Etiketë: Politico

Politico: Era është 100 për qind e rritur në vendlindje, për dallim nga Rita Ora e Xherdan Shaqiri

Posted on by Kult Plus

Prestigjiozja “Politico” që bën listën e 28 personave që pritet të kenë ndikim në botë në vitin vijues, këtë herë ka përfshirë Era Istrefin si ambasadore të Kosovës.

Ndwrsa për Kosovën, krahas Erës përmenden edhe yjet Rita Ora e futbollisti i Liverpoolit, Xherdan Shaqiri. Por për dallim nga ta, “Politico” shkruan se “Istrefi është 100 për qind e rritur në vendlindje – provë për fansat e saj në vend se talenti mund të depërtojë”.

Era për vitin 2019 synon të sjellë albumin e saj të parë. “Politico” ka përmendur edhe stilin muzikor të Erës që krahasohet me Sian dhe Rihannan./ KultPlus.com

Politico: Era Istrefi me fotografinë me shqiponjë kërkoi njohjen e Kosovës në gjithë botën

Posted on by Kult Plus

Prestigjiozja “Politico” që bën listën e 28 personave që pritet të kenë ndikim në botë në vitin vijues, këtë herë ka përfshirë Era Istrefin si ambasadore të Kosovës.

Ndër të tjera që ka shkruar kjo gazetë për këngëtaren kosovare, e kanë vlerësuar edhe si një përfaqësuese e gjeneratës së re të kulturës dhe sportit që po promovojnë shtetin.

“Dhjetë vjet pasi Kosova shpalli pavarësinë, Istrefi është pjesë e gjeneratës së re të artistëve dhe yjeve të sportit që po promovojnë vendin – dhe Ballkanin – si imazh alternativ në krahasim me atë të dominuar nga varfëria, krimi dhe politikanët e korruptuar që grinden për të ardhmen”, shton “Politico”.

“Edhe pse nuk këndon për politikë, beteja për të ardhmen e Kosovës ia kërcënoi momentin në Botëror. Rusia, që nuk njeh territorin, refuzoi ta linte të hynte me pasaportë kosovare. Fatmirësisht, Shqipëria i dha nënshtetësinë, duke ia mundësuar asaj performancës në ceremoninë e ndjekur nga miliona njerëz”, shkruan “Politico”.

“Veç fakti që isha aty, ishte deklaratë e mjaftueshme politike”, ka thënë ajo.

“Politico” ka shkruar po ashtu se Era me shqiponjë përmes Instagramit ka kërkuar njohje për Kosovën në gjithë botën./ KultPlus.com