Duka britanik dhe Dukesha e Kembrixhit shprehën solidaritetin e tyre me popullin ukrainas.
Princi William dhe Kate postuan në Twitter mbështetjen e tyre për presidentin ukrainas Volodymyr Zelensky dhe “të gjithë popullin ukrainas” në një postim të nënshkruar personalisht me inicialet e tyre.
“Në tetor 2020 patëm privilegjin të takoheshim me Presidentin Zelenskyy dhe Zonjën e Parë për të mësuar për shpresën dhe optimizmin e tyre për të ardhmen e Ukrainës.
“Sot ne jemi me presidentin dhe të gjithë popullin ukrainas teksa ata luftojnë me guxim për vendin e tyre” shtuan ata.
Në tetor 2020, William dhe Kate mirëpritën Zelensky dhe gruan e tij Olena në Buckingham Palace për një audiencë në emër të mbretëreshës.
Çifti mbretëror u takua me presidentin dhe bashkëshorten e tij, të cilët ndodheshin në një vizitë dyditore, në dhomën e fronit të pallatit./ KultPlus.com
Princi britanik William bëri thirrje që shoqëria të bashkohet në riparimin e planetit, pak para ceremonisë inauguruese të shpërndarjes së parë të çmimit të tij për mjedisin.
Princi William dhe bashkëshortja e tij, Kate, do t’u bashkohen sot një morie personazhesh të famshëm, në ceremoninë e Çmimit Earthshot.
Duka i Kembrixhit e nisi këtë iniciativë të shpërndarjes së çmimit të tij ambicioz për të gjetur zgjidhje për problemet mjedisore të planetit dhe për të kapërcyer pesimizmin e ndjerë nga shumë njerëz për të ardhmen e tij.
Gjyqtarët e Çmimit Earthshot përfshijnë sir David Attenborough, aktoren Cate Blanchett dhe këngëtaren Shakira, të cilët do të ecin në tapetin e gjelbër në ngjarjen që po mbahet në Pallatin Alexandra në veri të Londrës.
“Ne jemi gjallë në kohën më të rëndësishme në historinë njerëzore … Veprimet që zgjedhim ose zgjedhim të mos ndërmarrim në 10 vitet e ardhshme do të përcaktojnë fatin e planetit për 1 000 vitet e ardhshme”, tha Princi William, në një film të shkurtër të regjistruar në London Eye.
“Një dekadë nuk duket e gjatë, por njerëzimi ka një rekord të jashtëzakonshëm të aftësisë për të zgjidhur të pazgjidhshmen”.
“Shumë nga përgjigjet janë tashmë atje… por ne kemi nevojë që të gjithë, nga të gjitha fushat e shoqërisë, të ngrenë ambicien e tyre dhe të bashkohen në riparimin e planetit tonë”.
“Të ardhmen e kemi ne në dorë që ta përcaktojmë dhe, nëse e vendosim këtë në mendjen tonë, asgjë nuk është e pamundur”.
Ed Sheeran, Coldplay dhe KSI do të performojnë gjatë ceremonisë, kurse aktorët Dame Emma Thompson, Emma Watson dhe David Oyeloëo, si edhe sulmuesi i Liverpool, Mo Salah, do të shpërndajnë çmimet.
Ceremonia vjen para konferencës COP26 të OKB-së për ndryshimet klimatike, në Glasgoë, ku do të marrë pjesë Mbretëresha Elizabeth II, Duka dhe Dukesha e Kembrixhit, si edhe Princi i Uellsit dhe Dukesha e Kornuallit./ /atsh/KultPlus.com
Duka i Kembrixhit ka kritikuar garën në hapësirë dhe turizmin hapësinor duke thënë se mendjet më të ndritura në botë duhet të përqendrohen në përpjekjen për të shëruar Tokën.
Komentet e William u bënë të ditura një ditë pasi William Shatner i ”Star Trek” bëri histori duke u bërë personi më i moshuar që udhëtoi në hapësirë.
Aktori 90-vjeçar, i njohur më së miri për rolin e tij si kapiteni James T Kirk, u nis të mërkurën nga shkretëtira e Teksasit në bordin e një rakete të ndërtuar nga kompania e udhëtimit në hapësirë, themeluesi i ”Amazon” Jeff Bezos, ”Blue Origin”, transmeton KultPlus.
Duka, i cili u intervistua për ndryshimet klimatike para edicionit të tij të parë të çmimit ”Earthshot”, theksoi se “ne kemi nevojë për disa nga mendjet më të ndritura në botë të vendosur për të provuar dhe rregulluar këtë planet, jo për të kërkuar vende të tjera për të jetuar”.
Duka shprehu shqetësimet e tij në lidhje me rritjen e ankthit ndaj klimës te të rinjtë dhe tha se do të ishte një “katastrofë absolute” nëse djali i tij i madh, princi George, do të duhej të fliste për të njëjtin problem pas 30 vitesh, kur do të ishte tepër vonë.
“Ne po shohim një rritje të ankthit ndaj klimës. Të rinjtë tani po rriten atje ku e ardhmja e tyre është kërcënuar në mënyrë thelbësore gjatë gjithë kohës. Është shumë shqetësuese”, theksoi ai. / KultPlus.com
Princi William ishte vetëm 15 vjeç kur nëna e tij, Princeshë Diana, ndërroi jetë në një aksident tragjik në Paris. Së fundmi, princi ka rrëfyer momentin e vështirë kur mori vesh për ndarjen nga jeta të së ëmës.
“Skocia është burimi i shumë kujtimeve të lumtura. Por edhe më të trishtuarave. Isha në kështjellën e Balmoral kur më thanë se nëna ime ndërroi jetë. Ende i tronditur, po atë mëngjes gjeta një vend të shenjtë në shërbim në Crathie Kirk. Dhe në ditët e errëta të pikëllimit që pasuan, gjeta rehati dhe qetësi jashtë në Skoci. Si rezultat, lidhja që ndjej me Skocinë do të jetë gjithmonë e thellë”, është shprehur Princi William.
Ai ka shtuar se Skocia do të ketë gjithmonë një vend special në zemrën e tij dhe se aty ka shkuar që kur ka qenë një djalë i vogël.
Por përveç kujtimit të hidhur për nënën e tij, William ka treguar se në Skoci ka pasur edhe momentin më të bukur të jetës, njohjen me bashkëshorten e tij, Kate Middleton.
“Dhe përveç këtij kujtimi të dhimbshëm, aty kam dhe një moment shumë të lumtur. Sepse ishte këtu në Skoci, 20 vite më parë, kur u njoha për herë të parë me Catherine. Nuk ka nevojë ta them se qyteti ku takon gruan tënde të ardhshme mban një vend shumë special në zemrën tënde”, është shprehur Princi William. / Konica.al / KultPlus.com
Princi William ishte vetëm 15 vjeç kur nëna e tij, Princeshë Diana, ndërroi jetë në një aksident tragjik në Paris. Së fundmi, princi ka rrëfyer momentin e vështirë kur mori vesh për ndarjen nga jeta të së ëmës.
“Skocia është burimi i shumë kujtimeve të lumtura. Por edhe më të trishtuarave. Isha në kështjellën e Balmoral kur më thanë se nëna ime ndërroi jetë. Ende i tronditur, po atë mëngjes gjeta një vend të shenjtë në shërbim në Crathie Kirk. Dhe në ditët e errëta të pikëllimit që pasuan, gjeta rehati dhe qetësi jashtë në Skoci. Si rezultat, lidhja që ndjej me Skocinë do të jetë gjithmonë e thellë”, është shprehur Princi William.
Ai ka shtuar se Skocia do të ketë gjithmonë një vend special në zemrën e tij dhe se aty ka shkuar që kur ka qenë një djalë i vogël.
Por përveç kujtimit të hidhur për nënën e tij, William ka treguar se në Skoci ka pasur edhe momentin më të bukur të jetës, njohjen me bashkëshorten e tij, Kate Middleton.
“Dhe përveç këtij kujtimi të dhimbshëm, aty kam dhe një moment shumë të lumtur. Sepse ishte këtu në Skoci, 20 vite më parë, kur u njoha për herë të parë me Catherine. Nuk ka nevojë ta them se qyteti ku takon gruan tënde të ardhshme mban një vend shumë special në zemrën tënde”, është shprehur Princi William. / Konica.al / KultPlus.com
Princi William dhe Kate Middleton kanë thënë “se nuk është e drejtë ” ta urojnë Krishtlindjen këtë vit dhe ” po shpresojnë për një 2021 më të mirë ” përpara se të dërgojnë mendimet dhe dashurinë e tyre tek ata persona që do ta kalojnë vetëm këtë ditë.
Në Twitterin zyrtar të Pallatit Mbretëror, Duka dhe Dukesha, të dy 38 vjeç kanë shkruar:
” Të urojmë gëzuar Krishtlindjen këtë vit nuk është e drejtë, kështu që jemi duke shpresuar për një 2021 më të mirë . Këtë Krishtlindje mendimet tona janë me ata që po e kalojnë ditën vetëm, me ata që po vajtojnë për humbjen e një personi të dashur dhe për të gjithë ju që po shpenzoni energjinë tuaj për të na rikthyer sërish jetën tonë”.
Postimi erdhi një javë pasi Kryeministri britanik lajmëroi se data 25 nuk do të ishte ashtu siç u planifikua, duke bërë që Duka dhe Dukesha të anulonin planet e tyre ashtu si gjithë familjet e tjera të vendit.
Planet e tyre kishin qenë që bashkë me fëmijët , George, Charlotte dhe Louis, të vizitonin shtëpinë e klasës së II të Middletons në Bucklebery, shkruan Emily Andrews për Mail të Dielën.
Motra e Kate, Pippa, burri i saj James dhe djali i tyre Arthur gjithashtu do t’i bashkoheshin familjes në Bucklebury për Krishtlindje.
Do të jetë e trishtueshme për Mike dhe Carole të cilët kishin planifikuar Krishtlindjen e tyre të parë me të katërt nipërit dhe mbesat .
Si një “mbretëreshë e kuzhinës ” Carole bëri të ditur dy vite më parë në një intervistë se gatimet e saj tipike të Krishtlindjes ishin “byrek me mish të grirë dhe verë.”
Sot familja mbretërore do të festojë vetëm. / KultPlus.com
Princi William ishte vetëm 14 vjeç kur martesa e prindërve të tij mori fund. Asokohe për të miturin ishte e vështirë të përballonte ndarjen në fjalë, në një kohë kur mbarë bota po monitoronte historinë mbretërore.
Teksa procedurat e divorcit vazhdonin, Diana dhe princi Charles duhet të vendosnin se çfarë do ndodhte me titullin e saj mbretëror. Mbretëresha ishte mëse dakord që Diana të vazhdonte ta mbante titullin e saj të Lartësisë Mbretërore, por Charles këmbënguli që ajo të hiqte dorë dhe kështu ndodhi.
E gjitha kjo e mbajti princeshën akoma më larg familjes, çka nënkuptonte se Diana duhet të përulej edhe përpara vetë fëmijëve të saj. Princi William, i cili studionte në kolegjin Eton u sigurua t’i gjendje së ëmës pranë në ato kohëra të vështira. Madje, i dha edhe një premtin!
Në librin e Paul Burrell- it mësohet se i riu William iu betua të ëmës se një ditë do t’ia rikthente titullin:
“Mos u mërzit mamush, do të ta kthej [titullin] mbrapsht një ditë kur të bëhem mbret.”
Sidoqoftë, i biri nuk mundi dot ta mbante fjalën. E ëma vdiq pak vite më vonë, më 31 gusht 1997. / Koha.net / KultPlus.com
Princi William së fundmi ka vizituar organizatën ‘Albert Kennedy Trust’ për të mësuar më shumë rreth çështjes së të pastrehëve LGBTQ, kur biseda më pas u kthye nga fëmijët e tij (George, Charlotte dhe Louis).
Në një bashkëbisedim me një grup të rinjsh, Princi është shprehur se do t’i mbështeste me gjithë zemër nëse fëmijët e tij janë homoseksualë.
Atij i ishte drejtuar pyetja, “Nëse një ditë në të ardhmen fëmija juaj thotë ‘Unë jam homoseksual, unë jam lesbike’, si do të reagonit?”.
“Mendoj që nuk të shkojnë në mendje ato gjëra deri në momentin që bëheni prind dhe mendoj – normalisht, nuk do ta kisha problem”, u përgjigj Princi përmes Daily Mail.
“E vetmja gjë që do merakosesha – specifikisht rolet që do luanin fëmijët e mi në botë – si do të shihen dhe interpretohen nga të tjerët”.
“Unë dhe gruaja ime (Kate Middleton) kemi menduar shumë që t’i përgatisim”, vazhdoi ai dhe shtoi “Mendoj që komunikimi është i rëndësishëm në çdo aspekt, në mënyrë që të kuptosh duhet të flasësh për të gjitha gjerat, dhe të mbështetni njëri tjetrin në çfarë do lloj procesi”.
Princi vazhdoi më tej “Më merakos pak, jo nëse janë homoseksual, por më merakos se si të tjerët do të reagojnë dhe perceptojnë sepse do të kenë shumë presion pastaj”. /Telegrafi/KultPlus.com
Princi William së fundmi ka folur për humbjen tragjike të nënës së tij Princeshës Diana, i cili thotë se ia ka ndërruar tërësisht jetën. Ai ka thënë se humbja e nënës së tij në moshë të re ishte një dhimbje mjaft e madhe për të.
Në një vrojtim për BBC-në është realizuar një temë e veçantë për familjen mbretërore, “Trajtimi i Shëndetit Mendor”, i cili synon të ndihmojë të tjerët të flasin për emocionet e tyre, sidomos meshkujt, William, ka folur për përvojën e tij me pikëllimin.
“Mendoj se kur dikush ka vdekur në moshë të re, ndjeni dhimbje të madhe më shumë se çdo herë tjetër. Në jetën tuaj do të jetë shumë më e vështirë, që të hasni në një dhimbje tjetër më të madhe se ajo”, ka thënë William.
Princesha Diana me Prince William dhe Prince Harry (Foto: Tim Graham/Getty Images/Guliver)
Megjithatë, William vëren se edhe pse humbja e një të dashuri mund të jetë shumë sfiduese për të kapërcyer, ai gjeti forcë në ndarjen e historisë së tij me ata që përjetuan të njëjtën gjë.
Kujtojmë që princesha Diana vdiq në vitin 1997 si rezultat i lëndimeve të pësuara në një aksident trafiku në Paris. /KultPlus.com
