Ashtu si filmi “Hustlers”, i vitit 2019, edhe filmi i ri “Queenpins” përqendrohet në disa kriminele të cilat bëhen pjesë e veprimeve maskuese. Një prej aktoreve e cila paraqitet me rol në këtë film është edhe personaliteti shqiptar, Bebe Rexha.
Megjithatë për paraqitjet në këtë film, kësaj radhe për AP kanë folur aktoret Kristen Bell dhe Kirby Howell-Baptiste.
Ngjarjet në filmin “Queenpins” u realizuan inspiruar nga një ngjarje e vërtetë, falsifikim i kuponëve.
Baptiste me këtë rast ka thënë se jo shpesh shohim filma si “Queenpins” . Ajo ka thënë se pjesë interesante e tij është se gratë janë kriminele. Filmi “Hustlers” sipas saj është paksa më ndryshe, megjithatë edhe në të ka raste kur gratë duhet të bëhen më të mençura për të kryer një krim, gjëra këto që grave më parë nuk ju janë besuar në filma si këta. Kështu kriminelet arrijnë suksese me ato që bëjnë, që do të thotë se janë të suksesshme edhe në filma me krime. Në “Queenpins”, janë dy gra nga periferia e qytetit, dhe ato arrijnë të bëjnë diçka që njerëzit as që mund të imagjinojnë.
Me fjalë të tjera, në “Queenpins”, aktorja Bell luan rolin e një gruaje në depression nga periferia e qytetit, e Baptiste rolin e një blogereje e cila sajon një skemë për të shitur kuponë fals.
Bell me këtë rast ka thënë se të dyja personazhet përballen me mungesë të mundësive në jetë, dhe më në fund ia dalin të arrijnë sukses. Ajo ka thënë se nuk i kanë mundësitë të cilat i dëshirojnë ato, dhe kështu, fillojnë të thyejnë rregullat për të fituar pasuri. Bell mendon se ngjarja në “Queenpins” u përshtatet shumë personave në jetë, dhe se beson se dashamirët e filmave do ta pëlqejnë atë.
Sa i përket rolit të Bebe Rexhës, ajo paraqitet me rolin e një hakereje kompjuteri, me emrin Tempe Tina. Në film me role paraqiten edhe: Vince Vaughn e Paul Walter Hauser.
“Queenpins” do të shfaqet në Paramount+ me 30 shtator./KultPlus.com
