Premiera e filmit No Time To Die

“No time to die”, filmi i shumëpritur nga publiku shfaqet në Tiranë

Posted on 9 Tetor, 202110 Tetor, 2021 by Kult Plus

Filmi i shumëpritur nga publiku, “No time to die”, ndoshta i fundit i sagës së agjentit 007, ka mbërritur edhe në Tiranë.

Pasditen e sotme, u shfaq në kinema Millenium, filmi i agjentit James Bond, ndërsa të pranishëm ishin edhe kryebashkiaku i Tiranës, Erion Veliaj dhe dhe ambasadori anglez Alastair King-Smith.

Pjesë e kësaj ceremonie ishte edhe parakalimi në tapetin e kuq, ku të ftuar VIP do të fotografohen apo mund të intervistohen.

Filmi ”No Time To Die” pati menjëherë arkëtime të bujshme me rreth 5,8 milionë dollarë në ditën e tij të parë të plotë në kinematë e Britanisë së Madhe dhe Irlandës në fillim të tetorit.

”Kënga e mjellmës” e James Bond nga aktori Daniel Craig mbërriti pas një vonese të gjatë për shkak të pandemisë dhe i dha industrisë së filmit një nxitje shumë të nevojshme.

”No Time To Die”, i drejtuar nga regjisori amerikan Cary Joji Fukunaga dhe gjithashtu me protagonistë Lea Seydoux, Rami Malek dhe Lashana Lynch, pritet të fitojë 90 milionë dollarë në fundjavë./ atsh/ KultPlus.com

“No Time To Die”, arrin arkëtime rekord

Posted on 1 Tetor, 20212 Tetor, 2021 by Kult Plus

Filmi ”No Time To Die” pati menjëherë arkëtime të bujshme me rreth 5,8 milionë dollarë në ditën e tij të parë të plotë në kinematë e Britanisë së Madhe dhe Irlandës.

”Kënga e mjellmës” e James Bond nga aktori Daniel Craig mbërriti pas një vonese të gjatë për shkak të pandemisë dhe i dha industrisë së filmit një nxitje shumë të nevojshme.

Arkëtimet e filmit ishin 13% më të larta se ”Spectre” e vitit 2015 dhe 26% më të ulëta se ”Skyfall”, sipas ”EON Productions”, MGM, ”Universal Pictures International” dhe ”United Artists Releasing”.

”No Time To Die” do të ketë shfaqjen më të madhe teatrale të të gjitha kohërave në Britaninë e Madhe me 772 kinema që shfaqin filmin, pra 25 më shumë se mbajtësi i mëparshëm i rekordeve ”Star Wars: The Rise of Skywalker”, sipas prodhuesve.

Më shumë se 30 000 njerëz morën pjesë në shfaqjet e mesnatës pasi filmi shiti 1 620 000 bileta paraprakisht për hapjen e tij katërditore.

Filmi do të jetë i disponueshëm edhe në Brazil, Gjermani, Itali, Japoni, Meksikë dhe Spanjë. / KultPlus.com

Kinematë në Britaninë e Madhe punësojnë staf shtesë për premierën e filmit ‘No Time To Die’

Posted on 25 Shtator, 202125 Shtator, 2021 by Kult Plus

Paraqitja e fundit e Daniel Craig si agjenti 007 pritet të jetë fundjava më e madhe e hapjes në arkat britanike që nga ‘Avengers: Endgame’ më shumë se dy vjet më parë, pasi kinematë kanë punësuar qindra staf shtesë për të përballuar “Bondmanian”, transmeton KultPlus.

Shitjet paraprake të biletave kanë vënë ‘No Time to Die’ në rrugën e duhur për të qenë filmi i dytë me fitimin më të madh në 59 vjet, para se ai të ketë premierën botërore më 30 shtator.

Filmi vjen 18 muaj me vonesë dhe katër ndryshime në datën e shfaqjes. Pronarët e kinemave po bëjnë të gjitha hapat për të kënaqur kërkesën e publikut për filmin që do të shfaqet në më shumë se 700 kinema në Mbretërinë e Bashkuar dhe Irlandë.

“Do të jetë fundjava më e madhe hapëse që kur filloi pandemia,” thotë Tim Richards, shefi ekzekutiv i Vue, operatori i tretë më i madh i kinemavenë Mbretërinë e Bashkuar. /KultPlus.com