Etiketë: pianisti i ri

Vesa Berisha fiton çmimin kryesor në “Pianisti i Ri”

Posted on by Kult Plus

Në edicionin e 15-të festivali “Pianisti i Ri” arriti të mbledhë një numër në rritje të pianistëve të talentuar.

Më poshtë gjeni statusin e plotë të këtij festivali:

Finalen e “Pianistit të Ri” e madhështoi prezenca e ministrit të kulturës Hajrulla Çeku, si dhe mysafirëve tonë special: fituesi i edicionit 14-të Ledian Shala dhe Kori Okarina nën udhëheqjen e Prof. Elikona Hysaj Shala.

Jemi të lumtur që në këtë vit jubile rikthehemi me bashkëpunimin me një nga festivalet më të rëndësishme – DAM Festival, respektivisht mundësia e koncertimit të fituesit me Filharmoninë e Kosovës.

Na gëzon fakti që tash e 15-të vite, festivali “Pianisti i Ri” ka hapur dyert në skena ndërkombëtare për shumë nga fituesit e kësaj gare.

Interesimi në rritje i pianistëve të rinj dhe progresi i tyre ndër vite është shtysë që festivali “Pianisti i Ri” të vazhdon traditën në profilizimin e pianistëve premtues.

Një falenderim i veçantë jurisë profesionale për vlerësimin dhe punën e palodhshme: kryetare e jurisë Prof. Lule Elezi, anëtarët e jurisë: Prof. Nadjezhda Porodini dhe Prof. Danica Stojanova.

Urime të gjithë pjesëmarrësve dhe shumë suksese në edicionin e 16-të!

Çmimi i I-rë “Pianisti i ri 2022” bashkëpunim me DAM Festival – koncerton me Filharmoninë e Kosovës – Vesa Berisha

Çmimi “Fahri Beqiri” – Hillari Parangoni

Çmimi “Recital në DAM Festival” – Era Kume

Çmimi “Okarina”- Kejdi Pepaj & Riola Susuri

Stafi Organizativ:

Vlora Baruti – Drejtoreshë Ekzekutiv

Agron Shujaku – Drejtor Artistik

Yllka Shyti – Menaxhere / KultPlus.com

Përgatitjet e fundit për edicionin e 15-të të “Pianisti i Ri”

Posted on by KultPlus

“Pianisti i Ri 2022” këtë vit po shënon edicionin e 15-të dhe janë duke u bërë përgatitjet e fundit për realizimin e këtij festivali që mbledhë pianistë të moshave të ndryshme, shkruan KultPlus.

Vlora Baruti, organizatore e këtij festivali ka thënë për KultPlus se është falënderuese për pedagogët dhe të gjithë pianistët që kaluan në etapa të ndryshme përgjatë 14-të edicioneve paraprake.

“Posaçërisht veçojmë mundësinë që na ofron Festivali DAM, ku në bashkëpunim me Filharmoninë e Kosovës ndajnë edhe çmimin kryesor”, ka thënë Baruti, e cila ka njoftuar më pas se edhe këtë vit do të vazhdojë tradita me ndarjen e çmimit “Fahri Beqiri”.

Baruti në të njëjtën kohë ka specifikuar edhe bashkëpunimin me pianisten Birsen Ulucan, që nëpërmjet saj, që disa vite me radhë mundësohet koncertimi i pianistëve të rinj në Stamboll të Turqisë.

“Këtë vit na janë shtuar edhe disa çmime speciale, sikurse që kemi çmimin special nga Kori Okarina, ku do të mundësohet pjesëmarrja në koncertin e madh stinor nga Kori i Fëmijëve “Okarina”.

Edicioni i sivjetmë do të mbahet prej 11 deri më 13 qershor në Amfiteatrin e Bibliotekës Qendrore Universitare./ KultPlus.com

Ledian Shala fiton çmimin kryesor në Pianisti i Ri

Posted on by KultPlus

Edicioni i 14-të i Festivalit “Painisti i Ri’, që u mbajt në Prizren, po konsiderohet si një ndër edicionet e suksesshme të këtij festivali, pasi që në këtë garë u sfiduan 150-të pianistë, shkruan KultPlus.

Në mbrë;mjen finale ishte i pranishëm edhe Albin Kurti, kryeministri i Republikës së Kosovës i cili në këtë mbrëmje ishte i shoqëruar edhe nga ministri i Ministrisë së Kulturës Hajrulla Ceku, dhe Sazan Cuakj, nga Komuna e Prizrenit.

“Interesimi në rritje i pianistëve të rinj dhe progresi i tyre ndër vite, është shtysë që festivali “Pianisti i Ri” të vazhdon traditën në profilizimin e pianistëve premtues. Një falenderim i veçantë i shkon Komunës së Prizrenit për mbështetje, shkollës së muzikës “Lorenc Antoni” për bashkëpunimin, si dhe jurisë profesionale për vlerësimin: Herton Mikeli, Shkelzen Baftiari dhe Gent Kumnova”, ka thënë Vlora Baruti, drejtoreshë e këtij festivali.

Ndërkohë, më të suksesshmit e këtij edicioni dolën këta pianistë: Çmimi i I-rë “Pianisti i ri 2021” (300€) – Ledian Shala, çmimi i II-të (200€) – Riola Susuri çmimi i III-të (100€) – Jona Pireva,  çmimi “Fahri Beqiri” – Luna Shema, çmimi “DAM Festival” – Ledian Shala. Kurse pjesë organizative e këtij edicioni janë:  Vlora Baruti – Drejtoreshë Artistike Agron Shujaku – Menaxher Yllka Shyti – Administratore./ KultPlus.com

Gara ndërkombëtare “Pianisti i ri” vjen me edicionin e radhës

Posted on by KultPlus

Gara ndërkombëtare pianistike “Pianisti i Ri 2019” vjen me edicionin e 12-të më radhë, shkruan KultPlus.

Në bashkëpunim me Komunën e Prishtinës, “Pianisti i ri ” është pjesë e 20 aktiviteteve kulturore, sportive e inovative për përkujtimin e 20 vjetorit të çlirimit të qytetit të Prishtinës.

Kjo garë do të mbahet në mes datave 21-25 qershor në Amfiteatrin e Bibliotekës Qëndrore

Gara finale do të mbahet më datë 25 qershor në ora 19:00.

Çmimi i parë do të shpërblehet me 1000 euro, çmimi i dytë më 500 euro dhe çmimi i tretë me 300 euro.

Gjithashtu gjatë kësaj gare do të ndahen edhe çmimet tjera si: Çmimi i Filharmonisë – Koncert me Filharmoninë e Kosovës, çmimi “Fahri Beqiri”, Istanbul Ulucan dhe Dam Festival Recital. / KultPlus.com