Etiketë: qendra multimedia

Dy shfaqje të Qendrës Multimedia jepen në Théâtre Vidy-Lausanne

Posted on by KultPlus

Edicioni i sivjetmë i Lausanne Méditerranées në Llozanë të Zvicrës i dedikohet eksplorimit të botës shqiptare. Qyteti i Llozanës i cili është organizatori kryesor i këtij festivali, sivjet ka bashkuar forcat me institucione të ndryshme teatrore dhe kinematografike për të sjellë vepra të ndryshme artistike shqiptare për audiencën e Llozanës, përcjellë KultPlus.

Në kuadër të këtij bashkëpunimi, shfaqjet “një shfaqje teatri me katër aktorë me disa derra me disa lopë me disa kuaj me një kryeministër me një milka e me disa inspektorë vendës e ndërkombëtarë” dhe “Peer Gynti nga Kosova”, dy produksione teatrore të Qendrës Multimedia do të shfaqen më 3, 4 dhe 5 tetor në Théâtre Vidy-Lausanne. Të dy këto shfaqje, gjatë këtyre ditëve, do të jepen nga 3 herë, në termine të ndryshme (https://vidy.ch) .

Théâtre Vidy-Lausanne është prej teatrove më të rëndësishëm në botën frankofone.

“një shfaqje teatri me 4 aktorë me disa derra me disa lopë me disa kuaj me një kryeministër me një milka e me disa inspektorë vendës e ndërkombëtarë”, wshtw e shkruar nga një cinik vendas, kjo shfaqje teatri është një panoramë tragjikomike e realitetit të tanishëm kosovar dhe atij evropian. Aspirata e sinqertë e kosovarëve për në BE konfrontohet, në njërën anë, me rregullat e kërkesat e koklavitura dhe qesharake evropiane dhe, në anën tjetër, me hilen e burokratëve për t’i bërë gjërat ‘të duken ok vetëm në letër’.

Regjia: Blerta Neziraj; Aktorë: Shengyl Ismaili, Adrian Morina, Ernest Malazogu, Shpetim Selami; Muzikantë: Art Lokaj, Drin Tashi; Muzika: Gabriele Marangoni; Koreografia: Adrienne Hart; Skenografia: Petra Veber; Kostumet: Vesa Kraja; Dizajni i dritave: Radomir Stamenkovic.

Ass. regjisore: Enkeleda Arifi; Menaxhere skene: Lendita Idrizi; Ass. e produksionit: Sophia Sinani; Udhëheqës teknik: Denis Berisha; Dritat: Mursel Bekteshi, Denis Berisha; Teksti: Jeton Neziraj.

Ndwrsa shfaqja “Peer Gynti nga Kosova” është rrëfim për një ëndërr të dështuar. I udhëhequr nga një shpresë e thjeshtë për jetë më të mirë dhe për të gjetur lumturinë, Peeri i ri, para luftës në Kosovë, niset për të kërkuar të ardhmen në ‘parajsën’ e quajtur Evropë.

Ajo çka ndodhë me këtë të ri gjatë këtij udhëtimi reflekton eskperiencat e shumë desperadove të rinjë të cilët çdo vjet, të mbushur me shpresë, lëshojnë atdheun e tyre. Shpesh, në atdheun e tyre të ri, të keqtrajtuar nga autoritetet, të izoluar dhe larg nga shtëpia, me mungesë perspektive dhe të mospërfshirë në shoqëri, atyre ëndrra u bëhet një makth i madh.

Nga: Jeton Neziraj; Regjia: Agon Myftari; Aktorë: Tristan Halilaj, Donikë Ahmeti, Shpetim Selmani, Bujar Ahmeti; Skenografia: Nicola Minssen; Kompozitor: Gabriele Marangoni; Kostumografe: Yllka Brada; Dramaturg: Stefan Schletter. / KultPlus.com

https://www.youtube.com/watch?v=PsYbulqi6gQ&feature=youtu.be&fbclid=IwAR0ZzVdXh7DtJq2c5DvnKA5sZ8owG3dVyYb7NjVD8KAvyMrahMiyH9URTd8

Teatrot e Kosovës bashkojnë forcat për showcase-in teatror 2019

Posted on by KultPlus

Teatri Kombëtar i Kosovës, Teatri “Adriana” Ferizaj, Teatri i Gjilanit dhe Qendra Multimedia nga Prishtina, kanë nënshkruar një ‘Memorandum Bashkëpunimi’, përmes të cilit zotohen të angazhohen bashkarisht, në organizimin e edicionit të sivjetshëm të ”Kosovo Theater Showcase 2019”, që këtë vit do të mbahet nga data 31 tetor deri me 4 nëntor 2019, përcjellë KultPlus.

Në këtë edicion pritet të prezentohen së paku gjashtë shfaqje të prodhuara nga teatrot nënshkruese të këtij memorandumi. Poashtu, edicioni i sivjetshëm i showcase-it 2019, pritet të sjellë në Kosovë rreth 50 kritikë teatri, gazetarë, selektorë festivalesh e admiruesë të teatrit, nga vende të ndryshme të botës.

Përveç Prishtinës, showcase do të zhvillohet edhe në qytetet e tjera të Kosovës. Në këtë mënyrë, mysafirët ndërkombëtarë do të kenë mundësi të rrallë për të parë jo vetëm tendencat më të fundit të skenës së teatrit të Kosovës, por edhe të shijojnë mikpritjen e madhe dhe peizazhin e bukur të Kosovës. Ky edicion gjithashtu do të sjellë disa programe plotësuese; diskutime, panele dhe mbrëmje muzikore.

Memorandumin e kanë nënshkruar drejtori i Teatrit Kombëtar të Kosovës, Agim Sopi, drejtori i teatrit “Adriana”, Fatmir Hyseni, drejtori i Teatrit të Gjilanit, Erson Zymberi dhe drejtori i Qendrës Multimedia, Jeton Neziraj.

Kosovo Theater Showcase 2019 është pjesë e platformës kulturore “Platforma Kulturore e Kosovës 2019 +”. /KultPlus.com

Kërkohet bashkëpunim kulturor mes vendeve të Ballkanit përkundër politikave ekzistuese

Posted on by Kult Plus

Alberina Haxhijaj

Në Qendrën Mulmedia në Prishtinë sot është diskutuar për temën “Gjeografia kulturore e Ballkanit Perëndimor: Bashkëveprimi midis estetikës dhe politikës”. Ky diskutim ka ardhur në kuadër të “Showcase”-it të parë të këtij formati në Kosovës, të cilin është duke e organizuar kjo qendër, shkruan KultPlus.

Paneli solli shembuj të praktikave nga akterët e pavarur kulturore të Ballkanit Perëndimor të cilët mund të ofrojnë pikëpamje për ndryshimin e mundshëm të paradigmës e cila do të nënkuptonte para së gjithash bashkëveprimin më efikas të veprimtarisë estetike dhe politike. Një mënyrë më efikase e integrimit kulturor brenda dimensionit të ri-vjetër rajonal – përmes teatrit, filmit, letërsisë apo artit vizual.

Në këtë panel diskutimi të moderuar nga Janko Ljumović, Drejtori i Fondacionit Lumbardhi, Ares Shporta tregoi për iniciativën për shpëtimin e kinemasë “Lumbardhi” në Prizren si dhe për hapa nëpër të cilat ata kanë kaluar. Sipas tij kinemaja ka pasur periudha të ndryshme . Ajo në një kohë ka qenë hapësira e preferuar e njerëzve ndërsa në një periudhë tjetër është parë si objekt komunistë, për shkak se ka qenë pjesë e trashëgimisë jugosllave që është barazuar me trashëgimin e Millosheviçit duke krijuar një distancim nga qytetarët. Për të pikërisht kjo ka qenë sfidë, pra bindja e qytetarëve se çfarë ka mbetur nga ajo kohë është Tutje ai tha se nuk mund të ketë shumë diskutime as në aspektin lokal as në atë në atë qendrore për politikat kulturore.

“Komunat janë me shumë të interesuara që me organizu vet aktivitet dhe me prodhu jetë kulturore për me kremtu ditë të rëndësishme që janë pjesë e agjendave të tyre. Nuk po krijohet përshtypja që ka ndonjë hapësirë për ndonjë transformim revolucionar të mënyrës sesi kjo funksion, për arsye politike por edhe për arsye ligjore dhe fiskale. Ndërsa në nivelin qendrore raporti me ministrinë është i kufizuar në aplikimin dhe pritjen për marrje të subvencionit”, u shpreh ai duke shtuar se realizimi i aktivitete kulturore bazohet në gjetje të përkrahësve apo në marrje të mbështetjes nga ndonjë ambasadë e cila ka një buxhet të caktuar edhe për aktivitete kulturore.

Tutje si pjesë e platfomës “Koperativa” e cila ka disa organizata të pavarura nga shtetet e ish-Jugosllavisë e cila synon me kriju struktura të bashkëpunimit në rajon, Ares Shporta u shpreh se pikërisht kjo po është në kundërshtim të plotë me politikat nacionale të këtyre shteteve dhe tentativat për bashkëpunime me ministritë e kulturës të këtyre shteteve nuk kanë pasur ndonjë rezultat pozitiv.

Në anën tjetër Sasa Ilic nga Serbia u shpreh se në aspektin kulturor më parë në ish-Jugosllavi ka ekzistuar një energji pozitive për bashkëpunim kulturorë diçka që nuk gjendet sot, sidomos në Serbi.

“Kemi humbur atë ndjenjën e kulturës dhe të artit. Gjatë gjithë kohës shohim mbrapa të kaluarën dhe nuk shohim përpara. Si praktikë kulturore, kur flasim për të ardhmen, besoj lidhja kulturore dhe bashkëpunimet kulturore mes vendeve duhet që të ndodhin dhe të ndryshojnë atë që politika mos të kontrollojë kulturën. Është e rëndësishme t’i përmirësojmë marrëdhëniet në mes të vendeve në mënyrë që të stabilizojmë gjendjen kulturore”, tha ai duke shtuar se nëse i pyesim politikanët atë thonë se kanë pikëpamje evropiane për kulturën mirëpo realiteti është i kundërt.

“Sot kryeministri apo ministri i kulturës sot janë kurator, politikanët janë bërë kurator të cilët përshembull thonë ky artistë ka marrë kaq para, ky artistë do të ekspozojë, pra kemi humbur ato vlerat e artit dhe të kulturës dhe është transformuar në këtë kulturë brutale e cila vetëm merr para për të qenë vetstabile”, u shpreh ai.

Drita Llolla tha se për të arrtitur ndryshimin kulturorë është shumë e rëndësishme që popujt e rajonit të pranojnë njëri-tjetrin dhe të mos stereotipizojnë kulturat e njëri-tjetrit. “Dëshira jonë ka qenë e thjeshtë që të kthejmë kinemanë në Ulqin e cila nuk ka funksionuar për më shumë se 20 vite”, tregoi ajo në fillim duke shtuar tutje se kanë hasur në vështirë gjatë rrugëtimit të tyre mirëpo i kanë tejkaluar sfidat.

“Mendoj që shoqëritë tona duhet që të maturohen deri në atë pikë që realisht të pranojnë njëri-tjetrin, të pranojnë ekzistencën e njëri-tjetrit, kulturat e njëri-tjetrit pasi që promovimi i vlerave kulturore të njëri-tjetrit mund të jetë pikënisje për një bashkëpunim real”, u shpreh ajo.

Në kuadër të ‘Qendra. Multimedia. Theater. Showcase. 2018” sot është mbajtur edhe panel diskutimi me temën “Shoqëritë evropiane reflektojnë për novelat kritike të krimit”. Më shumë për aktivitetet që do të mbahen nesër mund të klikoni këtu./Kultplus.com

Sonte në Monet lexim dhe diskutim me shkrimtarin bullgar Yordan Slaveykov

Posted on by Kult Plus

Sonte prej orës 18:00 në galerinë Monet në Prishtinë, Qendra Multimedia organizon lexim dhe diskutim me shkrimtarin bullgar Yordan Slaveykov, shkruan KultPlus.

Ai ka lindur në Vratsa, Bullgari në vitin 1976. Njihet si regjisor i teatrit, ligjërues, dhe shkrimtar e dramaturg. Ka diplomuar si regjisor i teatrit nga Akademia Kombëtare e Teatrit dhe Filmit në Sofie në vitin 2001.

Në vitin 2008 ka diplomuar si aktor në Moskë në Akademinë e Dytë Verore Ndërkombëtare të Teatrit. Dramën e tij të parë “Marimanga” e shkroi në vitin 2011, performancë që u shfaq në festivale në Moskë, Shën Petersburg, Nju Jork, Bruksel, etj.

Novela e tij e parë “Hapi i fundit” u botua nga shtëpia botuese Janet 45 në vitin 2015. Kjo novelë fitoi dy çmime kombëtare të letërsisë në vitin 2016.

Në Prishtinë ai do të lexojë pjesë nga novela e tij “Hapi i fundit”. Diskutimi do të jetë në gjuhën angleze me përkthim në gjuhën shqipe./ KultPlus.com

Në Prishtinë bëhet promovimi i librit “Antologji e dramës bashkëkohore nga Kosova”

Posted on by Kult Plus

Në Teatrin Kombëtar të Kosovës, Qendra Multimedia nga Prishtina, në bashkëpunim me shtëpinë botuese nga Turqia Mitos Boyut, organizojnë promovimin e librit “Antologji e dramës bashkëkohore nga Kosova” [Çagdas Kosova Oyunlari Seçkisi], i botuar sivjet në Turqi, shkruan KultPlus.

Promovimi do të bëhet të hënën, më 11 qershor nga ora 12:00, në Teatrin Kombëtar të Kosovës. Në promovim do të marrin pjesë, botuesi i mirënjohur turk Turhan Yılmaz Öğüt, drejtor i shtëpisë botuese Mitos Boyut, Mehmet Fatih Ölekli, editor në Mitos Boyut dhe Dr. Senem Cevher, përkthyese e antologjisë dhe studiuese e teatrit.

Në përmbledhjen “Antologji e dramës bashkëkohore nga Kosova” [Çagdas Kosova Oyunlari Seçkisi] janë përfshi dramat e autorëve: Xhevdet Bajraj, Ilir Gjocaj, Visar Krusha dhe Jeton Neziraj.

Mitos Boyut është shtëpia botuese më e madhe në Turqi e cila veprimtarinë e saj kryesore e ka botimin e dramave dhe librave të fushës së Teatrit. Më herët kjo shtëpi botuese ka botuar edhe librat e Stefan Çapalikut, Doruntina Bashës e Jeton Nezirajt.

Botimi i kësaj antologjie në turqisht është me rëndësi për afirmimin e krijimtarisë së re dramaturgjike nga Kosova.

Botimi i librit është realizuar në bashkëpunim me Qendrën Multimedia, përmes mbështetjes së Ministrisë së Kulturës, Rinisë dhe Sportit të Republikës së Kosovës, në fondin e mbështetjes së botimeve për vitin 2017./ KultPlus.com

Diskutim dhe lexim me shkrimtarin e njohur slloven Jurij Hudolin

Posted on by Kult Plus

Qendra Multimedia organizon diskutim me shkrimtarin slloven Jurij Hudolin me datë 1 qershor prej orës 18:00 në Librarinë Monet, përcjell KultPlus.

Jurij Hudolin do te flasë për librin e tij ‘Thjeshtri’ të cilin e ka botuar Qendra Multimedia në bashkëpunim me Poetekën nga Tirana. Libri është i përkthyer nga Nikollë Berishaj.

Në këtë takim diskutimi do të shtjellohet rreth letërsisë së re nga Ballkani si dhe prezencës së letërsisë shqipe në Slloveni. Diskutimi do të moderohet nga Jeton Neziraj./ KultPlus.com

Vizat bëhen shkak që Kosova të mos paraqitet në një festival rumun

Posted on by Kult Plus

Shfaqja e Qendrës Multimedia “Një shfaqje teatri me katër aktorë…”, e cila është dashur të jepet sot, me datë 21 maj në ora 17:00, në Teatrin Hungarez në Timisoara të Rumanisë, si pjesë e festivalit TESZT – Euroregional Theatre Festival Timișoara, është anuluar.

Fatkeqësisht, siç thuhet në njoftim, një pjesë e ekipit të shfaqjes nuk ia doli që t’i siguroj vizat për të udhëtuar në Rumani.

“Këto dy muajt e fundit, stafi i Qendrës Multimedia kemi qenë në një përpjekje shumëfrontëshe për të siguruar vizat për krejt ekipin, por përpjekjet tona janë ndeshur me burokracinë dhe trajtimin poshtërues të disa prej ambasadave Evropiane në Kosovë. Jam i shokuar nga fakti se mbas krejt këtyre prezentimeve ndërkombëtare (mbi 100 sosh) të shfaqjeve tona, regjimi i vizave Schengen për artistët tanë është bërë më rigjid, më i egër dhe më jo-dashamirës. E provuar në lëkurën tonë, dhe jo vetëm këto dy muaj, por përgjatë krejt këtyre viteve të fundit, zona e Schengenit, për ne është shndërruar në një zonë të “fashizmit të butë”, me të cilin birokracia rregullative evropiane e konvertuar në “viza Schengen” shtypë, keqtrajton dhe poshtëron”, thuhet në njoftim.

Paradoksalisht, thuhet tutje, por para dhjetë ditësh, Zyra e Bashkimit Evropian në Kosovë më ndau mirënjohjen “Evropiani i vitit”, për “promovimin e ideve dhe vlerave Evropiane”.

“Dhe ja, dhjetë ditë pas, mua dhe ekipit të shfaqjes na u pamundësua udhëtimi në Rumani. Dhe prandaj, po pyes, nëse këto “vlera e ide Evropiane” përfshijnë edhe këtë qasje raciste e poshtëruese që disa prej ambsadave të shteteve të EU-së në Kosovë kanë ndaj nesh kosovarëve? Sepse, atëherë më me dëshirë do të rrija pa këtë kurorë ‘evropiane’, atëherë më me dëshirë do të rrija artist që përpiqet dhe lufton kundër rregullave që shtypin të voglin, të pafuqishmin, të ndryshmin, artist që është kundër privilegjeve të disa qytetarë evropian në kurriz të disa të tjerëve ‘jo-evropian’”, thuhet në komunikatën dërguar nga Jeton Neziraj.

Kjo është hera e dytë që një shfaqje e Qendrës Multimedia pamundësohet të jepet jashtë Kosove. Para disa vitesh, autoritetet kineze patën anuluar vizat për ekipin Kosovar, dhe pjesmarrja e trupës kosovare në festivalin Shanghai International Experimental Theatre Festival (SIETF) qe pamundësuar.

“Sot ndërsa është hera e dytë që na pamundësohet të japim shfaqjen tonë, sërish si rezulltat i komplikimeve birokratike e politike me viza. Por përderisa herën e parë, komplikimet dhe anulimi i shfaqjes kishin njëfar kuptimi “logjik”, duke e pasur parasyshë që Kina nuk e ka njohur pavarësinë e Kosovës, pamundësinë e pjesmarrjes tonë në një festival Evropian e shohim me shumë shqetësim. Evropa dhe zona e saj e schengenit dhanë sot një shembull të vogël (por domethënës) se, kur jan në pyetje kosovarët, me Kinën i ndanë vetëm gjeografia:, thuhet në fund. / KultPlus.com

Fundi i kësaj jave sjellë edicionin e 8-të të POLIP

Posted on by Kult Plus

Të premten më 18 maj nis edicioni i 8-të i Festivalit Ndërkombëtar të Letërsisë – POLIP, shkruan KultPlus.

Ky festival i cili hapjen e ka në Qendrën Multimedia, nis me fillim nga ora 19:30. Pas hapjes, në orën 20:00 vjen aktiviteti i parë që do të ketë Lexim dhe Muzikë me: Dragan Velikić (SRB), Bashkim Shehu (ALB/ES), Evelyn Schalk (AT), Antoine Jaccoud (CH), Edi Matić (CRO), Miruna Vlada (RO), Gonca Özmen (TR), Nikola Madžirov (MK).

“Festivali ‘polip’ është gjarja më e madhe letrare në Kosovë. Në këtë edicion kemi ftuar rreth 30 shkrimtarë, muzikantë e artistë nga vende të ndryshme të botës. Hyrja është e lirë. Të gjitha aktivitetet mbahen në shqip dhe anglisht. Vec leximeve, do të ketë edhe diskutime super interesante, muzikë e raki t’shpisë”, thuhet në njoftim.


POLIP, i cili nisë më 18 maj do të mbahet deri më 21 maj, ku do të sjellë autorë të ndryshëm në disa panele që do të mbahen.

Këtu gjeni të plotë programin e këtij festivali./ KultPlus.com

Autorët kosovarë lexojnë në Ditën Ndërkombëtare të Librit

Posted on by Kult Plus

Në Ditën Ndërkombëtare të Librit më 23 prill, në kuadër të projektit Kultura për Ndryshim, Qendra Multimedia dhe Insituti Goethe organizojnë lexim publik në Prishtinë, në hapësirën e Qendrës Multimedia.

Autorët që do të lexojnë janë: Arbër Selmani, Ardiana Shala, Edi Shukriu, Genc Kadriu, Sibel Halimi.

Pas leximit mbrëmja do të shoqërohet me muzikë të përzgjedhur nga grupi String String.

“Mirëpriten të gjithë dashamirët e librit e sidomos të rinjtë, nxënësit dhe studentët”, thuhet në njoftim.

23 prilli është ditë simbolike e literaturës botërore.

Kjo datë është caktuar si dita ndërkombëtare e librit nga UNESCO në Konferencën e Përgjithshme të mbajtur në Paris në vitin 1995, për t’i çmuar librat dhe autorët, duke i inkurajuar të gjithë e posaçërisht të rinjtë që të zbulojnë kënaqësinë e leximit dhe të respektojnë kontributin e atyre që kanë ndihmuar në zhvillimin shoqëror dhe kulturor të njerëzimit.

***Projekti Kultura për Ndryshim, menaxhohet nga Zyra e Bashkimit Evropian në Kosovë dhe zbatohet nga Qendra Multimedia dhe Goethe-Institut***

Nesër në Prishtinë, promovohet libri për aktorin e madh Aleksandër Moisiu

Posted on by Kult Plus

Qendra Multimedia ka njoftuar se nesër më 6 prill do të bëhet promovimi i librit biografik në gjuhën shqipe, të shkrimtarit të madh shqiptar “Aleksandër Moisiu. Trieshtë – Berlin – Nju Jork. Një legjendë aktrimi”, nga autori gjerman Rüdiger Schaper, në Prishtinë, shkruan KultPlus.

Aktori shqiptar i cili karrierën e tij e filloi në Austri, e zhvilloi në Berlin e në tërë botën, ndërsa e përfundoi ne Itali, Aleksandër Moisiu, mbetet një ndër figurat më të rëndësishme të kulturës shqiptare. Moisiu, i cili vdiq në viti 1935 në Vjenë, ishte një ndër aktorët që përmblidhte të gjithë spektrin e literaturës evropiane të teatrit, duke filluar që nga tragjedia antike greke e deri te koha moderne.
Ky libër erdhi si projekt i përbashkët i Qendrës Multimedia në Prishtinë, Shtëpisë Botuese PA dhe Traduki dhe u botua në nëntor të vitit të kaluar.

Autori i librit, Rüdiger Schaper u lind në vitin 1959 në Worms (Rheinland-Pfalz). Autori gjerman, gazetar dhe kritik teatri, jeton dhe punon në Berlin dhe, që nga viti 1999, punon për gazetën „Tagesspiegel“, ku drejton rubrikën e fejtonit. Libri u përkthye nga Feride Xh. Berisha si dhe është promovuar në Berlin në fillim të muajit mars, dhe tani do të promovohet në Prishtinë dhe në Pejë.

Në Prishtinë me 6 prill 2018, në Skenën e Vogël të Vogël të Teatrit Kombëtar, në orën 11:00. Kurse në Pejë me 7 prill 2018, në Bibliotekën e qytetit “Azem Shkreli”, në orën 11:00./ KultPlus.com

Libri për aktorin e madh Aleksandër Moisiu promovohet edhe në Kosovë

Posted on by Kult Plus

Qendra Multimedia ka njoftuar se në muajin prill do të bëhet promovimi i librit biografik në gjuhën shqipe, të shkrimtarit të madh shqiptar “Aleksandër Moisiu. Trieshtë – Berlin – Nju Jork. Një legjendë aktrimi”, nga autori gjerman Rüdiger Schaper, shkruan KultPlus.

Aktori shqiptar i cili karrierën e tij e filloi në Austri, e zhvilloi në Berlin e në tërë botën, ndërsa e përfundoi ne Itali, Aleksandër Moisiu, mbetet një ndër figurat më të rëndësishme të kulturës shqiptare. Moisiu, i cili vdiq në viti 1935 në Vjenë, ishte një ndër aktorët që përmblidhte të gjithë spektrin e literaturës evropiane të teatrit, duke filluar që nga tragjedia antike greke e deri te koha moderne.
Ky libër erdhi si projekt i përbashkët i Qendrës Multimedia në Prishtinë, Shtëpisë Botuese PA dhe Traduki dhe u botua në nëntor të vitit të kaluar.

Autori i librit, Rüdiger Schaper u lind në vitin 1959 në Worms (Rheinland-Pfalz). Autori gjerman, gazetar dhe kritik teatri, jeton dhe punon në Berlin dhe, që nga viti 1999, punon për gazetën „Tagesspiegel“, ku drejton rubrikën e fejtonit. Libri u përkthye nga Feride Xh. Berisha si dhe është promvuar në Berlin në fillim të muajit mars, dhe tani do të promovohet në Prishtinë dhe në Pejë.

Në Prishtinë me 6 prill 2018, në Skenën e Vogël të Vogël të Teatrit Kombëtar, në orën 11:00. Kurse në Pejë me 7 prill 2018, në Bibliotekën e qytetit “Azem Shkreli”, në orën 11:00./ KultPlus.com

Shpëtim Selmani, kryetar i Kuvendit në Qendrën Multimedia

Posted on by KultPlus

Shpëtim Selmani është zgjedhur kryetar i Kuvendit të Qendrës Multimedia më shumicë votash për një mandat 3 vjeçar, shkruan KultPlus.

Gjatë takimit, me shumicë votash, Shpetim Selmani është zgjedhur kryetar i Kuvendit të Anëtarëve të Qendrës Multimedia, në një mandat prej 3 vjetësh. Punimet e Kuvendit të Anëtarëve i ka përcjellur dhe monitoruar edhe Visar Morina, përfaqësues ligjor i INDEP-it. Qendra Multimedia mbështetet nga Zyra e Bashkimit Evropian në Kosovë.

Shpëtim Selmani është njëri ndër autorët më të spikatur të brezit të ri letrar në Kosovë. Shkruan poezi, prozë dhe drama. Me formim është aktor dhe ka luajtur role të ndryshme në teatrot e Kosovës. /KultPlus.com

Poezi e kangë të zemrës për regjisorin Bekim Lumi

Posted on by KultPlus

Për regjisorin Bekim Lumi po vazhdon solidarizimi i artistëve dhe qytetarëve, në mënyrë që ai të gjejë shërimin e tij nga kanceri.

Në vazhdën e plot ngjarjeve që po mbahen për të ngritur fonde për regjisorin e njohur, me datë 13 mars do të organizohet një mbrëmje kulturore me artistë të ndryshëm.

Me fillim prej orës 20:00, me datë 13 mars, në Qendrën Multimedia vjen një organizim me muzikë e poezi. Shpëtim Selmani do ta promovojë librin e tij më të ri, dhe do të lexojë poezitë e tij, ndërsa Rona Nishliu e Ilir Bajri do të vazhdojnë me këngët e zemrës për Bekën.

Hyrja në organizimin kulturor është 3 euro, ndërsa gjithçka po organizohet në kuadër të fushatës humanitare për të ndihmuar Bekim Lumin. / KultPlus.com

Rezidenca letare “Prishtina nuk ka lum”, nesër sjellë leximin letrar me Elona Çuliq

Posted on by KultPlus

Qendra Multimedia organizon lexim letrar me shkrimtaren në rezidencë letrare “Prishtina nuk ka lum”, me poeten e re Elona Culiq, shkruan KultPlus.

Elona do të lexoj disa poezi për publikun kosovar dhe do të diskutoj për letërsinë me moderatoren Ardiana Shala Prishtina.

“Poezia, fotografimi, biçikleta, hapësira, njeriu, kafshët, pema, hana, rranja, pra çdo gjë që përbën përditshmërinë e njeriut më grish emocione dhe më plotëson. Eksperiencat në punë dhe si vullnetare në fushën sociale, në vitet 2013 më qasen me praktikën e teatrit social, të cilën sot e praktikoj si trajnere së bashku me kolegun tim. Në këtë lëmi kam krijuar eksperienca performative në vitin 2013 Milano, 2014 Beograd, 2015 Sarajeve dhe 2016 Shkoder”, ka spikatë karakteristikat e veta Culiq. Leximi letrar do të mbahet në ora 19:00, në Monet Arts & Books Gallery.

Programi “Prishtina nuk ka lum” mbeshtetet nga TRADUKI dhe Goethe Institut. Qendra Multimedia mbeshtetet nga Zyra e Bashkimit Evropian ne Kosove./KultPlus.com

Elona Çuliq, sjellë një mbrëmje letrare në Prishtinë

Posted on by Kult Plus

Qendra Multimedia do të organizoi një mbrëmje letrare me shkrimtaren shkodrane Elona Çuliq në kuadër të rezidencës letrare “Prishtina nuk ka lum” , shkruan KultPlus.

Elona është duke qëndruar në Prishtinë gjatë muajit nëntor ndërsa në fund të këtij muaji do sjellë edhe mbrëmjen letrare për publikun e kryeqytetit. Elona Çuliq është një shkrimtare e re në moshë por me një stil të veçantë të poezisë.

Ajo është e lindur në Shkodër. Rrugëtimi i saj ka filluar si nxënëse në Shkollën e Muzikës “Prenkë Jakova” për piano, duke vazhduar liceun për gjuhën frënge, për t’i përmbyllur me studime te thelluara më pas në Psikologji Organizative dhe Shkollore.

Ajo thotë se burimi i inspirimit të saj janë poezia, fotografimi, biçikleta, hapësira, njeriu, kafshët, pema, hana, rrënja, pra çdo gjë që përbën përditshmërinë e njeriut./ KultPlus.com

Si është të jesh burrë në Ballkan, javën tjetër në Teatrin Kombëtar të Kosovës

Posted on by Kult Plus

Qendra Multimedia & Katharina Maschenka Horn javën tjetër do të prezantojnë shfaqjen “Jam burr’!?” në Teatrin Kombëtar të Kosovës, shkruan KultPlus.

Kjo shfaqje trajton temën se si është të jesh burrë në Ballkan. Katharina Maschenka Horn dhe performuesit merren me realitetin dhe klishetë e të qenurit “burrë i vërtetë”, ose “tamam burrë”.

Një kosovar, një bosnjë-hercegovinas dhe një kroat bëhen bashkë në skenë. Edhe pse kanë nacionalitetet të ndryshme, ata janë bërë bashkë për të shqyrtuar e diskutuar nëse është vërtetë e nevojshme për një burrë që ta ‘bindë’ veten për dhunë e agresivitet, apo burrat munden të shihen edhe si viktima të shoqërisë.

Performuesit e kësaj shfaqje janë Robert Nuha nga Kosova, Nemanja Mutić nga Bosne-Herzegovina, Jan Novosel nga Kroacia dhe Katharina Maschenka Horn nga Gjermania.

Kjo shfaqje do të prezantohet për publikun më 27 Nëntor në Teatrin Kombëtar të Kosovës duke filluar nga ora 20:00. Ndërsa do të jepet edhe për publikun e Ferizajt më 29 Nëntor në teatrin “Adriana”, më pas më 30 Nëntor në Teatrin “Istref Begolli” në Pejë dhe me 2 dhjetor në Kino Kultura në Shkup. / KultPlus.com

Botohet libri biografik për aktorin e madh shqiptar Aleksandër Moisiu (FOTO)

Posted on by Kult Plus

Aktori shqiptar i cili karrierën e tij e ndërtoi në Austri Aleksandër Moisiu, mbetet një ndër figurat më të rëndësishme të kombit shqiptar.

Moisiu, i cili vdiq në viti 1935 në Vjenë, ishte një ndër aktorët që përmblidhte të gjithë spektrin e literaturës evropiane të teatrit, duke filluar që nga tragjedia antike greke e deri te koha moderne.

Kësisoj që njerëzit të dinë më shumë rreth aktorit të madh shqiptar Aleksandër Moisiut, pikërisht sot doli nga shtypi libri me biografi të Aleksandër Moisiut, shkruan KultPlus.

Ky libër vjen si projekt i përbashkët i Qendrës Multimedia në Prishtinë, Shtëpisë Botuese PA dhe Tradukit.

Lajmi është bërë i ditur për KultPlus, nga Shtëpia Botuese PA.

KultPlus, me këtë rast po i rikujton interpretimet më të njohura të Aleksandër Moisiut që ishin: interpretimet të Hamletit, të Edipit, të Jedermann dhe të Fedja në veprën e Leon Tolstoit “Kufoma e gjallë”. Ai luajti po ashtu edhe rolet kryesore në premierat e pjesëve teatrale të Hauptmann-it (“Der weiße Heiland“), të Wedekind-it (“Frühlings Erwachen”) dhe të Hofmannsthal-it (“Jedermann”).
Në vitin 1920 ishte i pari që në Lojërat Festive të Salzburgut (Salzburger Festspiele) ku luajti rolin kryesor në “Jedermann”.

Poashtu rikujtojmë se në vitin 1935, pak kohë para vdekjes së tij, Moisiu kërkoi shtetësinë e Shqipërisë si dhe atë të Italisë. Shqipëria refuzoi këtë kërkesë, kurse Italia ia dha shtetësinë Moisiut, kur ai ishte i shtrirë në shtratin e vdekjes./ KultPlus.com

Një teatër i përzier me letërsinë që ironizon erdhi mbrëmë në ‘Kosovë is everywhere’

Posted on by KultPlus

Arbër Selmani
Foto: @kosovoeverywhere, https://web.facebook.com/mrjadisproduction?_rdc=1&_rdr

Janë të rrallë ata që në mes të Prishtinës mund ti kuptojnë shtatë gjuhë. Sidoqoftë, kur vijnë të tilla dhe me humor e me realitet nga shtete të ndryshme ku ato fliten e vihen në funksion linguistik, e do rendi që njerëzit të kuptojnë kontekstin dhe të qeshin me realitetin e mjerimin. Dikush qeshet se një francez flet për Ramushin, dikush qeshet se një shqiptar tregon për ish të dashurat e tij, e dikush qeshet me zviceranin që zbulon se qenka shkruar qëmoti të jetë astronaut.

Arben Idrizi, Gerhard Meister, Antoine Jaccoud, Milos Zhivanoviq, Ariane von Graffenried dhe Shpëtim Selmani mbrëmë sollën diçka në mes të teatrit, letërsisë së performuar, emocioneve, lëvizjeve, mjuzikllit letrar, stereotipave dhe dëlirësisë së hoteleve të shteteve të ndryshme prej nga ata vijnë.

Në Prishtinë e nisi kësisoj maratonën organizimi “Kosovë is Everywhere”, në Qendrën Multimedia. Një aheng shumëgjuhësh, me shkrimtarë nga disa shtete që këndojnë, performojnë, aktrojnë, recitojnë poezi të përdala, ngërthehen në anekdota, përthekojnë absurditetet e vende të ndryshme, do të udhëtojë që nga sonte drejt Graçanicës, më pas në Ferizaj me 30 shtator, në Prizren me 5 tetor, në Gjakovë, në Pejë e në fund edhe në Prishtinë, përsëri.

Një prej autorëve pjesëmarrës, Gerhard Meister nga Cyrihu, tregon për KultPlus se është ushtruar shumë që në skenë të vinte një emocion sa më i qartë.

“Kemi punuar me të gjithë shkrimtarët tjerë për një kohë të gjatë. Për mua nuk ka qenë problem ta përshij edhe aktrimin në pjesën time sepse diçka të tillë në Zvicër e kemi bërë për rreth 15-të vite. Mos harroni që shqipja është një nga gjuhët që flitet në Zvicër, dhe ishte e rëndësishme për ne të vinim në një shtet ku kjo gjuhë flitet nga të gjithë” tregon për KultPlus Meister, një shkrimtar që shkruan kryesisht për teatër dhe e njëh mirë lidhjen mes teatrit e letërsisë.

Meister ka një sens të dukshëm humori kur del në skenë. Afër tij është Millosh Zhivanoviqi nga Serbia. Librat e tij me poezi janë shpesh të frikshëm, e gjithmonë provokojnë. Dikur atë e ndërpret me një “čekaj” Shpëtim Selmani, shkrimtari nga Kosova i cili flet më pas për historinë e tij të mbushur me heronj, për ambasadat e kthyera në faltore. Ariane von Graddenried, në anën tjetër, ka një zë radiofonik dhe një “RR” të fortë para mikrofonit. Të gjithë herë ulen e herë zgjohen nga karriget e tyre ndërsa janë shumë afër me publikun dhe ndoshta janë në thesin e njëjtë të histerisë e hipokrizisë, sikur audienca, shkruan KultPlus.

Ariane von Graffenried nga Zvicra tregon se i pëlqeu ardhja e grupit në Prishtinë. Asaj i pëlqejnë gjuhët, luan me gjuhët në punën e saj dhe inspirimin e saj si artiste.
“Sonte ka pasur shumë hajgare me shtetet tona, me ironinë dhe sarkazmën por edhe kemi provuar ti thyejmë të dyja. Mua më pëlqejnë gjuhët dhe provoj të luaj me to në shkrimet e mia. Performanca ishte shumë muzikale, kishte shumë zëra, shumë gjuhë, realitete të ndryshme dhe publiku pati mundësinë të njoftohej me shumë të vërteta” tregon shkrimtarja nga Berni.

Shpëtim Selmani, në anën tjetër, tregon se performanca erdhi e formuar si e tillë që të mos kishte vetëm një mesazh e të mos thumbonte vetëm një territor.

“Ishte emocion i mire me i njoftë njerëzit dhe me ditë se çka po ndodhë me letërsinë në vende të ndryshme. Është ndoshta një zhanër i ri në skenën tonë përgjithësisht, me muzikë dhe performancë e letërsi, dhe me komunikim me anëtarët e tjerë që lexojnë. I kemi fuqizuar disa stereotipa por shpesh kjo jep një këndvështrim tjetër të tyre” tregon Shpëtim Selmani.

Dhe tregimet kalojnë nga një kontekst në tjetrin. Antoine nga Lozana tregon për qëndrimin e tij në Hotel Begolli në kryeqytet, Arben Idrizi tregon situatën e përballjes së dy forcave që luftojnë mes tyre dhe që ndoshta lumturia shpesh mund të jetë tragjike. Secilës situatë prapa i qëndronte muzika nga Art Lokaj në kitarë dhe Maru Rieben në përkusione, sa për ti shtuar dramën dhe shpesh më-pak-seriozitetin leximeve autoriale.

Që nga sonte, “Kosovë is Everywhere” udhëton në lokacione të ndryshme, me autorë të tjerë. Në Gjakovë, me 7 tetor në ora 20:00 në Teatrin e Qytetit, do të mund të shihni performancën nga Blerina Rogova Gaxha, Laurence Boissier, Ervina Halili, Kujtim Paçaku, Pedro Lenz, Gerhard Meister e Meral Kureyshi. Nëpër qytete do të ndërrohen edhe autorët, dhe emocionet e tekstet që ata sjellin në këtë projekt letrar të Bern is überall dhe Qendrës Multimedia nga Prishtina. / KultPlus.com

Sonte nis ‘Kosovë is everywhere’

Posted on by Kult Plus

“Kosovë is everywhere”, është një projekt i madh letrar i Bern is überall nga Berni dhe Qendrës Multimedia nga Prishtina i cili do të zhvillohet në Kosovë nga 28 shtator deri më 13 tetor, njofton kumtesa nga organizatorët, përcjellë KultPlus.

Sipas kumtesës, katërmbëdhjetë autorë nga Kosova dhe Zvicra dalin në skenë bashkërisht dhe prezantojnë letërsinë si një lloj performance. Ngjashëm me një orkestër kamertale, ata prezantojnë kompozime verbale; ata bëjnë vallëzime gjuhësore; rrëfejnë tregime të përditshme; recitojnë poezi të përdala; përsërisin dhe ndryshojnë lista fjalësh; ngërthehen në anekdota të shkurta bizare si dhe përcillen me kitarë, harmonikë, bas kitarë, perkusion e daulle.

Ahengu shumëgjuhësh është i pashmangshëm. Do të vizitojmë gjashtë qytete në Kosovë.

Perfomancën do ta zhvillojmë në gjuhën shqipe, frënge, gjermane, rome, serbe, gjermane (të Zvicrës) dhe turke (të gjitha me titra në shqip). Do të rrëfejmë tregime të cilat janë krijuar për këtë ngjarje të veçantë ndërkombëtare.

Autorët e muzicientët pjesëmarrës janë: Laurence Boissier, Blerina Rogova-Gaxha, Ervina Halili, Arben Idrizi, Dardan Islami, Antoine Jaccoud, Guy Krneta, Meral Kureyshi, Gerhard Meister, Pedro Lenz, Kujtim Paçaku, Shpëtim Selmani, Ariane von Graffenried dhe Milosh Zhivanoviq. Muzikë: Adi Blum (accordion), Art Lokaj (guitar), Michael Pfeuti (bass), Maru Rieben (percussion), Drin Tashi (drums).

Ka shumë arsye përse këta artistë nga Bern ist überall po hyjnë në dialog me artistë nga Kosova. Por natyrisht, njëra nga arsyet është lidhja e pashkëputshme që ekziston mes Kosovës dhe Zvicrës. Kur zbrisni rrugëve të Prishtinës ju ndodh kaq shpesh të dëgjoni kosovar që flasin gjermanishte të Zvicrës. Në Ferizaj takon plot shqipe që shumicën e kohës jetojnë në Renens apo Payerne. Por, fatkeqësisht, shkëmbimet letrare mes dy vendeve janë të lëna mbas dore. Ky projekt ka për qëllim të krijoj lidhje të qëndrueshme letrare. Diçka të tipit A Long and Lasting Love.

Programi do të zhvillohet:

E enjte, 28 shtator, ora 20:00 Prishtinë, Qendra Multimedia
E premte, 29 shtator, ora 20:00 Graçanicë, Hotel Graçanica
E shtunë, 30 shtator, ora 20:00 Ferizaj, teatri “Adriana”
E enjte, 5 tetor, ora 20:00 Prizren, Kino Lumbardhi
E shtunë, 7 tetor, ora 20:00 Gjakovë, Teatri i Qytetit
E enjte, 12 tetor, ora 20:00 Pejë, teatri “Istref Begolli”
E premte, 13 tetor, ora 20:00 Prishtinë, Universiteti i Prishtinës, amfiteatri i Fakultetit të Filologjisë.

Ky shkëmbim është mundësuar duke iu falënderuar Great Culture Prize nga Burgergemeinde Bern, të cilin Bern ist überall e ka fituar në vitin 2015, si dhe nga sponsor e partnerë si: grandi Ballkan i fondacionit kulturor Landis & Gyr, Pro Helvetia e Ambasada e Zvicrës në Kosovë. / KultPlus.com

Lexim e diskutim me shkrimtarin gjerman Peter Wawerzinek

Posted on by Kult Plus

Të martën (26 shtator), nga ora 20:00, në galerinë Monet në Prishtinë, shkrimtari i mirënjohur gjerman Peter Wawerzinek do të lexoj dhe diskutoj për krijimtarinë e tij të pasur letrare. Peter është autor i programit, shkrimtari rezidencës së Qendrës Multimedia “Prishtina nuk ka lum”, përcjell KultPlus.

Peter Wawerzinek është djali i një familjeje nga Gjermania lindore. Menjëherë pas lindjes se tij, prindërit e tij e braktisën atë dhe ikën në Gjermaninë perëndimore. Wawerzinek kaloi 10 vite të jetës së tij në jetimore, deri sa u adoptua nga një çift mësuesish. Pas përfundimit të shkollës, Wawerzinek filloi të marrë zanat si grafist i tekstilit në Plauen, kurse në vitin 1978 u shpërngul në Berlinin Lindor, ku filloj studimet në Shkollën e Lartë të Artit, të cilën e ndërpreu pas dy vitesh. Më pas punoi në profesione të ndryshme, ndër tjerash edhe si postier dhe kamerier në Mitropa.

Në të njëjtën kohë ai u bë i njohur në skenën letrare të viteve të 80‘ta të lagjes Prenzlauer Berg të Berlinit lindor, si artist performues dhe poet improvizues, me emrin “ScHappy”. Wawerzinek publikoi tekste të çuditshme, eksperimentale në një prozë që të lë pa frymë. Veprat e tij janë autobiografike. Ai gjithashtu shkruan këngë dhe tekste gazetareske, radiodrama dhe bënë filma të shkurtër. Peter Wawerzinek është anëtar i Qendrës PEN të Republikës Gjermane që nga viti 1998.

Ky aktivitet mundësohet nga Goethe Institut dhe Qendra Multimedia./ KultPlus.com

‘Kosovë is everywhere’ vjen projekti letrar i Bern is überall dhe Qendrës Multimedia

Posted on by Kult Plus

Një projekt letrar i Bern is überall dhe Qendrës Multimedia nga Prishtina sjellë ‘Kosovë is everywhere’, që nis më 28 shtator dhe zgjatë deri më 13 tetor nëpër gjithë Kosovën shkruan KultPlus.

Fjalë për skenë e jo për letër – ky është koncepti i performancës Kosovë është kudo. Katërmbëdhjetë autorë nga Kosova dhe Zvicra dalin në skenë bashkërisht dhe prezantojnë letërsinë si një lloj performance. Ngjashëm me një orkestër kamertale, ata prezantojnë kompozime verbale; ata bëjnë vallëzime gjuhësore; rrëfejnë tregime të përditshme; recitojnë poezi të përdala; përsërisin dhe ndryshojnë lista fjalësh; ngërthehen në anekdota të shkurta bizare si dhe përcillen me kitarë, harmonikë, bas kitarë, perkusion e daulle.

“Ahengu shumëgjuhësh është i pashmangshëm. Do të vizitojmë gjashtë qytete në Kosovë. Perfomancën do ta zhvillojmë në gjuhën shqipe, frënge, gjermane, rome, serbe, gjermane (të Zvicrës) dhe turke (të gjitha me titra në shqip). Do të rrëfejmë tregime të cilat janë krijuar për këtë ngjarje të veçantë ndërkombëtare. Shpresojmë që ky të jetë fillimi i një miqësie të gjatë kulturore ndërmjet Kosovës dhe Zvicrës. Motoja jonë? Të gjitha gjuhët janë të barabarta! “, thuhet në publikimin në rrjetin social Facebook, nga Qendra Multimedia.

Autorët e muzicientët pjesëmarrës janë: Laurence Boissier, Blerina Gaxha-Rogova, Ervina Halili, Arben Idrizi, Dardan Islami, Antoine Jaccoud, Guy Krneta, Meral Kureyshi, Gerhard Meister, Pedro Lenz, Kujtim Paçaku, Shpëtim Selmani, Ariane von Graffenried dhe Milosh Zhivanoviq. Muzikë: Adi Blum (accordion), Art Lokaj (guitar), Michael Pfeuti (bass), Maru Rieben (percussion), Drin Tashi (drums).

“Ka shumë arsye përse këta artistë nga Bern ist überall po hyjnë në dialog me artistë nga Kosova. Por natyrisht, njëra nga arsyet është lidhja e pashkëputshme që ekziston mes Kosovës dhe Zvicrës. Kur zhdirgjeni rrugëve të Prishtinës ju ndodhë kaq shpesh të dëgjoni kosovar që flasin gjermanishte të Zvicrës. Në Ferizaj takon plot shqipe që shumicën e kohës jetojnë në Renens apo Payerne. Por, fatkeqësisht, shkëmbimet letrare mes dy vendeve janë të lëna mbas dore. Ky projekt ka për qëllim të krijoj lidhje të qëndrueshme letrare. Diçka të tipit A Long and Lasting Love”, thuhet tutje në njoftim.

Përmbledhja e programit

E enjte, 28 shtator, ora 20:00 Prishtinë, Qendra Multimedia
E premte, 29 shtator, ora 20:00 Graçanicë, Hotel Graçanica
E shtunë, 30 shtator, ora 20:00 Ferizaj, teatri “Adriana”
E enjte, 5 tetor, ora 20:00 Prizren, Kino Lumbardhi
E shtunë, 7 tetor, ora 20:00 Gjakovë, Teatri i Qytetit
E enjte, 12 tetor, ora 20:00 Pejë, teatri “Istref Begolli”
E premte, 13 tetor, ora 20:00 Prishtinë, Universiteti i Prishtinës, amfiteatri i Fakultetit të Filologjisë./ KultPlus.com