Etiketë: Parisi

Parisi sërish zë vendin e parë si qyteti më i bukur në botë

Posted on by Kult Plus

Një renditje e re e këtij viti, ka votuar Parisin si qytetin më të bukur në botë.

Për të dytin vit radhazi, kryeqyteti francez u kurorëzua destinacioni i zgjedhur për udhëtarët nga e gjithë bota, transmeton klankosova.tv.

Renditjen e qyteteve më të mira në botë, e publikoi Euromonitor International.

Qyteti i Dritës (La Ville Lumiere), u vlerësua kundër të gjithë rivalëve të tij në më shumë se 50 kritere të ndryshme.

Këto përfshinin turizmin, cilësinë e infrastrukturës, tërheqjen e saj për udhëtarët e huaj dhe shumëllojshmërinë e ofertës së saj kulturore.

Parisi qëndron përpara 99 rivalëve të tij, një ndihmë e mirëpritur për qytetin, pasi aktualisht po përgatitet të presë Lojërat Olimpike në 2024.

Qytetet evropiane dominojnë në renditjen e qyteteve më të mira në botë

Bota e Vjetër ka ende një të ardhme të ndritur përpara. Nga 20 qytetet më të mira në renditje, 12 janë evropianë.

Nga rrugët historike të Berlinit, Romës dhe Londrës, në klimën e ngrohtë dhe me diell të Madridit, Milanos, Barcelonës dhe Lisbonës, këto metropole sjellin një ofertë unike kulturore, arkitekturë të njohur dhe gastronomi me famë botërore.

Megaqytetet aziatike po bëhen gjithnjë e më tërheqëse

Shpesh më moderne se qytetet evropiane, megaqytetet e Azisë Juglindore janë gjithnjë e më të njohura për udhëtarët. Vitet e fundit, Seuli, Tokio, Singapori dhe Hong Kongu janë bërë destinacione të njohura për pushuesit.

Listat e Euromonitor konfirmojnë këtë prirje, me të gjitha këto qytete të botës që arrijnë në top 20.

Paris, Francë

Dubai, Emiratet e Bashkuara Arabe

Madrid, Spanjë

Tokio, Japoni

Amsterdam, Holandë

Berlin, Gjermani

Romë, Itali

Nju Jork, Shtetet e Bashkuara

Barcelona, Spanjë

Londër, Mbretëria e Bashkuar

Singapor

Mynih, Gjermani

Milano, Itali

Seul, Koreja e Jugut

Dublin, Irlandë

Osaka, Japoni

Hong Kongu

Vjenë, Austri

Los Anxhelos, Shtetet e Bashkuara

Lisbonë, Portugali. / KultPlus.com

Letra e Simone de Beauvoir për të dashurin amerikan: ‘Parisi më duket i trishtë pa ty’

Posted on by Kult Plus

Nelsoni im,

Ja ku ndodhem në Paris. Ishte një ditë mjaft poetike, siç ndodh ndonjëherë kur nuk e pret. Gjithçka dukej sikur ishte kundër meje: nga qielli binte diçka që nuk ishte as shi, as dëborë, një ujë i zi dhe i akullt; një grevë e shitësve mbylli të gjitha dyqanet, kafenetë dhe restorantet. Mund të kishte qenë tepër e trishtë, por fatmirësisht nuk qe e tillë. Së pari, gjeta letrën tënde të ëmbël dhe kjo më lumturoi. Fola me ty (në anglisht), gjithë ditën. Pastaj u kënaqa kur pashë sërish qytet. Qytetet më pëlqejnë. Ashtu i errët dhe i trishtë siç ishte, Parisi ishte qytet i vërtetë. Piva pak uiski (jo skoç, por burbo) nëpër bare, ku bisedova me miqtë. Shkova te revista Kohë Moderne, ku gjeta letrat dhe disa gjëra që më bënë të lumtur: përkthimi në anglisht i librit Gjaku i të Tjerëve, pra, do të mund ta lexosh në maj. Kam shumë dëshirë që të bëj një lidhje midis jetës sime si bretkosë në Wabansia dhe jetës në punë. Do të doja që të lexoje librat e mi, sidomos këtë, që është novela e dytë që kam shkruar dhe që jam e bindur se do të të tregojë diçka për mua. Dua që ta njohim njëri-tjetrin gjithnjë e më mirë. Prandaj u lumturova vërtet kur e gjeta, edhe pse përkthimi kishte gabime të tmerrshme. Do të botohet në maj, edhe në Londër, edhe në Nju Jork, prandaj për të do të diskutojmë në Meksikë. Po, meksikën nuk e ndaj nga mendja. Një shoqja ime që u kthye prej andej, më tha se Kuba ishte e mahnitshme. Po sikur pas Nju Orleansit të shkojmë në Kubë e pastaj në Meksikë? Tani, më kujtohet sikur the që Karaibet nuk të tërheqin, se druheshe që ishin vetëm për turistë? Mua do të më interesonte shumë dhe në Meksikë shkojmë një herë tjetër. Por mos u ngut! Mendoje njëherë! Gjëja e rëndësishme është të udhëtojmë dy muaj rresht: se ku, nuk është aq e rëndësishme, apo jo?

Po i kthehem së martës, mbrëmjen kur isha vetëm dhe dola shëtitje në Champs-Elysées për të parë Vilet e Zemërimit. U mërzita kur dëgjova sërish zëra amerikanë dhe kur pashë vetëm rrugën që pata bërë me shoqen time nga Kalifornia në Arizona dhe në Nju Meksiko. Arrita t’i njihja vendet, sidomos urën në Kolorado. Disa plane në film m’u dukën mahnitëse: ato në fermën e keqe, kur policët vrasin ish-predikuesin. Kurrë nuk kisha parë një film kaq “të fortë”, në kuptimin e mirë të fjalës. E djeshmja kaloi me gjëra të vogla, shumë çikërrima dhe duke fjetur gjumë. Ndihem disi e lodhur – mbase në fshat punova shumë. Sot po lexoj libra për gratë. Më intereson, por Parisi po fillon të duket i trishtë, ashtu si është vërtet dhe po kështu po ndihem edhe unë. Derdha ca pika loti, sepse të doja dhe më mori malli shumë. Fola me ty për një kohë të gjatë natën. Të dua. 

Nga libri “Dashuri Trasantantike” . Perkthyese Alda Bardhyli/ KultPlus.com

Pogradeci dhe Parisi në pikturat e Anastas Kostandinit

Posted on by Kult Plus

Deri në datën 31 prill, artdashësit mund të vizitojnë në Pogradec, ekspozitën e Anastas Kostandinit (Taso), të titulluar “Qytetit, si pikturë, muzikë, arkitekturë”.

Artisti sjell në këtë ekspozitë 25 punime kushtuar qytetit të tij Pogradecit si edhe 16 punime që i përkasin Parisit.

Kjo ekspozitë ka ardhur në një formë tepër të veçantë, pasi është gërshetuar me muzikën, ku ka interpretuar Kuarteti “I.L.A 74” me një larmi muzike klasike.

“Kryetema e pikturës time, në mënyrë të padiskutueshme, është qyteti. Dua ta krahasoj qytetin tim me metropolet. Është një lloj ekstravagance, por mendoj se arti e ka këtë luks”, shprehet piktori, i cili duket se figurativisht ka zbuluar një rrugicë që lidh Pogradecin e vogël me Parisin e madh.

“Në këtë ekspozitë, Pogradecin dhe liqenin e pamë me sytë e piktorit Anastas Kostandini, nëpërmjet peisazheve të tij plot ngjyra, ku ndihej dashuria e madhe për të”, shprehet prefekti i Qarkut Korçë, Nertil Jole, i pranishëm në çeljen e ekspozitës.

“Qyteti i Tasos” gjendet në Galerinë e Arteve, Pogradec ku hyrja është e lirë për të gjithë./ atsh / KultPlus.com

Ismail Kadare tregon arsyen pse u kthye nga Parisi për të jetuar në Shqipëri

Posted on by Kult Plus

Shkrimtari i madh, Ismail Kadare, ka vendosur ta lërë Parisin, ku ka jetuar dhe punuar për dekada, për t’u vendosur në Shqipëri.

I pyetur nëse i sheh sot shqiptarët më të mirë, shkrimtari përgjigjet: “Disa herë besoj se jemi, disa herë jo. Por koha do ta tregojë”.

Ai ka treguar edhe pse e ka marrë vendimin për t’u rikthyer në atdhe.

“Nuk ka qenë një zgjedhje e atypëratyshme. Ka qenë një zgjedhje e ngadaltë, e padallueshme mirë. Kështu ka qëlluar. Më është dukur se këtu do ta them më mirë atë që mund të thosha për çdo rast, për rastet e lumtura ose të dëshpëruara të jetës. Në të gjitha rastet më është dukur se do të isha i përshtatshëm në këtë formë që jam”, ka thënë Kadare në një intervistë për A2 CNN.

Gjeniu i letrave shqipe ka rrëfyer se lexon vepra nga më të ndryshme të autorëve të huaj, dhe pranon se po kaq shumë autorë kanë ndikuar në formimin e tij si shkrimtar.

“Sot Kadare lexon gjithçka që mund të lexojë një lexues, gjithkund, në çdo gjuhë, në çdo popull në çdo vend. Janë shumë, dhe është lumturi për ne që janë shumë”. /KultPlus.com

Parisi ka vendosur të anulojë fishekzjarrët e Vitit të Ri

Posted on by Kult Plus

Varianti Omicron po “përhapet me shpejtësi rrufe” në Evropë dhe ka të ngjarë të bëhet dominues në Francë nga fillimi i vitit të ardhshëm, ka paralajmëruar kryeministri francez Jean Castex, raporton Reuters, transmeton KultPlus.

Pikërisht për arsye se varianti i ri po përhapet kaq shpejt, Parisi ka anuluar fishekzjarret e planifikuara si dhe festimet në rrugën Champs Elysees në natën e Vitit të Ri në përputhje me rregullat e reja të qeverisë për të parandaluar përhapjen e variantit të koronavirusit Omicron.

Kryeministri francez Jean Castex tha të premten se festat e mëdha publike dhe fishekzjarrët do të ndalohen në natën e Vitit të Ri.

Gjatë këtij fjalimi ai gjithashtu edhe rekomandoi që njerëzit – edhe nëse janë të vaksinuar – të bëjnë një vetë-test për COVID-19 përpara se të bashkohen për festat e fundvitit. /KultPlus.com

People, wearing protective face masks, walk on the Champs Elysees Avenue in Paris amid the coronavirus disease (COVID-19) outbreak in France, December 6, 2021. REUTERS/Gonzalo Fuentes

Parisi do të përdorë taksi fluturuese gjatë Lojërave Olimpike 2024

Posted on by KultPlus

Nga romanet fantastiko-shkencore deri tek filmat aksion, taksitë fluturuese kanë qenë pjesë e imagjinatës njerëzore prej kohësh.

Por, këto mjete futuristike janë fare pranë bërjes realitet dhe mund të përdoren edhe si taksi për të transportuar fansat e sportit gjatë Lojërave Olimpike 2024, në Paris.

Kjo është bërë e ditur nga zyrtarë francezë, të cilët shtuan se kanë nisur testimet me taksi elektrike fluturuese që pritet të përdoren gjatë Lojërave Olimpike.

Qëllimi final është të krijohen të paktën 2 pista fluturimi në ajër, në mënyrë që të lehtësohet trafiku gjatë lojërave.

Për momentin, rreth 30 prodhues të të tilla makinave do të testojnë produktet e tyre në fushën ajrore Cromeilles-en-Vexin, që ndodhet vetëm disa kilometra larg Parisit.

Ky lajm vjen pak kohë pasi kompania koreano-jugore, Hyundai, njoftoi planet për hedhjen në treg të taksive fluturuese autonome deri në vitin 2028, të cilat do të kenë mundësi të akomodojnë deri në 5 pasagjerë.

CEO i Aeroports de Paris, Augustin de Romanet, u shpreh për mediat franceze se:

“Këto testime janë të paprecedente deri më sot në Europë,’ dhe se ‘ato do të shërbejnë për të ndërtuar një eksperiment konkret dhe për të eksploruar gamën e mundësive të aviacionit inovativ dhe net-zero, si dhe për të zhvilluar tregun e aviacionit në lartësi të ulëta (poshtë 300 metrave), i cili deri tani ka mbetur më së shumti i paeksploruar.”/ KultPlus.com

Parisi mbjell 170 000 pemë për përmirësimin e cilësisë së ajrit

Posted on by Kult Plus

Parisi është një metropol urban me ndotje të tepërt të ajrit .

Tani, kryeqyteti francez po kërkon të përmirësojë klimën e qytetit duke mbjellë 170 000 pemë të reja.

”Pemë të tjera do të mbillen kudo ku ka ende hapësira, përgjatë rrugëve, shesheve, parqeve dhe madje edhe përgjatë unazës së qytetit”, njoftoi administrata bashkiake.

Pemët thithin dyoksidin e karbonit (CO2), përmirësojnë cilësinë e ajrit dhe ndihmojnë në ftohjen e qytetit gjatë valëve të nxehta të verës.

Përveç kësaj, pemët janë një pengesë natyrore ndaj zhurmës dhe ndotjes vizuale, e cila promovon shëndetin e parizianëve dhe zvogëlon stresin.

Pemët shtesë do të mbillen deri në vitin 2026.

Gati 14 000 pemë të reja tashmë janë shtuar në sezonin e parë të mbjelljes 2020-21. / KultPlus.com

sunny morning and Eiffel Tower, Paris, France

Akrobati lë pa fjalë parisienët, ecën mbi litar në lartësi prej 70 metrash

Posted on by Kult Plus

Një akrobat 27-vjeçar dhuroi një shfaqje spektakolare, për qytetarët e Parisit, pasi eci përgjatë një litari të lidhur në Kullën e Eifelit,  në një lartësi prej 70 metrash.

Nathan Paulin , i cili ishte i lidhur me një litar sigurie, eci zbathur rreth 30 minuta mbi litar, si pjesë e një shfaqjeje akrobatike për të nisur Olimpiadën Kulturore në Paris, sipas Agence France-Presse.

Madje akrobatit 27-vjeçar u shtri  në litar për të shijuar pamjen panoramike.

Ai tha i duhej të praktikohej për katër vjet për të arritur suksesin mbresëlënës. / KultPlus.com

Parisi shndërron rrugën më të bukur në botë në një kopsht të jashtëzakonshëm

Posted on by Kult Plus

Kryebashkiakja e Parisit, Anne Hidalgo, u shpreh së fundmi se transformimi i Champs-Élysées, me vlerë 250 milionë euro, do të ndodhë pas Lojërave Olimpike Verore 2024, të cilat do të mbahen në Paris, përcjell KultPlus

Projekti do të shndërrojë 1.9 kilometra të Parisit qendror në një kopsht të jashtëzakonshëm. “Rruga legjendare ka humbur shkëlqimin e saj gjatë 30 viteve të fundit. Ajo është braktisur në mënyrë progresive nga parisienët dhe është goditur nga disa kriza të njëpasnjëshme,” u shprehën zyrtarët në një deklaratë, shkruan The Guardian.

“Shpesh quhet rruga më e bukur në botë, por ne që punojmë këtu çdo ditë nuk jemi aspak të sigurt për këtë.”

Projekti përfshin zvogëlimin e hapësirës për automjetet, kthimin e rrugëve në zona për këmbësorët dhe krijimin e strukturave për pemë për të përmirësuar cilësinë e ajrit.

Champs-Élysées, e cila shpesh njihet si një nga rrugët më të famshme në botë, u projektua fillimisht nga kopshtari i Luigjit XIV. Emri iu vendos në vitin 1709 dhe ishte një vend i njohur për të shëtitur dhe për të bërë piknik.
Por pavarësisht rëndësisë historike, si vendi ku parisienët festuan çlirimin nga pushtimi nazist apo fitoret në Kupën e Botës, me kalimin e kohës Champs-Élysées e humbi shkëlqimin.

Në ditët e sotme, Champs-Élysées – ku nga mitologjia greke i referohet vendit për heronjtë e vdekur – njihet për kafenetë e shtrenjta e dyqanet luksoze dhe përgjithësisht shmanget nga vendasit. / KultPlus.com

Gjërat që nuk do të bënte asnjë grua franceze

Posted on by Kult Plus

Gratë franceze kanë qenë prej kohësh të famshme për stilin e tyre unik, të sofistikuara dhe pamja e tyre admirohet gjithmonë nga gratë e huaja. Shumë gjëra kanë ndryshuar gjatë shekullit të kaluar, por mënyra se si gratë evropiane mbajnë veten e tyre, për sa i përket modës vazhdon të kënaqë mjeshtrat dhe admiruesit e bukurisë femërore.

Ja disa nga veçoritë e jetesës së grave moderne franceze:

Gratë franceze nuk përdorin injeksione bukurie

“Duajeni veten dhe trupin tuaj!” Kjo moto e jetës, të cilën shumë gra franceze e kanë adoptuar, duhet të ndiqet nga të gjithë ne.

Gratë franceze nuk i ndajnë problemet me të dashurat e tyre

Gratë moderne franceze kanë mënyra aktive të jetës, që do të thotë se nuk u kushtojnë aq shumë kohë miqve dhe tubimeve të tyre së bashku. Në vend që të ankohen me njëra-tjetrën për burrat e pakujdesshëm ato kalojnë kohën e tyre të lirë sa më të lumtura, duke shijuar kënaqësi të thjeshta dhe nëse është e nevojshme, duke iu drejtuar psikologëve për ndihmë.

Gratë franceze nuk do të ndjekin kurrë trendet e modës në dëm të shëndetit të tyre

Komoditeti dhe shëndeti vlerësohen mbi gjithçka tjetër për gruan moderne franceze. Këpucët e tenisit nuk i ndalojnë gratë franceze të qëndrojnë si “zonja”.

Gratë franceze nuk nxitojnë për martesë

Ndërsa gratë në vendet e tjera dëshirojnë të martohen sa më shpejt që të jetë e mundur, gratë franceze nuk përpiqen ta bëjnë këtë. Statistikat tregojnë se gjithnjë e më shumë ato preferojnë të fillojnë të kërkojnë “të duhurin” vetëm pasi të jenë 35-vjeç.

Gratë franceze nuk blejnë rroba të shtrenjta

Edhe pse Parisi është një nga kryeqytetet kryesore të modës në botë, vendasit nuk janë të etur të paguajnë një pasuri për rrobat. Realiteti është se parisienet moderne zgjedhin rroba me çmime të moderuara.

Gratë franceze nuk ndjekin dietat

Gratë parisiene të rritura as nuk mendojnë për dietat e rrepta. Në vend të kësaj, ato shijojnë ëmbëlsirat dhe brioshët e tyre të preferuar dhe vetëm pak kufizohen kur bëhet fjalë për meze dhe darka.

Gratë franceze nuk konsumojnë në vende të zhurmshme

Lokalet këtu nuk ndezin me zë të lartë muzikën, ato i ndihmojnë parisienet të harrojnë për ritmin e çmendur të qytetit të madh, të paktën për një minutë. /konica/ KultPlus.com

Kryetarja e Parisit gjobitet për shkak se ka punësuar shumë gra, Hidalgo: Jam e lumtur që jam gjobitur

Posted on by Kult Plus

“Shumë feministe” – Përgjigja tallëse e Kryetares të Parisit, Anne Hidalgo pasi u tha që ajo kishte thyer ligjin duke emëruar shumë gra në poste të larta.

Njëmbëdhjetë gra dhe pesë burra ishin promovuar në 2018, duke shkelur një rregull kombëtar 2013 të krijuar për të sjellë barazi gjinore në punësim.

Autoritetet e Parisit po gjobiten 90,000 € nga ministria e shërbimit publik.

“Unë jam e lumtur të njoftoj se jemi gjobitur,” tha zonja Hidalgo.

Rregulli i vitit 2013 nënkuptonte që jo më shumë se 60% e emërimeve të reja në pozitat menaxheriale në shërbimin publik duhet të shkojnë te një seks. Rekrutimi i zonjës Hidalgo pa 69% të vendeve të punës të u jepeshin grave.

Duke iu drejtuar një takimi të këshillit, ajo bëri shaka: “Menaxhmenti i bashkisë së qytetit, papritmas, është bërë tepër feminist” / KultPlus.com

Arsyet pse turistët zhgënjehen nga Parisi

Posted on by Kult Plus

Parisi më shumë se një vend. Në imagjinatën e shumicës prej nesh është një ndjesi. Përshkrimet e autorëve të mëdhenj në veprat e tyre, muzeumet e pasura në art dhe histori dhe sigurisht kulla Eiffel të bëjnë të kursesh deri në qindarkën e fundit për ta vizituar atë sa më parë.

Siç ndodh rëndom, realiteti është ndryshe. Shumë nga turistët, kthehen të zhgënjyer pasi e vizitojnë. Përveç faktit që pritshmëria e tyre s’ngjan me çfarë është aktualisht, arsye të tjera ndikojnë në shijen e hidhur që merr me vete nga ky udhëtim.

Madje, ekziston dhe një term që specifikon këtë lloj zhgënjimi që quhet:“Sindroma e Parisit”.

1. Kulla Eiffel!

Para se të ndodhemi atje, të gjithë ëndërrojnë të shohin atraksionin më të rëndësishëm të qytetit. Përballesh me zhgënjimin e parë që kur sheh turmën e madhe që pret në radhë për të vizituar kullën. Zhgënjimi numër 2 është vjen kur rojet e sigurimit të kontrrollojnë a thua se je sërish në aeroport. Bëhuni gati të kaloni disa orë të mira në pritje.

Këshillë: Më mirë të shijoni thjesht pamjen me kullën në sfond.

2. Turma të mëdha në hyrje të Louvre-it.

Sigurisht një tjetër vend shumë i famshëm është Louvre-i. Shumë nga turistët që nuk i kanë rezervuar më parë biletat, kalojnë me orë të tëra (ose një ditë të plotë) duke pritur në radhë.

3. Gratë franceze janë ndryshe nga çfarë shohim në filma

Në filmat francezë vajzat dallojnë për stilin e thjeshtë, por sharmant dhe të mistershëm. Ato kanë gjithnjë veshjen perfekte (të shoqëruar me një beret) , janë të pavarura dhe duken një mrekulli. Gratë franceze janë frymëzim stili, por kur t’i shihni nëpër rrugët e Parisit mund të konfuzoheni paksa.

Vajzat aty, nuk janë të fiksuara me pamjen siç mendonim. Veshin rroba të thjeshtë, nuk kanë thonj të kuruar dhe nuk bëjnë make up. Kjo ndryshon pas të 50-ve, kur vendosin të merren me veten deri në detajin më të vogël.

4. Ka shumë pak vende ku flitet anglisht.

Francezët e flasin shumë mirë anglishten, por ~për arsye të paditura~ zgjedhin të mos e flasin. Nëpër restorante menu-të janë vetëm në frengjisht, kështu që do t’ju duhet ta imagjinoni ushqimin.

5. Ushqimet në restorant vijnë në sasi shumë të vogla dhe faturat….

Mos prisni të ndiheni të ngopur kur shkoni në një restorant francez. Porcionet janë të vogla dhe shumë të shtrenjta. Kjo sepse për francezët, në fund të ditës vlen shija!

6. Ëndrrat për foto me sheshe dhe rrugë bosh do t’ju thyhen!

E dimë që keni bërë gati një galeri me pozat që do të shkrepni, por mos prisni të dalin siç keni menduar. Sheshet kryesore janë të mbipopulluara me turistë kështu që sfondi, s’do të jetë kurrë vetëm për ju. Bëjeni si bloger-et, zgjohuni sapo të agojë për të bërë një set të mirë!

7. Qyteti është i mbushur me plehra

Shumë turistë ankohen duke thënë se Parisi është i pistë. Edhe rrugët kryesore janë të mbushura me plehra dhe askush nuk merr mundimin për t’i hequr. Gjithsesi, nëse jeni vetëm 3 ditë, mos i kushtoni shumë rëndësi, ose shëtisni në mëngjes herët.

8. Ndihesh i pasigurtë

Parisi ka edhe anën e tij të errët. Qyteti është i mbushur me emigrantë nga vende të ndryshme. Shumë prej tyre shqetësojnë turistët, duke u përpjekur të shesin gjëra që nul i duhen dhe në rast se ata i refuzojnë, nervozohen, shkruan anabel. Në fakt, kjo nuk është pjesa më e keqe. Ka disa rrugë, siç janë North (Gare du Nord) dhe stacioni East (Gare de L’Est) në të cilat s’duhet të kaloni kurrë.

Përveç të tjerave, shumë prej atyre që e kanë vizituar Parisin, tregojnë njëzëri se nuk është qyteti më mikpritës në botë. Njerëzit nuk janë shumë të dashur me turistët, por gjithsesi edhe nëse përputhet me pritshmërinë tuaj, Parisi do të vijojë të mbetet nga ato vende që duhen parë patjetër një herë në jetë! Klan Kosova / KultPlus.com

Më 17 shkurt, kosovarët mund të vizitojnë Parisin

Posted on by KultPlus

Ambasada e Republikës së Kosovës në Francë dhe Ambasada e Francës në Kosovë, e organizojnë ngjarjen me qëllimin për t’i afruar banorët e dy kryeqyteteve në një ditë kaq të shënuar për kosovarët, në shenjë mirënjohjeje po ashtu për Francën, vend i cili ka kontribuar bujarisht në çlirimin dhe rindërtimin e Kosovës dhe që e njohu shtetin e ri të nesërmen e shpalljes së pavarësisë.

Nëse keni kureshtje për Parisin, më 17 shkurt është dita për një «vizitë virtuale» !
Dy pano LED të përmasave të mëdha, do t’ju ofrojnë mundësinë të shihni e përshëndesni kalimtarët e rastit, apo të lini takim virtual me miq e familjarë, të cilët jetojnë në Francë.

Kjo ngjarje do të zhvillohet më 17 shkurt, nga ora 11:00 deri më 16:30, para Ministrisë së Kulturës, Rinisë dhe Sporteve./KultPlus.com