Etiketë: qerkezi

Sopranoja Marigona Qerkezi së shpejti me performancë në Brazil

Posted on by Kult Plus

Sopranoja e njohur shqiptare, Marigona Qerkezi, së fundmi ka njoftuar se do të interpretojë në Brazil, në teatrin “Municipal” të Sao Paulos.

Përmes një shkrimi në rrjetin social “Facebook” ajo është shprehur tejet e lumtur për këtë performancë të saj, që do të mbahet në një teatër madhështor si ai i ‘Municipal’.

“Shumë e lumtur të jem në Brazil në Teatrin e mrekullueshëm Municipal të São Paulo për shfaqjet e ardhshme të operas ‘Nabucco’. Mezi po pres të sjell këtë operë të jashtëzakonshme në këtë teatër kaq madhështor”, ka shkruar Sopranoja Qerkezi./ KultPlus.com

Sopranoja Qerkezi me rol në operën e Verdit në ngjarjen kryesore kulturore të Finlandës

Posted on by Kult Plus

Sopranoja shqiptare e njohur në botë, Marigona Qerkezi, ka bërë të ditur se përgjatë muajit korrik do të performoj në Festivalin prestigjioz të Operas “Savonlinna” në Finlandë.

“Për shkak të një ndryshimi, jam e emocionuar të njoftoj se do të performoj si Abigaille në Nabucco të Giuseppe Verdit në një prodhim të ri në Festivalin prestigjioz të Operas Savonlinna në të gjitha datat: 6, 8, 11, 16, 19, 22, 24, dhe 26 korrik”, ka njoftuar sopranoja Qerkezi e cila këtë rol e interpreton për herë të parë.

“Nabucco” i Giuseppe Verdit tregon historinë e një mbreti babilonas që pushtoi Jerusalemin dhe dërgoi popullin hebre në mërgim.

Kurse festivali prestigjioz i Operas “Savonlinna”, në të cilin do të interpretoj Qerkezi njihet si ngjarja kryesore kulturore e Finlandës, e cila arrin të mbledh rreth 70.000 vizitorë.

Sopranoja shqiptare Marigona Qerkezi me debutim në ShBA: Jam shumë e lumtur

Posted on by Kult Plus

Sopranoja e njohur Marigona Qerkezi është duke bërë prova intensive për një debutim të trefishtë në teatrin Palm Beach Opera, të Shteteve të Bashkuara të Amerikës, me kryeveprën “Norma” nga kompozitori Vincenzo Bellini, shkruan KultPlus.

Sopranoja Qerkezi ka deklaruar se ndjehet jashtëzakonisht e lumtur për një rol aq madhështor dhe sfidues njëkohësisht.

“Të dashur miq, ju përshëndes ngrohtësisht nga Shtetet e Bashkuara të Amerikës ku këto javë jemi duke i realizuar provat intenzive për kryeveprën “#Norma” të kompozitorit Vincenzo Bellini.

Ky do të jetë debutim operistik i trefishtë për mua :

në SHBA, në teatrin Palm Beach Opera si dhe në rolin e protagonistes Norma, një rol kaq madhështor dhe shumë sfidues. Jam shumë e lumtur”, ka shkruar Qerkezi./KultPlus.com