Shërbimet e urgjencës në Zvicër, njoftuan sot se kushtet shumë të thata atmosferike po nxisin zjarrin që shpërtheu një ditë më parë në Valais.
Zyrtarët vlerësojnë se zjarri i ndezur në një shpat mali pranë komunës së Bitsch do të kërkojë angazhimin në terren të shërbimeve te urgjencës për ditë të tëra.
Rreth 200 banorë u transferuan si masë paraprake.
Funksionimi i sistemit të teleferikut është ndërprerë, ndërsa shtigjet e ecjes janë mbyllur pjesërisht.
“Terreni i pjerrët, kushtet e thata atmosferike dhe era e vazhdueshme po përshpejtojnë përhapjen e shpejtë të flakëve”, tha eksperti i zjarreve në pyje, Marco Conedera për agjencinë zvicerane të lajmeve “Keystone-SDA”.
“Është si një oxhak”, tha Conedera.
Ai e konsideroi thatësirën mbizotëruese në rajon të kombinuar me erën si “një koktej helmues”, që rrit rrezikun e zjarreve në pyje./atsh / KultPlus.com
