Gjykata Themelore në Gjakovë kishte marrë vendim gjatë javës së kaluar që të dënoj me 24 vite e gjysmë burgim, Pjetër Ndrecaj. Ndërkaq gjatë ditës së sotme organizata ‘Replikë’ ka organizuar një aksion rrugor për të protestuar dhunimin e vajzave dhe grave, shkruan KultPlus.
Pas kësaj proteste ka reaguar edhe Mirishahe Syla e cila në rrjetin social Facebook ka shkruar se solidariteti fillon nga ndjenjat, por është proces politik. Sipas Sylës, Prishtina është vend ku njerëzit lehtësisht i harrojnë të vërtetat e mëdha duke u përqendruar në ato të vogla, në procese, e jo në qëllim.
Më poshtë mund të lexoni statusin e saj të plotë:
“Solidariteti nisë prej ndjenjave, por asht proces politik.”
Protestat kërkojnë shumë organizim, koordinim mes grupesh e vendeve të ndryshme, njohje të çashtjeve që adresohen; se si dhe ku duhet me u adresu. Kërkojnë angazhim shumëfish më të madh se ajo që në fund shihet në publik, kërkojnë besim në protestën si mjet që mund të përdoret për t’u organizu me të tjerët me të cilët ndajmë të njejtat besime për atë që duam të adresojmë, kërkojnë besim në protestën si formë e identifikimit dhe bashkimit të zërave përndryshe qëllimshëm të padëgjum.
Por asht nji element që u jep jetë të gjitha ktyne proceseve logjistike, ktyne metodave, të cilat përndryshe nuk kanë kuptim në vete, asht të besumit e thellë në atë që është e drejtë dhe në përgjegjesinë e secilit, sidomos kur i kemi mundësitë, për t’ngritë zanin kurdo që na ipet mundësia kundrejtë atyre padrejtësive, të cilat shumë njerëz në Kosovë, të përqendruar në Prishtinë, i kuptojnë thellësisht e madje i definojnë shumë mirë, por që nuk e di sa i “ndjejnë” ato? Sa frustrohen kur janë vetë në dhomë dhe nuk munden me u rahatu sepse e ndjejnë nevojën për të ‘bërtit’ për ato që ndodhin. Frustrimi kundrejtë padrejtësive fillon me ndjenja e pastaj bëhet politik.
Asnjana prej ktyne elementeve/mjeteve/metodave të nevojshme për t’u organizu nuk asht e mjaftushme nëse nuk kombinohen me këtë të dytën.
Në Prishtinë, në vendin ku janë të përqendrune të gjitha institucionet kryesore të vendit, ktu ku lëvizja e njerëzve asht ma e madhja krahasu me vendet tjera, në Prishtinë ku gjatë pauzave i ke kafenetë e mbushuna me njerëz, thirrjes për të protestu vrasjen e grave, thirrje jetike sidomos në këto kur po duket kaq problematike me u mbledhë me të tjerët, përjashto këtu kafenetë që vlojnë me njerëz, u përgjigjen diku 15 njerëz. As 200 nuk pritet me u mbledhe në këto kohë, por nja 50 sigurt edhe asht dasht me qenë sot aty, në shesh, nëse kurgjo tjetër, për të ozurpu hapsinat publika për diçka tjetër përveq shetitjes e kafes.
Prishtina asht vendi i protestave, por edhe asht vend i toksicitetit social deri në palcë – gja që qon jo vetëm në injorim të kërkesave të tilla, por edhe në sabotim të përpjekjeve për t’i problematizu ato. Asht vend ku njerëzit lehtësisht i harrojnë të vërtetat e mëdha duke u përqendru në ato të vogla, në procese, e jo në qëllim./ KultPlus.com
