Nisin punimet për ndërtimin e Qendrës së Kulturës në Mamushë

Ministri i Kulturës, Hajrulla Çeku ka njoftuar se kanë nisur punimet për ndërtimin e Qendrës së Kulturës në Mamushë, shkruan KultPlus.

Ministri Çeku ka thënë se projekti ka vlerë 1.7 milion euro, dhe se pas realizimit kjo qendër do të ofroj mundësi të reja dhe kushte të dinjitetshme për artistët dhe publikun artdashës.

“Projekti me vlerë prej 1.7 milion euro, është një tjetër hap i rëndësishëm në përmirësimin e infrastrukturës kulturore në vend”, ka thënë Ministri Çeku në “Facebook”./ KultPlus.com

Në Tetovë sonte fillon festivali i muzikës së vjetër qytetare shqiptare ‘Teuta’

Festivali i muzikës së vjetër qytetare shqiptare “Teuta” sonte do të mbahet në Qendrën e Kulturës në Tetovë. Ky program muzikor është pjesë e programit vjetor të institucionit.

“Festivali “Teuta” është projekt ekskluziv i cili ka karakter tradicional me pjesëmarrje të vituozëve të muzikës nga pjesa më e madhe ku jetojnë shqiptarët. Këtë vit pjesëmarrës janë përfaqësuesit e Qendrës për Kulturë – Gostivar, Shoqata për trashëgimi kulturore dhe kreativitet “Presheva” kori i femrave “Nexhmije Pagarusha” – Prishtinë, Ansambli “Bajram Shabani” Kumanovë dhe grupi i femrave “Teuta”, informojnë nga Qendra e Kulturës “Ilo Anteski-Smok” nga Tetova.

Fillimi i festivalit është parashikuar për në orën 19:00.