Klinika e Pediatrisë në Qendrën Klinike Universitare të Kosovës është “pushtuar” nga superheronjtë, të cilët u përkujdesën që të befasojnë fëmijët në mënyrën më të mirë të mundshme, shkruan KultPlus.
Klubi Alpin “Prishtina” janë maskuar sikur superheronjë dhe kanë bërë një lëshim nga ndërtesa e spitalit me idenë se të preferuarit e fëmijëve janë duke i vizituar ata.
Kjo ngjarje është organizuar nga Care For Kosovo Kids, organizatë e cila siguron ilaqe për fëmijët e prekur nga kanceri.
Këtij reparti pritet t’i dhurohen edhe dy pajisje diagnostikuese, ndërsa ky organizim është edhe një lloj thirrje për institucionet dhe të gjithë personat apo bizneset që të kontribuojnë për fëmijët me kancer.
Fotografitë nga perspektiva se si fëmijët e shohin ngjarjen, janë realizuar nga fotografi Arben Llapashtica./KultPlus.com
Komiteti Olimpik i Kosovës në bashkëpunim me organizatën “Ta Pastrojmë Kosovën” shënojnë Ditën Ndërkombëtare të Sportit dhe Ambientit, përcjell KultPlus.
Sot në oborrin e Qendrës Klinike Universitare të Kosovës (QKUK) – Spitali i Onkologjisë, organizohet aktiviteti, në të cilin do të mbillen dhjetëra pemë, për të kontribuar për një ambient të pastër.
Pjesëmarrës krahas ministrave të ministrive të ndryshme, mjekë, drejtues të sportit, sportistë, do të jenë edhe OJQ “Marakli të Biciklave”, të cilët do t’i bashkohen aktivitetit me biçikleta.
Po ashtu, do të ndërtohet një vend-parking për biçikleta dhe të gjithë ata që duan të marrin pjesë në këtë aktivitet mund të kontribuojnë duke e blerë një pemë dhe duke e mbjellë atë në po të njëjtin lokacion.
Pjesëmarrësit obligohen që t’i respektojnë rregullat e përcaktuara nga institucionet përkatëse. / KultPlus.com
Policia e Kosovës ka arrestuar një grua nga Podujeva pasi e kishte përsëritur sulmin fizik ndaj fëmijës së saj, kësaj radhe në QKUK.
Sipas raportit të Policisë të ditës së enjte, e dyshuara ka sulmuar fizikisht fëmijën e saj viktimën kosovar. Viktima nga babai është dërguar fillimisht në emergjencën e Podujevës, e me pas në QKUK për tretman mjekësor.
Ndërkohë zëdhënësja e Policisë së Kosovës për rajonin e Prishtinës, Flora Ahmeti ka thënë për KOHËN se vepra e saj është përsëritur edhe sot, transmeton KultPlus.
“Me datën 12.03.2021 në ora 14:00, me urdhër të prokurorit të shtetit është arrestuar dhe më pas ndaluar për 48 orë e dyshuara , pasi që e njëjta dyshohet se sot rreth orës 10:00, e kishte përsëritur veprën”, ka thënë Ahmeti. / KultPlus.com
Personat me nevoja të veçanta, në vazhdimësi përveç kufizimeve të ndryshme që kanë në jetën e tyre të përditshme për të kryer punët dhe nevojat e tyre, ata kanë vështirësi dhe diskriminohet në çdo sferë të jetës.
Një rast i tillë është edhe ky i të riut 20 vjeçar Vigan Gashi, i cili është shurdhmemec dhe ka konkurruar për pozitën punëtor krahu në QKUK.
Vigani që ka të kryer shkollën e mesme teknike, siç thotë babai i tij nuk ishte lajmëruar fare nga QKUK-ja për ditën e testimit dhe se ai rastësisht kishte shkuar në QKUK ku dhe ka kuptuar se kur do të jetë testi me shkrim.
Mirëpo situata shkon e bëhet më dramatike kur ai përveç që nuk lejohet të asistohet nga prindi i tij gjatë testimit për shkak të kufizimeve në komunikim, ai nuk është bërë pjesë as në listën e pjesëmarrësve në testim, as që është pranuar apo refuzuar e as në listën rezervë.
E për rastin e tij që sigurisht nuk është i vetmi ku i bëhet keqtrajtim kësaj kategorie, në grupit Network Prishtina është marrë nisma që t’i ndihmohet Viganit, që edhe ai të ketë një punë.
Menjëherë kanë filluar reagimet e qytetarëve të cilët përveç se të mllefosur me keqtrajtimin që iu bëhet kësaj kategorie, kanë shprehur solidaritetin për të ndihmuar këtë të ri./ Indeksonline/ KultPlus.com
Prokuroria e Shtetit ka ngritur kallëzim penal ndaj personit që godet në kokë gruan në karrocë, përderisa ishin duke dalë nga spitali
Burimet të Indeksonlinet brenda prokurorisë kanë bërë të ditur se pas publikimit të videos, që fillimisht u publikua në IndeksOnline, prokuroria në bazë të provave filmike ka ngritur kallëzim penal, ndaj personit që godet me një grua në karrocë.
Mbrëmë nga kamerat e mediave është kapur një burrë, duke goditur bashkëshorten e tij në dalje të Emergjencës te Qendra Klinike Universitare të Kosovës.
Me të dalë nga dera, ai e kishte goditur gruan e tij mbrapa kokës.
E për këtë rast, Policia e Kosovës, tashmë ka nisur hetimet dhe ka identifikuar personat e përfshirë në këtë rast.
Këtë e ka konfirmuar për IndeksOnlinen, zëdhënësja e Policisë për rajonin e Prishtinës, Florie Ahmeti./ indeksonline/ KultPlus.com
Një burrë është kapur mbrëmë nga kamerat duke goditur bashkëshorten e tij në dalje të Emergjencës te Qendra Klinike dhe Universitare të Kosovës. Ai shihet duke i dhënë një goditje me dorë prapa kokës, derisa reagimi i gruas nuk dallohet qartë, raporton Express, transmeton KultPlus.
E për këtë rast, Policia e Kosovës, tashmë ka nisur hetimet dhe ka identifikuar personat e përfshirë në këtë rast.
Një gjë të tillë e ka konfirmuar për Gazetën Express, zëdhënësja e Policisë për Rajonin e Prishtinës, Florie Ahmeti.
“Referuar pamjeve në fjalë, policia menjëherë në përputhje me autorizimet saj ka ndërmarrë të gjitha veprimet e nevojshme me qëllim të zbardhjes si dhe hetimit të rrethanave që karakterizojnë rastin.
Në kontekstin e kësaj menjëherë ka identifikuar palët, ka proceduar me intervisitimin e të njëjtëve dhe ka koordinuar veprimet e mëtejme me prokurorin e shtetit, për të nxjerrë në pah nëse ka elemente të veprës së inkriminuar”, ka thënë Ahmeti. / KultPlus.com
Shpërthimi i një bombole gazi brenda një restoranti në Ferizaj ka lënë 42 persona të lënduar, deri më tani. Viktimat kanë pësuar lëndime të ndryshme trupore dhe të paktën 14 nga ta kanë marrë djegie të shkallës së dytë. Në mesin e personave që kërkuan ndihmë mjekësore janë edhe dy fëmijë.
Gazetarët po përcjellin vizitat e zyrtarëve të shtetit, të cilët po vizitojnë të lënduarit.
Burri që po e nxirrte një grua me karrocë nga Emergjenca, kapet nga kamera tek e godet këtë të dytën në kokë.
Nuk kuptohet veprimi i burrit veçse shihet se ai i jep një goditje me dorë prapa kokës. Ndërsa, reagimi i gruas nuk dallohet qartë.
Video është shkëputur nga gazeta online Reporteri./ KultPlus.com
Për sot janë paralajmëruar tetë ngjarje të cilat do të mbahen gjatë ditës në Kosovë.
Një ndër këto ngjarje është edhe protesta nga infermierët e QKUK’së.
”Sindikata e Infermierëve të Kosovës, të gjithë punëtorët shëndetësorë, organizatat dhe shoqatat tjera përfaqësuese protestojnë sot me moton “Na quajtët heronj, andaj mos na vrisni”. Protesta mbahet para Klinikës së Kirurgjisë, ora 11:00.” / KultPlus.com
Pamja e një vajze duke i asistuar nënës së saj të shtrirë në Klinikën e Pulmologjisë të Qendrës Klinike Universitare (QKUK) tregon gjendjen e mjerueshme në të cilën ndodhet sistemi shëndetësor i Kosovës.
Fotografia të cilën e ka siguruar Gazeta Insajderi shfaq vajzën duke ia mbajtur infuzionin nënës së saj të infektuar me COVID-19, duke e ekspozuar veten para rrezikut të epidemisë. E gjitha si pasojë e sistemit të dobët shëndetësor, përcjellë KultPlus.
Një dëshmitar nga Klinika e Pulmologjisë i ka thënë sot gazetës se pavarësisht rrezikut, familjarët lejohen të frekuentojnë dhomat ku ndodhen të shtrirë pacientët me koronavirus. / KultPlus.com
Kryetari i Shoqatës së Gastronomëve të Kosovës, Petrit Kllokoqi, ka bërë të ditur se ata do të shpërndajnë shujta të ushqimit për mjekët e QKUK-së.
“Ne si shoqatë duke parë zhvillimet e ngjarjeve të ditëve të fundit dhe rritjen e numrave të të infektuarve me COVID-19 mbajtëm një takim që edhe një herë t’i bashkangjitemi me ndihmën tonë vijës se parë të frontit”, ka shkruari ai.
Tutje Kllokoqi ka bërë të ditur se për rreth 600 punëtorë të QKUK-së, janë të gatshëm që të sigurojnë ushqimin.
“Ne si Shoqatë e Gastronomëve të Kosovës jemi të gatshëm në koordinim me Mistrinë e Shëndetësisë ti’ ndihmojmë QKUK-së me atë që dimë ta bëjmë më së miri. Për një muaj Shoqata jonë është e gatshme të përgatis shujta për rreth 400 mjekë të paradites dhe 200 të ndërrimit të dytë. Ideja e këtij gjesti simbolik është ti japim një ndihmë kuzhinës të QKUK-së”, ka shkruar Kllokoqi në rrjetin social Facebook.
Postimi i plotë
Pershendetje Kosovë .
Ne si Shoqate duke pare zhvillimet e ngjarjeve te ditëve te fundit dhe rritjen e numrave te infektuarve me COVID-19 mbajtem nje takim qe edhe një herë ti bashkangjitemi me ndihmen tone vijes se pare te frontit.
Ne si Shoqate e Gastronomeve të Kosovës jemi te gatshem ne kordinim me Ministrin e Shëndetsis ti ndihmojme QKUKs me ate qe dime ta bejm me se miri. Per nje muaj Shoqata jone eshte e gateshme te pergadis shujta per rreth 400 mjeke te paradites dhe 200 te ndrimit te dyte. Ideja e këtij gjesti simbolike është ti japim nje ndihme kuzhines te QKUKs.
Nismes tone deri tani i jane bashkangjitur gastronomet e Prishtines qe jane Gizzu grill, DONCAFE, Greatwood, Miqt pun, Star Sun, Che bar, Hotel Sirius, STORIES taste&tell, Lulus, Dar tea room, Momo, Shisha bar Noar, Babel, Dit e nat, Caffez lounge, Casa Cafe, Soma, Miqt taverna, Galery, Bon Vivant, Deck, Trock taverna,Guest,Sushico,Green Protein,Kadare bar&books, Apartamenti, Sette coffee & more, Flamingo lounge, Annex, Çarshia Lounge, n’Katun Mono
Ju ftojm te gjitha biznesev gastronomike te Kosoves ti bashkohen këtij udhetimi duke e organizuar edhe vet neper komunat e tyre,ndersa ne Prishtine duke na shkruar ne facebook.
Ti dalim ne krah patrioteve te sotit deri ne fund te pandemis
Një vajzë e moshës 13 vjeçare ka lindur fëmijën e saj të parë në Qendrën Klinike Universitare të Kosovës ditën e hënë.
Ajo e ka sjellë në jetë fëmijën e gjinisë femër në javën e 33 të shtatzënisë, raporton Koha Ditore.
Në QKUK kanë thënë se ndonëse lindja ka qenë e parakohshme, edhe fëmija e edhe nëna janë në gjendje të mirë shëndetësore. 13 vjeçarja vajzën e saj e ka sjellë në jetë përmes lindjes normale.
Drejtori i Klinikës se Neontaologjisë, Xhevdet Gojnovci ka treguar se foshnja është duke u trajtuar në procedurë normale për shkak që ka lindur para kohës, por se gjendja shëndetësore është e mirë.
“Lindja është kryer me datën 24. Pesha e foshnjës është 1900 gramë ndërsa gjatësia 50 centimetra. Sipas dokumentacionit viti I lindjes se nënës është 2005”, ka thënë ai. /KultPlus.com
Zyra e drejtorit të SHSKUK-së ka deklaruar se është kërkuar që të ndalohet festa me tupan e valle para Klinikës së Gjinekologjisë
Në Qendrën Kl1inike Universitare të Kosovës pothuajse çdo ditë ka lot dhimbjeje, por edhe gëzimi. Kjo e fundit nuk shprehet vetëm me lot, por edhe me daulle, surle e valle.
Derisa një baba mund të vajtojë humbjen e fëmijës apo bashkëshortes së tij, një tjetër ia hedh valles para Klinikës së Gjinekologjisë duke prishur kështu qetësinë e pacientëve tjerë. Daullja nuk është e pazakontë në QKUK, e kjo ndodh sidomos kur ka lindje të djemve në Gjinekologji, shkruan Gazeta Shneta.
Një gjë e tillë është përsëritur dje, ndonëse babai pagoi daullexhinjtë për lindjen e vajzës. Për djalë apo për vajzë, një gjë e tillë po konsiderohet e papranueshme edhe nga Zyra e Drejtorit të Përgjithshëm të SHSKUK-së.
Kjo zyrë tashmë ka kërkuar ndalimin e festave të tilla në hapësirat e QKUK-së.
“Është kërkuar ndalimi i personave me instrumente muzikore në hyrje të QKUK-së. Po ashtu janë urdhëruar edhe zyrtarët e sigurimit që të ndalojnë një gjë të tillë pranë Klinikës së Gjinekologjisë”, thuhet në përgjigjen e Zyrës së Drejtorit.
