Skiatori nga Kosova, Albin Tahiri, i cili është duke përfaqësuar Kosovën në Lojërat Olimpike Dimërore, ka garuar në dy pjesë për disiplinën e sllallomit, shkruan KultPlus.
Në disiplinën e sllallomit, në lëshimin e parë ai mori rezultat jo edhe aq të mirë, duke zënë vendin e 44-të nga 88 garues në total, kurse garën e përfunduan 52 sosh.
Albini pati kohën 1 minutë e 04.1 sekondë.
Në anën tjetër, Albin Tahiri ka zënë vendin e 37-të në disiplinën e sllallomit në Lojërat Olimpike Dimërore Pekini 2022.
Tahiri përmes një postimi në llogarinë në “Facebook”, tha se duhet të jetë i kënaqur me rezultatin e sotëm.
“Duke qenë se nuk stërvitem fare për sllallomin, duhet të jem i kënaqur me rezultatin e sotëm. Bëra disa kthesa të forta, por përndryshe ishte një ditë tjetër lufte për të qëndruar në kurs”.
Albini garoi në katër disiplina. Në lëshim ishte i 35-ti, në kombinim alpin i 15-ti, në sllallom të madh i 30-ti. Kiana garoi në sllallom të madh dhe doli e 49-ta. /KultPlus.com
