Etiketë: Parada e Shqiptare në New York

Për të dytin vit radhazi, anulohet Parada Shqiptare në New York

Posted on by Kult Plus

Parada Shqiptare, evenimenti madhështor që organizohet çdo vit nga “Rrënjët Shqiptare” në SHBA anulohet për të dytin vit radhazi për shkak të pandemisë.

Edhe këtë vit kryebashkiaku i Nju Jorkut Bill de Blasio nuk ka dhënë dritën jeshile për organizimin e këtij eventi mjaft të rëndësishëm për shqiptarët e Amerikës.

Aktiviteti ishte parashikuar të mbahej më 12 qershor 2021 në orën 08.00 në Manhattan.

Edhe vitin e shkuar për shkak të pandemisë së COVID-19 eventi nuk mund të realizohej.

Ndërsa Parada Shqiptare e 2019, e fundit në radhë e realizuar pati si temë Çamërinë, ndërsa ajo e 2018-tës veteranët e UÇK-së.

Ndër paradat e komuniteteve të ndryshme që organizohen në Manhatan në muajin qershor, ajo e shqiptarëve dallohet për nga pjesëmarrja e madhe dhe nga dinamizmi që krijojnë këngët e vallet popullore. /diasporashqiptare/ KultPlus.com

Parada Shqiptare në New York, këtë vit do t’i kushtohet Çamërisë (VIDEO)

Posted on by KultPlus

Kryetari i PDIU-së Shpëtim Idrizi, ka zhvilluar një takim me Bataljonin “Atlantiku”, Shoqatën shqiptaro-amerikane që iu bashkua UÇK-së, në luftën për çlirimin e Kosovës.

Të pranishëm në takim ishte Presidenti i Bataljonit “Atlantiku”, Mark Kepi, Anëtari i Asamblesë Shtetërore të Nju Jorkut, Mark Gjonaj, si dhe shqiptarë të diasporës, që jetojnë në SHBA.

Gjatë fjalës së tij Idrizi falënderoi Bataljonin “Atlantiku”, që këtë vit Parada e Shqiptare në New York, do ti kushtohet Çamërisë.

“Jam shumë mirënjohës të gjithë organizatave shqiptare në SHBA, që bën të mundur këtë vit kanë vendosur që paradën shqiptare t’ja përkushtojnë Çamërisë. Për këtë ju jam shumë mirënjohës në emër të shqiptarëve të Çamërisë, sepse jam i bindur që ju duke e pasur atdheun larg jeni dhe më patriot duke kuptuar që Çamëria plotëson hartën identitare të vendit tonë, sepse Çamëria dhe Kosova u sakrifikuan për Shqipërinë politike që ne kemi sot. Përtej kësaj Çështja Çame ka nevojë për të gjithë, ka nevojë për një emër, ka nevojë që shpirtrat e atyre njerëzve që kanë rënë të vlerësohen. Megjithëse kanë kaluar 75 vjet ne pasardhësit e tyre jemi në këmbë për të luftuar për të drejtat e shqiptarëve të Çamërisë“, u shpreh Idrizi. / KultPlus.com

https://www.facebook.com/pdiu.al/videos/2332718516945753/