Etiketë: Qeset plastike

‘Ama një kese… a s’ki ma t’madhe a…’

Posted on by KultPlus

Laureta Berisha Kosumi- farmaciste

Për një paracetamol kërkojnë qese…

Për një rehidrues kërkojnë qese…

Ama një kese… a s’ki ma t’madhe a…

Qitmi qeto me ni kese ma t’madhe e mos tem shihen…😒

Krejt këto kërkesa për gjana shumë të vogla…

Aspak nuk më dhimbsen qeset por ambienti, sepse koha për tu shpërbërë një qese është shumë e gjatë (qindra vite), e marrë parasysh që jemi popull shumë i “kujdesshëm” ndaj ambientit, kjo nismë më duket mëse e qëlluar dhe shumëherë e menduar që të ruhet ambienti.

Kur një gjë kushton, atëherë e ruan dhe e ripërdorë shumëherë!

Shpresojmë në shumë nisma të tilla që janë pro ambientit, ripërdorni qeset ose përdorni çanta bezi të cilat janë të lehta për tu bartur, shtuar kësaj mund të pastrohen e hekurosen dhe janë shumë të pastra dhe pa kimikatet që mund të lëshojnë qeset e plastikës./ KultPlus.com

Shqipëria drejt ndryshimit të madh, do të ndalohet përdorimi i qeseve plastike

Posted on by Kult Plus

Kryeministri i Shqipërisë, Edi Rama ka bërë thirrje që qytetarët të bëhen pjesë e ndryshimit të madh mjedisor e kulturor, që nis prej 1 qershorit, e që ka të bëjë me ndalimin e qeseve plastike njëpërdorimshe.

Në një postim në Facebook, Rama ka shpërndarë një video për ndërgjegjësimin e qytetarëve për të mbrojtur mjedisin.

Qeset plastike njëpërdorimshe do të ndalohen në Shqipëri prej 1 qershorit 2022.

Çdo vit, në Shqipëri përdoren rreth 3.2 miliardë qese plastike apo njëzet e gjashtë mijë tonë në vit përafërsisht. Në anën tjetër, amerikanët përdorin 100 miliardë qese plastike në vit, të cilat kërkojnë 12 milionë fuçi naftë për t’u prodhuar.

Mbetjet e qeseve plastike përfundojnë në ushqimin që njerëzit hanë dhe ajrin që thithet çdo ditë.

Për një kohë të gjatë është menduar që qeset plastike të mos përdoren fare dhe të zëvendësohen me mbajtëse të cilat mund të reciklohen, në mënyrë që përveç njerëzve edhe toka të “frymojë” lirshëm.

Qeveria e Shqipërisë ka vendosur që nga data 1 qershor 2022, prodhimi, importi dhe përdorimi i qeseve plastike njëpërdorimshe të ndalohet me ligj.

Në Kuvend është miratuar projektligji që parashikon edhe gjoba deri në 1,5 milionë lekë për importuesit, prodhuesit dhe tregtuesit e qeseve plastike. /KultPlus.com