Etiketë: Prishtina International Vocal Festival

Nesër nis PriVocalFest, sjell një program të pasur me artistë të njohur

Posted on by Kult Plus

Prishtina International Vocal Festival i cili u themelua në vitin 2018 si i vetmi festival në vendin tonë që promovon muzikën vokale, është gati për edicionin e 5-të i cili do të nis nesër, më 6 tetor, shkruan KultPlus.

Që nga krijimi, festivali ka arritur të sjell në vend artist, ansamble, kore të njohura ndërkombëtarisht me renome botërore por duke mos lënë anash dhe ata vendor. Përveç aktiviteteve koncertale synimi i tyre është të promovojë poashtu vepra vokale nga kompozitorët shqiptar, duke i futur në repertorët e interpretuesve vendor dhe ndërkombëtar.

Aktiviteti i PriVocalFest zgjerohet edhe në aspektin e ofrimit të njohurive rreth vokalit, kompozitorëve të muzikës vokale dhe performancave të ndryshme e karakteristike duke organizuar punëtori/masterklase me profesionist të fushës.

Këtë vit (2022) Prishtina International Vocal Festival feston 5 vjetorin e themelimit, me një edicion special ku do të ketë një program atraktiv dhe mjaft të pasur me artist të njohur.

Këtë vit, festivali nisi me një koncert i cili i parapriu edicionit të pestë, koncert ky i mbajtur në muajin maj, ku e ftuar në skenë ishte mexosoprano Elikonë Hysaj Shala nën shoqërimin e pianistes Pranvera Hoxha Bryma, me mysafirë special, korin e fëmijëve dhe të grave “Okarina” të cilët sollën një program shumë simpatik dhe atraktiv.

Në vazhdën e festivalit këtë edicion do jenë 5 netë me koncerte të pasura me vokale të ndryshme, laramani veprash e kompozitorësh vendor dhe të huaj; dhe me një ndryshim nga vitet e kaluara këtë edicion përveç netëve koncertale vokale, është organizuar edhe një panel diskutimi me kompozitorin e njohur botëror Ēriks Ešenvalds. Koncertet e këtij edicioni do të mbahen nga data 6 deri më 12 Tetor 2022.

Hapja e këtij edicioni do të bëhet nesër me Ansamblin “Argjiro” të cilët do interpretojnë perla të muzikës karakteristike labe, trashëgiminë dhe pasurinë e muzikës vokale shqiptare, këngë si: epike, lirike, dashurie, trimërie etj; duke vazhduar me panelin e diskutimit rreth krijimtarisë së kompozitorit të njohur botërisht me prejardhje nga Letonia- Ēriks Ešenvalds, një diskutim rreth veprës Legjenda e gruas së murosur, vepër e kompozuar nga Ešenvalds e cila ndërtohet mbi motivet e muzikës së Jugut të Shqipërisë.

Data 6 Tetor (Koncerti dhe paneli do të mbahen në Modelariumin e Fakultetit të Arkitekturës, nga ora 20:00). Nata e dytë e këtij edicioni vazhdon me Skena e Re, ku do të prezantohen në skenë Kori i fëmijëve të shkollës së muzikës së Gjilanit të udhëhequr nga Artan Jerliu dhe në pjesën e dytë të programit do të jetë Martina Lekaj, soprano dhe Ylberinë Avdyli, soprano. Kjo mbrëmje që mbahet më 7 tetor në Amfiteatrin e Bibliotekës Universitare, nga ora 20:00. Nata e tretë e festivalit do vazhdojë me The Siwngle Singers- ansambli me renome botërore, fitues të 5 çmimeve Grammy Awards, për herë të parë në Kosovë duke sjellur programin e tyre atraktiv përmes këndimit shumë specifik me efekte vokale dhe program të përzgjedhur me pjesë mjaft interesante. Data 10 Tetor (Ky koncert do të mbahet në qendrën “Bogdani Polis”-katedralja “Nëna Terezë” nga ora 20:00 )

Nata e katërt e PIVF do vazhdoj me sopranon e skenës sonë Arta Jashari e shoqëruar nga pianistja Pranvera Hoxha Bryma. “Mbi Re” është quajtur programi i cili përmban këngë të përpunuara dhe të mirëfillta shqipe të së madhes Nexhmije Pagarusha. Data 11 Tetor (Ky koncert do të mbahet në Amfiteatrin e Bibliotekës Universitare, nga ora 20:00)

Dhe nata e pestë dhe përmbyllëse e festivalit sjell në skenë Korin e Filharmonisë së Kosovës të udhëhequr nga kompozitori, dirigjenti Ēriks Ešenvalds të cilët do interpretojnë program me vepra nga kompozitor të ndryshëm duke përfshirë dhe vepra nga krijimtaria e Ešenvalds si dhe kompozitorëve shqiptarë. Data 12 Tetor (Ky koncert do të mbahet në Kishën Katolike “Shën Ndou”-Prishtinë, nga ora 20:00). /KultPlus.com

Arta Jashari në “Mbi Re”: Nexhmije Pagarusha është një thesar shumë i rëndësishëm i zhvillimit tonë kulturor e artistik

Posted on by Kult Plus

Uranik Emini

“Muzika është një vepër arti që shkon nga veshi drejt e në zemër”.

Muzika përgjithësisht perceptohet si më universalja nga të gjitha format e artit. Ajo është një lloj arti unik që na stimulon trunin tonë duke na ngjallur përgjigjje nga të gjitha shqisat tona njerëzore. Krijimi i një vepre arti të veçantë dhe origjinale që të dalllohet nga konkurrenca kërkon origjinalitet. Arti nuk është thjesht një shprehje a diçkaje që ndodhë çdo ditë. Ka shumë lloje të ndryshme të artit, por muzika ka ndikuar në jetën e shumë njerëzve dhe është integruar në ekzistencën tonë të përditshme, shkruan KultPlus.

Kurdo herë që flasim për art në Kosovë, artin e muzikës, është e paimagjinueshme të mos e përmendim figuën e madhe të Nexmije Pagarushës. Programi “Mbi Re” i Prishtina International Vocal Festival do të përmbajë këngë të përpunuara dhe të mirëfillta shqipe të Pagarushës.

Këto këngë do të këndohen nga Arta Jashari, si soprano, e përcjellur nga Pranvera Hoxha Bryma në piano, Yllka Simnica në flautë, Astrit Stafai në kitarë dhe në trumpetë do të jetë Avni Krasniqi.

Në një intervistë për KultPlus, Arta Jashari thotë se të performuarit këngë nga Nexhmije Pagarusha i është dashur që të ndjekë shkolla profesionale jashtë vendit për një kohë të gjatë.

“Diva shqiptare e muzikes Nexhmije Pagarusha ishte dhe do mbetet një ndër zërat më unik në historinë tonë, e cila duhet ruhet me zilinë më të madhe si thesar shumë i rëndësishëm i zhvillimit tonë kulturor e artistik si shoqëri. Unë që nga moshat më të hershme kam shkuar në shkollime jashtë vendit, e them këtë sepse më është dashur që të arrij një pjekuri vokale dhe profesionale mjaft të bujshme që të mund të “guxoj” të marr një iniciativë të tillë, shumë të rëndësishme për mua si artiste – të rikthej këngët madhështore të Nexhmije Pagarushës”, thotë ajo.

Tutje, Jashari njofton se në këtë program do të jenë 12 këngë, të cilat janë duke i përshtatur për një format koncertal.

“Kam hulumtuar dhe përzgjedhur afro 12 këngë, të cilat jemi duke i pështatur në format koncertal, pra për piano, vokal dhe instrumentistë mysafirë, të cilët i falenderoj shumë për gadishmërinë e pjesëmarrjës në Koncert”.

Me ndihmën e kolegëve të mij, duke nisur nga aranzhuesi i këngëve kompozitori Kreshnik Aliçkaj, pianistja Pranvera Hoxha-Bryma jemi duke bërë prova dhe pregaditje çdo ditë për këtë program.

Dëshira e përzier me përgjegjësi për të risjellë muzikë të mirëfilltë shqipe

Muzika konsiderohet si shtrirja e së vërtetës së pakufishme; i lejon individët të shprehen në çfarëdo mënyre; është një formë arti mbarëbotërore që nuk mund ta injorojmë; dhe u paraqet interpretuesve mundësi të shumta vendimmarrëse çdo ditë.

“Këngët të cilat jam duke i punuar janë diçka krejtësisht ndryshe prej asaj çfare unë këndoj tash e 17 vite në skenë. Teknika është krejt tjetër, regjistri vokal dhe mund të them që përveq muzikes aq të bukur së Nexhmije Pagarushës, çdo herë e më shumë më duket e jashtëzakonshme për atë çfarë ajo ka krijuar në kohën e saj dhe aftësive të saj vokale”, shprehet Jashari, duke treguar se është një dëshirë e madhe e saj që të risjellë muzikën e mirëfilltë shqipe me një përgjegjësi shumë të madhe profesionale.

Një jetë në skenë bashkë = kombinim energjik

“Pianistja dhe korepetitorja Pranvera Hoxha-Bryma dhe unë kemi pothuajse një jetë të tërë në skenë. Korepetitori është ai apo ajo që përbën boshtin e programit dhe ne jemi nje kombinim energjik, të cilin besoj arrijnë t’a vërejnë publiku patjetër”.

Jashari mes tjerash përmend edhe faktin që ata kanë dëshmuar mirë interesimin e publikut për muzikën klasike.

“Ne i qëndrojmë besnik publikut dhe ardhjes në çfarëdo hapësire të improvizuar që ne si artistë të muzikës klasike mundohemi të iu ofrojmë. Nuk dyshoj as për koncertin në fjalë, meqë është për herë të parë një format i tillë skenik dhe me muzikë shqipe”, përfundon ajo.

Ky koncert do të zë vend në Amfiteatrin e Ri të Bibliotekës Universitare më 11 tetor me fillim nga ora 20:00.

“Pri Vocal Fest” do të fillojë më 6 tetor dhe do të përfundojë më 12 tetor, ku edhe shënohet 5 vjetori i themelimit të këtij festivali. Artistë nga vendi dhe skena ndërkombëtare do të paraqiten përgjatë këtyre gjashtë ditëve. /KultPlus.com

Elikonë Hysaj-Shala dhe Pranvera Hoxha-Bryma të premten në koncertin “Pre – PrIVocalFest”

Posted on by Kult Plus

Koncerti i cili do të paraprijë edicionin e pestë të “PrlVocalFest” do të mbahet në Kishën Katolike “Shën Ndou” duke filluar nga ora 19:00, përcjell KultPlus.

Në këtë koncert, në skenë do të jetë mezosopranoja Elikonë Hysaj-Shala nën shoqërimin e pianistes Pranvera Hoxha-Bryma me mysafirë special, korin e fëmijëve dhe të grave “Okarina”, të cilët do sjellin një program shumë simpatik e të veçantë për publikun.

Numri i pjësmarrësve është i kufizuar, andaj ju lutemi të rezervoni ulësen tuaj në linkun e mëposhtëm! Përmes një emaili ju mund të rezervoni dy ulëse.

https://www.privocalfest.com/event/4?fbclid=IwAR1flY7SK7DiLdEJou1Uvy9ZyiPmFADZXTjjJpks3YIl2mjId8lsguy8qhE

Ndërkaq, “Prishtina International Vocal Festival” do të mbahet në muajin tetor të këtij viti. / KultPlus.com

Përmbyllet “Prishtina International Vocal Festival”, solli koncerte cilësore të muzikës klasike

Posted on by Kult Plus

Ministria e Kulturës, Rinisë dhe Sportit përmes një postimi në rrjetin social Facebook, ka bërë të ditur se pjesë e publikut në mbrëmjen e tretë të festivalit “Prishtina International Vocal Festival”, ishte edhe ministri i Kulturës, Hajrulla Çeku, duke shijuar kështu një program të pasur nën tingujt e pianos nga Anastasija Gichevska dhe zërit mahnitës së tenorit Ismet Vejseli, përcjell KultPlus.

“Urojmë organizatorët për punën që kanë bërë, për të sjell pranë qytetarëve muzikë klasike dhe koncerte kaq cilësore”, ka shkuar MKRS-ja.

KultPlus ju sjell postimin e plotë të tyre:

Katër koncerte plot energji në “Prishtina International Vocal Festival”
Katër mbrëmje me koncerte të veçanta dhe artistë fantastik që performuan para publikut të Prishtinës.
Mbrëmë u përmbyll “Prishtina International Vocal Festival” që u mbajt në Kishën Katolike “Shën Ndou”.
Pjesë e publikut në mbrëmjen e tretë të festivalit ishte edhe ministri i Kulturës, Hajrulla Çeku, duke shijuar kështu një program të pasur nën tingujt e pianos nga Anastasija Gichevska dhe zërit mahnitës së tenorit Ismet Vejseli, fitues i shumë çmimeve ndërkombëtare.
Festivali këtë vit filloi me sopranon Stefani Dudikj nga Maqedonia, nën shoqërimin e pianistit Milan Jankuloski, ndërsa nata e dytë vazhdoi me performancën ‘’Skena e Re’’ nga solokëngëtare të reja nga vendi ynë, Urta Haziraj, Anita Kërhani, Elona Sadiku, Vanesa Krasniqi, nën përcjelljen e pianistit Andi Duraku, për të vazhduar me tenorin Ismet Vejseli e Anastasija Gichevska dhe u përmbyll me korin Korin e Fakultetit të Arteve të Universitetit ‘’Haxhi Zeka’’ në Pejë, të udhëhequr nga dirigjenti Hysen Nimani, me një program veprash të kompozitorëve shqiptar dhe atyre të huaj.
Urojmë organizatorët për punën që kanë bërë, për të sjell pranë qytetarëve muzikë klasike dhe koncerte kaq cilësore. / KultPlus.com

Kori i Universitetit ‘Haxhi Zeka’ performon në ‘Shën Ndou’

Posted on by Kult Plus

Këtë të premte, më datë 29 tetor në kishën katolike ”Shën Ndou” do të performoj Kori i Universitetit ”Haxhi Zeka”, përcjell KultPlus.

Performanca e Korit vjen në kuadër të Prishtina International Vocal Festival dhe nën dirigjimin e Hysen Nimanit, ndërkaq koncerti pritet të fillojë në orën 19:00.

Koncerti do të mbahet me numër të kufizuar të audiencës, duke respektuar kështu masat anti-covid. / KultPlus.com

Katër mbrëmje në edicionin e katërt të ”Prishtina International Vocal Festival”

Posted on by KultPlus

Prishtina International Vocal Festival nga data 26 deri më 29 tetor do të jetë pranë publikut kosovar me edicionin e 4-të me radhë, shkruan KultPlus.

Sipas organizatorëve, këtë vit festivali është i fokusuar në katër mbrëmje, ku do të prezantohen katër koncerte të pasura me vokale të ndryshme, me  laramani veprash e kompozitorësh vendor dhe të huaj.

Të njëjtit kanë njoftuar se festivali këtë vit nis me sopranon Stefani Dudikj nga Maqedonia, e cila do interpretoj vepra nga kompozitorë të epokave e stileve të ndryshme, nën shoqërimin e pianistit Milan Jankuloski poashtu nga Maqedonia. Nata e dytë e festivalit do vazhdojë me ‘’Skena e Re’’ ku do performojnë solokëngëtare të reja e mjaft të talentuara nga vendi ynë, si: Urta Haziraj, Anita Kërhani, Elona Sadiku, Vanesa Krasniqi, nën përcjelljen e pianistit Andi Duraku.

Nata e tretë e PIVF do vazhdoj me tenorin shqiptar nga Maqedonia, Ismet Vejseli, fitues i shumë çmimeve ndërkombëtare, i shoqëruar nga pianistja Anastasija Gichevska, të cilët sjellin në skenë një program mjaft të pasur.

Dhe nata e katërt dhe përmbyllëse e festivalit sjell në skenë Korin e Fakultetit të Arteve të Universitetit ‘’Haxhi Zeka’’ në Pejë, të udhëhequr nga dirigjenti Hysen Nimani, me një program veprash të kompozitorëve shqiptar dhe atyre të huaj.

“Edhe këtë vit, PriVocalFest ka hapur konkursin e dytë me radhë për kompozitorët e rinj që të konkurrojnë me vepra korale a cappella ose me shoqërim të ndonjë instrumenti”, thuhet në fund nga organizatorët, të cilët kanë shpjeguar se të gjitha koncertet do të zhvillohen në Kishen Katolike “Shën Ndou” në Prishtinë nga ora 19:00./ KultPlus.com

PriVocalFest nisi mbrëmë edicionin e dytë

Posted on by KultPlus

Xhemile Hysenaj

Muzika klasike është arti i muzikës që prodhohet ose që ka rrënjët në muzikën tradicionale perëndimore. Muzika klasike përfshin një hapësirë të gjerë të kohës nga afërsisht prej shekullit të XI deri në ditët e sotme, shkruan KultPlus.

Mbrëmë në Prishtinë ka nisur edhe një festival i muzikës klasike.

Në kuadër të Prishtina International Vocal Festival, në Sallën e Kuqe mbrëmë performuan Kori GAAC nga Gjermania, Kori i Shkollës së Muzikës ‘’Halit Kasapolli’’ nga Peja si dhe Orkestra e të Rinjve të Kosovës nën dirigjimin e Linda Horowitz-it, Edon Ramadanit dhe Kushtrim Gashit, shkruan KultPlus.

Ky është edicioni i dytë i këtij festivali, duke e bërë tashmë një traditë. Me një sallë të mbushur me dashamirë të artit, muret e Sallës së Kuqe kumbonin nga arti më i bukur që buron nga lehtësia e tingujve.

Festivali pritet të zgjasë tre ditë dhe organizatorët paralajmëruan edhe befasi në kuadër të festivalit, befasi kjo që do të zë vend në natën e dytë të festivalit.

Hajrullah Syla, njëherit edhe organizatori i këtij festivali, u shpreh mjaft i kënaqur me organizimin në përgjithësi.

‘’Është një natë tejet e veçantë, jo vetëm për festivalin por edhe për muzikën artistike në përgjithësi, sepse kemi arritur të sjellim një ansambël të përmasave botërore siç është The King’s Singers’’, deklaroi Syla për KultPlus.

Hajrullah Syla poashtu tha se në mungesë të sallës, organizimi nuk është aspak i lehtë, mirëpo për sa i përket festivalit ne tërësi ai u nda shumë i kënaqur me rrjedhën e tij.

Nata e dytë e festivalit do të zë vend në Katedralen ‘’Nëna Terezë’’, ku do të performojnë grupi tashmë shumë i njohur në botë ‘’The King’s Singers’’, kurse në natën e tretë dhe të fundit të këtij edicioni, festivali do të mbahet në Kishën Katolike ‘’Shën Ndou’’, ku do të  intepreton Kori i Filharmonisë së Kosovës. /KultPlus.com

Prishtina International Vocal Festival hapë konkurs për kompozitorë

Posted on by KultPlus

Alberina Haxhijaj

Prishtina International Vocal Festival do të nisë edicionin e parë si i vetmi festival që i dedikohet vetëm muzikës vokale.

Festivali do të ketë prioritet promovimin e muzikës vokale në vendin tonë, e në veçanti të nxisë kompozitorët kosovarë për të krijuar muzikë vokale, shkruan KultPlus.

“Në këtë edicion, në festival do të hapet një konkurs vetëm për kompozitorët kosovarë të gjeneratës së re që të shkruajnë vepra korale (SATB me ose pa shoqërim instrumental) ku më pas, veprat fituese do të interpretohen nga Kori i Filharmonisë së Kosovës, në koncertin përmbyllës të Festivalit, me datë 07.10.2018 në Prishtinë”, kanë bërë të ditur organizatorët e festivalit për KultPlus.

Tutje ata kanë bërë të ditur se rregullat e konkursit janë:
• Vepër për Kor (SATB) a cappella apo me përcjellje instrumentale
• Tematika e lirë
• Kohëzgjatja deri në cca 7 minuta
• Afati i fundit për dorëzim është 30.06.2018.
• Vepra duhet të dërgohet në e-mail: [email protected] si PDF file.

Veprat do të përzgjidhen nga Juria profesionale e Festivalit, ndërsa tri veprat fituese të këtij konkursi, përveç interpretimit që do të bëhet nga Kori i Filharmonisë së Kosovës, do të botohen në Attacca Edition.

Ky edicion i festivalit do të mbahet nga 2 tetor deri më 7 tetor, 2018. / KultPlus.com