Etiketë: Pandi Raidhi

Pandi Raidhi ishte aktor shqiptar i teatrit dhe kinemasë i shekullit të XX.

Raidhi lindi në 14 prill të vitit 1921 në qytetin e Korçës. Ai nisi karieren e tij artistike ne vitin 1937 në shfaqen teatrale “Dasma Korçare” ku fitoi menjeherë simpatinë e publikut korçar.

Në vitin 1948 pas mbarimit të shkollës së mesme u fut në punë në Teatrin Popullor (sot Teatri Kombëtar) ku interpretoi dramën “Dasma Korçare”. Në vitin 1950 u kthye në teatrin “A.Z.Çajupi” të Korçës ku do të interpretonte me dhjetëra role.

Debutimin kinematografik e bëri në filmin e parë shqiptar “Tana” në vitin 1958. Më tej interpretoi në 36 role të tjera të filmave Shqiptar. Roli i tij më i fundit ishte ai i babait të sekretarit në filmin “Njerëz në rrymë” në vitin 1989. Në një karrierë artistike gjysëm shekullore Raidhi ka interpretuar më shumë se 200 role në dramë, komedi dhe opereta.

Ai u kthye shume shpejt në një figurë të dashur dhe shume popullore për të gjithë shqiptarët. Ai kujtohet me respekt për thjeshtesinë buzëqeshjen e ëmbël dhe humorin e tij të hollë. Karakterizohej nga serioziteti i madh për punën. Asnjëherë gjate xhirimit në rolet e tij, kamera dorëzohesh para portretit interesant që ai krijonte.

Për meritat e tij artistike Pandi Raidhi u nderua në vitin 1975 me titullin e lartë “Artist i Popullit”. Për nder të tij Bashkia e Tiranës i ka dhënë një prej rrugëve të Kryeqytetit emrin e tij.

Disa nga projektet kinematografike në të cilat mori pjesë janë: Njerëz në rrymë, Familja ime, Përsëri pranverë, Rrethimi i vogël, Duaje emrin tënd, Kush vdes në këmbë, Nëntori i dytë, Shoqja nga fshati, Partizani i vogël, Agimet e stinës së madhe, Liri a vdekje, Ne vinim nga lufta, Flamur në dallgë, Përballimi, Monumenti, Tokë e përgjakur, Zonja nga qyteti, Beni ecën vetë, Rrugicat që kërkonin diell, Shpërthimi, Shtigje të luftës, Krevati i perandorit, Yjet e netëve të gjata, Kur zbardhi një ditë, Mëngjeze lufte, I teti në bronz, Horizonte të hapura, Vitet e para, Tana etj.

Vdiq në Tiranë në 18 korrik të vitit 1999./KultPlus.com

Drejtoria e Përgjithshme e Arkivave përkujtoi sot aktorin Pandi Raidhi.

Lindi në 14 prill 1921 në Korçë, aty ku fare i ri interpretoi për herë të parë dhe fitoi menjëherë simpatinë e publikut.

Mori pjesë në luftën Nacional-Çlirimtare në radhët e Rinisë Antifashiste. Në vitin 1948 pas mbarimit të shkollës së mesme filloi punën në Teatrin Popullor (sot Teatri Kombëtar), ndërsa në 1950 u kthye në teatrin “A.Z.Çajupi” të Korçës.

Është konsideruar si “talent i lindur” pasi që në moshë fare të re spikati tek shfaqja “Dasma korçare”. Ai ishte një nga themeluesit e Estradës Profesioniste të Korçës si dhe aktor themelues i Teatrit “Andon Zako Çajupi”.

Debutimin kinematografik e bëri në filmin e parë shqiptar “Tana”, në vitin 1958. Mjeshtri i madh i karaktereve Pandi Raidhi, realizoi 200 role në teatër dhe 36 në filma. Shumë personazhe kanë ngelur në mendje të publikut, ndër të cilët mund të përmendim rolet tek filmat “Yje të netëve të gjata”, “Nëntori i Dytë “, “Tokë e përgjakur”, “Zonja nga qyteti”, etj. Më tej interpretoi në dhjetëra filma shqiptarë.

Pandi Raidhi u kthye shpejt në një figurë të dashur për artdashësit dhe shumë popullore. Shumëkush i njeh rolet dhe batutat e xha Bakos në filmat “Zonja nga qyteti” e “Shoqja nga fshati”, të Pllaton Bubuqit te “Përballimi”, partizanit Meke te “Krevati i Perandorit’, lojën e tij te “Liri a vdekje”, “Familja ime”, “Rrethimi i vogël”, “Nëntori i dytë”, apo “Njerëz në rrymë”, që ishte filmi i tij i fundit.

Në vitin 1975 iu dha titulli i lartë “Artist i Popullit”. Po ashtu Bashkia Tiranë i ka dhënë një prej rrugëve të kryeqytetit emrin e tij.

Aktori i mirënjohur Pandi Raidhi u nda nga jeta në 18 korrik të vitit 1999./atsh/KultPlus.com