Etiketë: pianistja Lule Elezi

Pianistja Lule Elezi performon në Copenhagen, veprat ua dedikoi viktimave të luftës në Ukrainë

Posted on by Kult Plus

Pianistja kosovare Lule Elezi së fundmi ka perfomuar në kryeqytetin danez Copenhagen, pasi ajo ka marrë ftesën nga Federata ‘Mjekët Shqiptarë Europë’, përcjell KultPlus.

Veprat që performoi, ajo ua dedikoi viktimave të luftës në Ukrainë.

“Vlen të theksohet se përkushtimi i Dr. Aurora Dolenberg dhe anëtarëve të Federatës së Mjekëve Shqiptarë, është për t’u admiruar. Ata me punën dhe përkushtimin e tyre, janë duke e ngritur imazhin e shqiptarëve kudo që jetojnë”, ka shkruar Elezi.

Më poshtë KultPlus ua sjell postimin e saj të plotë:

Ndjehem e privilegjuar që përformova në kryeqytetin danez në Copenhagen, pasi mora ftesën nga Federata Mjekët Shqiptarë Europë , më saktë nga presidentja Dr. Aurora Dollenberg në hapjen e Konferencës XI-të Evropiane të Mjekëve Shqiptarë.

Veprat që përformova, ua dedikova viktimave të luftës në Ukrainë dhe uroj që paqja sa më parë të mbretërojë atje.

Vlen të theksohet se përkushtimi i Dr. Aurora Dolenberg dhe anëtarëve të Federatës së Mjekëve Shqiptarë, është për t’u admiruar. Ata me punën dhe përkushtimin e tyre, janë duke e ngritur imazhin e shqiptarëve kudo që jetojnë. / KultPlus.com

Vajzat dhe gratë e Kosovës që shkëlqyen në botë – Lule Elezi

Posted on by Kult Plus

KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.

Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.

Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.

Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.

Në vazhdim, KultPlus ua sjell pianisten Lule Elezi, e cila ka koncertuar në skena vendore e ndërkombëtare, përfshirë në Suedi, Gjermani, Kinë, SHBA, Rusi, Japoni, Luksemburg, Francë, Bullgari, Itali, e të tjera.

Së fundmi Shoqata Ndërkombëtare “Chopin” pati organizuar në Vjenë koncertin e pianistes Lule Elezi. Në ngjarjen vjeneze, që zë vend më 15 nëntor, kjo pianiste kosovare luajti vepra nga kompozitorët e njohur Frederik Shopen, Ludvig Van Betoven dhe Rrauf Dhomi. Me këtë rast, pianistja Elezi promovoi edhe CD albumin pianistik.

Kryeqyteti i muzikës klasike kumboi nga interpretimi magjepsës i pianistes kosovare, Lule Elezi. Albumi i saj i incizuar gjatë pandemisë, në “Mozart House” në Vjenë, u prezantua pas koncertit, në koktelin e organizuar nga ambasadori kosovar. / KultPlus.com