Etiketë: publikohet

Publikohet juria e filmave të shkurtër në PriFest

Posted on by Kult Plus

Prishtina International Film Festival- Prifest sot ka prezantuar anëtarët e jurisë të kategorisë garuese së filmave të shkurtër.

BLERTA BASHOLLI

Blerta Basholli është skenariste/ regjisore me një stil unik vizual realist. Tregimet e saj trajtojnë çështje sociale dhe gjinore nga vendi ku është lindur dhe rritur, Kosova, dhe përtej saj. Filmi i saj debutues “Zgjoi” (2021) theu rekordet në Sundance, ku ajo fitoi Çmimin e Jurisë së Madhe, Çmimin për Regji, dhe Çmimin e Publikut në kategorinë e Kinemasë Botërore Dramatike, duke u bërë filmi i parë në historinë e Festivalit të Filmit Sundance që i arrin të tria këto çmime. Në vitin 2008, ajo u nderua me Bursën e Dekanit në Programin e Filmit në Tisch School of the Arts – NYU. Ajo jetoi në Neë York për katër vjet, ku pati mundësinë të punonte në disa projekte filmike si studente. Në vitin 2011, u kthye në vendlindjen e saj, dhe punoi në shumë filma të shkurtër dhe të gjatë.

MICHAEL PENTNEY

Producenti Michael Pentney nga Britania e Madhe ka qenë i angazhuar në filma të zhanreve të ndryshme, duke u fokusuar në tema me ton emocional dhe social. Së fundmi, pasi ka adoptuar dy fëmijë të vegjël, ai ka interes për përbërjen e shoqërisë dhe ndikimin që ambientet tona kanë mbi ndjenjat dhe veprimet tona. Përveç prodhimit të filmave, ai është pjesë e ekipit drejtues në një nga kompanitë më të vjetra dhe më të suksesshme të post-produksionit në Mbretërinë e Bashkuar.

ARMENIS NOKSHIQI

Amernis Nokshiqi është aktore e njohur e Teatrit Shqiptar të Shkupit, me shumë role të suksesshme në filma dhe teatër. Ndër projektet e saj të fundit janë filmat “Heshtja e sirenave” dhe “Pranverë e paharruar në fshatin e harruar”. E vlerësuar me çmime të shumta në rajon, Amernis vazhdon të shkëlqejë në teatër dhe film.

Edicioni 16-të i PriFest mbahet prej 10-15 shtator 2024 në Kino Armata./ KultPlus.com


FHD në Serbi publikon librin për 1.636 persona të zhdukur nga lufta e Kosovës

Posted on by Kult Plus

Fondi për të Drejtën Humanitare, në emër të Rrjetit të Pajtimit të KOMRA-s, prezantoi sot librin për 1.636 persona të zhdukur në lidhje me luftën në Kosovë – “Dinjiteti për të pagjeturit”, dhe konferenca i bëri thirrje Serbisë dhe Kosovës që të dyfishojnë përpjekjet e tyre për identifikimin e mbetjeve në morgun e Prishtinës.

Themeluesja e FDH-së, Natasha Kandiq, tha se libri është një përpjekje për të sjellë para publikut kujtimet e familjeve të të pagjeturve dhe për t’i ngritur ato në një nivel më të lartë.

“Familjet e personave të zhdukur janë në një pozicion krejtësisht të ndryshëm nga familjet që kanë varrosur të dashurit e tyre. Nuk kanë varr, nuk kanë ku të kujtojnë. Ata janë në një situatë ku kujtimi zgjat dhe jeton vetëm brenda familjes”, ka shpjeguar Kandiq, raporton N1.

Ajo tha se në periudhën e kaluar ka folur me familje të shumta dhe se përshtypja më e vështirë që ka pasur ishte jeta e vështirë e atyre njerëzve.

“Kanë kaluar 25 vite, shumë baballarë dhe nëna nuk jetojnë më, disa jetojnë shumë rëndë dhe shprehen se ‘janë të vështirë për të gjithë’. Kjo është shumë e vështirë për t’u dëgjuar”, theksoi Kandiq.

Shefja e seksionit politik të Delegacionit të Bashkimit Evropian në Serbi, Sylvie Estriga, tha se në periudhën e kaluar është bërë shumë për të zgjidhur fatin e të zhdukurve, por se ende ka shumë familje që nuk e dinë fatin e anëtarëve të tyre, kështu që zhgënjimi i tyre është legjitim.

“Ata kanë të drejtë të informohen për fatin e më të dashurve të tyre, sepse pas atyre numrave qëndrojnë disa njerëz. Në emër të asaj çështjeje humanitare, ne duhet të shmangim politizimin dhe të fokusohemi në zgjidhjen e rasteve”, tha ajo.

Drejtori i programit të Komisionit Ndërkombëtar për Personat e Zhdukur, Matthew Holliday, i bëri thirrje Kosovës dhe Serbisë që të dyfishojnë përpjekjet e tyre për të zgjidhur fatin e eshtrave të 350 deri në 400 personave të paidentifikuar në morgun e Prishtinës.

“Ai vend është një varr masiv mbi tokë dhe autoritetet e Prishtinës duhet të bashkëpunojnë me Komisionin për Persona të Zhdukur të Serbisë për të zgjidhur fatin e atyre njerëzve”, theksoi Holliday.

Ai u bëri thirrje të dyja palëve që të dyfishojnë përpjekjet dhe bashkëpunimin në gjetjen e varrezave masive dhe në këtë mënyrë t’u japin dinjitet personave të zhdukur. /Klankosova.tv/ KultPlus.com

Publikohet traileri i parë i ‘Gladiator ll’ (VIDEO)

Posted on by Kult Plus

Përgatituni për një betejë epike, është publikuar traileri i parë i filmit “Gladiator II”.

Në vazhdimin e filmit të ri të Ridley Scottit të vitit 2000 luan Paul Mescal në rolin e Luciusit.

Një Lucius i rritur jeton në rajonin e Afrikës veriore të Numidias, ku u dërgua si fëmijë nga nëna e tij. Ai kthehet në Romë si gladiator dhe ribashkohet me nënën e tij.

Filmi është gjithashtu titullar nga Pedro Pascal si Marcus Acacius – një gjeneral romak, dhe Denzel Washington si Macrinus si njeri mizor dhe i pasur që mban gladiatorët për sport.

Xhirimet filluan qershorin e kaluar, por u detyruan të ndalonin dhe të rifillonin në dhjetor për shkak të grevave të industrisë së argëtimit verën e kaluar.

Filmi ptritet të dalë më 22 nëntor./ KultPlus.com

Muhamedin Kullashi publikon librin që dokumenton diplomacinë me Francën

Posted on by Kult Plus

Akademiku Muhamedin Kullashi ka publikuar librin “Kosova në fushën e diplomacisë në Francë 2008- 2016”, i cili vjen si dokumentim i marrëdhënieve bilaterale mes dy vendeve.

Në emisionin “Mirëmëngjesi Kosovë” të RTK-së, ai, ka thënë se si ish-ambasador i Kosovës në Francë, ai ka përmbledhur rrëfimet e politikanëve, takimet e ngjarjet e ndryshme të delegacioneve diplomatike në Paris.

“Edhe shënimet edhe kujtesa më kanë shërbyer për librin. Kanë qenë takime të rëndësishme edhe për mua edhe për ministrinë tonë. Komunikimi me këto përfaqësi e institucione të ndryshme franceze kanë qenë të rëndësishme”, ka thënë ai për mënyrën e të shkruarit të librit.

Kullashi tutje ka treguar edhe për takimet të cilat kanë qenë të realizuara me qëllimin e njohjes së Kosovës, të cilat janë të përfshira në libër, transmeton RTKlive.

“Viti 2008 lidhet me Pavarësinë e Kosovës. Ne e kemi njohjen nga Franca menjëherë një ditë pas shpalljes. Kjo është shprehje e mbështetjes nga presidenti dhe diplomacia franceze në atë kohë, kjo ka qenë e re sepse Franca ka pasur marrëdhënie tradicionale shumë të mira me Serbinë. Por luftërat në Ballkan kanë shkaktuar disa ndryshime në orientime dhe qëndrime”, ka thënë tutje Kullashi./rtk/KultPlus.com

Publikohet traileri i filmit ‘Wonderwell’ në të cilin luan edhe Rita Ora (VIDEO)

Posted on by Kult Plus

Është publikuar traileri i filmit ‘Wonderwell’, në të cilin luan edhe këngëtarja shqiptare me famë botërore Rita Ora, shkruan KultPlus.

Filmi është një fantazi aventureske për një vajzë 12-vjeçare (Kiera Milward) e cila bie në një mbretëri tjetër ku një shtrigë e mirë me emrin Hazel (Carrie Fisher) jeton përkrah natyrës. Megjithatë, duket se jo gjithçka është ashtu siç duket në botën reale si stilistja dhe shtriga e mundshme e keqe, Yana (Rita Ora) është e mërzitur me Hazelin për marrjen e vajzës. Ajo që shpaloset duket si një film vizualisht mahnitës me shumë imagjinatë dhe një ton zemër.

Pra një përrallë që zhvillohet midis Italisë së ditëve moderne dhe një mbretërie imagjinare pak më përtej, Wonderwell ndjek Violet, një vajzë naive dhe kureshtare 12-vjeçare, në një udhëtim emocionues që e transformon botën e saj përgjithmonë.

Filmi është bërë me regji të Vlad Marsavin dhe skenar të William Brookfield, përderisa aktorët të cilët marrin pjesë në film janë: Rita Ora, Carrie Fisher, Kiera Milëard, Nell Tiger Free, Sebastian Croft, Vincent Spano, Megan Dodds, Lloyd Oëen, Niccolò Besio, Romany Gilmour etj./KultPlus.com

Publikohet logo zyrtare e 10 vjetorit të Pavarësisë së Kosovës (FOTO)

Posted on by Kult Plus

17 shkurti i vitit 2008 është datat e shpalljes së Pavarësisë së Republikës së Kosovës.

Kësisoj, 2018-ta sjellë plotë 1 dekadë që Kosova gëzon këtë status dhe tashmë është e lirë e e pavarur. E përgatitjet për të festuar 10 vjetorin e Pavarësisë së Kosovës, veçse kanë filluar, shkruan KultPlus.

Nisën më publikimin e logos, të cilën e bëri publike dje presidenti i Republikës së Kosovës Hashim Thaçi, përmes rrjetit social Facebook.

Logoja zyrtare e dhjetë vjetorit të Pavarësisë së Kosovës, padyshim që vjen me ngjyrat e flamurit të Republikës së Kosovës dhe vjen në tri gjuhë, atë shqip, serbisht dhe anglisht.

“Ditën e parë të këtij viti të ri, Dekadën e Republikës, po e nisim me logon zyrtare të dhjetëvjetorit të shtetësisë sonë. Shteti ynë, për të cilin dhamë shumë, po i bënë 10 vjet pavarësi. Ne po i bëjmë 10 vjet përpjekje që Republika e Kosovës të zë vendin e merituar në mesin e kombeve të lira të botës. Bashkë mund ta forcojmë edhe më shumë identitetin dhe subjektivitetin e shtetit tonë. #Kosova10”, ka shkruar presidenti Thaçi.

Për dallim nga vitet e tjera, sivjet është hera e parë që përgatitjet për festën e Pavarësisë së Kosovës, nisin më herët./ KultPlus.com

Libri i Leonard Cohen publikohet vitin tjetër

Posted on by Kult Plus

Koleksioni i poemave dhe shënimeve ishte gati për tu mbledhur në muajt para vdekjes së këngëtarit dhe tekstshkruesit, Leonard Cohen.

Ky libër i përfunduar në muajt para vdekjes së tij, në moshën 82 vjeçare, do të publikohet vitin e ardhshëm, ka njoftuar menaxheri i tij, shkruan Independet, përcjell KultPlus.

Koleksioni përfundimtar i poezive “The Flame” trajton “flakën dhe mënyrën se si kultura jonë kërcënoi zhdukjen e saj”. Botuesi Canongate tha se është një “kapitull jashtëzakonisht i fuqishëm në karrierën letrare të Cohen-it”.

Sipas Guardian, Cohen zgjodhi dhe caktoi poezitë në muajt para vdekjes së tij në nëntor 2016.

Robert Kory, menaxheri i Cohen dhe kujdestari i pasurisë së tij, tha se vendosja e koleksionit ishte një ambicie kyçe për këngëtarin dhe kompozitorin kanadez.

“Megjithëse me shëndet të përkeqësuar, Leonard vdiq papritur. Ne që patëm privilegjin e rrallë të kalonim kohë me të gjatë kësaj periudhe, e kuptuan se flaka u dogj e ndritshme brenda tij deri në fund. Ky libër, i përfunduar vetëm disa ditë para vdekjes së tij, zbulon për të gjithë intensitetin e zjarrit të tij të brendshëm, ka thënë Kory./ KultPlus.com