Etiketë: Puka

Destinacion turistik edhe në dimër, Rama ndan pamje nga Puka

Posted on by Kult Plus

Puka mbetet një ofertë turistike e veçantë, mjaft e përshtatshme për shëtitje, ski, alpinizëm, gjueti sportive (të peshkut) dhe për shumë veprimtari të tjera çlodhëse dhe argëtuese.

Kryeministri Rama ka ndarë sot pamjet nga ky qytet i veriut të Shqipërisë që është “veshur” me borë këtë sezon dimëror.

Rrugët me borë, liqeni, pemët dhe shëtitorja e Pukës, tashmë janë mbuluar nga bora, për ta shndërruar këtë qytet në një atraksion të turizmit dhe interes për ta vizituar këtë zonë në çdo periudhë të vitit.

Investimet publike në Pukë e kanë shndërruar këtë qytet në një qendër urbane moderne, me standarde dhe vlera të një atraksioni të veçantë turistik për resurset dhe pozicionin gjeografik ku gjendet.

Përveç shëtitores edhe liqeni është kthyer në një destinacion turistik dhe ofron për të gjithë vizitorët një peizazh të harmonishëm alpin./atsh/KultPlus.com

Liqenit piktoresk të Pukës i shtohet platforma pluskuese

Posted on by Kult Plus

Liqeni artificial i Pukës është kthyer vitet e fundit në një destinacion turistik duke ofruar për të gjithë vizitorët një peizazh të harmonishëm alpin.

Drejtoria e Shërbimeve Komunitare në bashkinë e Pukës përfundoi sot punimet për rikonstruksionin dhe plotësimin e platformës pluskuese në liqenin piktoresk të Pukës.

Krahas platformës, një element plotësues i liqenit, janë bërë edhe riparime si dhe janë vendosur stola dhe shkallë për vizitorët.

Puka gjithnjë e më shumë po merr një fizionomi tjetër, duke u bërë më tërheqës për qytetarët dhe vizitorët, për shfrytëzimin e potencialeve të turizmit apo agroturizmit.

Qyteti i Pukës shtrihet në qendër të Shqipërisë Veriore, në një mjedis ku ndërthuren malet me luginat e thella, mbulesa të dendura pyjore, lëndina e livadhe që ndërpriten nga lumenj e përrenj të shumtë, kroje me ujë të kulluar ushqyer nga dëbora e shumtë që shpesh zbardh deri në verë.

Ky mozaik i mjedisit natyror e njerëzor të Pukës përbën një ofertë turistike të veçantë, mjaft të përshtatshme për shëtitje, ski, alpinizëm, gjueti sportive (të peshkut, shpendëve dhe kafshëve të egra) dhe për veprimtari të tjera rekreative, çlodhëse e argëtuese. / KultPlus.com

Puka, nga një zonë e braktisur në një destinacion të jashtëzakonshëm turistik

Posted on by KultPlus

Puka është kthyer në qendër atraksioni turistik ku natyra e mrekullueshme dhe ndërhyrjet në infrastrukturë e kanë shndërruar në një vend që jo vetëm ia vlen ta vizitosh, por edhe të kalosh pushimet. Kryeministri Edi Rama uroi sot mirëmëngjes me bukurinë e peizazhit pukjan.

“Me këto pamje të transformimit të Pukës nga një zonë e braktisur për vite të tëra, në një destinacion të jashtëzakonshëm turistik, ju uroj një të dielë të bukur”, tha Kryeministri Rama.

Ndër investimet e kryera në Pukë janë rivitalizimi i shëtitores së qytetit, një investim prej 2.2 miliard lekë që përfshin rivitalizimin e sheshit “Tërbuni” atë pranë urgjencës dhe Hotel Turizmit, ndriçimin dhe shëtitoren në mesin e dy shesheve.

Po kështu është bërë i mundur dhe rikonstruksioni me sistem kapot i fasadave të ndërtesave që përfshin zonën e rivitalizuar.

Puka është një qytet alpin në veri të Shqipërisë, 145 km nga Tirana. Ajo mbetet e preferuara e adhuruesve të malit, ajrit të pastër, qetësisë dhe frymëzimit nga natyra, për të përballuar më tej ditët e lodhshme të punës dhe zhurmat e qyteteve të mëdha. Puka njihet për masivin e madh pyjor të pishave, me një sipërfaqe prej 400 hektarësh. Vetitë kurative të pishës janë të shumta.

Vendi parë për t’u eksploruar është liqeni i qytetit, i sistemuar me vende pushimi mes bredhave të lartë, prej nga mund të ngjitesh në Kodrën e Hanit për të eksploruar pistën natyrore të skive apo livadhet dhe kodrat që nuk ndodhen larg qytetit.

Puka shërben edhe si bazë për ushtrimin e alpinizimit, në malin e Munellës, Bjeshkët e Tërbunit dhe mali i Krrabit. / KultPlus.com

Puka me potenciale për zhvillimin e agroturizmit

Posted on by KultPlus

Kryeministri Edi Rama deklaroi sot nga Puka se “duhet të vazhdojmë të investojmë në agroturizëm”.

Gjatë takimit publik të ciklit kombëtar “Bashkia që duam”, Kryeministri Rama në bashkëbisedim me banorët tha se “ka filluar të rritet numri i njerëzve që vijnë në Pukë”.

Kryeministri u shpreh se “kemi parë një projekt për të krijuar park aventure për të sjellë të rinj nga vende të tjera. Ky park do të sjellë njerëz, por sa më shumë njerëz do të vijnë më shumë konsum do të ketë, më shumë shitje, më shumë dhoma për të mikpritur. Pra, do të krijohet një lloj ekonomie e një qyteti të vogël turistik”.

Sipas tij, Puka ka shumë potencial e hap pas hapi në këtë drejtim do të shkojmë.

Duke iu referuar opozitës, Rama tha se “këta thonë pse i lyeni dhe rregulloni godinat, se këta janë të bojës, ne jemi të ngjyrave”.

“Jemi në rrugën e duhur, do durim, mund të madh, nuk është fjalë goje”, – tha Rama./k.s/ /a.g/ KultPlus.com

Puka nën magjinë e dritave dhe dëborës

Posted on by Kult Plus

Puka parajsa e fshehtë e Veriut, e kthyer tashmë në një destinacion turistik, ofron për vizitorët një peizazh të harmonishëm alpin sidomos në prag të Krishtlindjeve dhe ndërrimit të viteve.

E mbuluar nga petku i bardhë i dëborës, Puka, ka ndezur dritat e festave të fundvitit.
Reflektimi i dritave mbi liqen, sjell një pamje mbresëlënëse, sidomos në këto ditë dimri.

Qendra e qytetit të Pukës dhe Liqenit të Vogël po përjeton një ndërhyrje të rëndësishme,  që synon ta shndërrojë atë dhe rrethinat e tij në një atraksion të ri turistik gjithëvjetor.

Puka e ndodhur në qendër të Shqipërisë veriore ofron një mjedis ku ndërthuren malet me luginat e thella, lëndina e livadhe që ndërpriten nga lumenj e përrenj të shumtë, kroje me ujë të kulluar ushqyer nga dëbora e shumtë që shpesh zbardh deri në verë.

Ky mozaik i mjedisit natyror e njerëzor të Pukës përbën një ofertë turistike të veçantë për shëtitje, ski, alpinizëm, etj.

Bashkia e Pukës ka publikuar disa fotografi me pamje nga qyteti nën magjinë e dritave dhe dëborës./A.T.SH/ KultPlus.com

Puka, parajsa e fshehtë e veriut

Posted on by Kult Plus

E kthyer tashmë në një destinacion turistik, Puka parajsa e fshehtë e veriut e gjitha për t’u zbuluar, ofron për vizitorët një peizazh të harmonishëm alpin.

Pas një ecjeje në Malin e Munellës apo eksplorimit të siteve historike në Qelëz, Iballë dhe Koman, mbrëmja kalohet bukur në qytezën alpine, tashmë me hapësira publike dhe parkun e liqenit të vogël tërësisht të rinovuar.

Fondi Shqiptar i Zhvillimit ka zbatuar projektin per rikualifikimin urban të Pukës për llogari të qeverisë shqiptare.Puka gjithnjë e më shumë po merr një fizionomi tjetër, duke u bërë më tërheqës për qytetarët dhe vizitorët, për shfrytëzimin e potencialeve të turizmit apo agroturizmit.

Një nga pikat më atraktive të Pukës është edhe parku i gjelbër i qytetit, i cili është harmonizuar natyrshëm me liqenin e rivitalizuar.

Puka e ndodhur në qendër të Shqipërisë Veriore ofron një mjedis ku ndërthuren malet me luginat e thella, lëndina e livadhe që ndërpriten nga lumenj e përrenj të shumtë, kroje me ujë të kulluar ushqyer nga dëbora e shumtë që shpesh zbardh deri në verë. Ky mozaik i mjedisit natyror e njerëzor të Pukës përbën një ofertë turistike të veçantë për shëtitje, ski, alpinizëm./ata