Coca-Cola, McDonald’s dhe PepsiCo janë ndotësit më të mëdhenj të ambalazheve në Britanine e Madhe, sipas një studimi vjetor për mbetjet.
Grupi i fushatës “Surfers Against Sewage”, i cili publikoi analizën e tij vjetore, shqyrtoi më shumë se 30 700 artikuj ndotës individualë, të mbledhur nga mbi 4 000 shkencëtarë përgjatë vijave bregdetare, shtigjeve të kanaleve dhe rrugëve të qytetit gjatë një periudhe 12-mujore, deri më 5 qershor.
Auditimi zbuloi se 12 kompani janë përgjegjëse për më shumë se dy të tretat (70%) të ndotjes gjatë vitit.
Coca-Cola u zbulua se ishte ndotësi më i madh në Britaninë e Madhe për të katërtin vit radhazi, përgjegjëse për pothuajse një të pestën (17%) të ndotjes së regjistruar nga shkencëtarët.
Ndotja ka vazhduar pavarësisht se kompania ka nisur iniciativat për reduktimin e ndotjes plastike.
McDonald’s u rendit në vendin e dytë me 11% të artikujve ndotës, e ndjekur nga PepsiCo këtë vit, e cila ishte në vendin e tretë.
Së bashku, Coca-Cola, McDonald’s dhe PepsiCo ishin përgjegjës për 37% të të gjithë ndotjes së mbledhur gjatë inspektimit, vetëm me dy pikë përqindje më poshtë nga shifrat e vitit të kaluar.
Ndotës të tjerë kryesorë janë gjithashtu, “Tesco”, “Haribo”, “Nestle”, “Heineken”, “Mars”, “Carlsberg” dhe “Red Bull”./KultPlus.com
