAR të parashikuar për në 24 Shkurt 2019.

Nuk bëhet fjalë për anulim të kategorisë, por mbase për një pezullim në pritje të një rivlerësimi në të ardhmen.

Drejtoresha ekzekutive e Akademisë, Dawn Hudson, në një deklaratë tha se çështja do të hidhet në diskutim pas reagimeve të shumta mbi kategorinë e re.

Ajo shtoi se në vite ka pasur ndryshime në çmimet OSCAR dhe do të ketë edhe në të ardhmen, por pa prekur trashëgiminë e jashtëzakonshme të 90 viteve të fundit./KultPlus.com

Çmimi më prestigjioz i filmave, “Oskar”, tashmë do të ndahet edhe për një kategori tjetër të filmave, atë të filmave të popullarizuar.

Po ashtu, ceremonia e ndarjes së çmimeve do të zgjasë më shkurt se herëve të tjera, vetëm tri orë, dhe më 2020 do të mbahet më herët sesa ishte e planifikuar.

John Bailey, presidenti i rizgjedhur i Akademisë së Kinematografisë, Arteve dhe Shkencave, u tha anëtarëve përmes një e-mail-i, të mërkurën, se Bordi i Guvernatorëve i miratoi tri ndryshime të mëdha të kësaj ceremonie.

Shikueshmëria për edicionin e 90-të të ndarjes së këtyre çmimeve ra dukshëm në 26.5 milionë shikues, 19% më pak se vitin e kaluar.

Që nga viti 2008, kjo është hera e parë që ceremonia e Oskar pati më pak se 30 milionë shikues.

Gjithashtu, ajo zgjati gati 4 orë dhe ishte më e gjata në më shumë se një dekadë.

Më 2019, Oskarët do të ndahen më 24 shkurt ndërsa më 2020 më 9 shkurt./KultPlus.com